السلام عليكم
هذا الزبال يقول إنه يخالف آراء العلماء السابق ذكرهم في العنوان
يعني إن طول الموجة يساوي ثابت بلانك على كتلة الجسم في سرعته ، وعدد الكم المغزلي ، وطاقة الوضع التجاذبية والسالبية كل ذا كلام فاضي ..
وأبدى سماحة الزبال رأيه ، بمجموعة من ( الترهات )
واستدل بأنه لا يراها
وعلل كلامه قائلا لي : شوف يا براق الثنايا ، صح إن ذولا علماء كبار ، بس وش يدريك إنهم ما غلطوا ؟
واستطرد قائلا لي : أنت تؤمن بالرسول صلى الله عليه وسلم
قلت : نعم
قال : طيب الرسول يقول : " كل أمتي خطاؤون "
وش يدريك إن نيلزبور وطقته ما غلطوا ؟؟
يعني هم معصومين ولا إيه ؟!
قلت : حاشا وربي
قال : يعني كلامي صح
ثم صلى ركعتين ، ودعا الله فيهما وسأله أن يجعل جائزة نوبل من نصيبه ذي السنة
_تمت_
طبعا أنتم بتستنكرون هذا ، وتقولون : وش جاب الزبال إلي أصلا ما يعرف يقرا ولا يكتب ، في أشياء هي هي !
ما بقا إلا زبال يتكلم في الكوارك ؟
وأكيد إننا بنقوم الدنيا ولا تقعدها ، وراح ينتشر مقطع بلوتوث عني أنا والزبال ^^
وراح ينتشر الخبر في المنتديات
وبكره تلاقيه طالع في CNN
!
السؤال يا جماعة بعد كل هذا الكلام
ليه لما واحد جاهل بالعلم الشرعي ما يعرف كوعه من بوعه ، ولا يعرف يقرأ الفاتحة صح ، لما يتلكم في المنتديات والمجالس والقاعات و ... يتكلم في أمور الحلال والحرام ، وأمور العامة ، والمستجدات .. ما يؤاخذ ولا يؤنب ولا يضحك عليه ؟؟!!!
وإذا تكلمت أنت .. يجي دلخ ويقولك : يا خي إحترم وجة نظر !!
( طيب ليه ما نحترم وجة نظر الزبال ؟؟ )
ليه لما واحد ما قد سمع ولا شريط ولا قرأ ولا كتاب في العقدية ، لما يتكلم في السياسة الشرعية ، والولاء والبراء ، والكفر والنفاق ، واليهود والنصارى .. ما أحد يقوله : " اسكت ولا يكثر " ؟!
تلاقي ( كاتب إسلامي ، روائي إسلامي ، مفكر إسلامي ، داعية إسلامي ، شيخ ) يتلكمون ويتفلسفون في أمور والله إنهم موب لمها
لو أقول لواحد منهم : وش شروط لا إله إلا الله ما عرفها !
وتلاقيه يتلكم عن ( لا تقول لليهودي والنصراني يا كافر ، قوله يا الآخر ! )
وتشوفه يقول : ( الإيقاع جائز ولا بأس به )
وهلم جرا بمسائل مصافحة النساء للرجال ، وحلق اللحا والإسبال ، والإسلامية المنفتحه ، وتحليل الربا ، والخمر ، ومنهم من قال بأن التدخين حلال للأغنياء ، والسفر للخارج ، وبكم كيلو البصل .. إلخ
والمصيبة إنه يعارض كبار العلماء ، ممن بذلوا حياتهم في العلم ، الليل والنهار ، بذلوا الغالي والنفيس .. ياليت لو علماء وبس ، بل يخالف الصحابة !
المشكلة الكبرى ، مو في ذولا
المشكلة الكبرى في المساكين الدلوخ اللي يسمعون لهم !
تقول له : يا أخي ، الإسبال حرام ، لأن .... إلخ ، والشيخ ابن باز والألباني وابن عثيمين والفوزان وهيئة كبار العلماء يفتون بحرمتها !
يقول ، وبكل دلاخة : طيب ( المفكر الإسلامي ) طارق السويدان يسبل ثوبه
!
تقول له : التدخين حرام
يقول : طيب الطنطاوي قال إنها حلال للأغنياء .. وأنا مطخطخ فلووووووووس
تقول له : أناشيد الإيقاع ( أغاني أصلا ) حرام .. كبار علماء عصرنا أفتوا بتحريمها
يقول : لا يا شاطر ، أصدرت وزارة الشئون الإسلامية ( لدولة خليجية ) بأنها حلال
يا مسلم يا هو يا بني آدم .. وين كلام كبار العلماء . ألوووو ؟؟
( طبعا هذا بعد نصوص القرآن والسنة الواضحة اللي ما فيها شك )
طيب .. ليه لما الزبال تكلم في الخاصية الموجية للإلكترون ،ويقول إن رذرفورد ما وراه سالفة . شنعتوا عليه ..
ولما يجي واحد محسوب على أهل العلم ، ما تلكمتم ؟؟
يا ناس افهموا
للأسف صار الدين سوقه رخيص
كل من هب ودب ، يتكلم .
وكما قيل :" إن هذا العلم دين ، فانظروا عمن تأخذون دينكم " .
يا مسلم
لو أنك مرضت مرض خطير جدا ( سلمك الله ) هل بتروح لمركز صحي ما عندهم إلا بانادول ؟
ولا بتسأل من أحسن مستشفى موجودة .. ولو كانت في بريطانيا لرحتلها ؟
نفس الشيئ
ليه لما ما تعرف مسألة شرعية أو حكم شرعي
تسأل أي واحد يطلع في القنوات ، وتشوفلك أي فتوى
وتترك كلام كبار العلماء ، العلماء الربانيين !!
ليه التناقض هذا
هل صحتك أهم من دينك ؟
تقول لا طبعا ,..,,
أقولك : طيب وين الكلام ذا في الواقع ؟
فعليكم بالثقات من العلماء .. ولا يغرونكم ناس ، والله إنهم ما يدرون وين ربي حاطهم ؟
يعني كيف تسأل واحد يطلع في برنامج ، ويجلس جنب المقدمة اللي باين نص فخذها ،
وياليت لو تفرق بين : العالم والعابد
واللي قلته بين واحد يسمع لمن يمثل الإسلام ( مثل الدعاة ) ويرفض كلام العلماء وفهم السلف ..
فما بالك بواحد يرفض كلام العلماء ، ويسمع لواحد أصلا مشكوك في دينه
يسمع لشخص محسوب على المسلمين
يسمع لواحد من المنافقين من علمانين وليبراليين وغيرهم من المميعين للدين والبطيخيين وهنود حارتنا وفريق كاكاشي و المنظمة السوداء
خخخخ
|QQ-- ملخص الكلام اللي فوق --QQ|
باختصار : لو جاتك مسألة شرعية ، وعندك قولين ، وشفت واحد معروووف بعلمه الكبير ، والثاني مجرد داعية ، ولا مفكر إسلامي .. وش تسوي ؟
اسمع كلام العالم
ولو جاتك مسألة شرعية ، وعندك اختلاف بين العلماء نفسهم فيها ،، وش تسوي ؟
انظر للأدلة الشرعية من آيات و أحاديث و خذ الرأي الذي تراه أنه أوثق (من حيث الأدلة) و أتقى ، ولا تتبع هواك ورغباتك في الموضوع
ولو عندك طفل صغير ، وقدام بيتكم مركز صحي تابع لوزراة الصحة خخخخ وفيه مستشفى طويل عريض كبير ، فيه أبرز الإستشاريين وآخر ما توصلت إليه التنكلوجيا الطبية ... وين تودي الورع اللي عندك ؟
أكيد توديه للمستشفى المرموق الكبير المجهز ... إلخ
اللهم عليك بكل من يحاول أن يشكك على المسلمين ثوابتهم ومبادئهم .
يا الله
اللهم طهر البلاد والعباد منه
اللهم واهد من اغتر بتفاهاتهم
اللهم احينا ، مستمسكين بالكتاب والسنة ، وأمتنا عليها ، واجعل خير أعمالنا خواتمها .
والسلام عليكم ورحمة الله وبركاته
المفضلات