الحمد لله ان الغمة انزاحت ومبروك لكل مصري ولكل تونسي ولكل عربي,

واتمنى كل البلاد العربية تتحرر من الاحتلال الداخلي والخارجي.

الامنية الاولى ان الرئيس اللي يجي يكون ليه موقف من وضعنا مع اسرائيل وامريكا ويقف مع اخواتنا الفلسطينيين لان بجد موقف مبارك كان مخزي لينا كلنا وماحدش كان راضي عن اللي بيحصل.

ولكل اللي كانو مغيبين ووسائل الاعلام المشبوهة مغمية عنيهم واخيرًا فاقو حمد لله على السلامة.

الواحد نزل الشوارع امبارح عشان يشوف الوضع ويردد الشعارات الوطنية كالمعتاد انما اتفاجئ ان اغلب اللي في الشوارع ناس ليس لهم أية علاقة بالسياسة من قريب او بعيد , بل اغلبهم كانو بيرددو عبارات مثل " كفاية مظاهرات خنقتونا" وجايين دلوقتي بعد ما الثورة نجحت يركبوا الموجة.

اتمنى زي ماسمعت واحد بيقول نبدأ نبني الانسان المصري اللي شوهته سنين طويلة من الفساد قبل مانفكر نبني بلدنا