ثلاثة أيام 72 ساعة عشرطعش دقيقة وعشرطعش أس عشرطعش ثانية في المستشفى

[IbRaHiM.N]

السلام عليكم ورحمة الله وبركاته
كح كح
صبأأأح الخير ...

طبعا في هذا الجو المشمس الجميل ومراقبة الطيور وهي تركض
و القطط وهي تطير في الأأعالي
وصيحات طلاب الأبتدائي وهم ذاهبون للمدرسة
وانت واقف بالخارج تشرب بيبسي وتقول لهذا الطالب المسكين "كااااااك تعوضها يا حلو "
طبعا بهذه اللحظة انت ستكون محشش خبيث xD
هههههههههههههههههههه
كح كح
خرجنا على الموضوع
كيف حأألكم جميعا ؟
ان شاء الله بخير ؟

طبعا الأسبوع الي مضى (طاف) كان أسبوع مشؤوم بمعنى الكلمه
والحمدلله على كل شي وكل أنسان يرضا بالي مكتوب له ^__^
هع هع
طبعا ماحبيت أبدي غيابي بالمنتدى بدون موضوع محشش xD
<<-- الله يستر ماأدري شنو مشكلتي بكلمة طبعا
المهم هذا الموضوع أقدر أقص لكم عن ثلاثة أيام كانت مريرة بمعنى الكلمة <- أيه باين
الغالبية تعلم بالي حصل لي الأسبوع الماضي من حادث مروري انا رحت الضحية فيها
<<--- هههههههههههههههه
في يوم من الأيام وفي الصباح الباكر وفي الجو المتقلب حيث عندما تشتي يأتيك جو حار والعكس صحيح وهذا شي معروف بديرتي الكويت <- من حبنا لها بنفصل البيلر لها xD
وانا و صديقي ذهبنا للمستشفى الصبح لمراجعه بسيطه لمسمار لحم برجلي اليسرى طبعا ما تأخذ المراجعه وقت طويل وكالمعتاد ماأخذنا نص ساعه وخلصنا واحنا خارجين من المستشفى و تقريبا قبل صلاة الظهر جذي بربع ساعه و أحنا واافقين بالسيارة <<--- أبيك تفهمين شلون وافقين
يعني ننتظر المجال حتى نتحرك ونطلع على الشارع و لما يينا نبي نمشي والا يتنا السيارة من ورا من جهة اليمين يعني من جهتي انا
ياسلام ونعم الحظ الجميل طبعا سيارتنا كانت أصغر من سيارة الي دعمنا و ياليت بس وقفت على الدعمة فقط بس سيارته صعدت من فوق و طبعا فوق جهتي انا
يعني بكل الموضوع انا الي أكلت الحادث كله وقتها مشاهد الله لا يوريكم :/
سقف السيارة هذا كله دخل بظهري الباب لصق بجانبي الأيمين
و الطريف بالأمر انه كل الي حصل كان قدام المستشفى
وقتها كان أخر شي و لما صحيت بعدها بالعناية المركزة
كنت منصدم لأنه هذا ثالث مرة أدخلها وكلها حوادث ( الي قبلها كلها سوالف يهال روح أركض بالشارع وسيارة تدعمك xD ) كح كح بدينا نقول الماضي
و تقريبا لما صحيت من الحادثة كانت الساعه 8.30 تقريبا
وقتها كل عايلتي و عمامي و و و و يعني بشكل عام كل قريب لي كان حاظر بالجناح
و كان على أيدي يمكن أربع أو ست مغذيات شقوا أيدي بالأبر عاد انا بروحي ماأحب الأبر :$
بعد ماأستقرت الحالة نقلوني للغرفة العامه تشوف الي معاك بالغرفة وتحمد الله على الي فيك
و قعدت بالغرفة لحد الصبح وانا سهران وهذي الممرضة كل شوي تيني وتقول نام ونام وانا المشكلة توني قاعد يعني مافي أمل أنام و الله وبعد مقاومة و طلب اللاب توب من أخوي xD
وأقعد على النت للساعه 2 و مع تهديدات شرسه من الممرضة وتحط لي منوم بالمغذي وأنام
وقتها أعلنت الحرب عليها وبدت الحرب بيننا xD
<<-- حتى بالمستشفى محد سلم منك
و لما ياء الصبح و نقلوني أهلي لغرفة خاصة حتى أحصل راحة أكثر
بس العكس ياء الصداع أكثر
ههههههههههههههههه
يوميا زيارات و تعب ودوخة راس و أكل حلويات
طبعا انا مطبق المثل الي يقول " الحلو ماياكل حلو " <<--- هذا الي مصدق نفسه وايد
و بالليل وكان دوام الممرضة الي أعلنت الحرب عليها
كان في زر يم السرير هذا لأستدعاء الممرضة يعني مثل البيجر
وقتها أمي كانت عندي وتبي تنام عندي بس قلت لها تروح
قلت ناوي على الممرضة xD
هههههههههههههههههههههههه
أمي راحت وانا تميت و وصلت ساعه الصفر
وأمسك الزر وأضغط وأضغط
ويت الممرضة وهي شبه تركض الممرضة هندية بس الله يعطيها العافية صج من أطلق لقب ملائكة الرحمة على الممرضين كانت تراقبين 24 ساعه xD
بس طاحت على مريض محشش
ههههههههههههههههههههههههه ههههه
الممرضة : شنو فيه؟
برهوم : انا جوعان
الممرضة: شوف الثلاجة
برهوم : مافيها غير الحلويات
الممرضة : زين زين
وتروح وتتركني بروحي وانا ذابحني الجوع
و المستشفياتهم أكلهم كله خضروات وانا بروحي ماأحب الخضروات
وأدق وأناديها مرة ثانية
ولا ترد علي وانا تميت أظل أدق
<<-- عرفت المريض عدل
ههههههههههههههههه
و أطالع للدرج الي يمي وألقى فيه فلوس علشان أشتري لي ماي وهذي الاشياء
<<-- وقتها رجلي مجبسه و رجلي الثانية مضمدها و من غير الضمادات الي على باقي جسمي
وقتها شكلي تقول مومياء xD
و ألبس الجاكيت وطبعا من الكاب وقتها طقم رهيييييييب xD
مثل الي يلبس أحمر على أخضر ههههههههههههههههه
و أخذ العكازة وأتمشى بالدور ورايح أيب لي ماي <<-- هذي نصيحة التحشيش ماينفع بالمستشفى
وانا أمشي وأشوف الممرضة واقول لها
برهوم : شفتي أعرف أروح وأيب لي ماي
والممرضة تمت ساكته أنا أتوقع بانها تقول بنفسها شنو سالفة هذا المجنون
و لما رديت ألقى صقيقي (صديقي ) عاشق أزعجني بالمسنجر xD
<<-- أفضح
و من حظي السعيد كل الي عندي بالمسنجر طلعوا ههههههه
ضليت بروحي وانا أدخل بالمواقع وأقلب بالتي في الي عندي
ويتني فكرة جنونية حتى أنتقم من الممرضة
والساعه 3 الفجر تقريبا او قبلها بشوي وقتها طالع باور رينجر على أم بي سي ثري
و أقوم من السرير و أتخبى تحت السرير و أضغط على الزر وتيني الممرضة و تطالع بالسرير ولا تلقى أحد
وتنادي ابراهيم وابراهيم على بالها بدورة المياة و لما تلتف ورا
وانا أمسك رجلها من تحت السرير
و لا تسمع الا الصراخ الي يفجر الأذن
ههههههههههههههههههههههههه ههههههههههههه
الله أعلم وقتها زين ماياها أزمة قلبية
هههههههههههههههههههه
و من صياحها الكل جاء للغرفة يدورون سوالف ويعرفون سالفة الصراخ
جاء الدكتور المختص ويمكن المسؤول مال الجناح
ويدخل ويقول
الدكتور : أيه الي حصل ؟
الممرضة : هذا متخبي تحت السرير ويمسك رجلي
برهوم : لالا انا سقطت من السرير ولا قدرت أقوم
الممرضة : قبل فترة رحت تشتري ماي
برهوم: يمكن مشبهه
وانا منفجر من الضحك من داخلي و أول مايطلعون وافجر ضحكتي
ههههه
مسكينه راحت ضحية XD
هذا ثاني يوم xD
اليوم الثاني الصبح وتيني وتقعدني على الساعه 6
ويابو لي الفطور يخرب بيت المستشفى عندك ربع ساعه تتفطر فيها وبعدها يشيلونه xD
انا على ماأقعد الا شالوا الفطور
هههههههههههههه
و الا بعدها بساعه جاء الدكتورة المختصه بعلاجي
وتفحص الاصابات
و كانت وياها الضحية وانا مسوي نفسي الحمل الوديع الطيب
وانا و الممرضة صار بيننا نظرات حقد هههههههه
و أجراءات المستشفى المعتاده
لما ياء العصر و أهلي كلهم عندي
يت الممرضة وخبرتني انه الدكتورة راح تفحصني مرة ثانية بعد ربع ساعه
و انا أقوم وأعدل الفراش و أضبط نفسي وأعدل ملابسي وأضبط شعري وشغل عدل
وأهلي أستغربوا من الي حصل و أن برهوم يتعدل ويتضبط جذي
و الا الباب ينطق وانا أطرد أختي الصغيرة عن السرير و تميت بروحي
وينفتح الباب وانا أقول بنفسي هلا ومرحبا
و و و و
..........
نتواجه بعد الفاصل xD
هههههههههههه
عدنا
...
ايه وين وصلنا
أيه عند لما كنت أتكشخ
المهم
لما تبطل الباب
ويطلع دكتور وقتها أنصدمت وقلت ياحسافة التعديل فيك
ههههههههههههههههههههههههه هههههه
كان دكتور ماشاء الله عرض الباب و يده تساوي أيدين الثنتين مع بعض
تم يفحص و يحرك برجلي يمين ويسار
وانا خضعت لأمره xDDDD
ويقول الحمدلله مافي كسر و بعدها بربع ساعه
ويسحبوني أقصد أخذوني وشغلوا المنشار
ههههههههه
و انا منصدم و أدمع بعيني قلت العين يقطعون رجلي
ههههههههههههههههههههههههه ههههه
وبديت اشوف كل الاعمال الي سويتها <<-- واحد نصاب
ويقرب من عند الجبس و الا فهمت انهم يبون يشيلون الجبس
<<-- وقتها خايف قلت ماتسوى علي يقطعون رجلي على حادث بسيط
و قال انه مافي شي خطير و أقدر أطلع باجر أي يوم الخميس يعني
و انا قلت ماني رايح قبل لا اسوي مقلب أخير بالممرضة
ههههههههههههههههههههههههه ه
و من اليهال الي حظروا كان واحد من عيال عمي الصغار
وياه علبة علج ( العلكة ) هذي الي لما تبي تسحب العلكة يطلع لك صرصور
وكما هو معروف ان البنات يحبون الصراصير وبينهم علاقة محبة xD
ينتج عنها الصراخ والصياح وطلب المساعده لقتل هذا المسكين
أخذت منه العلبة وعطيته كاكاو وحلاو بدالها
وببداية وقت الممرضة
جت تشوف المغذي و السوالف الثانية الي كانوا مركبينها لي و الضمادات
عاد لما خلصت قلت لها
برهوم : يا ممرضة
الممرضة : نعم ؟
برهوم : هاج هذي هدية بسيطه علشان العناية
وقتها الأبتسامة العريضة مثل هذي ^_________________________^
الممرضة : شكرا
طبعا بدون أي تردد الممرضة تمد يدها وتسحب
وأهي تطالع لي والا يطلع الصرصور ويلصق بيدها
ههههههههههههههههههههههههه هههههههههههههههه
و ...............................
معروف الي صار
صرخه صرخه رهييييييييييييييييييييييي ييييييييييييبه
ههههههههههههههههههههههههه هه
والله المسكينه كرهت التمريض من وراي
وأهي تحرك بيدها تبيه يطيح وانا أقول لها أنه لعبة
وتمسك المغذي وتضغط عليه يعني تعورني ولا ماتدري انا شايله من أيدي
الممرضة : انت مجرم
برهوم: شكرا على المدح
والممرضة المسكينه تروح و تسكر الباب
وانا منفجر من الضحك
بعدها بنص بساعه ونص ضميري أنبني ويقول لي عيب تسوي جذي مع المسكينه
وأناديها وأعتذر لها
ههههههههههههه على بالها مسوي مقلب يديد فيها
وأعتذرت منها قلت خوفي باجر يلصقون صورتي قدام باب المستشفى ومكتوب تحتها ممنوع دخوله
ههههههههههههههههه
مثل المطلوبين

واليوم الثالث الحمدلله
طلعت من المستشفى
و يازين الرجعه للبيت
حسافة بالمستشفى السرير كان مريح ياليتي أخذته وأهم مايدرون xD
<<-- بس كبير ما ينفع أخذه
ههههههههههههه

هع هع هع
أتمنى انه محد يصير له الي حصل لي
صحيح من الي حصل لي بعضها أحداث مضحكة
بس الله أعلم بالشعور الي يصادف الشخص بأماكن جذي
من وحده و و و و

وان شاء الله تبعد عننا المصايب و الحوادث ^__^
أتمنى ان الموضوع التحششيشي أعجبكم ^__^
سياا

[sherlock-kudo]

أهدي برهوم : لي ثلاثة ايام
اصرف لك من الهبال الي تسمعه Xd

على فكرة الحمد لله على السلامة

و ما دمت كتبت هذا الموضوع الطويل فإن شاء الله ما فيك إلا كل خير Xd

[Naru]

ههههههههههههههههههههههههه ههههههههههههههههههههههههه ههههههههههههههه
ههههههههههههههههههههههههه ههههههههههههههههههههههههه ههههههه
ههههههههههههههههههههههههه ههههههههههههههههههههههههه ههههههههههه
ههههههههههههههههههههههههه ههههههههههههههههههههههههه هههههههه
ههههههههههههههههههههههههه هههههههههههه
ولا يزال الضحك مستمرا !!!

ألف سلامة عليك أخونا برهوم وما تشوف شر
بس طلعت شيطان نمره اولى جننت الممرضة المسكينة ومسوي فيها فيلم رعب ههههههههههههه عاد تمسك رجلها من تحت السرير ذكرتني بفيلم the six sence
والله مواقفك وحده احلى من الثانية وقعدت اضحك لين الحين هههههه
باعد الله بينك وبين المشافي ولا جعل اللقيا الا بالافراح >> أي افراح يا معوده هاي الي تجي من المستشفيات >ــ<


سلامي

[لوكس]

Hi


اولاً :: الحمد لله على سلامتك ^_______^

ثانياً ::

طبعا في هذا الجو المشمس الجميل ومراقبة الطيور وهي تركض
و القطط وهي تطير في الأأعالي
وصيحات طلاب الأبتدائي وهم ذاهبون للمدرسة
وانت واقف بالخارج تشرب بيبسي وتقول لهذا الطالب المسكين "كااااااك تعوضها يا حلو "
طبعا بهذه اللحظة انت ستكون محشش خبيث xD

ههههههههههههههههههههههههه هههههههههههه

هههههههههههههههههههههههه الله ياخذ بليسك ايش ذا مت من الضحك

مقدمه خطيييرهبرهووووم

هههههههههههههههههه

ما ادري شو اقول شكلك عذبت الممرضه عذاب هههههههههههههه

هههههههههههههه ههههههههههههه

الموضوع فلــــــــــــــــه كالعاده

تسلم والله استمتعت وانا اقرا الموضوع

ومشكوووووووور برهووووم

وان شاء الله تروح وترد بسلامه ^____^

تقبل مروري

JaNe

[Keiru]

خخخخ و الله أحلى حركة حركة الزهيوي
لا و بعد حركة الفراش صج حركة تحشيشية!!
بس مسكينة الممرضة ما سوت عليها><
شكلها بتقدم استقالتها!!

المهم الحمد الله على السلامة

[Demor]

What is the...... !!!!!

وصفك للحادث كان مريعاً جداً ....


المهم أنك بخير ولا تشكو من الشلل ... ^_^

عافاك الله وكتب لك الأجر...

((لا بأس طهور ان شاء الله ))

دعواتي لك بالشفاء العاجل...

Demor

[korapika]

ههههههههه
الحمد الله علي السلامة وماتشوف شر
><

[براق الثنايا]

حمدا لله على سلامتك أخي

..

الله يجعل ما أصابك كفارة لذنوبك ورفعة لدرجاتك .


سلاااامي لك .

[عاشق_كونان]

محجووووووووووووز



....

[Aboora Chan]

هههههههههههههههههههههه

رهيييييييييييييب انت

موضوعك خطيييييييير

مت من الضحك
وسعت صدري الله يجزااك خير

والحمد لله على السلآآآآآمهـ
مااتشوف شر
إن شآآء الله أجر


في أمان اللهـ

[الوردة الجورية]

ههههههههههههههههههههههههه هههه

الحمدلله على سلامتك
وفعلا طلعت أكبر محشش!!

[Irma~]

بس طاحت على مريض محشش
ههههههههههههههههههههههههه ههههه
الممرضة : شنو فيه؟
برهوم : انا جوعان
الممرضة: شوف الثلاجة
برهوم : مافيها غير الحلويات
الممرضة : زين زين
وتروح وتتركني بروحي وانا ذابحني الجوع
و المستشفياتهم أكلهم كله خضروات وانا بروحي ماأحب الخضروات
وأدق وأناديها مرة ثانية
ولا ترد علي وانا تميت أظل أدق
<<-- عرفت المريض عدل

خخخخخ ومن الي مايعرفك....همممم ما تركت التحشيش حتى بالمستشفى!!ياويلي اجل انت محشش ابا عن جد **

ويتني فكرة جنونية حتى أنتقم من الممرضة
والساعه 3 الفجر تقريبا او قبلها بشوي وقتها طالع باور رينجر على أم بي سي ثري
و أقوم من السرير و أتخبى تحت السرير و أضغط على الزر وتيني الممرضة و تطالع بالسرير ولا تلقى أحد
وتنادي ابراهيم وابراهيم على بالها بدورة المياة و لما تلتف ورا
وانا أمسك رجلها من تحت السرير
و لا تسمع الا الصراخ الي يفجر الأذن
ههههههههههههههههههههههههه ههههههههههههه
الله أعلم وقتها زين ماياها أزمة قلبية

خخخ ههههههههههه مشاءالله ابراهيم لو اموت انا ماعندي نص الجرأه الي فيك هع هعهع مسكينه ..الممرضهـ..

و انا منصدم و أدمع بعيني قلت العين يقطعون رجلي
ههههههههههههههههههههههههه ههههه

نفسي اتخيــل المنظـر@_@ رهيـــــــــــب ولا؟!

عاد لما خلصت قلت لها
برهوم : يا ممرضة
الممرضة : نعم ؟
برهوم : هاج هذي هدية بسيطه علشان العناية
وقتها الأبتسامة العريضة مثل هذي ^_________________________^
الممرضة : شكرا
طبعا بدون أي تردد الممرضة تمد يدها وتسحب
وأهي تطالع لي والا يطلع الصرصور ويلصق بيدها
ههههههههههههههههههههههههه هههههههههههههههه
و ...............................
معروف الي صار
صرخه صرخه رهييييييييييييييييييييييي ييييييييييييبه
ههههههههههههههههههههههههه هه
والله المسكينه كرهت التمريض من وراي

احس انها استقالت ...من الوظيفهـ هعههعهعهع خخخخخ حراام عليكم خرعت البنت الصغيرونه...خخخخخخخخخخ..بس تصدق حركه بحاول اجربهـا.........>>اتحدى<<احلى شي الابتسامهـ....هههه

الممرضة : انت مجرم
برهوم: شكرا على المدح
والممرضة المسكينه تروح و تسكر الباب
وانا منفجر من الضحك
بعدها بنص بساعه ونص ضميري أنبني ويقول لي عيب تسوي جذي مع المسكينه
وأناديها وأعتذر لها
ههههههههههههه على بالها مسوي مقلب يديد فيها
وأعتذرت منها قلت خوفي باجر يلصقون صورتي قدام باب المستشفى ومكتوب تحتها ممنوع دخوله
ههههههههههههههههه
مثل المطلوبين

هههههه هنديهـ؟ ولا كويتيه.؟احس الهنود يطيروووون من هالحركات خخخخخخ...اتوقع لو تروح للمستشفى تشوف صورتكـ^^!
زين اعتذرت...!!**!!

خخخخ...احم تدري لو تطيح كل يوم بالمستشفى عز الله بيموتون منكـ!(لا سمح الله^^!)
والهنديـهـ راح تنتحر!!
اخوي ابراهيم ان..لقد (فقعت )بطوننا من الضحك و(وسعت) صدورنا!!<<يمديك عاللغه؟!
نتمنى منكـ كلما جت حالهـ التحشيش..تكتب لنا..<<اي عزالله حذفو قلم الاعضاء وحطو بداله قلم التحشيش!!@_@
في النهايــهـ اشكرك من كل قلبي<<صار تعبيـر!!
ايرما

[LightNight]

وعليكم السلام ورحمة الله وبركاته

يا هلا برجعة المحشش للمنتدى

الحمدلله عالسلامة ^ ^

سقف السيارة هذا كله دخل بظهري الباب لصق بجانبي الأيمين

قلت الحين بدت الدراما وجهزت علبة الكلينكس

بس ما ادري انت من وين يايبينك

حتى فمثل هاذي المواقف ما شاالله عليك تحافظ على روحك المرحة

والله ضحكنا أكثر مما زعلنا عليك ...xdd

باجر يلصقون صورتي قدام باب المستشفى ومكتوب تحتها ممنوع دخوله

Xdddd

يلا الحمدلله عالسلامة وتعيش وتاكل غيرها..

[spidey]

الحمد لله على السلامة برهوم .. و ما تشوف شر ..
الصراحة مت من الضحك على قصة الممرضة لمن سحبت الصرصور ههههه Xd .. شكلها ما راح تنسى شكلك خخخ و التحشيش الي سواته فيها ..

[MiDo-Kun]

سلاااااموه

مسكينة الممرضة الهندية تراااااك جننتها و أصبحت هي من تحتاج العلاج

هههههههههه
لا والله أنك محشش خطير يا برهوووووومز

وياه علبة علج ( العلكة ) هذي الي لما تبي تسحب العلكة يطلع لك صرصور

نعم أعرف هاذي اللعبة تراها عندي ( مصدر جرائمي هههه )

والحمد الله على سلامتك !..

تحياتي ¤

[meaad]

هههههههههههه يعني الكازيكاجي ساما لازم يسوي حركات في كل مكان والله الممرضه حزنتني والحمد لله على السلامه وما تشوف شر

[K A I T A]

و عليكم السلااام ^^"""..!!
والله عليك مقدمة " خطييييرة " .. و العنوان " ههه" أخطر و أخطر !!
يعني الحين انت مريض بالمستشفى و تعباان و حالتك حاالة !! .. و تحسب الوقت ؟! :\
هههههههههه "راجع من المستشفى ^^.. و ترجع للمستشفى"
مسكييييين !!!
والله ما سلمت الممرضة منك :\ !! بس مادري لييش !! أحسها تستاهل ! :\
XD
سلاااماااات .. !!

مثل ما أشوف ان " معاناة × تعب × عوااار !! اهوة الي صار !!
لكن أحسه ممتع :P ^^"
يعطيييييك العاااافية عالقصة التحشيشية ال"خطيييرة"
عالأقل صار فـي نكهة ^^ قبل لا أدرس حق الامتحان ^^..
^___^
ما قصرت ..

[كـراش]

بسم الله الرحمن الرحيم

نكتفي بظحكة بسيطة ( هههههههههههه )

وسلامات ..

[reema199]

الســلام عليكم ورحمة الله وبركاته

الحمد لله على سلامتك برهوووم ...

والله يعافيك ...أرحم ملائكة الرحمة ..الله يرحمك ...

ما أدري أشفق عليك وإلا عليها المسكينة ...><"...

وما تشوف شر برهووووم ^^

[البرنسيسة]

ههههههههههههههههههههههههه ههههههههههههههههههههههههه ههههههه
خخخخخخخخخخخخخخخخخخخخخخخخخ خخخخخخخخخخخخخخخخخخخخخخ
ككككككككككككككككككككككككك ككككككككككككككككككككككككك ككككككك
...الخ

السلام عليكم و رحمة الله و بركاته >> بعد ما خلصت ضحك^^

أولا..الحمدالله على السلامة..ما تشوف شر إن شاء الله

الصراحة وصفك خطييييييير..والله حزنت لحالتك..لكن من حركاتك التحشيشية نسيتنا اللي صارلك..ههههههه

يحليلها الممرضة ما خليتها في حالها..الظاهر محد بيسلم منك..خخخ

و أحلى موقف يوم خوفتها من تحت السرير..مسولها فلم رعب..ههههههههه

مشكووور عالموضوع التحشيشي..مت من الضحك عليه..و الله يعافيك إن شاء الله و يحفظك