بسم الله الرحمن الرحيم

ياترى كام واحد تعرفه على النت بيتكلم إنجليزي وإنت بتكلمه عربي وجه مرة وقالك
((يابني اتطور شوية واتكلم إنجليزي؟؟))
ولما جربت تكلمه إنجليزي قالك
((أخيرا اتطورت؟؟))

بصراحة حصلتلي كتير
مثلا .. واحدة صاحبتي قالتلي ضيفيني على الميل وسألتني إنتي بتكتبي عربي ولا إنجليزي؟؟
قلتلها عربي ، وتخيلوا الموقف
بصلتي كإني جاية من كوكب تاني ،، عربييييي!!!!

وواحدة تانية قررت أكلمها إنجليزي بعد عناد واتفاجئت بيا فقالتلي (( إيه التطور الغريب ده؟؟ ))
ومواقف تانية كتيييييييير مع كل صاحباتي ،، كل ده علشان بتكلم عربي؟؟
اللي شايفاني جاية من كوكب تاني واللي لما أكلمها إنجليزي تفرح بيا وتقولي أنا كده
مبسوطة منك؟؟؟؟


ليه بقى كلامنا بالعربي تخلف لكن الإنجليزي هوه الثقافة والتطور؟؟
وبنرجع نقول --احنا عايزين نتطور ونتقدم--
الأجانب لما حبوا يتطوروا اتطوروا بلغتهم مش بلغة حد تاني ،، مع إن اللي كانوا متطورين
همه العرب
ليه الأجانب ما حطوش في بالهم إن علشان نكون متطورين يبقى لازم نتكلم عربي ؟؟

ليه بعدنا عن اللغة العربية؟؟ عن لغتنا الأساسية؟؟ اللغة اللي نزل بيها القرآن؟؟
اللغة اللي كانت أساس العلوم والحضارات والثقافة



ياريت أسمع رأيكم وليه احنا بقينا بنعتبر إن اللغة العربية للي مش متطورين
والمتطورين والمثقفين همه بس اللي بيتكلموا إنجليزي ؟؟