فــــــ ضيافة القلم ـــي // الضيف الختاميّ: ((محمد شريف))

[كـــيــKIDــــــد]

ماشـاء الله بيوتي ما قصرت خلصت حتى الأسئلة علينا

حيّ الله تروكي زعيم المخسوئين >> صح كذا كتابتها P:

طيب نحاول نفكر في أسئلة ...

- بما أنك ذكرت أنك تحب لعبة انشارتد .. أي جزء تفضل ؟

- متحمس للجزء الرابع؟ وحتشتريه أول ما ينزل ولا بتستناه يرخص؟

- تفضل المشروبات الباردة أو الحارة ؟

- تفضل السيارات الألمانية ولا البريطانية ولا الإيطالية ؟ >> أدري بتقول الهايلوكس XD

[تروكي]

ماشـاء الله بيوتي ما قصرت خلصت حتى الأسئلة علينا
اي والله أسابعي قامت تعورني xD

حيّ الله تروكي زعيم المخسوئين >> صح كذا كتابتها P:
الله يحييك ويبقيك >> صبوا القهوة لضيف الرحمن >> مسلسل بدوي
عادي كلمة المخسوئين تستقبل جميع أنواع الإملاء

بما أنك ذكرت أنك تحب لعبة انشارتد .. أي جزء تفضل ؟
الثالث أفضلهم وبعده الثاني

متحمس للجزء الرابع؟ وحتشتريه أول ما ينزل ولا بتستناه يرخص؟
ههههههههههههههه لو تعرف معاناتي مع الجزء الرابع كان تنسدح من الضحك
الجزء الرابع طال عمرك شاريه من سنتين pre-order .. وقتها كنت أحسبها قريبة بتنزل
ولكن خاب ظني وخاب ثناي .. يالله هانت ما بقى إلا 21 يوم

تفضل المشروبات الباردة أو الحارة ؟
الباردة طبعًا

تفضل السيارات الألمانية ولا البريطانية ولا الإيطالية ؟ >> أدري بتقول الهايلوكس XD
الألمانية طبعا .. ولكنها غالية .. المشكلة الحين كل السيارات صارت غالية

أتمنى أنك تطرح المزيد من الأسئلة عادي حتى لو طقطقه .. عادي بطقطق معك

[كـــيــKIDــــــد]

أتمنى أنك تطرح المزيد من الأسئلة عادي حتى لو طقطقه .. عادي بطقطق معك

ما طلبت شيء p:

نلحق نسأل قبل ما يصرّفوك xD


1- اش فطورك في رمضان ؟

2- العيش الصامولي ولا الحب ؟

3- شاورما دجاج ولا لحم ؟

4- أعطيني ثلاثة كلمات على وزن تروكي

5- ددسن غمارة ولا غمارتين ؟

6- شيء خرافي تتوقع له وجود ؟

7- فيزياء ولا كيمياء ؟

8- شطة كريستال ولا رنا ؟

9- تفضل الرسم ولا التلوين ؟

10- لو عندك ولد تخليه يسوق وهو صغير ؟

11- أنت كائن ليلي ؟

12- لوخرب شيء تحاول تصلحه بنفسك ولا توديه عند أحد يصلحه ؟

13- عضو ودك تجلده بخيزرانة معيض ؟

14- حكينا عن مغامرة في طفولتك xD ؟

15- اذا سافرت تفضل لحالك ولا مع الاهل ولا مع اصحابك ؟

16- ايفون ولا جالكسي ؟

17- تلعب فيفا ولا بيس ؟

18- لو رجعت بالزمن اش الشيء اللي ودك تعدله ؟

19- اسم ولد يعجبك واسم بنت يعجبك ؟

20- اذا كلجت وأنت تكتب تعدل الكلجة ولا تسيبها ؟

21- "المال يشتري السعادة" ... مع أم ضد ؟


وبس ... أجلس خذلك شاهي جاوب وخليك رايق

[تروكي]

ما طلبت شيء p:

نلحق نسأل قبل ما يصرّفوك xD
وهل أنا فلوس مثلا

1- اش فطورك في رمضان ؟
شوربة كويكر وسنبوسه بالإضافة للطبق الرئيسي والذي يطبق على الأنفاس

2- العيش الصامولي ولا الحب ؟
العيش وإلا الرز >> الرزة المدوجة << الإتحاد القوة
الحب أفضل

3- شاورما دجاج ولا لحم ؟
دجاج طبعا

4- أعطيني ثلاثة كلمات على وزن تروكي
شروكي .. بروكي .. مروكي >> أجل.. إنه السحر الأسود يا ساده

5- ددسن غمارة ولا غمارتين ؟
كان عندي ددسن غمارتين .. الحين هايلوكس غمارتين GLX

6- شيء خرافي تتوقع له وجود ؟
العطر اللي راح تهديني إياه أنت

7- فيزياء ولا كيمياء ؟
الكيمياء أحسن شوية

8- شطة كريستال ولا رنا ؟
لا أبو ديك أحسن

9- تفضل الرسم ولا التلوين ؟
ولا وحده .. أحب أشخبط

10- لو عندك ولد تخليه يسوق وهو صغير ؟
لا مستحيل .. أرواح الناس مهي لعبة

11- أنت كائن ليلي ؟
ليه شايفني أنام وأنا متعلق بالسقف مثلا >> أمزح

12- لوخرب شيء تحاول تصلحه بنفسك ولا توديه عند أحد يصلحه ؟
أحاول ولكن بدون تهور .. وإذا ما قدرت وديته للمصلح

13- عضو ودك تجلده بخيزرانة معيض ؟
هههههههههههههه .. أخاف أجاوب وأنجلد أنا

14- حكينا عن مغامرة في طفولتك xD ؟
بقول لك مغامرة صارت لي وأنا بالكلية >> الكلية وإلا المصارين << بايخه
المهم .. كنت رايح عندي محاظرة انجليزي الساعه 1 الظهر .. كنت رايح بسيارة سوبربان >> جمس
طاير مسرع 140 والطريق كان مكسر وطاحت علبة المناديل .. ويوم نزلت آخذها شفت شي غريب
وقلت ايه عادي قطار x_x >> قطااااااااااااااار .. وإلا الإشارة تولع تون تون تون تون وبدأت القاطعة بالنزول
وأكع ذاك البريك كااااااااااااااااااااااااااااع والسيارة تروح يمين ويسار والحديدة حقت السكة تقترب تقترب تقترب
وبعدها بوووووووووووووووووم وصدمتها وقصيتها نصين وعديت السكة ووقفت وبعدها بثانيتين عدا القطار من وراي
نزلت من السيارة وأنا فيني أم الركب .. أتنافظ كأن عندي هبوط .. كانت حادثة لا تنسى .. بغيت أصدم القطار

15- اذا سافرت تفضل لحالك ولا مع الاهل ولا مع اصحابك ؟
مع أهلي ثم أصحابي .. بس عادي لو سافرت لوحدي

16- ايفون ولا جالكسي ؟
جوالي LG V10

17- تلعب فيفا ولا بيس ؟
ما أحب ألعاب الكورة

18- لو رجعت بالزمن اش الشيء اللي ودك تعدله ؟
أشد حيلي بالدراسة أكثر

19- اسم ولد يعجبك واسم بنت يعجبك ؟
ولد عبد الله .. البنت ساره

20- اذا كلجت وأنت تكتب تعدل الكلجة ولا تسيبها ؟
ساعات أخليها لأخر شي وأنسى أعدلها وأتوهق

21- "المال يشتري السعادة" ... مع أم ضد ؟
بالمال تشتري سعادة الآخرين فتسعد لسعادتهم >> ما ودك تسعد ؟


وبس ... أجلس خذلك شاهي جاوب وخليك رايق

وبس والا خلع

اللي بعده