قصه حدثت في الجامعه الامارات العربيه المتحده

[za3franah]

السلام عليكم ورحمة الله وبركاته

شخباركم عساكم بخير

انا حاليا في الجامعه ... ويالسه علشان صارت لي مصيبه مع الدكتور
بس هذا مب موضوعنا
المهم ربيعتي كانت معاي علشان تواسيني بمصيبتي
فقالت لي قصه .. انصدمت منها

القصه انه كانت عندنا وحده فلبينيه مسيحيه تشتغل في الحد الكفتريات .. وكانت دلوعه ولها حركات ماصخه .. ويوم اشوفها تشمأز نفسي منها

المهم كنا نعرف وحده ما شاء الله عليها .. ملتزمه بالدين والخلق .. وكانت يوم تكون بروحها تحط الـ MP3 على اذنها وتسمع القرآن

وطبعا هالبنت نعرفها عز المعرفه .. مع انها تخصصها يتخلف عن تخصصنا

تقريبا من اسبوعين...سألتني البنت الملتزمه وقالت لي شفتي الـ MP3 مالي.. قلت لها لا ما شفته ... قالت لي: انا نسيته في الكفتريبا "اللي تشتغل فيها الفلبينيه" ... قلت لها خلاص راحت عليج يا صاحبي .. تلقينه انسرق

المهم هي طنشت السالفه وانا طنشت ... بس قبل اسبوع .. لقينا الفلبينيه تغيرت أسلوبها .. وصارت تلبس الملابس الواسعه ... ومحجبه ... وتتكلم بكل احترام وتقدير .. شسالفه ...

تعرفون شو صار ... تقول ربيعتي
اللي سرق الـ MP3 مالت الملتزمه هي الفلبينيه .. وسمعت القرآن وهز قلبها .. واسلمت
تخيلوا .. وشكل راعي الكفتريا ما عيبه سالفة اسلامها ... فاستقالت .. وردت بلادها ... يا سبحان الله

قلت لعمري الا احط القصه في المنتدى ... واشوف رايكم في القصه Cab