وعليكم السلام ورحمة الله وبركاته

مشكور على الموضوع أخوي

لكن ياخوي الدين يسر
ودليل المؤمن قلبه
ويقول الله :" وما أنا من المتكلفين "
وش حقه نطرد ورا العلماء وندور ونسأل
ويمكن يجاوبونا ويمكن يقلك ماعندي شيء فهذي المسألة
أو يقول " الله أعلم "
خلنا نسأل أطرف واحد نشوفه يتكلم في الدين .. ولا جاوبنا خذينا بكلامه




آسفة أخوي .. لكن هذا الجواب اللي سمعته بعد ماطرح هذا الإستفسار
و مثل ما قلت .. لو واحد منهم أصيب بمرض خطير " الله يبعد عنا الأمراض " ماراح أطرف مستوصف .. أو أقرب مركز صحي .. ولا حط نفسه بين يدين أقرب طبيب .. لأن هذي مسألة موت أو حياة
والدين " اللي هو مسألة جنة أو نار " تغافل عنه .. بس يبي يبرئ ذمته .. ويبحث عن الأيسر .. ولا سألته قال هذا كلام فلان مو كلامي .

والأعجب من هذا .. إنك تلاقيه ياخذ قول العالم الفلاني فالمسألة لأنه الأيسر .. ولا جا فمسألة ثانية ياخذ قول العالم الآخر لأنه يوافق هواه .. بغض النظر عن الأدلة الشرعية والإستنباط ..

ومرة حصل نقاش بين بعض البنات .. وش حكم حلق اللحية ( خله أول يطلع لكم بعدين سولفوا ) المهم وحدة قالت حرام .. وقاموا عليها .. وشو حرام ؟؟ اللحية مجرد سنة لا يأثم تاركها ( تحولت فقيهة ) ووحدة قالت في مذاهب تقول حرام ومذاهب تقول حلال ( على بالها مجمع فقهي ) .. طبيت عليهم .. قلت أي مذهب يقول اللحية مستحبة ؟! قالت كل الناس ( عاد هذا امام جديد اسمه كل الناس ) قلت الإمام أبو حنيفة ومالك والشافعي وأحم والشيخ ابن باز وابن عثيمين وصالح الفوزان وآل الشيخ والألباني والهيئة كبار العلماء وجميع علماء الأمة أجمعوا على إن اللحية واجبة وحلقها حرام ... وين كل الناس هذي ؟!
المهم مو لازم نكمل القصة لأنها محزنة والله

صار أهون ما عند الناس أمور دينهم
ونسوا إنا ما خلقنا إلا من أجل اقامة هذا الدين

آسفة على الإطالة .. جزاك الله خير أخوي على الموضوع الرائع
جعله الله فموازين حسناتك