بسم الله الرحمن الرحيم ..
السلام عليكم ورحمة الله وبركاته ..
كيف حالكم يا اعضاء احلى منتدى ؟؟ ان شاء الله تمام ..
اليوم حابة احط هالابيات البسيطة اللي تعبر عن جزء . من حزني على بلدي الغالي الجريح ..
وان شاء الله تعجبكم .. واحب تشاركوني آرائكم
يا عيني عليك يا عراق شكد صرت تعبان ..
يا عيني عليك يا عراق يا تاج كلّ الاوطان ..
يا عيني عليك يا عراق خربوك ..
دمروك سلبوا منك الراحة والامان ..
يا عيني عليك يا عراق يتموا اطفالك..
ومافرقوا بقتلهم بين شيوخ ولا شبّان..
وسفة وحيف يا عراق عللي جرالك..
يا بلد الانبياء والحضارة والاديان..
حرمونا من شوفتج يالطيبة بغداد ..
هذي هية حريتهم المزعومة؟ هذي هية حقوق الانسان؟
حلمنا بالامن ووعدونا يتحقق..
واعتذروا بأكاذيب لاتنحسب حجة ولاتنحسب برهان..
صار الخراب بكل زقاق وكل محلة ..
وصار النهب والسلب بالمجّان ...
وعدونا ووعدونا ووعدونا ..
اكتشفنا ان الغدر والخيانة الهم عنوان ...
سوّوك يا عراق بلد رشوة وفساد...
ومسّت ايامك مثل ايام قارون وهامان...
نفسي اشوفك ياعراق تعود ..
ونفسي اشوفك ضاحك وفرحان..
نفسي اشوف البسمة بوجوه اطفالك..
ونفسي اشوفك ياعراق عالي البنيان ...
تفرج يا عراق هالغمة عنك ...
وترد مثل ما جنت شامخ عطر ريّان..
ونشم عبيرك ونغرد ويا طيورك ..
مثل ما جنا قبل عقود وازمان ...
ونشوفك باذن الله سالم معمّر..
ونشرب من فراتك ودجلة مروى كل عطشان..
يا عيني عليك ياعراق الخير..
راجع يا جنتنا .. راجع لنا روح وريحان ...
هذه الابيات ,,, مهداة الى كل عراقي في هذا المنتدى ..
وياا اعضاء .. لاتنسونا .. احنا بحاجة لدعاكم
وفقكم الله ودمتم بخير ..
تحياتي لكم : اختكم عاشقة الجنة ,؛,
المفضلات