المشاركة الأصلية كتبت بواسطة طلال123
الصراحه ... عفيه عليك تتذكر كل ها الأمور ... ما شاء الله تبارك الله ... أنا ناسي معظم الأمور وقراءة مشاركتك شغلت هاردسكات كثيره موقفه في مخي ههههه
نعم أذكر معظم الأمور طرحتها في ردك يا أخ طلال، بس عندي سؤال أنته تخزن كل شي عندك ولا كيف استرجعت كل هذا؟
ونعم أذكر ميدو هولمز كانت ترجمته عن طريق برنامج الفلاش إطار بإطار ... بس ما أذكر نوعية الملفات اللي كان ينتجها صراحه ...
بالمناسبة مسلسل جوجو مترجمنه كامل و كم لقطة من يوغي ومب الفلم. أول ترجمه كاملة كانت فلم باكي هانما و حولته على شريط فيديو عشان أشغله على التلفزيون تخيل ! شريط VHS !!!
نعم أذكره الأخ حسان صدق كان يشجعني الله يعطيه الصحة و العافيه ...
المشكلات اللي اتضايقني ما كنت أفهم كيف أرد عليها بشكل صحيح لأنها تنرفز وأنا كنت أتنرفز على أقل شيء للأسف ... كان شغل جبار صراحة اللي كنت أسويه ... أنا مب من النوع إللي أحب أمدح نفسي لكن صدق كان شغل جبار وإخلاص وتفاني ... والسؤال إللي حطيته عن وضع كل شيء بلا مقابل لا يزال مستمر إلى الآن ببقاء سيرفر المنتدى و استمرارية كل شيء بالرغم من عدم وجود أي مردود مادي علي أبداً
أما فتئت تذكر مقابلة المذياع التي خرطني فيها الزرعوني خراط هههه و سحب على السيفون مثل ما يقولون هههه
منو قالك أنا من جيل الطيبين هههه أنا من جيل الأشرار !
دراما ههههه ... من أفضل الأعمال صراحه ... نعم كنت في منتدى أجنبي و تعرفت على المترجم لتلك الدراما و أخذت إذنه في الترجمه للعربية أولا بأول ... ينزل الحلقة من هنا وأنا أترجمها من هناك ... وقفت الدراما مب بسبب التدني بس بسبب القصص السخيفة اللي عن الحب معظمها وبسبب الشكاوي العديده اللي وصلتني من الناس بوجود لقطات مخلة بالآداب العامة اللي الحي ن استوت مثل شرب الماي عند الأطفال مع انتشار السوشال ميديا و الموبايلات والنت بشكل عام ...
نعم أذكر [كيف يمكنني أن] ... واحب أتكلم عن الذكريات ...
انزين منو قالك لا تناديني ب محمد شريف شو المشكلة
سؤالك الخاص بإجابتي المستمره طوال الأعوام الماضيه ب[ الانشغال] ... تبغي الصراحه ما عندي عذر غير التكاسل و الاحساس بأني كتاب مهجور على الرف ... كلام مثل اللي كتبته يحمسني ويشجعني ويعطيني الدافع للعمل ... بعد كل ها الاسنين أنا أعترف إني ما أقدر أكمل بروحي مستحيل ... ما أقدر أسوي كل شيء بروحي ... ما أقدر ... لازم يكون عندي فريق عمل ثابت ومتعاون للوصول إلى نتيجه ... إذا إنته مستعد وتبغيني أطلع من دوامة الانشغال راوني شو تقدر تسوي وخلنا نشتغل مع بعض ... عطني خبراتك ... تقدر تشتنغل على سيرفر و على نظام إدارة المحتوى ... تقدر تنسق و تتصمم .... تقدر تخرج وتنتج أفلام ... شو تقدر تسوي ... أبغي فريق يقدر يشتغل مب ايني عقب كم فتره يقولي والله إنته مادري شو و أنته ظالم وأنته عطيت هذا وما عطيتني و انته وانته وعقب تطلع من المنتدى وتروح وتزعل ... مليت من هذي الأفلام الماصخه صراحه ...
يوم تقولي تكفى ارجع ... شو تقصد بالضبط؟ أرجع أترجم؟ صعب؟ تحتاج وقت شخصي وهذا الوقت مأكول من دوام و عيال و مصاريف حياه ... هيه ساعه ولا ثنتين آخر الليل نفس الحين أقدر أشوف شو صاير ...
بارك الله فيك وجزاك الله يخراً ... بصراحه مشاركتك يعني من الآخر ... طر وتشكر عليها ههههه
أخوك محمد شريف
المفضلات