كـل ما تــريـد معـرفتـه عن الاســنان ان شاء الله ^_^

[Haro0ona.S]

0اهلا وسهلا بكم في موضوعي المتواضع>> الذرابه ذابحتها خخخـ ,,
المهم,,

موضوعي يتكلم عن الاسنان لاني قبل فتره وعدت احد الاعضاء احط موضوع يتكلم بهذا الخصوص

المعلومات مؤكده 100% ان شاء الله لان شخص قريب لي يطبق حاليا

وبعد ما احط لكم المعلومات هذي ,,

اي سؤال يتعلق بالاسنان سواء كان عن الموضوع اللي تكلمت عنه او موضوع ثاني

بس يكون يتعلق بطب الاسنان ,,

ان شاء الله راح اجيب لكم الاجابات ^_^

بحيث انكم تستفيدون والشخص اللي راح اساله يستفيد

وانا بعد استفيد بما اني حلقه الوصل>> ماتفوت شئ الا تتليقف خخخ ^_^

ادري طولت عليكم بالمقدمه ,,وراح ابدى الموضوع الحين ,,



خــــــلـــــع الــــســــــن ,,
كثير من الاشخاص يتركون اسنانهم ويكونون عارفين انها متسوسه

لانه يقول ما احس بألم ما يحاج اروح او يقول اول ما يألمني باروح الطبيب

او بعضهم يقول معليش بتحمل الألم الحين وبعد فتره بيروح اذا اكلت مسكن او حطيت شئ عليه
هنا نقول له انك غلطان

السوسه هي عباره عن ,,,

بكتيريا biofilm تجلس على السن وتشتغل عليه وتكون هاديه لانها ما وصلت للطبقه الحساسه بالسن




وبما اننا ذكرنا الطبقات راح احط لكم صوره توضح طبقات السن
وان شاء الله اشرح لكم كل طبقه ووظيفتها ^_^



اول طبقه اسمها,,,
الميناء Enamle >>> وهي طبقه صلبه اكثر من العظم وتكون بيضاء
ووظيفتها>>> انها تحمي الطبقه اللي بعدها وهي الطبقه الظاهره واللي ناكل عليها

الطبقه الثانيه ,,
العاج Dentin>>> وهي طبقه صلبه بعد بس صلابتها اقل من صلابه الميناء
وهي طبقه حساسه بشكل فظيع بحيث انها اذا ظهرت بسبب احتكاك طبقه الميناء وزوالها
صارت الاسنان حساسه وماتقدر انت تشرب البارد او الحار
واحياننا يكون الهوا البارد يسبب لك الم بسبه ظهور هذي الطبقه ,,

الطبقه الثالثه,,
اللب Pulp >>> وهي الطبقه اللي تحوى الاعصاي والاوعيه الدمويه
اذا وصلت السوسه الى هذي الطبقه فعلى سنك السلام
يا يشيلون العصب من سنك او يخلع



الحين نجي على شيله العصب ,,,

كثير من يقول لو اشيل العصب راح ارتاح لاني ما احس بسني

هنا نقول له ان هذا تفكير خطا

لان سنك الحين صار ميت ومافيه شئ يغذيه

يعني زي الخشبه اذا حطيتها بمكان جاف ومايجيها مويه او شئ ,,
هو اصلا انت راح تستفيد منها بس مب الى الابد لانها راح تكون يابسه وتنكسر
وكذالك السن اللي بدون عصب نفس الحاله ,,



الحين نرجع على موضوع الاشخاص اللي يخلعون السن ,,
هنا انت خلعت السن وارتحت طيب ؟؟
تدري انك اثرت على باقي اسنانك ؟؟

الحين نقول لك كيف ,,,

اول شئ سؤال ,,

وش اللي يمسك سنك داخل فمك ؟؟ او انه ثابت بسبه اللثه ؟؟
اكيد حول السن فيه عظام علشان يثبته ويحميه
وبعد ما تخلع السن راح تاثر على العظم هذا ,, تقول لي ليش صح ؟؟
ابعطيك مثل وانت احكم



اذا جا لك واحد وقال ابي العب كراتيه >> مدري ليه جاي لك تعلمه خخخ
بتجي انت وتعطيه حجر من اول مره وتقول له اكسره ؟؟
طبعا لو بيحاول بس محاوله يده بتنكسر لانها ماتعودت على الضرب هذا
اصلا لو يفكر انه يكسرها انا شخصيا اشك بصحه عقليته خخخ

المهم,,,
انت اول شئ تعطيه خشبه نحييفه وتقول له اكسرها وتخليه على هالحاله لمده اسبوع
وبعد هالاسبوع تجيب له خشبه اعرض منها شوي ,,,, وهكذا الى ان يوصل للحجر
وهنا بيقدر يكسرها بكل سهوله

التفسير العلمي لهالحاله هو ,,,
العظم مكون من فتحات مجوفه داخله صح ؟؟
هذي صوره توضح الفتحات اللي داخل العظم ,,



الفتحات اللي في الجهه اليمنى كبيره والمسافه بينها متباعده
عشان كذا تنكسر بسرعه لان العظم ما يتحمل الضرب القوي عليها
وطبعا يختلف توسع هذي العظام من شخص لاخر

مثلا شخص ما يسوي شئ في حياته بس جالس وياكل ويشرب على كيفه
هنا يضعف العظم ويكون واسع

اما اذا كان الشخص رياضي ويروح ويجي فهذا الشخص
تكون عظامه اقوى وتكون المسافه صغيره
,,, زي الجهه اليسرى في الصوره ,,,

المهم ,,
جيت انت وتمرنت على الخشبه الصغيره
هنا تدري وش يسوي العظم عشان يكون قوي وتصغر المسافه اللي داخل ؟؟

سبحان الله العظم بيدى يكسر نفسه بنفسه ويبني نفسه بنفسه مره ثانيه
بس هالمره يبني اكثر من انه يهدم

وبكذا تصغر المسافه ويقوى العظم>> طبعا مع التدريب وراح يكون فيه آلام ^_^



الحين ,,, نرجع للاسنان

انت تاكل صح ؟؟ >> يبغالها سؤال هذي خخخ
يوم انك صغير ماكنت تاكل اشياء صلبه ومع الوقت الحين تاكلها عادي
هنا نفس حاله هذا لاعب الكراتيه

اول شئ يكون العظم ضعيف ومع الوقت ونمو الاسنان يقوى العظم ويكون صلب وقوي
جيت انت الحين وخلعت السن
فجاه ما صار على العظم اي ضغط مع الاكل
بكذا يذوب العظم ((ايه يذوب)) وينزل معدله تحت السن وبكذا ياثر على السن اللي جنبه
بحيث انه يميل ويتحرك من مكانه عشان
يغطي المكان الفاضي اللي انت احدثته بسبه خلع السن
زي هالصوره ,,,,



شفتو كيف مال السن يحاول يغطي الفراغ ,,, سبحان الله
كل هذا يصير بس علشانك تعيجزت وما رحت للطبيب

تدري ان اذا ذاب العظم لازم يسوون لك عمليه عشان يزرعون لك عظم جديد ؟؟

تدري انك اذا شلت العصب
لازم تلبس سنك عشان تحميه >> ابشر بزياده المصاريف والله

تدري لو انك اول ما حسيت ان فيه سوسه وعالجتها افتكيت من كل هالحوسه ؟؟

الحين وضحت انا المشكله بس ما ذكرت الا الشئ اليسير عنها وعن الحل ,,
يعني قلت تقريبا بس نص اللي يصير في حال انك خلعت سن واحد بس
ويا سهل هذي الخلعه وتصير بعد في ربع ساعه بالكثير هذا ان كان الدكتور مب شاطر



اذا مهتم بالحل,,,

فيه اكثر من طريقه اولها انك تفرش اسنانك



اذا اضطريت وخلعت سنك فيه الزراعه علشان تعوض السن المفقود



تقدر تحط جسر علشان ما يبان انك خلعت سن >> بس هذا له اضرار بعد اقلها
انك راح تصغر سنين من اسنانك علشان تحط الجسر,,
الصوره توضح ,,




فيه حلول كثيره قبل لا تخلع سنك وفيه حلول اذا خلعت سنك وخلصت

فيه بعد حل اذا اكتشفت انك متاخر وذاب العظم

اللي وده يعرف الحلول يقول لي اجدد في الموضوع
وازيد عليه الاسئله اللي سالتوها والاجوبه,,

يعني ان شاء الله راح يتجدد الموضوع كل ما حط احد سؤال^_^

اسفه على الاطاله ادري زوتدها بالفلسفه في هذا الموضوع ,,,

ان شاء الله تكونون استفدتوا وما اكون ثقلت عليكم بالموضوع ,,

ســـــــــــــــلام ,,^_^


,,اســــئله واجـــوبه ^_^,,

بسم الله الرحمن الرحيم ,,
اول شي نعرف جسر الاسنان وليه نحطه ,,
جسر الاسنان عباره عن ثلاث تلبيسات مع بعض او اكثر نحطها علشان
نعوض فقد احد الاسنان,,
هذي الصوره توضح الجسر في الاسنان الاماميه ,,^_^


الحين نجي على فوائد الجسر اول شئ ,,^_^

اذا حطيت الجسر راح يتغطى المكان الفاضي اللي مكان السن الطايح
الجسر طبعا ارخص وبكثير من الزراعه,,
راح يتشكل لك سن كانه سنك الحقيقي مع انك بتحس باختلاف بسيط في اللمس ^_^



الحين الاضرار ,,
صحيح ان الجسر يغطي المكان الفاضي بس الى الحين مافيه اي ضغط على العظم!!
وهنا ما استفدنا شئ لان العظم مع الوقت راح يذوب ,,,بس الاسنان اللي بالجوانب
ما راح تتحرك لان الجسر ماسكها فالذوبان راح يكون مقتصر بس على الجزئ الفاضي,,
وهنا اذا يوم من الايام تكون انت هونت وتبي تزرع ما راح تقدر تزرع الا بعد زراعه عظم قبل السن,,
شوفي هذي الصوره


في الصوره اول شئ فقدتي سنك صح؟ بس اللاثنين بالجوانب سليمين 100%
بتحطي جسر يعني اثرتي على السنين هذولا,,
في الصوره اليمنى اللي فوق تصغرن السنين,,
وبعدين ياخذون لك مقاسات علشان يحطون لك الجسر,,
وفي اخر شئ تنحط لك وتكون ثابته على اساس السنين اللي صغرتيهن
طبعا اي شئ يصير لاحد السنين فعلا الجسر حقك السلام
فيه من يقول حتى الممثلين يحطون جسر في اسنانهم الاماميه ^_^
هنا نوضح ونقول ان اللي حاطينه مب جسر ,,
هذا اسمه faceing يعني واجهه بس اما السن الطبيعي ما تحرك ولا صار فيه شئ^_^


نجي الحين على التنظيف ,,,
اكثر طريقه معقده بالتنظيف هي الزراعه والجسر ,,
بعد ما تفرشين اسنانك بالفرشاه العاديه ,, فيه نوعيه من الفرش المفروض
انك تستخدمينها علشان تنظفين ما تحت الجسر واللي يكون بين الجسر واللثه
شوفي هذي صوره لنوعيه الفرشه ,,^_^



راس الفرشه مدبب صح ؟؟ بشكل خفيف مرره تمشين على
اطراف الجسر من جهه اللثه وتحاولين تنظفين المكان
ولا تغلطين وتسوين الحركه بسرعه علشان ما تطيرين الجسر كله ^_^


والحين خلصنا ^_^
اذا فيه اي سؤال او اي شئ مو مفهوم او تبغون له صوره جاهزين ان شاء الله ^_^
((على فكره اذا كنت بتحط جسر او بتزرع زراعه
تاكد انه ما يضغط على اللثه عشان ما يسوي لك التهاب فيها))
ســــــــلام ,,^_^

بسم الله الرحمن الرحيم ,,
بما انك طلبت مني بس الطريقه راح اذكرها لك اول شئ ,,
بس علشان ما يكون علي شئ راح اذكر لك الفوائد والاضرار ,,^_^

بالنسبه للطريقه,,

فيه طريقتين علشان تبيض اسنانك اما انك تروح للطبيب ويبيضها لك
وهذي اضمن واحسن طريقه
او
انك تشتري من الصيدليه مبيض للاسنان
وتستخدم بالبيت >> لازم تكون خذر وعارف كيف تستخدمه صح ^_^

عند الطبيب هذي الصوره توضح لك الطريقه ,,^_^



يعني بالليزر يكون التبييض وهنا يحتاج التبييض تقريبا 3 ساعات على هالحاله,,^_^
وبعد ما تخلص تكون اسنانك بيضاء لمده 6 شهور وبعدين ترجع زي ما كانت ,,

اما طريقه البيت ,, تروح المستشفى وتجيب لك زي اللي في الصوره تحت واسمه tray
هذا يكون على مقاس اسنانك بالضبط ,,



وبعدين تروح الصيدليه وتشتر لك مبيض للاسنان,,

وبعدين تحط المبيض داخل الـtray وتلبسه طول الليل زي ما هو موضح لك بالصور تحت,,^_^





تخليه كل الليل وبعد ما تصحى تشيله وتغسل اسنانك وبس ,,
اما كم يوم تحطه هذا بمشوره دكتورك لان الاسنان تختلف في بياضها ^_^

طبعا المبيضات تختلف انواعها قبل لا تشتري اسال الصيدلاني عن النوع اللي معك,,

بس انتبه لا تزيد الكميه وتقول علشان تكون اكثر بياض >> ترها اسنان مب ملابس ^_^
هذا خطا لان الماده بتوصل اللثه وبكذا تخرب لثتك وتصير بيضا هي بعد

نجي الحين للفوائد ,,

التبييض اصلا منظر لا اكثر يعني فوائد للاسنان نفسها مافيه
اما لك فانك تحس باسنانك بيضا بس يعني انك قوي خخخـ


الاضرار ,,, >> الله يعينك ,,^_^

اول شئ ان المبيض ماده كيميائيه تزيل جزئ من طبقه الميناء >> ذكرناها ووظيفتها واهميتها فوق ^_^
وبما انها ازالت منها يعني ان طبقه العاج الحساسه طلعت

ايييه من هنا المشكله اسنانك صارت حساسه لاي شئ والمشكله ياليت
ان التبييض يكون مدى الحياه ,,, لا بس 6 شهور ويروح وبعدها تجلس
انت وحساسيه اسنانك بس ^_^

التبييض غالي ومكلف جدا جدا يعني الطبقه الهاي تسويه

الاسنان الطبيعيه اصلا مب بيضا مرره ,, يكون فيها صفار شوي ,,

طريقه افضل من التبييض ومضمونه ,,

هذي الطريقه هي التنظيف ,, تروح لطبيب الاسنان وتقول له ابي تنظيف
ينظف لك اسنانك باداه بحيث انه يوخر التصبغات الموجوده على السن والكلس
اللي يكون عالق عليها بعد وكل هذا بنص ساعه ^_^
>> اذا تبي اعلمك وشو الكلس او تبي صوره له قل لي,,^_^


فيه كثير من الناس ما يفرقون بين التبييض والتنظيف يعني الصوره اللي حطيتها لك فوق
يقدر المريض يوخر التصيغات هذي بالتنظيف وتكون اسنانه على لونها الطبيعي بس نظيفه,,

انا شخصيا ما افضل التبييض التنظيف اضمن واحسن
لان كل شئ على طبيعته احلى >> محد سالك رايك خخخـ^_^

اتمنى اني افدتك بكم معلومه واذا فيه سؤال او صور مو واضحه قل لي ^_^
ســــــــــــــــــــلام,, ^_^

ركبت تقويم وركبو القاعده قبل شهر
وامس ركبو على الاسنان اللي فوق كلها
لكن احس ببعض الالم لما اعض او المس السن لو خفيف
فيه حل ؟؟

هذا طبيعي انك تحس بالم وهذا بسبه الشد على الاسنان
يمكن الطبيب شادها اكثر من اللازم لك بس مع الوقت راح تتعود
وانت تقول لك شهر بس ,, يعني لسه انت في بدايه الطريق
اهم شئ حافظ زييييييييييييين على اسنانك واعرف طريقه التفريش الصحيحه للتقويم
لان كثير من الناس تنعدم اسنانهم بعد التقويم وخاصه اللثه ,,
اذا تبي طريقه التفريش ونصايح عطني خبر وان شاء الله اجيبها لك ^_^
ســـــــــــــلام ,,^_^

الاخ ابـــــ عبد الملك ـــــــو جزاه الله الف خير قام بإضافه هذا التعليق ^_^

طبعا مافيا الأدوية خلت الواحد يشك في الأسبرين اللي يكتبه لمرضاه لذلك الكثير من فطاحلة طب الاسنان ينصحون بالرجوع للطبيعة كالسواك

كذلك العدد في التفريش من المفترض أن يكون بعد كل أكلة لمعادلة الوسط الحمضي وكذلك قبل النوم وبعد الاستيقاظ>>>السواك أسهل طبعا

بسم الله الرحمن الرحيم ,,^_^
بالنسبه للسوسه ,,
هي اصلا بكتيريا زي ما قلت قبل والى الحين العلماء ما اكتشفو متى تبدى هالبكتيريا
بس المعالم والظروف اللي تساعد على ظهروها هي كالتالي ,,^_^
سطح السن + كربو هيدرات وسكريات مثل السكروز +بكتيريا حيه = سوسه ^_^

بالنسبه لتنظيف التقويم ,,
زي ما قلت لك ان التقويم ماده غريبه داخل الفم وما راح يتقبلها بسهوله,,
لازم بعد ما تخلص اكل اي اكله تنظف اسنانك واذا كنت خارج البيت لو على الاقل بالمويه
وعلشان تعادل الحامضيه كل شئ مالح مثل الجين او المكسرات >> هذا اذا خارج البيت اما اذا انت بالبيت
قم وفرش اسنانك ^_^

فيه فرشه خاصه للي يحطون تقويم اسنان ,, تكون من الوسط نازله ومن الجوانب مرتفعه
زي هالصوره وان شاء الله تكون واضحه لك ,,


واحسن شئ ترا اذا كانت الفرشه ناعمه ,,^_^
تستخدم هذي الفرشه وتنظف اسنانك والتقويم بعد وهذي صوره توضح لك الطريقه,,



هذي صوره ثانيه اذا ما فهمت من الاولى ,,^_^



يعني لازم تنظف التقويم من فوق ومن تحت وتحاول تغطي اكبر مساحه بالتنظيف

لسه ما خلصنا الى الحين فيه باقي نوعيه ثانيه علشان تنظف اللي بين المربعات في التقويم ,,8
هذي صوره توضح لك كيف ,,
هذا من فوق الحديده ,,


وهذا من تحت الحديده ,,


طبعا لازم تمشي على كل سن ولا تتعيجز ترا والله مو من صالحك
انت حطيت التقويم وتعذبت وتتحمل الام ما يعلمها الا الله واخرتها لثتك تخرب او اسنانك
تصفر بس عشانك ما فرشت ؟؟ والله خساره ><

الحين بحط لك صور اوريك فيها التهاب اللثه ووش يصير بعدين ,,

8على فكره اذا انت من النوع اللي يتقرف لا تنزل انصحك ,,,^_^

هذي صوره على لثه ملتهبه ,, طبعا لونها احمر وتالم بشكل فضيع
واول ما يلمسها شئ حتى لو فرشه تنزل دم علطول ,,


واسفه على هالصوره ادري انها بشعه ,, بس هذا التهاب لثه لطفل

هو يا ان اللثه من التهابها ترتفع وتنتفخ زي الصوره اللي فاتت ,,
او انها تنزل ويطلع الجذر تبع السن وبعدها يصير السن يتحرك لان العظم صار ضعيف مرره
هذي الصوره توضح لك نزول اللثه ,,



بالنسبه الحين لغسول الفم ,,
فيه نوعين من غسول الفم منها علاجي يكون بوصفه طبيب ومنها وقائي
العلاجي ما تاخذه اكثر من اسبوعين وتستخدمه مرتين باليوم وبعد ما تفرش
على الاقل بنص ساعه وما تشرب بعده او تاكل لمده ساعه ,,^_^
وهذا الغسول اسمه ,, كلوروهيكسيدين ,,

اما الوقائي ما تشرب بعده مويه علطول وهو يحتوي على فلورايد الماده الحاميه للسن
واحسن شئ انك تستخدمه لانه رايح يفيدك وعادي لو استخدمته لمده طويله ^_^
وله انواع كثيره

وبس خلصت اذا ما فهمت شئ او الصور ما وضحت لك شئ قل لي اوكي ,,؟؟
ســـــــــــــــــــــلام ,,^_^

قرييبا ,,,, >> انشغلت الحين اذا خلصت جيت اجاوب ^_^

جيت ,,^_^ ,, >>وش كنت بقووول
ايه عن المعاجين خخخـ
بالنسبه للمعاجين ,,, اول كانت المعاجين تختلف عن بعض
بحيث ان كميه الفلورايد اللي فيها تختلف عن بعض وكان فيه نوع احسن من نوع
لكن حاليا توحدت الكميات بكل انواع المعاجين وصارت كلها نفس الشي بس اللهم النكهه
يعني مثلا طعم معجون سيجنال غير كولجيت ,,,, وهكذا ^_^

على فكره ,,, الاطفال اللي اقل من 3 سنين ما تفرش لهم بالمعجون العادي حقنا
لان اسنانهم في مرحله النمو وما يصلح ان اسنانهم تتعرض لمثل هذي الكميه من الفلورايد

تدري ليش ؟؟؟ ,,

الفلورايد اصلا اذا حطيته على السن لسه في مرحله النمو يسبب له زس التسمم ويطلع بقع بيضا
على السن وما تروح ابد حتى لو سويت تنظيف او تبييض,,
هذي صوره توضح الحاله ,,,

هذي الحاله اسمها flurosis
عشان كذا فيه معاجين خاصه للاطفال ويكون فيها كميه الفلورايد اقل ومناسبه ,,^_^

الحين خلصت اذا فيه شئ مو مفهوم قل لي ^_^
ســـــــــــــــــلام ,,^_^

طيب التلبيس وش عيوبه ومزاياه واذا مالبست وش يصير ؟؟

وكم يطول ؟؟

وياليت صور عن طريقته

شف ,,

التلبيسه هي زي الصندوق اللي يحمي سنك من الاشياء القاسيه

زي مثلا الجمجمه هي موجوده علشان تحمي العقل من اي شئ يضربه صح؟؟
التلبيسه نفس الشئ للسن اللي مافيه عصب ,,
بالنسبه لمزاياها قلتها تو,,,,,, اما عيوبها انك تحس انها سن مب طبيعي بس مع الوقت بتتعود
وانك تنظفها زي ما تنظف اسنانك ,,
اما اذا مالبست وش يصير هذي قلتها في اول الموضوع اقرى جزئيه العصب وتلقى الجواب^_^
والصور,,,


يعني يصغرون لك السن اللي يبغون يلبسونه ويحطون عليه التلبيسه ^_^

هذي صوره ثانيه اذا ما وضحت لك الاولى ,,




وبس اذا فيه شئ غير مفهوم قل لي ^_^

وش الاشياء الي ما اقدر اكلها اول ما احط التقويم

لأنه قالي العلك ابدا ما تقرب

والاشياء الكبيره تقطعها

فحبيت اسأل

هل لفتره معينه ولا الى الابد؟؟؟

صح لا تقرب العلكه ,, ولا تقرب الاشياء اللي تلزق بالاسنان

زي الحلاوه اللي تشبه المطاط هذيك اصحك تقرب منها

والاشياء الكبيره قطعها زي ما قال لك

اما الفتره لا مب الى الابد بس الى ما تفك التقويم ^_^

بسم الله الرحمن الرحيم ,,

انت تبي تحط تقويم او تفكر انك تحط تقويم بس ما تعرف كيف يحطونه
او تخاف انهم يحطونه لك ويطيح او ما يثبت ,,صح؟

اول شئ هذي صوره عن اسنان عليها تقويم ,,


شفت اللي عليها حرف D ,, هذي اول وحده يركبونها لك
هي قاعده التقويم وتكون مثبته على سن من اسنانك الخلفيه ,,

بعدين شف حرف C ,, هذي هي الحبات اللي تكون على كل سن
طريقه تثبيتها تكون عن طريف حشوه بيضا ,,
تعرف الحشوه البيضاء اللي اذا سوس سنك تحطها ؟؟؟ ايه هذي هي
يحط الدكتور كميه صغيره على سنك من قدام وبعدين ياخذ حبه من الحدايد
ويحطها عليها وتلزق بعد فتره بسيطه ,,,, وهكذا على كل اسنانك ,, وهذي صوره ,,



طبعا انت تسالني الحين وتقول اذا فكيت التقويم بتبان هذي الحشوه صح ؟؟

هنا اقول لك ان بعد ما تشيل التقويم فيه اداه دورها يكون زي الملمع,,
بعد ما تشيل كل التقويم يستخدمها الدكتور ويوخر لك الحشوه هذي وتروح بعدها,,^_^

بعدين شف حرف B ,, هذي حديده تكون نحيييفه وتبدى من جهه
وتمتد الى الجهه الثانيه من اسنانك^_^

هي طبعا اصلا تكون مستقيمه بس فيه جهاز يثنيها لك علشان تكون
على مقاس اسنانك وهذي الصوره توضح لك كيف ,,


هذي الحديده هي اللي يشد فيها الدكتور اسنانك

والحين يكون التقويم خلص تقريبا ,,
هذا اهم الاشياء في تركيب التقويم اذا فيه شئ مب واضح قل لي اوضحه لك ^_^
ســــــــــــــــــــــــ ــلام,,^_^

قريبا ان شاء الله لكبر الموضوع ,,^_^

اسفه على التاخير تم تجميع اغلب المعلومات مع الصور,,
""تحــــــــذيــــــــر ""
,,,,,الصور يمكن تكون مقرفه او بشعه ,,,

الحين نبدى ,,^_^
اول شئ نعرف الكلس ,, وكيف يجي ووشو هو اصلا ,,
الكلس هو عباره عن جير (( بلاك )) يكون متجمع على الاسنان ومع الوقت صار له تمعدن وتصلب
تعرف الجبس الابيض ؟؟ هو زيه على الاسنان ,,
هذي صوره توضح لك اكثر ,,



اول طبقه هي السن اللي هو الميناء enamel
والطبقه الثانيه هي الجير plaque
والطبقه الثالثه هذي هي الكلس calculus

بعد ما جلس الجير (( البلاك )) فتره صار له تمعدن وتصلب وبكذا ما تقدر توخره بالفرشه مهما حاولت
لازم تروح الطبيب يوخره لك وهذا عن طريق تنظيف اسنانك ,,

(((((يفضل تنظيف الاسنان مره كل 6 شهور وهذا احسن شئ ,,^_^))))

على فكره الكلس هذا ما يكون كذا خفيف الا بالبدايه بس ,, اذا تركته ولا وخرته او نظفته
يكثر ويتجمع وياثر على لثتك ويضغط عليها ,, وبسبب هذا التاثير والضغط اللثه ما راح تتحمل وراح تنزل وينكشف لك الجذر من السن وبعد فتره يصير سنك يتهزهز ,,^_^

هذي صور توضح تاثر اللثه بسبب الجير ,,
طبعا هذي صوره سن سليم ولثته سليمه 100%


وهذي صوره سن فيه كلس ,,



وبعد ما فات الوقت وكثر الكلس على السن واثر على اللثه وصارت تعور المريض
هنا واخيرا راح المريض وسوى تنظيف بس بعد ما نزلت لثته وتعب السن ,,,



طبعا اكيد تقول لي انا جالسه اجيب لك صور مرسومه وابي بس اخوفك
وهذي الصور اي احد يقدر يسوها >> طيب لا تطق ((صدقت البنت خخخـ))

هنا انا اقول لك اني جبت لك صور اسنان حقيقيه تعاني من الكلس ,,

وغير كذا جبت لك اكثر من حاله ,, يعني من الحاله البسيطه الى الحاله المستعصيه ,,^_^

نبدى بالصور ,,,^_^

هذي صوره اسنان فك سفلي من الداخل >> يعني من جهه اللسان تشوف ,,
طبعا هذي المنطقه هي اكثر شئ يتجمع فيها الكلس ,, وبتقول لي ليه ؟؟
لان اللسان يدف اللعاب على هذي المنطقه ومعه البكتيريا الموجوده في فهمك لانك ما نظفت اسنانك ,,^_^
طبعا هذي الصوره هي الحاله الوسط لان هنا بعد التنظيف بتكون اللثه نازله شوي بس ,,


وهذي صوره ثانيه بعد ,,


وهذي صوره من بعيد شوي ,,^_^



طيب انت تقول ابي اشوف صوره قبل وبعد التنظيف يمكن انتي تكذبين علي
وتقولين اللثه تنزل وهي اصلا لا ,,0

هذي صوره توضح لك قبل وبعد وركز زين على الاسنان بتلاحظ ان اللثه مب في مكانها الطبيعي وتحس ان الجذر باين ,,^_^



هااه وش رايك ؟؟>> قويه انا صح ؟ خخخـ



لسه ما خلصنا ,, الى الحين شفنا بس الحالات الوسط والبسيطه ,,

هذي صوره اسنان صاحبها نايم بالعسل
ولا فكر يروح الطبيب ومدري كيف مرتاح باسنانه كذا ,,><



هذي حاله جدا صعبه بحيث ان بالتنظيف المريض بيحس بالم فظيع
هذا غير ان اسنانه صارت تتحرك
واللثه راحت عداااام ولا ينفع زراعه ولا تلبيسه ,,



التنظيف اصلا ما يعور ابد لانه بس بوخر الكلس الموجود والاداه ماراح تلمس اسنانك
بس هي حالات ان الجذر صار مكشوف هنا نقول لك ترا فيه الم قبل وبعد وعند التنظيف
لان الجذر حساس وما يتحمل الهوا,,



دورت صوره توضح كيف التنظيف بس ما لقيت الا الطريقه اليدويه ,,

هذي الصوره ,,,



طبعا الحين فيه جهاز احسن من الطريفه اليدويه سواء لك او للطبيب ^_^



الحين عرفنا اضرار الكلس وكيف يتكون وطبعا ما له فوائد
وعرفنا كيف نتخلص منه ,,



اذا فيه شئ مو مفهوم قل لي ,,^_^
ســـــــــــــــــــلام ,,^_^

تركيبه الاسنان تختلف من شخص الى اخر
وفيه سبب ثاني انه يكون من نقص الكاليسيوم في الاسنان فهنا تكون اسنانك ضعيفه
ولا تتحمل الضغط العالي عليها
وطبعا بما ان اسنانك حساسه فهي تحتاج عنايه اكثر ,,

الاسنان سبحان الله مثل البصمات مافيه احد يشبه الثاني فيها ,,
يعني فيه ناس تكون قابليه اسنانهم للتسوس عاليه وفيه ناس يكونون العكس تماما
وهذا على حسب افراز الغدد اللعابيه في الفم ,,
فكلما زادت قلت احتماليه التسوس والعكس صحيح ^_^

اتمنى انك فهمت كلامي واذا فيه اي نقطه مو مفهومه عطني خبر ^_^

بسم الله الرحمن الرحيم ’’

بالنسبه للاسنان ,, فهي تنقسم الى نوعين ,,

اسنان لبنيه وعددها 20 سن ,,


واسنان دائمه وعددها 32 سن مع اضراس العقل ,,


كثير من الناس يقولون ان الاسنان اللبنيه مالها جذور !!

اجل كيف هي ثابته داخل فمك ؟؟ على الهوا ؟؟>> اعصابك طيب خخخـ

الاسنان اللبينه لها جذور بس تذوب ,, راح تقول لي كيف تذوب صح ؟؟

انا اقولك ,, اذا جا السن الدائم ينبت من تحت فان راس السن يحك الجذر تبع السن اللبني

وهذا من حكمه الله سبحانه وتعالي بحيث ان هذي الطريقه تخلي السن

يعرف طريقه ومكانه الصحيح داخل فمك وما يطلع غلط ,,

اتوقع شرح كذا نظري ما راح تفهم علي صح ؟؟ جيت لك صور توضح لك كيفيه خروج السن الدائم

وكيف يحك جذر السن اللبني علشان يطلع ,,,



شفت هذي الصوره ؟؟ الاسنان باللون الازرق هي الاسنان اللبنيه

واللي تحتها بدون جذور هي الاسنان الدائمه ,, مع الوقت الاسنان الدائمه اللي تحت ينبت لها

الجذر وتطول وتكبر وبهذا الوقت تكون تحك بالجذر تبع السن اللبني وتقصره وهنا يبدى

سنك يتهزهز وكل ما صار يهز اكثر يعني ان الجذر ذاب اكثر ,,

هذي صوره كانت متحركه بس الموقع اللي اخذتها منه ما يرضى اخذها متحركه
فصورتها لك خطوه خطوه وحطيتها لك ,,, هذي توضح اكثر عمليه ظهور الاسنان الدائمه وخلع اللبنيه ,,











طبعا ان شاء الله مع هالصور تكون جاوبتك عن كيفيه الاسنان اللبنيه ,,



الحين نروح لترتيب سقوط الاسنان اللبنيه ,,

هي اصلا لها ترتيب معين وتبدى عند بعض الناس من 6 او 7 سنوات وفيه اطفال يوصلون 8 سنوات

وما طاحت لهم اسنان بس هذا نادر تقريبا ,,^_^

اول شئ لازم نعرف اسامي الاسنان علشان تعرف عن اي سن اتكلم اذا قلت لك هذا اول شئ يطيح,,

هذي صوره عدلتها شوي ولونتها على السريع ان شاء الله تكون واضحه ,,



الاسنان الاربع الاماميه اسمها قواطع

اللي باللون الاخضر هذي الانياب وهي اخر شئ يطيح من الاسنان اللبنيه
يعني تقريبا وعمرك من 13 الى 15 سنه ,,^_^

بعدين اللي باللون البني هذي الطواحن وطبعا هي غنيه عن التعريف ,,^_^



الحين نجي على الترتيب ,,

اول اسنان تطيح من اسنانك هي الطواحن الاماميه في الفك السفلي عادة ,,

بعدين الاماميه في الفك العلوي ,, ولاحظ هذي الصوره تحت ,,



لاحظ اسنانها الاماميه اللي تحت توها نابته فهي اول شئ طاحت وبعدها تشوف الاسنان
الاماميه اللي فوق وهي توها طايحه ,,

وهكذا الى ما يوصل الى الانياب زي ما قلت لك قبل هي اخر شئ من الاسنان اللبنيه يطيح ,,^_^



اتمنى اني افدتك واذا فيه اي شئ مب مفهوم عطني خبر ,,^_^

ســــــــــــــــــــلام ’’^_^

اسفه جدا على التاخير بهذا القسم ,,

بسم الله الرحمن الرحيم ,,

الحين راح نشوف الطريقه السليمه للتفريش طبعا هي بالبدايه راح تكون صعبه وممله
لكن مع الوقت راح تكون سهله وانتي صرتي متعوده عليها
هي الفكره منها انها تمرن اللثه وتفرش الاسنان وتبعد الجير (( البلاك )) قدر الامكان من الاسنان
وبكذا نصير نقدر نبعد عن ما يسمى الكلس وقد تم شرحه من قبل ^_^

اول شئ راح اشرح الفرشه المثاليه >> مع انك ما طلبتيها لكن مهم تعرفينها ^_^

اول شئ لو تكون الفرشه ناعمه هذا احسن شئ وتكون مستقيمه من فوق
كل ما كان الراس تبع الفرشه صغير كل ما كان احسن
الفرشه الالكترونيه ممتازه اذا بتستعملينها فهي مريحه لك والنتيجه حقتها نفس العاديه ^_^

علشان اوفر عليك تدوير في الصيدليات هذا شكل للفرشه اللي اقصد ,,

الحين نجي على طريقه التفريش ,,

دائما ما يطيح الناس في هذا الغلط وهو انهم يفرشون اسنانهم وهم مسكرين فمهم
هذا طبعا غلط المفروض اذا بتفرشين تفرشين وافمك مفتوح نص فتحه وتفرشين كل فك لحاله
تبدين من الاسنان الخلفيه افضل شي علشان ما تنسين اي سن
داما الاشخاص يفرشون اسنانهم لكن ينسون الانياب لانهم يبدون من الاسنان الاماميه

تضعين الفرشه مايله يعني نصها على اللثه والنص الثاني على السن
اذا بقولك بكلام علمي يعني 45 درجه بالمنقله خخخـ^_^

تحركين الفرشه شوي كانك تهزينها تقريبا 3 مرات وبعدين تنزلين على تحت ,,
علشان يوضح اكثر جبت لك صوره توضح لك ^_^

ان شاء الله واضح ؟؟

وطبعا تسوين الحركه هذي من برا زي الصوره ومن داخل بعد 0
بالنسبه للاسنان الاماميه من الداخل وتكونين حاطه النصف الامامي للفرشه وتسحبينها على فوق
انتبهي لا ترجعينها على تحت لانك بكذا تدخلين الاوساخ مره ثانيه وحنا مانبي كذا ^_^
هذي الصوره توضح لك ,,

طبعا الاسنان للفك العلوي والسفلي بعد ,,

وطبعا الاسنان من فوق ما ننساها وهي زي ماهو موضح بالصوره واتوقع الكل يسويها ^_^

طبعا ما خلصنا لسه ^_^

باقي لنا اللسان لازم نفرشه وهذا احسن لانه يعتبر المستودع لفضلات الاطعمه ,,

وبكذا هذي هي طريقه التفرييش الصحيحه اي شئ مو مفهوم انا بالخدمه ^_^

1 /هل التصبغات تزول بالتفريش و أي معجون أستخدم ؟

الصراحه هي ان هذي التصبغات ما تروح الا بالتنظيف >> مب التنظيف اللي بالفرشه ,,لا

اقصد تروحين الطبيب وتقولين ابي تنظيف اسنان ولثه ^_^

اوووكي بخليك تسوي تجربه وانت احكم بعدها

يعني ابي اخليك تطلع الجواب من نفسك اوكي ؟ ^_^

بما ان لك فتره ما فرشت خلنا نقول لك يومين على الاقل ما فرشت طيب !!

الحين المس كل اسنانك بلسانك >> خشنه صح ؟؟

اغسل ايدك اول وباظفرك افرك سطح سنك من الجهه اللي تشوفها بالمرايه يعني من قدام

شف وش بيطلع لك وبعدين رح قسم الكلس في موضوعي >> خليتك تسوي بحث خخخـ

وبعدين رح فرش اسنانك وسو نفس الطريقه وشف الفرق ^_^

اذا ماتبي كل هالحوسه قل لي واعطيك الجواب علطول

حبيت اقول لك هالطريقه علشان تثبت بمخك وتحرم انك ما تفرش ^_^

أليس السواك أفضل من الفرشاة والمعجون؟ إذاً لماذا لايوصي به الأطباء؟ هل هم متفقين مع شركة صناعة الفرشاة مثلاً << خياله واسع
ومالفرق علمياً بين السواك والفرشاة ؟

خخخـ لا متعاقيدين ولا شئ هههههـ

خطا من اطباء الاسنان وللاسف انهم ما ينصحون بالسواك

ولكن لهم عذر وهو ان الشخص اذا استخدم السواك يقول خلاص مب لازم افرش اسناني وهذا غلط بعد

بالعكس السواك مطهرة للفم مرضاة للرب >> والرسول عليه الصلاة والسلام حث على السواك

وما فيه شئ يفضل في الاسلام الا ما يكون له فايده عظيمه ^_^

تم اثبات هذا علميا ان السواك يساعد على التخلص من البلاك وخاصه ان الشخص

يستخدمه اكثر من مره في اليوم

حتى علماء الغرب اعترفوا ان للسواك تاثير على نظافه الاسنان وعلى تدليك اللثه

بحيث انك بالسواك تمر على اسنانك سن سن وهذا احسن طبعا

وهذا هو السبب ان من مواصفات الفرشه المثاليه انها تكون صغيره الراس ^_^

بالنسبه للفرشاه فانها ضروريه لانك تفرش بمعجون يحتوي على فلورايد وهذي الماده مفيده للاسنان

وتحميها من التسوس ^_^

هذا تقريبا كل شئ اذا فيه اي سؤال انت امر بس ^_^

س1/ما فائدة الجهاز الذي يستخدمه الطبيب قبل وضع الحشوة ؟
أقصد ما فائدته الجهاز هذا لأقرب لك أكثر هو يشبه الدريل تقريباً ^_^ و تضعه الممرضة على الضرس فترة يمكن ( دقيقة ) ثم تبعده ثم يضع الطبيب الحشوة.

الظاهر انك تقصدين هذا الجهاز ,,,

صح ؟؟ اذا كان هو نفسه اللي تقصدي ,,

هذا طال عمرك ليزر يساعد الحشوه على الثبات ويخليها تجمد

يستخدم للحشوه البيضا والحشوه الوقائيه >> الوقائيه شرحت ماهي قبل

اذن في النهايه عرفنا ان هذا جهاز اساسي في الحشوه البيضاء ^_^