آ ه ه ه ه ه ::.

بالنسبة لي .. فقدت الأمل من زمان ^^ ::.

>> وأنا أقول فين اللعبة الفلاشية اللي أنا حطيتها >> XD

أول شي أبغى أقول إني راح أتكلم عن نفسي -رأيي الشخصي- ::.

___

ثاني حاجة .. بدي أقول إن بالنسبة لعبارة "فقدت الأمل من زمان" .. قلتها لأسباب ::

- القسم ما يسمح بالألعاب المكركة أو حتى الألعاب اللي قديمة بس بدها كراك

- القسم على الأغلب راح يعتمد على تقارير الألعاب وبس

- رواد المنتدى ما دخلوا المنتدى علشان الألعاب .. معروف ليش .. علشان الأنيمي

- يجيك إحباط لو حطيت موضوع أو تقرير تعبت عليه هنا في المنتدى .. وما تلاقي التفاعل .. ولو حطيت نفس التقرير في المنتديات المتخصصة .. تضيع وسط الردود

- عن تجربة شخصية أتذكرها لليوم وأنقهر منها -_-" ::

في فترة من الفترات تفرغت لهالقسم .. فسويت موضوعين ممكن إني أقول :: تعبت عليهم .. وجا اليوم اللي (دشنت) فيه الموضوع الأول .. وانتظر لأن طبعًا قالي المنتدى انتظر الموافقة .. المهم أسبوع وما طلع الموضوع في القسم .. كلمت المشرف قالي موضوعك مخالف بسبب إن تحميل الألعاب المعدلة ممنوع في القسم .. بالنسبة لهالجزئية .. أنقهرت بسبب تقرير اللعبة اللي ضاع ><" .. بالنسبة للموضوع الثاني نفس الحكاية وما تمت الموافقة عليه .. سألت نفس المشرف وقال الموضوع مخالف .. يا حبيبي طب ليش؟! .. قال علشان يتضمن محاكي ألعاب ودا شي ممنوع في المنتدى .. بعد كم يوم ألاقي موضوع "متميز" أصله و (جوهره) المحاكي .. لعبة مع محاكي مع إشارة تميز .. طيب وأنا؟ .. حطيت لعبة يابانية مع محاكي إش معنى .. المهم ما رجعت للمشرف وقلت إشمعنى ولا شي .. وقلت ما راح أحاول في القسم دا .. خليني أشوف غيرو ::.

السبب الأساسي اللي خلاني أكتب الرد هو الحكاية الأخيرة .. ممكن أكون أنا مخطئ فيها وممكن أكون مخطئ في كل كلامي .. ومدري ممكن يناقشني المشرف صاحبي القديم .. أو D1rk-Knight.. أو ممكن ولا أحد .. وممكن ينحذف ردي .. ما تدري .. وما في مشكلة أبدًا .. المهم إني ناقشت على طريقتي الخاصة ::.

ومعليش إذا كانت أفكاري ملخبطة ^^" ::.