بسم الله الرحمن الرحيم
يعني كتبت هالموضوع وأنا فرحانة بشكل رهيب وبنفس الوقت زعلانة

الموضوع ومافيه ،، احنا العرب بدينا نبتعد شوي عن لغتنا ونستعمل كلمات
من لغات ثانية ... سواء إنجليزي أو ياباني وإن شاء الله هندي بعد

لكن الغريب إن احنا اللي بدينا نبدل بكلمات لغتنا نلاقي أشخاص بيموتون ويتعلمون
هاللغة ،، وأكبر مثال ((اليابانيين))
يوم رحت على نادي قابلت هناك مجموعة يابانيين((ياربييي حلوييين خخ))،، المهم
يوم عرفوا إني عربية صاروا فرحانين إنهم قابلوا عربية وواحد بدا يتكلم معاي عربي

ووحدة قالت لي إنها بتروح دورة تعلم اللغة العربية لإنها تحبها ،، وغيرها من جنسيات ثانية
>> وحتى يوم أتصل عليهم يتكلمون عربي بس أكيد مو كل الكلمات يعرفونها

وأكيد هذا شي يخلي الواحد فخور إنه يتكلم العربي ..


لكن السؤال .::. ليش صرنا نبتعد عن لغتنا العربية اللي هي لغة القرآن الكريم ونتكلم لغات
ثانية؟؟ بينما في ناس تتمنى لو إنها تعرف ولو كلمات من لغتنا؟؟

وليش في أشخاص عرب في بعض المنتديات الأجنبية مايقولون جنسيتهم؟؟ يعني هل صار
عيب الواحد يقول إنه عربي؟؟ .::.


مع التحية ..