وعليكم السلام ورحمة الله وبركاته
موضوع ممتاز ويتكلم عن أحد أهتماماتي في الفترة الأخيرة
كتابة المحتوى أنا دخلت المجال ده قريب خلال فترة كورونا
وكده قبل كده كانت مجرد كتابات متفرقة في مسومس
وعلى صفحتي الشخصية عالفيس بوك
مليش حساب على تويتر مش عارفه مش بحبه 😅
لو الكتاب اللي ذكرتهم ليهم صفح عالفيس بوك يا ريت تضيفها
على عكسك كل الدورات اللي دخلتها مجانية وكانت مفيدة جدا
وطبعا الشغل العملي اتذكر أول دورة كانت عن العمل الحر والتسويق الالكتروني
وكانت مصدر دافع ليا لدخول مجال الكتابة ساعتها المدربة ذكرت
نقطة مهمة كانت هي حجر العثرة قدامي إن يكون لي سابقة أعمال
للاطلاع عليها من قبل العملاء هي ألهمتني أن ممكن أي خاطرة تكتبها
حسيت أنها مميزة او تصميم صممته أثناء دورة تدريبية ممكن تبقى سابقة أعمال
ليك وفعلا ده اللي حصل واشتغلت فترة وكنت بكتب على منصة الورد بريس
بس توقفت من كم شهر وحاليا بتابع دورة في كتابة المحتوى
لمؤسس موقع نشء المهتم بتقديم محتوى لكل ما يخص الاطفال من قبل الولادة
لسن ١٥ سنة
بالتوفيق للجميع يا رب
وفعلا مسومس المكان اللي له الفضل بعد الله علينا في نقش اول شخبطة بقلب رحب بالعكس أتذكر كان في مجموعة من الكتاب الرائعين اللي بيقولوا رأيهم بكل أهتمام ودعم جزاهم الله عنا كل خير