لووووول موضوع روعه
عاد طفولتي مليانه دفاشه و مواقف و كوميديا

لول السالفه اللي لا يمكن انساها يوم اكسرضرس بنت عمي

كنا انا و بنت عمي غرامنا نركب فوق بعض و نلبس عبايه عاد انه احنا وحده كبيرةو كنت انا الضحية و خليتها تركب على كتفي يمكن كان عمنا 6 سنين أو أقل وقعدت عالكرسي و هي لبست العباية يعني بارزين ما بقى الا التنفيذ يوم ركبت و وقفت حسيت الثقل كله رقبتي قمت من لغباء دنعت عشان اخفف الضغط يعني و الله في ثانيه ما اشوفها الا هي على ويهها على الارض و ضرسها مكسور اخبر حسيت بالذنب و للحين مسكينه تعاني من عياده لين عياده يركبون لها ضرس

و موقف ثاني اممم

مرة كنا في العزبة و كانوا امهاتنا حاظرين علينا التجول برا البيت تمللنا و رحنا صوب المخزن اللي في زاوية الحوش و طبعا الحوش كان تراب و لا بلاط و لا هم يحزنون

و نحف حفرة جدام امخزن و الله من الصبح لين العصر و احنا نحفر عاد قولوا ليش؟

من الاجرام نبي نطيح يدتي فيها لووول << ابشركم ما نجحت الخطة

المهم و احنا نحفر لقينا حصى يلمع و نتخرع عبالنا مكتشفين شي يديد ويا ويهنا

و تروح اختي تركض لخالي تسأله هاي شنو و عاد خالي ما قصر فينا يانا يركض يقول هذي وين لقيتوه و هو مستغرب و احنا استغربنا يعني شكله حصى يديد

قلنا له هاي شنو خالي؟ قال لنا هاي ألمااااس احفروا احفوا طلعوا زياده

الله وكيلكم ترسنا لنا كيس كامل لووول و احنا مصدقين ان هاي الماس و اشيل شوي منه و اعطيه امي و اقوله يبت لج الماس و تموت امي من الضحك الا تقول لي هذي املاح مرسبة على الحصى

صادتنا خيبة امل ما تتصورونها لووول و لا انسى شكلنا و احنا نحفر


وووو بس طولت عليكم

مشكوره عالموضوع و الله حنيت للطفولة