ما هو أكثر موقف عرضك للأحراج ؟؟؟

[وحي القلم]

بسم الله الرحمن الرحيم..

السلام عليكم ورحمة الله وبركاته...

سأبدأ أولا...

حصل لي موقف....عندما
كنت في مرة من المرات بتركيا....وكان عمري في ذلك الوقت 14 سنة..
ذهبت لزيارة إحدى العائلات مع الأهل ..وعند انتهاء الزيارة ..ومجيء وقت الوداع...اردت أن أودعهم فكانت الأم هي أقرب من يقف بجانبي ..فمددت يدي للمصافحة...فنظرت إلي وابتسمت ولم تمد يدها..فوددت في ذلك الوقت لو أن الأرض انشقت وابتلعتني....ولكن الحمد لله تعلمت من ذلك الموقف درسا لن أنساه ما حييت..

مواقف كثيرة حصلت ولكن..هذا ما خطر على بالي وأنا أكتب الموضوع...

[MissCreative]

شكرا إلك لطرح الموضوع بتذكر موقف صار معي اليوم و أنا رايحة مشوار حبيت إني أروح للبيت مشي علي الأقدام و أنا ماشيا جاني شاب وقح مسك إيدي و بدو أمشي معه و كل الناس بتطلعوا فيني بس أنا ما سكتت أعطيتوا كف حلوووووووووووو و شرتحتوا و خليت كل الناس يضحكون عليه

[ČŞ2]

هذا الموقف .. صار معاي وانا عمري عشر سنوات

..

كان يوم العيد .. والعالم مبسوطه وفرحانه

والعيديات شغاله <<< ما عدا هو مسكين

طبعا هذا الشيء حز في خااطري .. لاني ما اخذت ولا عيديه

بعدين جاء خالي يسلم عليه ,,

وسألني .. كم عمــرك .. ؟؟

وجاوبته بكل حمااس .. عمري عـشـره ريال

..

..

وشكرا ms2004ms .. على الموضوع الحلو

[وحي القلم]

شكرا لك أختي نجمة المحيط..على المشاركة..وزين اللي سويتيه..
ـــــــــــــــــــــــــــــــــ
اللهم اهدي شباب المسلمين وفتياتهم..

[وحي القلم]

هلا أخي واثق الخطوة...موقف جميل...يدل على الكبت الداخلي اللي كان موجود عندك يوم العيد...هاها

[تفوحة]

شو هالموضووع العجيــب والكشخة ^^,,
زين بنتعرف على فضايح اقصد المواقف الطريفة اللي تحصل بين الاعضاء :nosweat: لوووول ^^
فكرة حلوة من وين طلعتها خخ << تحقيق :harhar1: خخخخ
المهم الصراحة انا يسموني ام المواقف ,,والمشكلة كلها غبية لووول والله اني مصخرة البيت خخ
بصرااحة ما اذكر الا هالموقف لانه صار معي قبل يومين ,,

سألت مس الانجليزي كم يبت في امتحانها ؟؟ <<كنت حاسة اني سويتها هريس هههه

فقالت لي بكل بروود والله انتي راااسبة :shocked7fl: وقالت لي انتي يايبة اقل من ثلاثين (لان الامتحان كان 70)
عاد انا صرخت و ما ادري كيف صرخت <<ردة فعل قوووية ,,
وقعدت اصيح وقلت لها وانا معصبة والدموووع اربع اربع
كيــف وانا حليت زيين حتى لو مخبصة يعني ما ييب اقل عن ستين <<الاخت وااثقة خخخ,,
وطلعت وسوت لي طاف عاد هالقهر :angry3: ,,ويحليلهم البنات يهدون فيني :crazy:

وبعدين يت ووزعت الاوراق وانا حدي مقهووورة وقالت لي تفووحة انتي فل مارك^^
عاد بطلت الحلج لووول وظحكت علي والله هالموقف يضحك

ThE eNd

السموحة ع الاطالة ,,ومبدع كعادتك في مواضيعك الحلوة ^^

اختـكـ:تفوحة

[وحي القلم]

حياك الله أختي تفوحة..
ووضعت الموضوع حتى نستفيد من الأخطاء...
موقف جميل ..
نستفيد منه بألا نبالغ في ردود الفعل قبل التأكد من الخبر..هههه
ــــــــــــــــــــــــــــ
..والله اني مصخرة البيت..
هممم..
هذا الكلام يأثر سلبا..فأنت أفضل مما تعتقدين..ولكن إذا أردتي ذلك..
تحياتي..

[Winter Bells]

هههههههههههههههه مواقف روووعه ..^_^

اتـذكر موقف صار لي مع ولد عمتي..طبعا اتغطى عنه ..

كنت سموي توني ماخذه شاور ولبست ونزلت المطـبخ..

لقيت لي حليب شكولاته واخذته معي ..

المهم امشي واشرب وافكر ..وطاحت قطرات شوي على قميصي ..

وكان في غرفه الفيديو ولا التلفزيون اخوي..

قلت خلني اروح يمكن اتهاوش انا وياه ..اوسع صدري على الاقل ..<< !!

ومن دون اي ادب ..فتحت الباب بقووه <<ودها تتهاوش بسرعه

ولقيت ولد عمتي واخوي !!!!!!!

ولد عمتي كان قاعد يلعب بالبلاي ستيشن او مادري وش يلعب والله<ماحب هذي الالعاب

ويوم سمع صوت فتحه الباب لف على ورا ..ويوم شافني ماشاء الله عليه بسررررررررعه لف وجهه ..

طبعا اخوي ماقال لي شي ..لانه عارف اني متفشله وحالتي حاله ..

انتو بس تخيلو وحده قميصها كله شكولاته ..وتشرب وتعفط في ذا المصاص ..وشعرها الي كله موويه ومنتفش <<سموي مامشطته يوم طلعت من الحمام

وطبعا قعدت دقيقه كامله استوعب الوضع ..

ومن زين خشتي اني قاعده اتاملهم كلهم ..اخوي وهو..لاني ماستوعبت اي شي اصلا..

وعااااااااااادي كملت الحليب وانا اطالع ..

ويوم حسيت بالوضع..وقفت فجاه ..وركضت وصفقت الباب بقوه وطلعت فوق بعد !!<<مادري ليه

وقعدت على السرير اصيح من الفشله وحالتي حاله ..اصيح شوي واضحك شوي ..

وقمت طالعت شكلي بالمرايه ..

استغفرررررررررر الله ..حالتي مزريه من جد ..شعري لايعلى عليه ..القميص نظييف مرة ..

شي مب صاحي ..

والله بعدت بسرعه ..رحمه بمرايتي الغاليه ..حسيتها تقول:"واللي يرحم والديك قولي لي وش سويت عشان توريني لوحه تنفع تعلق بلعبه بيت الرعب ؟!"

مع اني كان عمري 13 سنه يوم صار هذا..والى الان اذكره..احرااااج !!

واتذكر موقف صار لي مع خالي ..

كنت ببيتهم ..وكان عندهم عـزيمه..

كانت وحده بتجي ماعرفها ..

سالته بكل برااااااءه :

" خالي انت تتغطى عنها ..؟؟"

"ايه اكيد .."

وعادي رحت الثلاجه طلعت لي بيبسي وبروود ..

قال :

"تدرين وش قلتي ؟؟"

التفت له :

" وشو؟؟ ماقلت شي ..وش قلت ؟؟"

"هههههههه صاحيه ؟؟ من جدك ؟؟ بالله عيديها.."

" وش اعيد ؟؟"

"سوالك "

"اهاا ..انت تتغطى عنها ..؟؟ "

وعااااااااااادي اعيده بكل براااءه ..

ومات خالي من الضحك ..

"اتغطى عنها ؟! انهبلتي ؟؟ اسمها تتغطى عني..الحريم هم الي ينقال تتغطين عنه ..مب الرجال ياذكيه "

"اوه !! هههههههههههه مادريت اسفه .."

من جد احرااج خصوصا قدام زوجته الي مامون عليها ..

مشكوور على الموضوع الرووعه..

[Ai-Kun]

:

خخخخ أنا ام المواقف المحرجة

هههه

المهم

بالمدرسة في حصة الألعاب كنت متحمسة علينا طائرة

و كنا بمجموعات عشان نستقبل الكرة من أعلى

ولكن صديقتي كانت تبي تكلمني و ما انتبهت لو الكرة طقت راسي و طحت

أخخخخ للحين أتذكر الطيحة

و هذه من الأمور المحرجة التي تعرضت لها

أكثر في أحرج في أخاف تضحكون علي هههه

شكرا على الموضوع الرائع

:

[قلب الدنيا]

موضووووووع عجيب ..

مواقفي تحفة ..

و آخر موقف صار لي ..

هالسنة في حصة الرياضة ..

كان علينا كرة السلة الرمية الرأسية ما ادري شاسمها ..

المهم كان كل وحدة تقابلها بنت ..

البنت الي معاي ما اذكر شقالت لي عاد انا قلت اراويج شلون الرمية القوية تصير ..

قمت استجمع قواي و ارميها بكل قوة ..

و تروح تضرب المعلمة بقوة على راسها ما ادري كتفها ..

و من قوتها حتى المعلمة راحت شوي على ورا ..

عاد انا لحظتها حدي مت من الفشيلة ..

تمنيت الارض تنشق و تبلعني ..

وجهي صار الوان قوس قزح من الفشيلة

صج فشلة ..


تحياتي :
قلب الدنيا

[المدمرة]

الموقف كان باخر سنه لي بالثاناويه .. السلام عليكم ...كنت ماره يم ( بجانب) شعبه رفيجاتي .. فصرخت وقتلهم اني بكشت بالحصه وكانت اول واخر مره اني اكشت من حصتي وانا قاعده امشي شوي يعني توني ببدايه الخطوتين .. ولا في مدرسه وراي معصبه علي تقولي: جذي عاد اشكره تقولينها وانا وراج يا قوى عينج والله ولا بعد تقولينها عادي بكشت( بنحاش) .. وانا قاعده امشي بكل ثقه على بالي تكلم وحده وراي .. يوم لفيت ولا تطلع ابله سكنر ملاحظه : تسمى أبله سكنر لانها يوم تسوي تفتيش تشوفج من فوق لين تحت تدقق عدل .. وبس

[وحي القلم]

أختي winter bells
مشكورة على مشاركتنا المواقف الطريفة...

[وحي القلم]

شكرا لمرورك أختي hibara ai
وإنشاء تكبرين وتأكلين غيرها..اأأقصد تنسينها..ههه

[وحي القلم]

حياك أختي قلب الدنيا...وأضن الموقف جميل
لأنه موبدايم نقدر نضرب المعلمين والمعلمات دون عقاب..ههه

[وحي القلم]

حياك أختي المدمرة..
موقف محرج بالفعل...
ـــــــــــــــــــــــــــ
وأظن أن موضوعك ما يحتاج قاموس للمفردات فالكلام مفهوم...حتى ماتتعبين..هه

[.ll.Miss Me.ll.]

السلام عليكم ورحمة الله وبركاته
يعطيك العافية أخوي..الحياه ماتخلى من المواقف المحرجه
عن نفسي بعد كل موقف محرج أسوي فورمات للذاكره عشان مااتذكر هالموقف ويرجع الإحراج حتى لو بيني وبين نفسي وأحاول انساه قد ماأقدر واجح في بعض الحالات..لكن بعض المواقف الخطيره..فايروسات معششه في الذاكره لو شو ماكان ماتقدر تنساه..
...
أختي winter bells موقفج خطييير
وموقفي الياي قريب من موقفج

يوم العيد العود إلي مضى(عيد الأضحى)..دخلت على أبويا وعمي في الميلس ولا دريت بولد عمي..والعيد مايحتاي اوصف لكم الشكل كيف..وقمة القهر انه ابويا وعمي ماقالو لي انه حد داخل ماعني كنت مجابلتنهم وهم يشوفوني وانا يايه..وويهي الله لايراويكم استوى اشارة مرور لاني مااطلع لعيال العايله حتى طلعت وماكملت دربي ولا سلام ولا شي خخخخ وأبويا يضحك علي..والقهوه خليت الخدامه تدخلها..بس اشوى يوم ماطاحت من يديني وإلا مابيبقى مني شي من الفشله..

وبين العيدين أبويه كان مسافر لمكه لشغل وكان وياه ربعه..ومره كنت رايحه السوق وياأمي واختي وأخوي ودقيت لبويه في السياره من تلفون أمي على أساس انه رقمه اليديد فيه..رد علي ابويا وعاد انا انطلقت أرمس وعادي ويا ابويه (مطيحه الميانه بس بإحترام) وابويه عقب قال منو؟؟وانا اضحك واقوله ابويه الله يهداك ماعرفتــ.....انقطع الكلام في حلجي لاني اكتشفت انه الصوت مب صوت ابويه واروح اسكر على طول..والريال حليله رد ودق تلفون ماعرف شو السالفه وامي فرت علي التلفون وانا فريته على اختي واختي على أخوي ومحد رضى يرد..وبعدين دقت امي لبويه برقمه الثاني ( طلع عاطي رقمه الأولي لربيعه )وتم يضحك علي وانا ويهي متقشر من الفشله واقوله لا تخبر علي دخيلك بيتحسب اي حد داق عليه ومغلط. لكنه خبر وتموا يضحكون علي....آآآخ يالقهر كنت حديث الأسبوع للعايله الكل يضحك على حتى الدريول ماسلمت منه وضحك علي وقت الحدث :11lil:

شكراً على الموضوع

[فارسة الفنون]

السلام عليكم
موضوع حلو أخ ms2004ms
عجبني وخصوصا بعض المواقف اللي يقولها الأعضاء مرررررررررة تفشل
جاي دوري :rolleyes5cz:
عاد المواقف المحرجة كثيرة لكن أنا بقول اثنين :nerd6bs:

:essen:

الأول : يوم كان عندنا بالمدرسة يوم مفتوح وأنا قاطـّة وجهي على معلمة الرياضيات اللي أمووووووووووووووووووووووو ت فيها:cupidarrow: :cupidarrow: :cupidarrow: وأحبها كثيييييييييييير وأنا أتكلم وياها والبنات واقفين حوالينا يسمعون ويتكلمون بعد لأنها معلمتنا الرياضيات ما شاء الله عليها الكل يحبها n_love
المهم البنات حوالينا والمكان ضيق أذكر أنها كانت ماسكة أغراض في إيدها ومن ضمنهم حاجة ماأذكر هي حلقة مفاتيح أو تعليقة جوال مو متذكرة عدل :rolleyes5cz:
ومع السوليف والهذرة طاحت من إيديها وتقوم العبقرية فروسة تنزل عشان تشيل الحلقة اللي طاحت والأبلة نزلت عشان تاخذها ومن المساحة الواسعة طق راسي براسها !!!
وتفشلت عدددددددددل وصار وجهي طماطا مستوية في الصيف وهي مسكت راسي وقالت : أوه فروسة اتعورتي ؟
الثاني : صار لي في البيت ....
طبعا احنا لما يجي الليل أبوي يفصل النت من عندنا عشان احنا ماشاء الله علينا :wink3: لا نقعد للصبح خخخخ
وذاك اليوم أبوي ما فصل النت وراح ينام ::hm::
الكل كانو نايمين ماعدا ابليس نمبر 2 :evil: اللهي أنا طبعا
ويوم راح ابوي ينام نزلت شوي شوي:;: وفتحت النت ويقوم الشغل في منتديات:essen: محمد شريف خخخخخ
ويوم قرب الفجر سمعت صوت وعرفت ان أبوي ينزل السلم:smurf:
وحطيت الرجل وهربت ، رحت لوين ؟؟ :confused1bb: المجلس
ووقفت عند باب اللي يطله للحوش مدري الحديقة المهم
في داك الوقت قلت لو طلعت بيسمع أبوي صوت الباب وبيدري بي والا أشوف حمام الرجال جنبي وأدخل فيه وخليت الأنوار مطفية عشان لا يشوفني :crazy: ... واتخبيت ورى الباب :nosweat: !!!
ومن شطارتي ما طفيت الشاشة مالت الكومبيوتر وجا أبوي وشاف الشاشة مفتوحة وعرف أن أحد يسوي جريمة :frown3qg:
وأنا في الحمام بس أدعي في قلبي : يارب ما يشوفني .. يارب ما يشوفني ....
وجا أبوي و فتح باب الحمامL:sly:
وتخيلو كبر ويش صار وجهي يوم شافني أبوي ورى الباب واقفة والأنوار مطفية:fruits: !!!
كبر السمسمة
قال : شتسوين ؟
قلت: مااسوي شي ..
قال : ليش متخبية ؟
وسكت أنا
قال :روحي نامي
والله فشيلة
خخخخخ
مشكور على الموضوع الحلو :smile2:

[وحي القلم]

حياك الله أختي خوواتي
مواقف لا تحسدين عليها...

[وحي القلم]

هلا أختي فارسة الفنون...
مواقف جميلة...والموقف الثاني..محرج بالفعل..ههه

[Yuna_4ever]

أهلين أخواني وخواتي والله بجـد مواقف محـرجة الواحـد يتمنى إن الأرض تنشـق وتبلعـه من الفشيلـة :nosweat:

أنا أذكـر موقفيـن:
الأول: كنت أشاهد دراما هانا يوري دانجو آخر مشهـد في الجـزء الأول جاء أبـوي, وقفـت البرنامـج, وقـف على ماكينـو لما قالت لتسوكاسا " أعشقـك أحب غبائـك و أنانيتـك.......الخ" أبـوي واقف ينتظـر وأنا جالسـة أطالع في الجملة ووجهي حار مثل البركان من الفشيلة , كنت أفكر إذا شغلت البرنامج دوميوجي بضمها بقوة ويقبلها أخلي الجملة أحسـن لي, ظليت جالسة ما أتحرك وظل أبوي واقف فتـــــــــــــــــــــــ ــــــــــرة...............بعديـ� � قال لي تنتظـرين أروح؟ ها؟
عيوني دمعت من الخجـل وتمنيت إن صرت من العـدم في زمن كان وأخواتها:blow: .............
مع العلـم إني أحترم أبـوي كثيــــــــــــــــــر كثيــــــــــــــــــر كثيــــــــــــــــــر وهذا اللي يزيـد الطين بلـه.

:blush: :blush: :blush:

الثاني: كان خالي وعائلته جاين يـزورونا وبنت خالي (3 سنـوات) شافت في غرفتي لعبـة مثـل اللي في دراما حـب واحـد فقـط (وجـه برتقالي لما أهـزه يضـوي بألـوان في الظـلام) أصـرت إن تاخـذها :busted: وأنا أصـريت إن ما أعطيها إيـاها :11lil: لأني أحب الألعـاب مووووووووووووووت :cupidarrow: و بذات هذي اللعبة لأني أحـب دراما حـب واحـد فقـط , سمع خالي بكاء بنتـه المدللة :flex: , سـأل وقالـوا له يونـا مش راضيـة تعطي ماري لعبتها, طبعا عطيتها إياها, بس خالي مش راضي يقول " لا لعبة يونـا" حسيت بالإحـراج, وحـده مثلي فوق العشـرين تحط رأسها بـرأس طفلة الــ3 سنـوات على لعبـة بريالين و أبوهـا يـدري بالموضـوع, حسـيت إني ما أقدر أطالع بعيـون خالي وهو يضحـك علي:nosweat: