بسم الله والصلاة والسلام على رسول الله وبعد:

سيببك من الشيخ الجليل بتاع الجزء الاول خد عندك واحد انئح منه وهو الشيخ العلامه الركن الحبر الشيخ"المسلم القبطى":
1-ايه لما يقول هذا الجهبذ ان فى مصر فيه مسلم قبطى ومسيحى قبطى
2 -ايه لما يقول ان لو مافيش اختلاط لتوقفت الدنيا ,يعنى بصراحه اخى براق المفروض تتكسف وتقف ذليلا اما كلام هذا الحبر ,اخى براق انتوا ناس عندها نواقص بتعوضوها بتحريم الاختلاط ,ماله الاختلاط حد ما بيحبش البنات ,انتوا تطلعولنا فى البخت وتقولوا هذا منكر ولا يجوز محادثه المراه والخلوه بها ,ايه التعقيد الى انتوا فيه, الشباب بيزنوا عينى عينك وعلى الملأ وانتوا عمالين تتكلموا على منع الاختلاط يا عم كبر دماغك وخليك متطور ,ايه لما يكون لى زميلة ونتمشى مع بعض ويا حبذا لو حطيت ايدى على كتفها ,طبعا انتم جماعه السلف هتهبوا وتقولوا يحط ايده على كتفها ازااااااى ,وتقولوا"اتقوا الله "
وحرام ولا يجوز ,ارد عليك بكل تحضر وتشغيل دماغ الولد حاطط ايده على كتفها علشان يحميها ,ما هيا زى اخته يعنى زى عرضه والواحد لو ما حفظش على عرضه يبقى ديوث ,مش ده كلام الرسول يا سلفيين يا متعلمين يا بتوع المدارس ,الولد من دول خايف انه يكون ديوث وما يدخلش الجنه وبالتالى بيحط ايده على زميلته(ما احنا قلنا بقت عرضه لانها زى اخته ) مش علشان الى بالى بالك ,انتوا بصراحه يا سلفيين نيتكم مش حلوه ,دايما تشككوا فى افعال الاخرين وقبل ما اختم النقطة دى, اخى براق عاوز اقول لك فرفشوا الشباب ولعلعوهم ما تكبتهمش وتعقدوهم
3-نسيت اعرفكم بشيخ الشيخ المسلم القبطى ,شيخه هو الشيخ المبجل والامام المفدى "برعى السباك" الملقب ب"قلبظ" هذا تعجز مسامير حنجرتى وكعب لسانى من ان اصف مناقبه ولكنى ساسرد قليلا من مناقبه,صاحب كتاب التفسير الشهير "التفسير المسرور فى شرح اغانى بعرور " (ملحوظه :بعرور لمن لا يعرفه هو مغنى شعبى بيئه وواطى) والكتاب الذى بيع منه اكثرمن 100000 نسخه وهو "كتاب شرح المتون فى كيفية عصر اللمون" وكتاب"سيب صلاة العصر والحق الهلال والنصر" هذا الكتاب بيع منه فى السعوديه وحدها اكثر من مليار نسخه لدرجه ان الناس عملوا له اسهم وضاربوا فيه فى البورصه (فى كتاب!!!!! بس مش اى كتاب) وآخر كتاب وخالى بالكم معانا يا اخواننا الكتاب ده بالذات هو اللى اثر فى الشيخ المسلم القبطى وخلاه يتتلمذعلى ايد الشيخ قلبظ"برعى السباك" وهو كتاب "بوس زميلتك واحميها ربى يخليك ويخليها" اعتقد فهمت دلوقتى ايه سبب التزام الشيخ المسلم القبطى ,معلش انا طولت فى النقطه دى بس للاهميه
3-ايه لما يقول ان لو فى متش للمنتخب فى بطولة رسميه يجوز ان تفطر اللاعيبه... ليه؟!! واسمعوا الجهبذ رد وقال ايه(كانت فى حوار على قناة دريم فى العاشرة مساء):قال لان الاعيبه فى مهمة قوميه وبيمثلوا شرف الدوله ,يا دلع!!!!!!!!يا دلع!!!!!!!! بالله عليكم شفتم دلع وتظبيط اكتر من كده ,اهم دول الشيوخ ولا بلاش مش تقلى الشيخ ابو اسحاق يطلع يقولى البنوك حرام ,النقاب فرض,يا جماعه شوفوا الشيوخ الذين يعملون العقل والنقل فى المهلبيه هما دول الى المفروض نمشى وراهم زى الغنم ولو حبيت البقر ماعنديش مانع ,الكلام اللى قاله الشيخ ده ان دل على شىء فانما يدل على اهتمام الاسلام بالرياضه وان الرياضه بقت عصب الحياه زيها زى الفلوس والهوا
4- وهختم بحاجه تجعلنا جميعا نفخر بانه شيخنا ,فى البرنامج اللى بيطلع فيه وكلكم عرفينه واللى عايز يعرفه يكلمنى على الخاص ,المهم فى البرنامج ده دايما بيطلع مع المذيع اللى وشه "سعد" عليه فى الفقرة التانيه من البرنامج والبرنامج اصلا 3 فقرات ,ويقعد يتكلم مع المذيع حول القرآن والسنه والصراحه وانت قاعد تتفرج عليهم بتتكيف من الشيخ والمذيع ,كلام ايه وحلاوة ايه حاجه فل الصراحه ,المهم بتخلص الفقرة وبيخش على الفقرة الختاميه اللى هيا الفقرة الثالثه ,الفقرة دى فقرة الاغانى ,بيجيب المغنى او المغينه من دول ويقعد يسالها الابوم اللى جاى امتى , طاب سمعينا اغنية من الالبوم اللى نازل وهكذا ,ركزوا معايا الفقرة التانيه كان قال الله وقال الرسول والفقرة التالية مباشرة قالت هيفاء قالت نانسى ,ولا كأنه كان قاعد مع شيخ من شويه ,قمه السفاله والاستهزاء بالدين بس العيب مش على المذيع ,العيب على الشيخ الاهبل اللى سمح لنفسه ولعلمه انهم يتهانوا بالطريقه دى,فانا ختاما اخى براق عاوز انصحك نصيحة "الفكر السلفى خلاص راحت عليه خليك مع فكر البوس و السلاسل والحظاظات )وبعدين اديك شايف لا حد هيقولك ده حرام ولا ده حلال وحتى لما تموت هيقولوا لك موت انت بس والجنه مستنياك والحور العين واقفين منتظرينك ,اللهم احصى من يبتدعون فى دينك ويضلون امة نبيك عددا ولا تبقى منهم احدا اللهم آمين
تقبل مروى اخى براق والسلام عليكم ورحمة الله وبركاته