السلام عليكم ورحمة الله وبركاته
وأهلاً وسهلاً برواد القلم ومتابعين يوميات الطبيبه Ran san عوده مجدداً
بموضوع مختلف عما سبق يحمل في طياته رساله مهمه قد لاندرك اهميتها الا بعد
تطبيقهـا وقد تكون سبيل يساعدكم في اتخاذ القرار ومواجهة ما بعد القرار هيا معاً
الى غرفة العمليات ونرى مالذي يحصل في هذه الساعة المتأخره من الليل !!
غرفة العمليات الساعه الواحده بعد منتصف الليل
الممرضه:دكتوره ضغط المريض نازل وضربات القلب مستمره ترتفعاخصائية العلاج التنفسي:نقص حاد بالأكسجين والنزيف مستمرالدكتوره:عطوه اكسجيـن وانقلوا له دم 4 وحدات حالاًالدكتور:بس المريض مناعته ماتسمح بنقـل أي دم بدون فحص دقيق وهذا ياخذ
وقت والمستشفى في حالة اسنتنفار وفي غيره 30 مريض بنفس الحاله
و محتاجيـن دم بسبب الحادث اللي صار لحافلة نقل الركاب والمختبر
مايغطي احتياجات المرضى وش الحل يادكتوره؟الدكتوره:اذا ما سوينا شي ممكن نخسر المريض وهذا شي مرفوض ,
انقلوا له الدم من غير فحوصات دقيقه يكفي توافق الفصيله
والـRH Group (المقصود فيها + أو -) , واذا مافي دم خذوا من اهلهالدكتور:بس لازم يادكتوره تاخذيــن موافقة استشاري قسم الطوارىء
رحت للأستشاري دكتور حازم وصارم بالعمل ولكنه يحب الجاديــن
بالعمل ويحب يعـلم اللي يبغى يتعلم مثال يتحذى به واخلاق رائعه البعض
وصفه بالمغرور والمتكبر لكن نظرتي كانت له مختلفه يمكن لأن
ماجاني منه الا كل خير شرحت لدكتور الموقف واني محتاجه
التوقيع عشان حالة المريض مستعجله وبما انه هو مسؤول الطوارىء فلازم
اخذ تصريح منه,رمقني بنظره مع ابتسامه مخفيه بعديـن وقع بدون لايشوف
الورق استغربت فكرت لثواني ليه ماعلق على الطلب او قرأ
الورقه على الأقل غريب فعلا !! طلعت من الغرفه بدون لا اسمع أي تعليق
او حتى تشجيع لكن الحمدلله الموافقه تمت وتم التنفيذ
وحالة المريض استقرت والنزيف وقف
بعد ساعتين..
على الدكتورهـ Ran الرجاء التوجه لوحدة العنايه المركزه للأهميه
توجهت لهناك وبلغوني ان المريض جاته مشاكل بسبب نقل الدم
فوقفنا نقــل الدم على طول لكن الحمدلله مشاكل بسيطه لكن ....المريض طلع VIP وهذا اقرب مستشفى الأهل انقلوه فيه عشان حالته
خطيره ومع ان صارت مشاكل طفيفه بنقل الدم الأهل ماتقبلوا هالشي وفقموا الأموروالد المريض:المستشفى هذا مو من مقامنا لكن حالة ولدنا اجبرتنا نجي هنا
وياليتنا ماجينا الولد حالته تدهورت وانتوا نايمين بالعســل انا اقدر احاكمكم كلكم
وتروحون كلكم بشربة ماي انتوا دكاتره ليه وعلى ايش وووو....
"رضــا الناس غاية لاتدرك"
انا واقفه قدام الأب ومقدره شعوره وخوفه على ابنــه
والوضع النفسي اللي يمر فيه الدكاتره بعد حياة المريض أمانه يسألهم الله
عنها في الأخره , وقفت اسمعه للأخيــر بعديـن تذكرت كلام
دكتور قالنا اياه بالجامعه
((لو جا مريض يسب بالمستشفـى ومعصب الغرض من هذا كله
ان يغيض الدكتور وينرفزه لكن عشان تكسرين هذا الغضب المطلوب ثلاث اشياء))
أولاً:ذكر الله – لا اله الا الله – البعض يطلب من الشخص اذا عصب
يتعوذ من الشيطان لكني أفضل ذكر الله لتهدئة النفس
لذلك طلبت منه ذكر الله
ثانياً:ان كان المريض جالس يغير مكانه وان كان واقف يجلس
ثالثاً:الابتسامه وموافقته على مايقول مثلاًايه والله معك حق ياعمي المستشفى هذي مو زينه ومعاملتهم
مدري شكيف لكن الحمدلله حنا نسوي اللي علينا وهذا الأهملكن اذاتطاول عليك شخصياً توجب عليك حماية النفس عدا ذلك هذي
الثلاث خطوات بتشتغل بشكل سحري وفعال ومرضي لطرفين ..
هدأ والد المريض وطلبت منهم الصبــر والدعاء والانتظار وبتتحسن
حالته بأذن الله,وهذا اللي صار بعدين والحمدلله بعد يوم استقرت حالة المريض
ونقلناه لقسم التنويم بدلاً عن العنايه المركزه..
هذا الاستشاري الخبيث XD كان عارف ان المريض VIP وان نقل الدم بسبب
مشاكل رغم ذلك وقع واخفى ابتسامته يمكن شاف في قراري شجاعه أو حب
يعلمني درس اني اثق في قرارتي وفي اعتقاداتي واتحمل نتيجة افعالي
واني اذا اخطأت اعترف بالخطأ وان كنت واثقه ان الي سويته صح ادافع عنه
لكن بأيطار أخلاقي بنشووف كثير في الحياه ناس تلومنا على اشياء سويناها
وحنا نعتقد انها صح منهم بقوول عيب منهم بقوول حرام منهم مو جريء ويخاف
يخطو أي خطوه بدون الاحتماء بالأب او الأم او الصديق او الاستشاري مسؤوول
العمل !! لازم تكون انت صاحب القرار الأول ومتحمل العواقب الأول الاستشاري
حب يعلمني هاالنقطه ...
في دكتور ثاني كان يقول لنــا قبل أي خطوه في الحياه لازم تسأل نفسك
سؤاليــــــــن وقرارك بيعتمد على اجوبتها
Should I do it?هل يجب علي فعله؟If I did Not what will happen?ان لم افعله مالذي سيحدث؟
بتتكون قائمه في عقلك بالايجابيات والسلبيات والأولويات والضروريات
وعليها بتتخذ القرار المناسب بأذن الله بمجرد انك مقتنع انك اتخذت
هالقرار عن قناعه وتفكيـر ...
سؤالين بسيطين لكن مهمين جداً لاتخاذ أي قرار خصوصاً ان كان على عجل ,
وتذكر دائما بأن الاعتراف بالخطأ من سيم الأقوياء كما ان ليس هنالك
نجاحاً دون عثرات !!
ختاماً
أتمنى ان يكون الموضوع أعجبكم وعذراً لكتابتي بالعاميه فأنني
شعرت بأن الحديث وقعه أفضــل بها من الفصحــى وجعل القصه اكثر
واقعيه رغم انها من نسج الخيال فقط لأيصال الرساله التي بين طياتها لكم
شكرا جزيلاً لكم وان شالله لنا لقاء بأذن الله في يوميات خمسه
والسلام عليكم ورحمة الله وبركاته
شكراً هايبرا@آي على الفواصل ^_^
المفضلات