اللي مشتركين با dsl بالسعودية

[أبوخويلد]

يا ناس والله مدري وشلون أبدأ من القهــر

انا اشتركت بالدي اس ال قبل فترة
والسرعة 256 كليلو بايت بالثانية

واشتريت بطاقة سبيريا نفسها بسرعة 256 لمدة شهر


والحمدلله كنت مبسوط على التحميل الإنميات والأفلام

يعني كانت سرعة التحميل 32 كيلوبايت بالثانية


ومرت تقريبا فقط اسبوعين
وتفاجأت بانخفاض سرعة التحميل ووصلت الى 7 كيلو بايت بالثانية

قلت بنفسي مو مشكلة
يمكن ضغط على مزود الخدمة او شركة الإتصالات
واستمرت الى يومين
وهي على نفس السرعة

قلت باتصل على مزود الخدمة اول شيء
لأني دايما كنت اتصل على شركة الإتصالات ويقولولي دق على مزود الخدمة
(ما علينا)

وانا متصل انتظرت لمدة عشر دقايق
والمشكلة يقولي ان جميع الموظفين مشغولين حاليا لعملاء آخرين اتصل لاحقا او انتظر
طيب ليش احيانا اتصل والخط مشغول. فكروا فيها شوي


المهم
قلته السالفة
وقالي: عطني رقم البطاقة
وعطيته
قالي: انت سويت الداون لود بكمية اكثر من الازم
قلتله: طيب
قالي: خلاص راح يستمر البطء معك

قلتله: والحل؟
قالي: مافي حل؟

قلتله : حلوة ذي
أنا دافع 250 ريال مو بلاش

قالي :آسف التحميل محدود

قلته :ليش ما كتبتوا على البطاقة ان التحميل محدود
والله لو اني داري قسم بآيات الله ورب الكعبة ان ما شريت منكم

قالي: والله هذا مو مسؤوليتي
هذا مسؤولية الشركة

وقالي: في خدمة ثانية اقدر اخدمك فيها
قلتله : لا
قالي :شكرا لإتصالك وسكر السماعة



والله يا عالم هذا اللي صار معي في الداون لود
فأنصحكم لا تتوهون مثلي
يعني لا تشترون سبيريا


وللعلم تراني ما حملت اكثر من غيغا
يعني ما حملت واجد

وما اقول بس الا لا حول ولا قوة الا بالله

[amodyx]

نصيحة أخوي
إستخدم أول نت
التحميل مفتوح أنا أحمل شهريا فوق العشرين جيجا
وقيمتها 300 لسرعة 256
وهذي نصيحة
سلامي

[ka!to fan]

السلام عليكم و الرحمة ,,

و الله مشكلة هالشركات ,,

لا الحمدلله أنا الوالد يشتري البطاقة لي و سامعت منه مره ينصح واحد مايشتري من هالشركات

لأن التحميل عندهم محدود و بعدها يصير مثل الدايل أب ,,

و الله يعينك ,,

و هذي الموظفون مشغولون تذبح ,,

و الله لو تراسلهم بالايميل أحسن ,, أصلا الرقم المجاني مشغول و الغير مجاني مشغولين و يطولون المكالمة و يمطونها مط ,,

الله لايبلانا ,,

و إن شاء الله هالسيبيريا مو بشاريتها أبد ^^

و مشكور أخوي أبوخويلد عالنصيحة ^^ و الله يساعدك ,,

و شكراً ,,

[IbRaHiM.N]

الله يعينك اخوي

انا اشبك على التلفون مالي وهذي خدمه من الشركه انها تطلع لي شريحه خاصه بالانترنت
وماصار لي اشبوع مشترك معاهم الا نزلوا شرائح جديده وغالي واقصى حد للتحميل هو 2 غيغا وتدفع لهم 14 دينار انا ادفع 5 دنانير شهريا والتحميل مفتوح عندي
شرايك حظي عجيب مو صح ؟
الحمدلله على النعمه
الله يعينكم الي بالسعوديه الدي اس ال ولا التحميل محدود

[كـراش]

بسم الله الرحمن الرحيم

الحمدلله سرعة dsl 64 وحملت أكثر من 2 غيغا ولا تغيرت السرعة !!!

ومن شر حاسد إذا حسد ...

و سعودي نت .... ولكن فيه مشكلة إذا كان أحد الجيران أو الذين بقرب بيتك ... وعندهم (( وير لس )) يمكنهم الإتصال ببطاقتك والتحميل ,,, وعندما يحملون سترى قلة السرعة لذلك أخي

أنصحك تجرب تتصل إنترنت الساعة 2 الليل .... وشف

[دودي2004]

أول نت وبس وبعدها sps

وأصلا سيبيريا معروف إنه محدود

[Mr.Holmes]

جيـــــــــــــــــل

أول نت .....

أفضل شيء جربتهم.....

[جولييت]

يعني الحين اذا كان التحميل محدود....بعد فترة تقل السرعة؟؟؟؟؟؟

لاني اتصل ببطاقة سعودي نت والله لا يوريك...تقول دايل اب مو دي اس ال

ساعات يحمل بسرعة حلوة توصل 27 والحين السرعة 7 كيلوبايت!!!!...يعني على كيفه تزيد السرعة او تنقص...انا راح استجنننننننن...ولو ماعندي برامج استكمال التحميل كان ماحملت شي...لانه يقطع بين فترة وفترة =_="

اما سيبيريا قلت بشترك فيها ويوم سأل أخوي قالوا له التحميل محدود... وجيل لما جربناها كلللللللللللش ماتنفع ... دقايق تقطع...ياخي والله خمس دقايق الا يقطع ويظل ساعات ما يشبك...

الله يكون بالعون

[Capt.Jack]

ايه اخوي التحميل محدود للخدمات ....وانا عن نفسي والله احمل من 6 سنوات لحد الان وكل شي ماشي تمام وانا خدمتي اول نت وطبعا احنا ماخذين شبكة كاملة واظنها بعد مو محدود التحميل اذا كان السعر اغلى وسرعتي 256


بالتوفيق لك

[halim_3000]

اخي الى ان تغير الاشتراك انصحك باستخدام برنامج
dsl speed

برنامج يساعد في تسريع النت نسبيا
وان لم تكن تملكه اطلبه في قسم البرامج

====

[الحراكي]

خلص الحل بسيط حول الى الامارات اشترك هناك بباقة الشامل سرعة 1ميغا بالثانية
هاهاهاهاهاهاها

[الحراكي]

لا تزعل انا بعاني من مشكلة التحميل
نحن في البيت عندنا مشتركين دايل اب
مع انه الشاملadsl
سريع نسبية ورخيص
لما انزل الامارات اجازة
اما في اليمن
فما شاء الله تبي تفتح بنك علشان التحميل او تفتح الخط 24 ساعة في اليوم
خط التلفون اقصى بحميل 2.3 كيلو
اما Adsl
فاشتراكه ب850 ريال سعودي 256

[keko]

الله يعينك اخوي...

ممكن تشترك بالنت الفضائي...

سرعته حلوة...

تحياتي...