_____▓◄.◄.◄ عذرا. .♥(ممنوع)♥♥(الدخول)♥♥(لغير)♥♥(بنات)♥♥(السعودية )♥ ►.►.►▓____

[Ms . ALFREDO]

السلام عليكم ورحمة الله وبركاته

يزاك الله خير خيوو ... صراحه كلامك درر وللأسف مثل ماقلت أن هاي الظاهره انتشرت وايد يعني لو نفكر لمدة 0 ثانيه بنلاقي أن الوضع تغير ألف مليون درجه قبل كان من أندر النوادر تشوف بنت مطلعه الشعر أو متمكيجه فل ميك اب أو متعطره وكانت هي المتخلفه فينا ألحين الي يصير العكس بالضبط المتخلفه هي الي ماتطلع شعرها أو تتمكيج أو تتعطر ألحين المكياج يبــيـن من مسافه قرن والعطر سوري قصدي العطورات شاله المكان شيل ... حشى خير شصاير أنزين ندري أن عندكم عطورات في البيت حتى أحنا ترى بعد عندنا ... تروح تكلم لك وحده تنصحها الدنيا تقوم وماتقعد أنتي شتبين وشدخلج أنتي أصلا ً محتره مني أنا وأنا وأنا وأنا وأنتي وأنتي ... والله أن قلبي يعورني عليهم
لكن للاسف مانقدر نسوي لهم شي والمشكله أن هالشي يزيد مايقل يعني بصوره جنونيه ومبالغ فيها ... والعياذ بالله .

وللأسف بعد وبكل قهر أقولها أنهم تقريبا ً قدروا يوصلون للي يبونه خططوا وتكاتفوا
بس عشان يشككونا في دينا سبحان الله في هاي النقطه الكل أجتمع بس عشان يدمرونا
وللأسف أن ألي أنساغوا وراهم وايد .. وبيستمرون بهالشي ألين ماله نهايه بس لأنهم يدرون أن دينا هو الدين الحق ...

أنا صادني موقفين وهم أكبر دليل على كل كلمه قلتها خيوو

الأول ...

كنت في بريطانيا .. أنا وأمي نتمشى في السوق ودخلنا محل
من أول مادخلت وواحد يطالعني ماشال عينه عني وتم يراقبني
ونطر الخبيث الين ماأمي أبتعدت عني شوي وياني ركيض والله خفت خلاص قلت رحتيها فيها خلاااااااااااااص وليتي ... وبعدين تذكرت أني فضيحه وحشره فإرتحت شوي سويت نفسي بطلع من المحل من الوهقه رحت ركيض عند الباب نست أن أمي معاي << طلعت شجاعه خخخ ولتفت ألا هو ياي صوبي شاخط من صجه توهقت ماوعيت ألا هو حذاي أنا من الوهقه ماعرفت شاسوي وتم يطالعني وأنا أطالعه متوهقه خايفه أتحرك وأروح فيها شكله كان مب صاحي سكران مادري شسالفته
قال أنتي ليش لابسه جي ؟؟؟ ليـــــــــــــش وعيونه بسم الله الرحمن الرحيم
ماأقدر أوصفها ولاعمري بنسى نظرته ...
رديت عليه قلت له شدخلك ؟؟ >> زين زين مابغيتي .. قال شنو أنتي ماتجوفين الجو برى حر الناس متفصخين
وأنتي مادري شلابسه ويايه ليــــــــش ؟ فصخي ألي لابسته فصخيه
أنتي مينونه أصلا ً تدرين أن شكلج يخرع جنج يدتي مكبرج فصخيه !!!
ابي أعرف شدخل ,,, مكبرج و يدتي وحر

تخيل خيوو أنت أحكم ؟

الثاني ...

كنت في الجامعه في رمضان كانت توها الجامعه باديه وكان في دكتور توه ياي يديد
أمريكي قال لي لوسمحتي ممكن تدلني المبنى الفلاني أنا يديد وماعرف وينه وعندي
محاظره ألحين قلت له أكيد تفضل وأحنا في الطريق الا يقول بسألج سؤال وجوابي
وبصراحه قلت له تفضل...قال أنا ألحين لابس تي شيرت نص كم وجينز وألوان فاتحه وميت
من الحر . أنتي شلون مستحمله ؟؟؟ صراحه حرام ألي يسونه فيكم مب كل مكان لازم
تلبسون فيه العبايه أنا بقترح عليهم أنهم يدورون لكم حل أن بس أتمون بالحجاب بدون
عبايه شرايج ؟ هاي التدريج الي قلت عنه خيوو أول شي نفصخ العبايه وبعدين الشيله وبعدين الله يستر وأبتسم إبتسامه والله والله تخرع شيطانيه خبيثه
ألين هالحظه أنا منصدمه منه طول الطريق وهو يقول أنتي مسيكنه أنتوا مساكين
شلون و شلون مستحملين وساكتين << من شكا لك الحال زين ؟
يعني بإختصار خيوو أن كل الي ذكرته للاسف صح 1000000000000000000000000%
يعني هم مابيكتفون أنهم بس يذيعون هاي في القنوات وفي الجرايد لا الظاهر بيوقفون كل
وحده وواحد وبيسون فيهم نفس ماسووا معاي

والعذر والله انتوا مظلومين والله أنتوا مساكين وشلون مستحملين
عاد أنه يعني قلوبهم علينا

++

ماقول إلا الله يهديهم ويهدينا ويختم بالحسنات أعمالنا ويجعل آخر مايكتب في صحائفنا

أشهد أن لاإله إلا الله وأشهد أن محمد رسول الله

يزاك الله الف خير اخوي وسوري على الإطاله