وعلييكم السلام ورحمة الله وبركاته
طييب لييه تقولي أقل من مبتدأ وتحطمي نفسك كدااا
عااادي الناس تبدأ حبه حببه ليين ما توصل للمستوى اللي تبغاه في الشيء اللي تحبه
أنا حأقولك على كم حاجة وركزي عليهم المرة الجااية وصدقيني حتصيري أحسن وأحسن كل ما تدربتي عليهم
يصير لما أحتاج تصاميم وصفحات ملونه حأطلبهم منك ان شاء الله هههه
أول شيء اختيارك حلوو للألوان بس اذا حسيتي أنك تبى ألوان معينه في بالك حاولي تأخذي الألوان من صور أنمي جاهزة وبكدا تسهل عليكي المهمة
سواء كان في لون الشعر أو لون البشررة ليين ما تتعودي بنفسك تختاري الألوان الصح وتعرفي تناسقيهم (أقصد لون الشعر والبشره والعيون مع بعض)
ثاني شيء لما تختاري اللون الأساسي على طول روحي لـ لون أغمق منه وابدئي في تحديد أماكن الظل ولونيهاا عشان تعطي واقعيه أكثر للصورة
مهم جداا الظل في أي صورة واذا نسيتيه بكدا تكوني ألغيتي نسبة كبيره من جمالها وواقعيتهاا
بالنسبة للعين أشوفها حلووة بهذا الشكل وما تحتااج تلوين ، فأقولك من هذا المبدأ أنه يعتمد على الصورة اللي تختاريها
ممكن تجيكي العيون ملونه أسود وممكن تكون بيضاء بحيث انتي تلونيها وتأخذي راحتك بالتلوين وأنا أفضل هذا النوع من الصور
بالنسبة لتصميمك الأخيير جداا رائع وحسسن الصورة وجملهااا بطريقة مررة رووعه
عجبني تدرج الشعر طلع حلوو عليهاا ، ولون العييون رااائع جربي هذه الطريقة في تلوين العيون مرة تانيه
وبرضوا جربي طرق جديده ليين ما تلاقي الأسلوب اللي يعجبك أكثر شيء
وبصرااحة بدايتك موفقه وأبداا لا تحطميي نفسسك وصدقيني بتصييري ممتازه لو استمريتي على كدا
الله يعطيكي العافييه
-clab0" class="inlineimg" />
المفضلات