همممممم.. مدرسة, هاه؟!!

و الله المدرسة خايسه من زمان لكن من يوم حطو نظام الإختبارات القصيرة و هي صايرة ما تنطاق ..

أنا قريت الموضوع كامل أمس.. و الله في مواقف حلوة وايد ..

و الله الحالة بالمدرسة عندنا يرثى لها .. كل يوم سب و لعن في المدرسين و الوزارة .. صار شيء طبيعي ..

طبعاً مدرينا الملقب بـ صدام حسين .. كريه جداً .. حتى المدرسين كارهينه .. ما أحد يحبه أبداً .. خاصة لما يجي يتكلم بالميكروفون .. و الله تكره حياتك .. تبدأ لعبة الكلمات المتقاطعة .. يقول كلمة و يسكت 10 ثواني ثم يكمل .. حشا اكمل الفراغ مو كلمة مدير .. طبعاً ه أكثر واحد ينسب .. بس عشان أكون صريح معاكم .. و الله من جد يشبه صدام حسين ..

يوم جينا من إجازة العيد الشباب يقولون ما سمعنا نبأ موت صدام حسين ها السنة ( يقصدون صدام حقنا XD ) ..

أنا بتكلم عن الي صار اليوم بس ..

قمت الصبح و يا كره قومة الصبح لما يقومونك أهلك .. رتبت الجدول ( كالعادة في الصباح ) .. ثم بدأ المسير إلى المطرسة ..

وصلت على الطابور .. ما شاء الله تمارين صباحية بها البرد .. و مدرس الرياضة حقنا يعطينا تمارين غريبة عجيبة .. و الله تضحك على نفسك إن سويتها ..

دخلنا الفصل الحصة الأولى كيمياء .. قلنا له يا ابن الحلال الحصة الثانية اختبار أحياء و نبي ندرس ( طبعاً أكيد في كم نفر ما فتحوا الكتاب بالبيت و لا ما درسوا زين .. انا من النوع الثاني ) لكن للأسف كالعادة ماكو فايدة .. لازم يعطينا شيء .. عطنا مثال شطوله .. على تفاعلات الأكسدة و الإختزال ( الأخ ثالث ثانوي ) .. ثم قال يلا ادرسوا .. طبعاً محد يدرس كلهم سواليف ..

لما جت الحصة الثانية دخل مدرس الاحياء و قال يلا الإختبار .. و نختبر و تجينا تلك الأسئلة .. يشيب لها رأس الصغير .. و مع الإزعاج الحاصل بالفصل مع إنه اختبار .. و الي يغش من خويه .. و الي كاتب المنهج كامل ( تخيلوا !! ) في أوراق و مخبي كل ورقة في صفحة من كتاب الإنجليزي .. المدرس فتش الكتاب بعد ما بدأ الإختبار بفترة لقا ورقة وحده ( صادوه ! ) .. راح جاب له ورقة جديدة و قاله حل ( خوش مدرس مو ^^؟ ) ..

خلص الإختبار الحصة الثالثة .. شنو ؟

إنجليزي .. مدرس ما أدري شنو هدفه بالحياة .. دايم يدخل نفسه بخشمه ..و يبدأ يكتب بالسبورة و يشرح .. طبعاً حنا فصلنا دوافير لكن ما ينتبهون للمدرسين ( حلوها ! ) .. و انا مو مع المدرسة .. قاعد اكتب و ارسم و حوسة .. المدرسة قال حلو تمرين و انا مدري شسالفة .. و قاعد يناديني ( عبدالعزيز .. عبدالعزيز ) و أنا مو حوله لما نبهني واحد من الي حولي ^^ ..

الحمد لله انا إنجليزيتي جيدة عشاني اترجم فصورتي عند المدرسة كويسة جداً ..

ثم تبدأ الفسحة .. اروح غرفة الرياضة عشان العب تنس طاولة ( عضو اللجنة الرياضية ) .. يوم خلصت الفسحة عدنا من جديد ..

رياضيات .. واحد من ربعي يمي معاه جواله .. شغل لعبة و قالي هاك العب قيس دفارتك !!

عاد انا لعبت اللعبة و ساحب على ام المدرس .. المدرس مدري يشرح لمنو حقيقة .. حوالي 6 طلاب نايمين و 5 يسولفون مع بعض و انا و خويي بالجوال .. و في واحد قدام ( تخيلوا عند المدرس ) قاعد يطلع نتيجة الطلاب بالقدرات ( يدق على المركز من جواله ) .. يعني الي منتبهين مع المدرس 2 او 3 ..

ثم يعطينا تمرين .. يحلونه الدوافير ثم يسلمون دفاترهم لنا ..

أنا عاد بديت احل و حوسة .. ثم رنت الحصة .. المشكلة مو فاهم شي من الي قاعد اكتبه .. طلع المدرس و راح .. يوم خلصت طلع وراه ادور عليه .. و يوم جيت عنده صحح لي ( حل واحد من الدوافير ) .. قال لي ما شاء الله عليك مهتم جداً .. فصلنا كله ( 25 طالب ) ما فيه إلا 1 او 2 دفاترهم الرياضيات كاملة .. أم السحبات .. عاد مع السواليف ما كأن فيه مدرس ..

ثم رنت الحصة .. حصة فيزياء .. المدرس الرهيب مرة عندي ..

غايب ( شوفوا حظي الخايس!! ) .. سواليف و ازعاج و خروج من الفصل .. عندنا عريف الله لا يوريكم .. كل شي عند المدير ( وش تسوون في شخص مثله ) .. مرة بغى ينقص مني 10 درجات من لاسلوك و استدعاء و لي امر عشان كتبت شي على طر الدرايش و مسحته T.T !!

و قصص عن ها العريف .. ودك بس تقتله ..

رنت الحصة بسلام ..بدون اصابات مع وجود بعض الغارات الجوية ( انتوا افهموها عاد ) ..

رنت الحصة و بدأت الحصة السادسة .. نحووووو !!

مدرس غريب عجيب من عالم آخر .. تخيلوا يا جماعة .. إنسان متخرج من طبيعي (علمي ) بنسبة 97% و يدخل لغة عربية ( شنو تسوون فيه ؟؟ ) ..

شرح ممل .. ما في أحد معاه .. بس الفصل هدووووووووووووووء .. وناسة بس يجيك النوم ..

ترن الحصة .. صلاة ثم عودة إلى الفصول ..

الحصة الاخيره حاسب ..

و الله مادة الحاسب هي المادة الوحيده الي ما تهنيت فيها .. كلهم مدرسين مطبقين .. و مسوين نفسهم اقوياء ( ما تقول يكونون صداقات مع الطلاب .. مالت عليهم ^^ ) ..

إزعاج غير طبيعي .. المدرس مسكين ما قدر يعطي درس ..

و فجأة فُتح الباب .. سكوت عم على الفصل .. من؟؟

إنه صدام حسين !!!!

يدخل يقول كلمتين سخيفات و يطلع .. يتسكر الباب ..

يصرخ احد الطلاب .. و الله إنه سخيييف مرة !! و يبدأ الإزعاج من جديد ..

و هيك تنتهي معاناة اليوم ..

شكراً لكم على الموضوع القميل جداً .. شكراً أخت Irma ..

آسف على الإطالة .. و السلام عليكم ..