كلمات لا يجب ان تقول .. ممكن على مرت ملك تستجاب..؟

**المدمرة** · 27-4-2007 11:51 AM

بسم الله الرحمن الرحيم

السلام عليكم

كلمات لازم ما نقولها ... ولا ننطقها .. حتى لو على غشمره او على ضحك

وهي :

روحه بلا رده

يخرب بيتج

عمى عميج

زقوم ببلعومج

اكلي تبن

وطبعا في كلمات وايد بس مو متذكره الا هذيلا حاليا

وطبعا السبب ..

لأنكم ما تدرون يمكن على مرت ملك .. يستجيب هالدعوى ..

وبس ....

نصيحة من اخت لكم تحب لكم الخير ...

والسلام عليكم ورحمة الله وبركاته

**تفوحة** · 27-4-2007 02:36 PM

وعليكم السلام والرحمه,,

هلا والله بالمدمرة ^^,,تسلمين الصرااحة على الموضووع ,,وربي يجعله فميزان حسناتج ,,

يسعدني اني اكون اول الرادين لموضووعج المميز ^^,,

المشاركة الأصلية كتبت بواسطة المدمرة

روحه بلا رده
عمى عميج

امبيييييييه يــاكثر ما اقوول هالكلام !! بس كله سواااالف و غشمرة مب متعمدة !! ,,

وان شالله راح احاول اقبض لساني شوي ,,:smug2:

نصيحة من اخت طيبة :yes2: ومشكوووورة على هذي المبادرة الطيبة منج ^^,,

الله يعطيج الف عافية ,,

اختـكـ:تفوحة

**[Trend]** · 27-4-2007 02:38 PM

اميييييييييييييييييييييييييييييه(ناقلنها من تفوحة)^^

انا وايد اقول مثل ها الكلام

و مشكووووووووووووووووووووووووووووووووووووووووووووووو وووووووورة اختي على التنبيه

**.ll.Miss Me.ll.** · 27-4-2007 02:48 PM

وعليكم السلام

صحيح والله..والناس مب لللضحك والقشمره بس
في ناس وايد تقولها وهي معصبه

والمشكله لو قالها الأب أو الأم على ولدها وهي مب قاصده
الله يعين بس

والله يهدي الجميع

مشكووره حبيبتي

**med-bel** · 27-4-2007 03:10 PM

و عليكم السلام و رحمة الله و بركاته
و من الدعاء الذي اعتاد البعض قوله:
عندما يكون نائم و يأتي أحدهم يشعل المصباح فيقال له:
أطفئ النور أطفأ الله نورك
عندما يغلق الباب بقوة
أغلقها الله في صدرك
الذي لم يحلق رأسه
أحلق رأسك , يحلق لك بلا ماء إن شاء الله
الذي سهر طويلا و لم يرقد
هيا ارقد , رقود بلا نهوض إن شاء الله
الذي لم ينهض مبكرا
انهض , انهض الله جلدك
الذي أكل بلا رضى الآخرين
تأكل فيها جغديد إن شاء الله
الذي تأخر عن شرب الشاي أو القهوة في موعدها
تعال تشرب , تشرب علقة إن شاء الله
و في كل حالة من الأحوال التي اعتدنا عليها يجد الناس دعاء سيئا يدعون به

**JaSSaR** · 27-4-2007 03:15 PM

المشاركة الأصلية كتبت بواسطة المدمرة

بسم الله الرحمن الرحيم

السلام عليكم

كلمات لازم ما نقولها ... ولا ننطقها .. حتى لو على غشمره او على ضحك

وهي :
روحه بلا رده
يخرب بيتج
عمى عميج
زقوم ببلعومج
اكلي تبن

وعليكم السلام

فعلاً معاج حق وهذي تكملة للسبات اللي على شكل أدعية

سليمة تصكج
ويعة أبوي
ويهد
طحيّل
الله يقطعك

أذكر قبل فترة سمعت بسالفة وهي ان وحدة كانت تطبخ وولدها الصغير - 4 سنوات - مذيها بالمطبخ
يوم تدعي عليه وتقول ربي يحمسك حمس البصل ما وعت إلا ولدها قام يطامر كأنه ينحمس وطاح ميت ..
يعني الواحد لازم ينتبه للسانه ومو يدعي ترى يمكن تستجاب دعوته وما ينفع الندم بعدها.

شكراً أخت المدمرة على الموضوع.

**بسـ ألم ـمة** · 27-4-2007 04:41 PM

و عليكم السلااام

...
اممم الحمدلله أبد ما أقوول هالكلماات ،
و مستحيييييييييل أقولهاا ....
بس صدق لو شي من هالكلمات احد الوالدين قالها
مششششششششكله لا سمح الله ... لأن دعاوي الوالدين مستجاابه .....
و يزاااااااااااج الله خير أختيه ^^ .........

**فلة الربيع** · 27-4-2007 05:05 PM

مشكورة على التنبييه صج ها الكلام ممكن يقولة الواحد
على سبيل المزاح
لكن
ممكن في بعض الاحيان يتحقق وخاصة لو قاله
حد من الوالدين

**المدمرة** · 27-4-2007 05:29 PM

السلام عليكم ...

اشكركم على الاستيعاب .. والله ينور عليكم ويهديكم دوم مو يوم

ويخليكم صحبه صالحه وعيال صالحين ...

وشكرا

**محبة الربيع** · 27-4-2007 09:38 PM

وعليكم السلام ورحمة الله وبركاته،
ياهلا والله بالغالية دموره نور المنتدى بدخلوج

وسعوا وسعوا الطريق الغالي جاي وزفوا له الورود والفل

...
وتسلمين ياحياتي على هذه النصيحة من اخت غالية لاخوانها

..
ومعاج حق موب زين الواحد يقول هذه الكلمات

ومثل ماقلتم اخواني اخطر شي اذا جات من احد الوالدين لان صار موقف لخالي الغالي وكان توه شاب صغير وبسبة انه تطاول بالكلام مع جدتي فعصبت عليه ودعت عليه وقالت روح وبلا رده ان شاء الله فراح للبقاله وكان يتكلم مع صاحب البقاله الا تجي سيارة وتدعمه وصاحب البقاله لين الحين يتذكر الحادثه وهو عمره الحين فوق الستين تقريبا واذكر مره رحنا له وقال لنا عن حادثة خالي وكانت الدعمه قويه وكان خلاص بروح فيها بس الحمدلله لو لا انا جدتي الله يرحمها ما دعت انا الله يغفر له ويطلعه بالسلامه لكان راح فيها فعشان كذا تحملوا تقولون مثل هذه الكلمات ولاتعصون اي حد من والدينكم ..

وسلام،
ربوعه

**meaad** · 28-4-2007 03:54 AM

مشكوره اختي على التنبيه والله هذي اللسان يبيله تاديب وان شاء الله غير انتبه على كلامي

**بطوط** · 28-4-2007 04:22 AM

:rolleyes3: :rolleyes3:

عمي يعميك ياكثر مانقولها !!:nerd6bs:
لكن شمعنه هذي الكلمات في وااااااااااااجد غيرهــا :err2: وضحي السبب بيكون الموضوع أفضـل ..
ومشكوووره على النصيـحة ،،جزاج الله خير

**@QUEEN_MOON@** · 28-4-2007 02:26 PM

هلا والله

بالغلا هلا والله أسفرت وأنورت فيج خيتو دمووووووووووووورة لج وحشة كبيرة

وجزاك الله الف خير على هذا الكلام الرائع والنصائح والحمد الله أني ما أقولها ولا في عمري قلتها انا وايد علي أقول لشخص الى يعصبي عساني ما أحلمك أفضل بكثير من هذه الدعوات ولا اقوله الله يهديك ويهدينا وعشان يكون المعنى مفهووووووووووم لبقية عساني ما أحلمك = يعني ما أتمنى أني احلم هذا الشخص في نومي <<ضفتي شي جديد لا ههههههههههههههههههههههههه

واشكرك اختي مرة ثانية على هذا الموضوع الرائع

سلمت يداكِ وأعرف أنك عطيتي هذا الموضوع لأنك تحبين لنا الخير

وسلام ختام

اختك كوين مون

**little boy** · 28-4-2007 07:01 PM

صدق والله هالكلمات وغيره لازم نتحفظ عن ذكرها مو بس عشان ما تتحقق بس عشان نكون محترمين وما نعود عيالنا وأخوانا عليها أبد شكرا مدمرة

**keko** · 28-4-2007 11:40 PM

هلا والله دموره هلاوين وبقلبي لج حلاوين ^^....

وينج خيتو فقدناج وااااااااااااااااااااااااااااااااايد...

يزاج الله خير على النصيحه والله يجعلها في ميزان حسناتج...^^

تقبلي مروري خيتج كيكو....

**MAISONA** · 29-4-2007 04:16 AM

السلام عليكم ورحمة الله وبركاته

أهلا بكِ غاليتي المدمرة ........

كيف حالكِ ،أتمنى أن تكونِ بخير ............

بارك الله فيكِ على هذه النصائح الثمينة ، صدقت فهذه الكلمات لايجب أن تقال بل يجب علينا أن نستبدل هذه الكلمات بـ:

الله يهديك ، الله يصلحك ، الله يعافيك ، الله ينور عليك فهذه الكلمات أفضل بكثير ..........

جزاكِ الله خيرا .......

أتحفينا بالمزيد من مواضيكِ الروووووووعة ........

أختكِ :

ميسونه

**المدمرة** · 29-4-2007 01:49 PM

السلام عليكم ...

تسلموون وما قصرتوا ..

عمي يعميك ياكثر مانقولها !!:nerd6bs:
لكن شمعنه هذي الكلمات في وااااااااااااجد غيرهــا :err2: وضحي السبب بيكون الموضوع أفضـل ..

صح كلامك في وايد كلمات غيرها لكن انا مايه في بالي غيرهذيلا

**المدمرة** · 29-4-2007 01:51 PM

السلام عليكم ...

تسلموون وما قصرتوا ..

عمي يعميك ياكثر مانقولها !!:nerd6bs:
لكن شمعنه هذي الكلمات في وااااااااااااجد غيرهــا :err2: وضحي السبب بيكون الموضوع أفضـل ..

صح كلامك في وايد كلمات غيرها لكن انا مايه في بالي غيرهذيلا .. لانهم الاكثر شهره للاسف ...

وشكرا غالياتي ... كوين .. ربوعه .. ميسونه وكلكم على الترحيب ...

**mysterious eyes** · 29-4-2007 02:06 PM

جزاك الله خيرا أختي على التنبيه ....

PASTEL* · 29-4-2007 05:20 PM

أهلين وسهلين غلا تي واختي وصديقتي واكسجينتي دمورتي ^^

ثانكس جزيلا على النصائح الحلوة أكيد وما قصرتي

وهذي الكلمات افف وايد منتشرة .. الله يحفظنا ويحفظج ويستر علينا و عليج يارب

وصح مثل ما قالوا اخواني وخواتي الطيبين لازم نستبدلهم بشي ندعي لهم بالخير والصحة والهداية

وجزاج الله خير ويعطيج الف عافية وصحة وخير يارب

والله يهديج ويهدينا اجمعين يارب

وسلامي لج مع احترامي وتقديري المتواضع :
أختج اللي تحبج سنجوبة :>

كلمات لا يجب ان تقول .. ممكن على مرت ملك تستجاب..؟

[ منتدى قلم الأعضاء ]

الموضوع: كلمات لا يجب ان تقول .. ممكن على مرت ملك تستجاب..؟

أدوات الموضوع

عرض

كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

رد: كلمات لا يجب ان تقول .. ممكن على مرت ملك تستجاب..؟

المفضلات

المفضلات

ضوابط المشاركة


	المنتدى مشاركات اليوم تطبيقات عامة اجعل كافة الأقسام مقروءة خيارات سريعة عرض المشرفين المتواجدون الآن المسابقات لوحة التحكم ما الجديد؟ أخرى أحدث الأنشطة إعـلانـات القـوانيـن الأوسمة البحث المتقدم المنتدى [ الــمــنــتــديــات الــعــامــة ] [ منتدى قلم الأعضاء ]