وعليكم السلام ورحمة الله وبركاته
: ) ..

سبحان الله اللهم بارك .. أغلب التيتشرات عندنا هنديات ..

والله العظيم استحي من نفسي عندهم صح عندهم تحسي جهل شوية .. لكن في نفس الوقت

عندهم ايمان وثقة بالله وامانة وحس بالمسؤولية اكثر من العربيات ..

عندنا تيتشر كندية .. يوم جت اسلمت بعد ماقرت القرآن سبحان الله الحينن لها اربع سنوات كوردينيتور عندنا بالقسم

والله يوم تشوفينها وهي طالعة من الجامعة بعبايتها و قفازاتها بسم الله عليها وش حشمة وش ستر سبحان الله !!

تستحي من نفسك .. كمان زوجها اسلم معها والحين يدرس انجليزي في مدرسة خاصة عندنا وماشالله تزوج بالثانية

والي طريف في الموضوع يقول لطلابه ماشالله اسلام حلو فيه اربع حريم ويخليهم يأمنون يوم يدعي انه يبي الثالثة

<~ سبحان الله الرجال رجال وش ماكانت جنسيتهم ..

بس تصدقي ؟ ههه الهنديات عندنا كاشفينا ع الحقيقة وعارفين البنات ع حقيقتهم دايماً يقولو انتَ في كداب XD

بعد ذكرتيني بتيتشر هندية تقول لصديقاتي في كليّة الطّب انتو مراح تدخلو الجنة بس بالصلاة .. الدين مش كله صلاة

فين الاخلاق فين الادب فين حسن التعامل فين الاحترام .. XD امم الفشيلة !

المشكلة انهم يجون عندنا يحسبون انهم بيلقون اهل بلاد الحرمين ناس 24 ساعة صلاة في صيام يحسبونا الصحابة

والله يا انه دكتورة عندنا من جدة قالت لنا قصة تقول جت هندية لقت الاولاد في الشارع لافين كتبهم بسجادات صلاة

ع بالها اهتمام بالصلاة و خوف لا تضيع عن وقتها XD ..

سبحان الله .. يارب اجعلنا خيراً مما يظنون واغفر لنا مالا يعلمون ولا تؤاخذنا بما يقولون ..

واحلى شي بصراحة شهادة غير المسلم .. الله يرزقهم الاسلام ياااارب .. كانت في تيتشر هندية هندوسية عطتني

كتاب عن سيرة الحبيب عليه الصلاة والسلام باللغة لانجليزي .. يا اني بغيت ابكي يومها ع بالي اسلمت اقوم

اسأل تيتشر ثانية تقلي هي تستقبل كتب عن الاسلام من البنات وتقوم تهدينا لنا ههههه الله يهديهااا ياااااااااااارب ..

والله العظيم انه الي ييجون امانة في رقبتنا ان ماقدرنا نخليهم يسلمون اقلها نعطيهم صورة حسنة وصحيحة عن الاسلام

الله يعفي عنا ويغفر لنا تقصيرنا

واااو لولو معليش تكلمت كثير بس الموضوع جداً رائع واسلوبك جداً لطيف وبانتظار فاصلة جديدة

اذكري الله وصلي ع النبي