موشي موشي

بسم الله الرحمن الرحيم..

رح اكتب رد طويل..

نعم..مشكلة العصر هادا مو مشكلة مسومس وحسب!!

انا اوافق كل الاعضاء..ولا اوافقهم في نفس الوقت..كيف..؟

امم..قبل الدخول لصلب الموضوع اشكرك اخوي الكريم على الطرح الجميل..ولو نعلم انه سيسبب نقاش طويل..

المشكلة..نعم..المشكلة ليست في المنتدى..وليست في الادارة او المشرفين..

المشكة اولا: فيك انت..!!

وسيتم ايضاح السبب..

ثانيا: في الجيل الجديد للشباب!!..

وثالثا: المشكلة في الكل..في كل الناس..

لمن قلت المشكلة فيك قصدت يا اخي ويا كل الخوة اللي يفكرون مثل طريقة تفكيرك..<< ملاحظة انا لا اعيبك لكن هناك خطأ في طريقة تفكريرك..آسفة..

وهو ليش دايما تنظرون للماضي..؟

كان مسومس كدا وكدا كان حلو ومدري..وايش فايدتو؟

انا ما صار لي كثير ولهذا ماعرف..ويمكن فات علي الكثير..

لكن هل يوجد آلة العودة للماضي..؟

لا اذا ضع النقطة عند هذا الحط ولا تتجاوزه..

زماان كان في فلسطين حر وهواءه عليل والكل آمن..والحين..؟

هل ينفع هذا الكلام بعد التحول..؟ لا..اذا لا حل في تذكر الماضي ابدا..!!

ونيجي على الناس اللي قاعدين يفتقدون الاعضاء القدامى..

طيب صح انو كلهم كانو اعضاء متميزين مبدعين لكنهم راحو وبس خلاص..

ليش ما تحاول انك تبدأ علاقات مع الاعضاء الجدد..؟

انا برأيي هناك اعضاء جدد يستحقون الاهتمام..لكن اذا بقيت دايما تذكر الاعضاء القدامى فانك ستجعل الاعضاء الجدد كمان يهربون..وعلى ايش؟

لنأتي الى السؤال التالي وهو ليش ترك الاعضاء القدامى المنتدى..؟

سؤال تافه بكل ما تعنيه الكلمة..اسفة على الاسلوب..><

لكنه بالفعل هكذا..

الزمن يمضي..يمر..النهر يجري ولا يعود الماء اللي راح الى الورا..

بعضهم تزوجوا..بعضهم كبروا ونقص اهتمامهم بهادي المواضيع..

وبعضهم حصلوا الشهرة اللي يبوها والخبرة اللي يحتاجوها فتركوا المنتدى ليظهرواها في مكان ثاني برايهم افضل من هنا..وجهة نظرهم ايش نقدر نسوي..؟

واللي تركوه لانه صار ممل صراحة الملام الوحيد هو نفسه..

ايش رايك عشان صار وطنك ممل او عشان دخله العدو تتركه وتروح لدولة اخرى..؟

هل هذا تفكير منطقي..!!

الن تستحق عندها لقب: "الخائن"

اذا اولا لازم نير طريقة تفكيرنا ونمسح الماضي..ونبدا بالتخطيط للمستقبل..

ثانيا:

الجيل الجديد..المنحرف..الفاسد..

اذا في كلمة اسوا من هذه تقدر تسميهم بها..

الا من رحم ربي!! ما احب اعمم..

زي ما قالت الاخت..كل همهم الحب وما حب..

الجيل البعيد عن الله..

كل همهم التعارف..والعلاقة بين الفتاة والشاب..

التفكير المنحرف من قبل الغرب..

اللي همهم الشهرة..والعجب

اللي كل واحد تلاقيه ينقصه العاطفة..

والجيل المتروك.. الى الظلام..اللي لاحد يهتم بهم اهتمام صادق..

فماذا تنتظر منهم..؟

----------------

ثالثا..الكل..

نعم اعني الكل..بما فيهم الاعضاء والمشرفين والاداريين..

صراحة لاحد يعرف قد ايش يتعب الادارة..انا ما صرت ادارية في عمري بس اعرف جهد الادارة لان اختي ادارية في احد المنتديات الحديثة..

وهيا تبذل مجهود كبير وفي النهاية ينعتوه الاعضاء بالمتكبرة!!

تدروا ليش..؟ عشانها ما سمحت بصندوق المحادثة او حذفت صورة مخلة..!!!

المشرفين..صراحة اعرف فئة معينة لا بار عليهم..ولكن في مشرفين لا اراهم في المنتدى الا نادرا..

والادارة..

الادارة المسكينة..

اللي بدات ووبنت هذا الصرح العظيم..واعطته مجهود لا يوصف..

وبعد كل هذا العناء .. وبسبب اناس سخيفين..يكونوا الملام رقم -1-!!

الادارة..برايي لازم يشدد اكثر..

انا ما اوافق اللي يقول القوانين ير كافية بالعكس القوانين الشديدة اللي ابقت على المنتدى وساهمت لاستمرارها مدة طويلة..

الزبالة..! هل تعرفون كيف يصبح منتدى زبالة..؟

عندما يبدا تساهل في القوانين..والسماح بالاعضاء لكي لا يزعلوا او لا يتركوا المنتدى..!!

انا اوافق اخوي محمد لمن قال اللي يبا يروح يروح..

احنا ماحنا ماسكين احد..وصراحة افضل لانه عندها لن يبقا الا الناس المخلصون لهذا المنتدى..

انا واثقة ان محمد شريف كان نفسيته لم يكون جيدا حين كتب هذا الكلام وانا لا الومه..

والاخت اي..اظن انها ندمت على اللي قالته..

فنلتمس العذر..لهم..

اما عن الانمي بالفعل اصبح اكثرها اشياء تافهة وما بقي غير كم انمي جدير بالمشاهدة والمتابعة..

اما عن الخلافات اللي بين الاعضاء..يا اخي هادا مشكلة العالم العربي والاسلامي فما بالك بمنتدى؟!

اللي يختلف عشان انمي واللي يختلف عشان فرق واللي واللي..الخ..

ومشكلة السن الصغير..والله هادي المشكلة بالضبط مرة قاهر >< لكن ايش نسوي..؟

حتى انو طريقة التسجيل في المنتدى معقد شوي وهذا شي حسن كي لا يتسجل كل الناس..بس حتى الحين نعاني من مشكلة الاعضاء الصغار..

وكمان..لنفترض انو عندنا 10 عصافير نقوم بمراقبتهم..هل نفس الشي لمن يصير عندنا 100 عصفور او 1000 عصفور..؟ هل نفس الشي..

شهرة المنتدى وازدياد العدد كل هذا اجابيات وسلبيات في نفس الوقت..

انا اقول ان قوانين المنتدى لا باس بها..لكن لو قام الادارة بتنظيم المشرفين والاداريين..ولو هناك مراقبين عاميين اكثر..بحيث يكون المراقبة على المنتدى..افضل..

لانه..الناس من فئات دينية مختلفة..فلا يمكننا النظر اليهم كلهم من عين واحد..

فهناك نااس عادي عندهم كلمات السب وهم متعايشين بها ولا يمكن ان يخلو حياتهم منها!!!

وفي ناس ابدا لا يلفظونها..

هل هم سوا؟

وفي ناس عادي عندهم النظر الى صور نساء متبرجات..

وفي بعضهم حتى صورة بنت انمي لو متبرجة ما يحتفظون بها او ما ينظرون اليها..هل هم سوا..؟!

ان برأيي القوانين كويسة..ولو خليت الناس يسوو اللي على بالهم..عندها منجد رح يخلو لك المنتدى زبالة..بمعنى الكلمة..

اسمعوا أيها الإخوة، من المفروض في نقاش أي مشكلة كانت
أن تطرحوا أولًا

1- المشكلة
2- سبب المشكلة
3- الحلول المقترحة
4- النتيجة بعد تطبيق الاقتراحات


هذا هو الكلام الوحيد اللي اتفق عليه 100%

واريد ان اقدم لكم بعض الحلول..

1- عدم النظر للماضي والمضي للمستقبل

2- ان يبدا كل شخص بتصليح نفسه..قبل ان يلوم الاخرين..فلا اظن ان هناك شخص كامل!!

3- "شي اتخرب في ايــــــــــام.. لا يمكنها ان يتصلح في يوم!!"

<< ارى ان اكثر الاعضاء متجهين لقسم التصميم..وبالفعل..انا ارى ان قسم التصميم مسلي وممتع وفيه كل جديد..ومشرفيه مهتمين به اكثر من الاقسام الاخرى..وان شاء الله في مسابقة كاس مسومس للتصميم رح يقام قريبا..انا ارى انها قسم جدير بحمل لقب احسن قسم =)

واتمنى لكل الاقسام ان يصبح مثله او حتى افضل..

الكلام اللي كتبته انا ماني مع اناس معينين او اؤيد مجموعة معينة..كل الكلام من نفسي واعتقادي..

نصيحة اخيرة..

( لنحاول الا نيأس مهما كان موقفنا..ومهما كان الحال.. )

في بالي الكثيير لاقوله..ولكن اكتفي بهذا القدر الحين..

>>وشكرا لقراءتكم لما كتبت..^_^"<<

وسلامــــــــو,,