السلام عليكم ورحمة الله وبركاته

مابقول وأخيراً نزل الجزء السادس لأنه من زمان هنيه
لكن وأخيراً قدرت ألحق وأخلص الأجزاء قبل ماينزل جزء يديد
كل مااي جزء القصه تكون أحلى وأكثر مشوقه


سالفت ساره عورت لي قلبي وكان جزء جميل في القصه
كرهت ذيااب وكل مااي طاريه أقول متى يخلص..أعوذ بالله منه..فخاطري اصفعه :angry3:

عيبتني وااايد شخصية محمد ههههههه على نياته بس طلع مب هين يوم أدب هادي البطران
اممم هادي بدأ يعقل ..لكن مادري شسالفة روضه:hmmm3: إلي طلعت يديد

بدر واايد عليه متحمل ربييعه البطران..وللحين ماعرفنا عنه إلا القليل

ودي اعرف سالفة نوره وحميد عشان أحكم جانها غلطانه وإلا لا >> استوت قاضي خخخ:cool3:

امل تعيبني واايد بعد

ام هادي طايحه في الطوشه يحليلها..لو أنا منها برقع بوهادي بالابتوب على رااسه
...

عندي بعض التعليقات أخوي على القصه

في بادئ الأمر..انت ماعرفت على الشخصيات بشكل كامل..يعني أهم شي العمر على الأقل وشو يدرس(اي صف مثلاً)
وماأقصد انك تصفهم في بدائة القصه كأنهم مكونات..لا
ولكن يضهر التعريف مع بداية ظهور الشخصيه في القصه
....اتمنى ان تنتبه على النقطه هذي في القصص القادمه ان شاء الله فهذي القصه بدأت ومر الكثر منها:yes2:


ماأدري إذا كانت هذي قصتك الأولى وإلا لا..ولكن سرعتك في الكتابه ادت إلى اخطاء إملائيه


عرض القصه وفي الموضوع تحتاج لشوية تنسيق..صحيح هذي شي متعب
ولكنه عامل لجذب القراء للقصه..بدل من قرائة قصه بلون وااحد
ماأقول لك خل الموضوع قوس قزح :cool3: بل لونه بألوان قليله خصوصاً عند الحوار.


التعليقات جميله..لكن وجودها في القصه يضيع وايد
فجميع الروايات الناجحه لا وجود لتعليق كاتبها ضمن نص القصه
ولو كان تعليقك موجود آخر القصه أو حتى بدايتها فهو أفضل من انه يكون في نص القصه

حاول يا خوي ماتبالغ شوي في الأحداث..عشان تكون أكثر واقعيه وأكثر جذباً
وهنيه أقصد موقف عبير مع هادي..هي ممكن تستوي ليش لا..ولكن جاء سابق لأوانه
وإلي استوى بعد فيه شوية مبالغه


كانت عندي تعليقات أكثر..لكن نسيتها
والسموحه جان حسيت التعليقات فيها نوع من التحطيم
ولا تنسى انها رأي شخصي..وانت على كيفك تاخذه وإلا تطنشه

وشي أخير وهو سؤال لك :cool3:
هل من الممكن كاتب القصه أو الروايه يكره شخصيه من نسيج خياله
وضعها في قصته؟؟؟؟؟!

فيني فضول أعرف..ولو كان هناك شخص يكتب للقصص وقرأ سؤالي هذا اتمنى اجابته


يعطيك ألف عافية أخوي ayami ننتظر الجزء اليديد من القصه