بسم الله الرحمن الرحيم ...
الحمد لله وحده... والصلاة والسلام على من لانبي بعده ..
امـــــــــــــــــا بعــــــــــــــــــــــــد،،،
اشكرك يا أخي كل الشكر على طرح هذا الموضوع المهم .. واللي استحوذ على عقول الناس من جهة قضاء وقت الفراغ .. واعترف اني اول وحده مجنونة انمي ..
اما بداية تعرفي على الانمي تقريبا من سنه ونصف .. كانت آخر سنه لي بكلية التربية لأني اتذكر كنت جالسة انا وصديقاتي الـ5 الله يذكرهم بالخير وكان لي تقريبا شهر على بداية متابعة الانيم الرائع ((كونان )) وكان هو اول انيم بعمري اشوفه .. وكنت امدح هذا الانيم لصديقاتي وتقول لي وحده منهم: عندي كومة اشرطة فيديو للمحقق وكنت حوالي ما أحسدها وقالت لي تبغينهم قلت لها لا
لأن اساسا ماعندي فيديو ..
اما مرحلة الطفولة ... كنت اسمع عن (( ليدي ،سالي ،هايدي ، كابتن ماجد ، .......)) ولم ارهم الا كابتن ماجد فقط اذا ذهبت الى احدى صديقاتي المقربات ..
فمنذ ان عرفت الدنيا بل منذ ان تزوج ابي امي وذلك من 35 سنة لم يتنازل لشراء التلفزيون او غيره حتى الان وذلك لحكمه المحرم كما قال ابي ..ومتابعتي للانيم انا واخوتي بشكل سري لايعلم به لأنه لو عرف انقلبت الدنيا رأسا على عقب .. وذلك بسبب كره ابي الشدييييييد للصور فكيف بها اذا كانت تتحرك ..
فمتابعتي للأنيم متابعة متقطعة لو تشوف شكلنا وانا واخواني وحنا نتابعه ضحكت علينا كلما شغلناه 10 دقائق وقفناه 5 دقائق لأنه يتوهم لنا بأن ابي سيدخل علينا .. واخواني الكبار كلما دخل اي واحد منهم للمنزل وقف قدام الباب ثم قال احم احم (( لااله الا الله)) وبعدين ما تشوف الا غبرتنا .. اللي يطفي الكمبيوتر واللي يمسك كتاب كأنه يقرأ واللي يكتب في مسوده .. وفي النهايه يفتح اخوي الكذاب الباب وهو ميت من الضحك ويقول لعبت عليكم .. خلاص لحظتها ما ادري ايش اسوي هل افرح بأنه ماهو ابوي او ابكي بأنه نكد علينا ؟؟؟؟؟؟؟؟؟
يمكن تستغربون كيف عشنا بدون تلفزيون مثل ما استغرب بعض الناس ويقولون كييييييييف عايشين؟؟؟؟
اقول لكم والله ثم والله انها لراااااحه نفسيه وسعت صدر ما تتوقعونها على ان اهلي ماهم بأهل روحات وجيات والبيت مافيه شي يقطع الوقت الا الراديو وكنت ما أطيقه .. بس شي داخل النفس لونه ابيض مافيه نكد ما فيه ضيق لكن بعد متابعة الانيم صح انه قطع وقتي لكن مافيه طعم الراحه اول اللي كنت احس فيها .. الله يشرح صدري بطاعته ..
اما الانيم ماله اي فائده الا تلك النظرة السوداء اللي يرى بها البعض الا وهي قضاء وقت الفراغ ..
واغلب الانيم لايستحب للأطفال بمشاهدته اما حركات مالها داعي او التعدي على الاخرين او اعطائهم افكار لأنجاز المهمات في غاية السرية [اخخخخخخ ] فهمت شي؟؟؟؟ ما أتوقع .. اقصد مثلا السرقه يقوم بها الشخص بطريقة سرية ثم يضع اي شيء يخص فردا اخر وذلك ليلقي بالتهمة عليه .. وطبعا هذي ابسط شيء .. فأقول وانصح بتقليل متابعة الاطفال للأنيمي ونحن قبلهم ـــ علم روحك يا معلم قبل لاتعلم الناس ــــ هههههههههه
على العموم انا استطردت بالموضوع وكتبت لكم قصة ما هو رد لموضوع .. ايه وش وراي فاااضيه اخخخخ
وصراحة انصدمت يوم انك قلت اني مدمن انمي مت من الضحك عليك .. كيف تكتب موضوع وأنت من اهله؟؟؟
ياليت اخذ منك بعض الانيم اللي عندك اقطع به وقتي الطوييييييل .. اخخخخخخخخ (( الله لايشغلنا الابطاااااعته )) قول امين ..
---------------------------------
الف الف شكر لك على الموضوع وجزيت الف خيــــــــــــر ..
---------------------
يله عاد ابروح اشوف الأنيم الجديد ...اخخخخخخخخخخخخ تراني امزح عاد ..
مطينتها .صح؟؟!!!
..مع السلامه وتصحصحون على خير ..
-=-=-=-=-=-=-=-=-=-=-=-=-=-=-