السَلام عَليكم وَرحمة الله وبركاته

شلونج أختي ؟ إن شاء الله بخيير

أولاً هدي أعصابج ..مايسوى تطيرين المواساة الحين علينا

....~
ثانياً شكرا على الموضوع الى كان يقرقع بقلبي من زمان فعلا انا شفت حوادث من بعض المدرسات ماتوصف ورد وقول البعض مو الكل الحين مع الاسف الى تنجح على الحفه فى الثانويه تدش التربيه وتصير مدرسه

فعلاً الجيل تَغير

عيل لو تشوفين اللي عندنا شبتسوين معلماتنا ما يعرفون كوعهم مو بوعهم مآ أبي أظلم أحد بس هذا الصج و مو الكل طبعاً

معلمتنا العَربي مَصريه شرحها جميل جداً لكن اسلوبها ردئ فعلاً
لدرجة انها تبسق بتجاهنا احياناً ؟! تَخيلي إذا كانت المعلمه هكذا فالسلام على طلابنا ؟؟؟!!
مجتمع فااشل !

كنت مره أجلس مع أخي قال لي انه بينما كان ذاهب لـ(( ماكدونالز ))
رأى فوج من طالبات الصف الخامس = أولى متوسط مراهقات بل أقل
منتهى في قلة الادب ! و كأنهم لم يتعلموا اسلوب الادب في منازلهم او في مدارسهم !!! يدزون بعض و يشتمون بعض !! و يحشون بالعالم !!!
شي يفشل !! و اللي يفشل اكثر من هم برفقة هذا الفوج من الطالبات !!!!! 3 فصول ترافقهم عدد 2 من المدرسات فقط !!!!!!! يعني النظام معدوم !!! المدرسة المصرية ما عليها شرهه لأنها مو بنت الديرة و قلبها مو على البنات فما راح اتكلم عنها لأن الحديث راح يكون اطول عن الجاليات الاجنبية !

الشرهه على هالكويتية اللي مو قادرة تمسك صف واحد !!! و اسلوبها ضعيف مع الطالبات !!!
الطالبة تسألها " ابله انا ما وصل دوري يصير تنطرين "
و المدرسة ترد باسلوب جدا حضاري و تقول " اووووووه يلا خلصوا "
و تمسك البنت من ايدها بطريقة مقززة و تقول " صفوا دور عشان تخلصون "
تخيلوا نظرة البنت و اهيا منحرجة !!!!! لما المدرسة تعاملها بهالطريقة و في اسرة
اجنبية واقفة و تضحك !!!

ناهيكم عن اسلوب المدرسة في الحديث مع العاملين في المطعم كأنهم يايين على اقامة ابوها ! و اسلوبها و طريقتها بالكلام و كأني
ارى مذيعتنا الطبيعية حليمة بولند !
والأحلى أنها مدرسة تربية اسلامية !!!! نسبةً لأقوال بعض الطالبات .
واللي يموت من الضحك انها بعد ما هزأت البنات عشان يصفون بالدور و طلعت الباجي اللي مخلصين برا مع المدرسة الثانية اللي ما تدري وين الله قاطها !
و عطلت العالم زود عشان تطلب حق عيالها .. الله يخليهم و يسعدهم اذا هذي تصرفات امهم مع بنات خلق الله !

يعني شقووول !!!؟ انحطااااط ؟!

مثال أخر :

أنا لين وصلت الثانوية ما أستعنت بمدرس خصوصي مو من زود الشطارة بس هذي الحقيقة و الله يخلي أخواني
بالبيت شادين الظهر علي الله يخليهم لي

المهم كنا في يمعه بالمخيم مع عيال عمي وبنات عمي
الله يعينهم كلهم كانو يشتكون من مصاريف المدرسين الخصوصين و المدرسات الخصوصيات
و الغريب ان عيالهم بالإبتدائي و المتوسط ؟!
يعني اللي أعرفه أنا ان اللي يضطرون للمدرسين الخصوصين طلبة الثانوية و الجامعه الحين حتى الإبتدائي و المتوسط !!

منين المشلكة ؟!
هل هي في صعوبة المناهج ؟
أم من ظعف المستوى التعليمي ؟
أو..أو.. الله أعلم

أمي مدرسة وأنا واثقه منهآ لأنها تَشرحلي بالبيت وشرحها ما عليه كلام
بس صراحه يا كثر ما شفت معاناتها وياما أشتكت من الطالبات عندها ><
جيل من سئ الى أسوأ
والله يستر من اللي ياي
ما رأيتيه من مهزله لا يمكن بأي حال من الأحوال ان يلصق باصرار على المعلمه
يعني الطَرفين غَلطانين
" الشر يعم و الخير يخص "

الله يهدي الكل ويعدل الوضع بالمجتمع العَربي T_T

في حفظ الرحمن ...~