فــــــ ضيافة القلم ـــي // الضيف الختاميّ: ((محمد شريف))

[محمد شريف]

الله عليك يا تروكي

يعطيك الف الف الف الف عافية على احتفاظك بهذي الذكريات

قاعد اشوف وعيني تدمع عالذكريات

كنت اسهر الليالي عشان انزل فلم واحد بس

وخصوصا مع الدايل اب

وكنت اشووفة بدال المرة الف

لي درجة لو تسألني عن اي لقطة اجاوبك فيها بأي ثانية

وكانت تعتبر هل امور من النوادر بسبب ازمة الباندويث

واليوم نفس الافلام ونفس الحلقات اللي كنت اجلس بالايام عشان انزلها


انزلت معاي بأقل من ثلاث دقايق

مازلت تلك الترجمة مبهرة بالنفسه لي

الفلم الاول عدد تنازلي لناطحه السحااب

ما زال بالذاكرة مع الترجمة الصفرة

الزبونة الكاذبة هذي الحلقة بالذات لها ذكرى مميزة .. وقتها ما قدرت انزلها من الموقع بسبب الباندويث

فرحت ادور الناس اللي كانت ترفع الحلقات بالمنتديات احاول اتواصل معاهم

ما حصلت اي استجابة بعدها وصلت مرة اني اتواصل مع الناس اللي كانت ترد عالموضوع

لي لقيت شخص تواصلت معاه من المنتدى لين تبادلنا الايميلات

وعن طريق الماسنجر دزلي الحلقات وقتها كانت الساعة وحدة بليل

دزلي الجزء الاول وثاني وبعدها راح نام وقالي بخلي النت شغال ان شاء توصلك الحلقتين

تخيل يا تروكي جلست انتظر لي الساعة اربع ونص الفجر لين اوصلوا


والله ايااام

بس الفلم السادس اوووه مصييبة

كنا ننتظرة انتظار

خصوصا ان كان محمد شريف مواعدنا فيه

وبعد فترة ينزل بالاخبار تم الانتهاء من 53 دقيقة من ترجمة الفلم

فكنت انظر كل يوم بعد الرجوع من المدرسة

ادخل من الموقع وكل شوي اسوي رفريش

يمكن نزل الفلم او في تحديث جديد

والله يا تروكي المصرووف اليومي كله يروح على اشتراك الدايل اب

ايااااااااااااااااام يا تروكي ايام

ولو عندك اي شي يتعلق بالماضي الجميل

اتمنى من كل قلبي توفره لنا


فعلا تروكـــي شكرا على شفت الموضوع ووفرت لنا جزء من هل ذكريات

فعلا شكرا

يا ريال ... ترجمة فلم كونان مثل المغص في بطنك ... ما ينتهي هههه أدقدق براسي ... أعيد كم جمله كم مره ... أعيد اللقطات كم مره ... خبال ... أشتغل متواصل ... أسير المسيد و أرجع أكمل وعلى ها المنوال ... والكمبيوتر ... يالله يالله مستحمل ... طارنه طر مسكين ...
بس يوم أشوف النتيجه آخر شي ... صراحه أنسى كل التعب ... كنت أشتري الدي في دي المترجم من إيباي وأستخلص الترجمه منه وأترجم حبه حبه ...وهذا كله وأنا أدرس أيام الكليه ههه ...


بس رفع الملفات للموقع كان عذاب ثاني ... عندي ليمت على الدايل أب 100 درهم بالشهر ... ما أشغل النت إلا وقت الرفع ما أبغي أزيد عن 100 عشان ما أخسر الوالد بيزات و يحتشر علي هههه


أيام والله ...الحين صوره وحده 7 ميغا لا وما تعيبنا ونمسحها بكل بساطه وهي في الكلاود على النت بعد ...!!