...
السلام عليكـم و رحمـة الله و بركـاته
ميـزة العـرب في الترجمـة , ليس اللغـة و حسـب
و إنمـا ديانتنـا السائدة و هـي الإسـلام ..
و بمـا إننـا مسلمـين , شي يقهـر لما تشوف ترجمة عربيـة
تتخللهـا الكثـير من المشاهـد المخزيـة واقعـاً ! .. ^^
صـرت أجهـل كيف يفكـر العـرب !!
و خاصـة بعض مواقـع الترجمـة العربيـة اللي همها الوحيد
جذب متابعـين , دون التفكيـر بذنـب ترجمـة الأنيمي اللي يحصلـون عليـه !
لذلك تلاحظون من ترجمتنا بنكست بالعادة إننـا أركز على نقطة حذف المشاهد المخلـة
و الدرس الجـديد بيعملنـا كيف " نحـجب " جزء من مشهـد حتى ما نضطر لقطعه
حجـب مشهـد ببـرنـامج الـ Aegisub
حقـوق الدرس لأستاذي بالترجمـة : Fatuh
تطويـر و شرح الدرس من قبلي : Eluvias
لا أمـانع في نقـل الدرس لمواقـع أخـرى
و الدليـل إنـي و بكل شفافيـة ما وضعـت حقوقي على الدرس
و ذلـك لأهميتـه القصـوى و ضرورة نشـره ..
حاولت قدر الإمكـان أشرح بأسهل و أبسـط الطرق
لأنـي وحده تعذبـت لما تعلـمت الترجمـة بسبب تعقيـد الدرووس
فأحاول أجنـب الحلوين المشكلة اللي عانيتـها ببدايتـي بالترجمة
خلونـا نبدا ^^ ..
ملاحظـة هامـة : لتكـن صادقـاً مع نفسـك , فبشرح درس حجب مشهد مخل
لا تقـم بشـرح الدرس على مشهـد مخل لأنـك تساهـم بنـشره !
اختـرت لشرح الدرس مشهد من الأنيمي القمييل Shinrei Tantei Yakumo
و هو مشهد عـادي مافيه شي مخل لكني شفته يصلح كمثـال للدرس
خطوة 1
نفتـح المشهد اللي بنحجـب فيه المقطـع ببرنـامج الـ Aegisub
و يفضل فتح ملف Subtitle جديد حتى لا خرب شي ما تخربون ملف الترجمة
ملاحظـة هامة : أول خطوة بنسويها بالدرس إننـا نوقـّت زمن ظهور اللقطة
و بنقوم بالتوقيـت من خلال تحريك الزر الموضح بالصـورة
معلومـة إضافيـة : طريقـة التوقيــت
نضع الزر عند بدايـة المشهد و نضغـط Ctrl+3
بعدها نضع الزر عند نهاية المشهد و نضغط Ctrl+4
بعد التوقيـت بيظهر شريط الوقـت بهالشكل :
خطوة 2
" بعـد التوقيـت " ولاحظوا كم مرة شددت عالتوقيـت
نختـار أداة Clip الموضحـة بالصورة
اتبعـوا الشرح الموضح بالصـورة
خطوة 3
الآن بنبدا نخطط حدود الصـورة اللي بنحجبها
<-- و الله الصورة مافيها شي لا حد يحاول
هذا الشكل اللي بيبدا يتحدد عندنـا ..
و هنـا بعد تحديد الـ 4 جهـات لاحظوا كيف بتصـير
خليت الصورة متحركـة عشان يسهل الفهـم ..
لحظــة !
صـار عندك خلل بوحـدة من النقـاط ؟؟
اصبـر و لا تعيـد الرسم من جديـد ..
تابعـوا هالصورة بتعرفون كيف نعدل الخطأ ^^ ..
بعد انتهـاءك من العمليـة , إرجع للوضع الأصلي للبرنامج
حتى نكمل شغل على بقيـة الخطـوات ..
خطوة 4
الحين اريدكـم تركـزون أكثر و تقفلون المسنجر لو فاتحينه
عشان هالخطوة ممكن يلخبط فيها البعض مثلما سويت انا اول مرة
نظرنـا و تركيزنـا بهالخطوة كله على بـوكس الترجمة الأبيض عاليمين
هنـا بنلعـب بالأكواد شوي عشان نحصل على الصورة اللي بنحجب فيها المشهد
معلومـة خارجـية " للمبتدئـين "
لما تشتغل بالمربـع الأبيض و تجري تعديلات عليـه
هالتعديلات ما بتنحفظ بالملف إلا إن ضغطت " Enter " من الكيبـورد
أو على زر " Commit " اللي موجود بالصورة التاليـة ..
اتبعـوا التعليمـات بالصـورة عشان تعرفون كيفية استبدال الأكواد
بس نقطة هامة , في شغلة مو واضحة بالصورة كثير
احنـا نستبدل i\clip بـ i\p1 ...... بالصورة باينه clip كأنها dip @.@
أعتذر عن صعوبـة هالخطوة >_<" ..
لكـن ما في طريقـة أسهل للشرح عليها ولا كـان شرحت فيها T^T
خطوة 5
خلصنـا و ظهرت القطعـة البيضـاء <-- أخيررااا !
لكـن مو في مكـانها <-- بعددد ><""
فنستخدم الطريقة الموضحة بالصورة حتى نسحب فيها القطعة
و نحطها فوق الصورة اللي بنحجبها بالدرس ^^ ..
هذي هـي نتـيجة الدرس :
لهنـا حبايبـي .. الدرس انتهــى تمامـاً ..
لكـن في خطوات إضافيـة بحطهـا , اللي يحس ما وده يوجع راسه فيها
فيقفل الدرس و يريح نفسـه
ايش الهدف من الخطوات الجايـة ؟
الحين احنا حجـبنـا المشهد و تمـام التمـام ..
لكن الخطوة الجايـة مجرد تنسيقـات للقطعة اللي بنحجب فيها المشهد
يعني بمثابـة تنسيق لا أكثـر
[ أحس الشباب طلعوا من الدرس و بقوا بس البنات عشان حبهم التنسييق ]
يتبـــع ...............
є ι υ v ї α ѕ
...
...
عمليـة التنسيــق
شـوفوا , من الحين اقـول الخطوات الجاية بتفر راسكم شوي
لكـن بس أول مرة و بعدها بتتعودون ان شاء الله
خطـوة 1
إزالـة الإيطار و الظل الأسوديـن من على حواف المربع
و لإزالـته , اتبعـوا الخطوات الموضحـة بالصـورة
ملاحظة | الجزء الأيمن فيه الشرح
الجزء الأيسر فيـه نتيـجة الخطوة
خطـوة 2
هنـا بنلــوّن القطعـة ، عشان ما يركز عليها المشاهد كثير
ولا ينتـبه اننـا حاجبيـن مشهد من الحلقـة
للتلويـن .. نحط الماوس بالمكان اللي يضوي بالصورة xDD
و نضغط على زر AB اللي حددته بإيطار أحمر
اتبعـوا الخطوات التاليـة بالصـور
ركزوا في هالنقطـة خاصة المبتدئيـن !
بنجيـب اللون من تحت و نحطه فـوق , و إلا ما بيظهر الكود
و بعدما نخلص و نحطـه فوق , نضغط OK
تلاحظون بعد ضغط OK إن الكود الجديد ظهر بالمربع الأبيض ^.^ ..
خطـوة 3
هذي هـي آخـر فقراتنـا لهذا الدرس العجيب
و هالفقرة ما تطبق في كل الحالات إنمـا في بعضهـا ..
ألا و هي حركـة الـ Move !
لاحظوا الحين الصورة اللي اخترتهـا للشرح ..
هي اتفقنـا انها 3 ثواني .. صح ؟
احنا شغلنا كان بالثانـيـة الأولى فضبطنا مكانها و كل شي
لكـن لما جيت عند آخر لقطة و هي عند الثانية 00:06:00
لاحظت إن القطعة تغير مكـانها " بسبب تحرك المشهد "
لاحظوا معاي قبـل و بعـد
اييييييييييش ؟؟
اقول يا عـم لا تبكـي بس !! تره الحل بسيييط
M O V E
هـام : للقيـام بهذي العمليـة , نحط المؤشر عند آخر لقطة بالمشهد
و هي اللقطة اللي سبق و وقتناها بـ Ctrl + 4 بأول الدرس لو تذكرون
بعدما حطينـا المؤشر عند آخر لقطـة بالمشهد
و ضغطنـا على الزر الموضح بالصـورة السابقـة
نتبـع الشـرح بالصـورة
و بعد اتمامنـا للعمليـة بنلاحظ تغيير الكـود للتالي
بالنهايـة حفظت العمـل حتى أوريكم التطبيق ^^ ..
Aegisub Tutorial STY-01.avi
و ان شاء الله لن تتوقـف سلسلـة الدروس لهنـا ^0^ ..
نشوفكـم في درس آخـر باذن ربـي ,,
ولو في خطوة مو مفهومـة " ما عدا الدب اللي بينسى يوقت "
فتفضلـوا اسألوا و انا بخدمتـكم xDD
є ι υ v ї α ѕ
...
المفضلات