فــــــ ضيافة القلم ـــي // الضيف الختاميّ: ((محمد شريف))

[تروكي]

س61/ تحب العصيدة؟

طبعا خاصة مع الفلفل الأسود والسمن .. يا للهول

س62/ شرايك في بيوتي كساحره مخضرمه عاشت اغلب حقبات مسومس؟ > قول جواب خايس والله توصل 200 سؤال

ساحرة والا حيزبونه .. لا حقيقة مجهودك واضح بالمنتدى .. الله يوفقك

س63/ تفضل الاغاني العربية او الاجنبية؟

ما أحب الأغاني .. أحب القرآن .. وأناشيد أبو خاطر .. وساعات أناشيد طيور الجنة

س64/ متى اخر مره رحت ايكيا؟

من زمان .. يمكن سنتين أو ثلاثة .. في الخبر وأتعيجز أروح

س65/ تحب الديكور والاثاث؟

أحب أتفرج على الأثاث ولكن ما عندي خبرة فيه

س66/ آخر هديه اهديتها لأحد ماذا كانت وماهي مناسبتها؟

عطر بارباري أهديته لأختي وللوالده .. كذا شفته وتمنيته لهم

س67/ ددسن .... هايلوكس ... ( ايس كلام ) لا تمرني هونت روح لحالك الله يوفقك

الددسن والهايلوكس هم رمز العراقة .. اسمهم غرفتين وحوش

س68/ اول ما تصحي من النوم ايش اول شي تسوية؟ ( تمسك الجوال ... تفكر دقيقتين ... ترجع تنام .. !!)

أول شي أفتح عيوني .. وبعدها أطفي منبه الجوال

س69/ وزنك يا ذهب انت ؟ تحب تتهرب من الاسئلة جاوب اخلص .. لا تخاف ماراح نعطيك عين على كرشتك الله يحفظها لك

وزني والا خشني .. خشني والا ناعمي .. ناعمي ترفس العدو >> العدو والا قفز الحواجز

س70/ استغرب انك ما تبي تزور اليابان؟ اجل تبي تروح دبي!!!!! ... ايه كذا مرني حتي لو ددسن او هايلوكس

أنا أساسا متعيجز أزور الخبر .. وين أروح دبي أو اليابان .. المسألة طلعت من يدي

س71/ تفضل البحر او البر؟

البر أكثر

س72/ عرف ماهي أعمق نقطة في العالم ؟

هي النقطة التي تكون آخر السطر

س73/ تحب الحيوانات؟

ايه يوم كنا صغار كان عندنا دجاج وحمام فوق السطح .. وكنت لاعب في حسبتهم

س74/ كيفك في ركوب الخيل ؟ والسباحة؟

صفر على الشمال

س75/ تنسى تاكل اجل هههههههه اخيرا في احد مثلي في هذا الكوكب .. تفضل السلطات او الستيك او الشوربات؟

أنا عندي النوم أهم من الأكل .. السلطات والشوربات