200
بعمري ما اتخذت التصوير أو فكرة التصوير هواية أو كـ شيء أحبهـ مثل التصميم
الكاميرا كانت مجرد حل لمشكلة "عويصة" على قولة مدرسة الرياضيات الله يذكرها بالخير
وهي إنشاء فهرس للكتب والروايات اللي عندي، مع تصوير الغلاف بنفسي، علشان أذكره وأخزنه مع معلوماته عندي.
لآني أضيع بين كتبي وأحياناً أشتري نفس الكتاب مرتين لأني مو متأكدة من اني قريته ورق ولا ع النت !
والكتب اللي اقراها ع النت وتعجبني لازم يكون عندي نسخة ورق منها <~ كنزي
فأشترالي أبوي الله يطول لي عمره كاميرا ماركة فوجي، طبعاً أنا اخترتها لأنها الأرخص سعراً
هم خيروني بين كانون وبينها فأخترتها لأن التصوير ما كان شي أحرص عليه نفس الحين " class="inlineimg" />.
بس بعد ما صورت ملائكتي > عيال أخواني وخواتي > الوصف مجاملة وإلا انا ما اطيق اليهال
تعلقت بفكرة التصوير، وخصوصاً تصوير أغلفة الكتب e067" class="inlineimg" />
المهم بعد المقدمة العريضة ، تعالوا معي ، وشوفوا جزء من حياتي ~
هذي دبدوبتي اسمها "حلا" ولد اخوي هو اللي اختار الاسم،
أكبر دبدوبة ف العالم وأعز دبدوبة على قلبي لأنها كانت أحدث هدية من أختي الكبيرة،
كنا ف محل يبيع عسكريم،
سألتني: تبين عسكريم؟
أنا [قعدت أتلفت واطل برع المحل]: لآء، آبي ذاك الدبدوب الوردي العود.
طبعاً كانت السالفة مجرد قشمره لا أكثر
كملت جملتي من هنا وهي راحت واشترته لي على طووول
تخيلو كنت امشي فيه في الشارع وهو حجمه كبر حجمي ،
كانوا الناس يطالعوني ويوزعون ابتسامات، الله يخليها لي ولا يحرمني منها
هذا تمثال طير محطوط ف الصالة
مدري ليش أحبهـ
مع ان في 3 غيره انواع مختلفة طبعاً و2 انكسروا > آنهـ كاسره واحد منهم
في مكان، في أقدم غرفة ف البيت، في زاوية بعيدة عن الباب
آخر الغرفة، خزانه قديمة، فيها رف يختلف عن بقية اخواتهـ المغبرين ، نظيف ومرتب
محفوظ فيه عشق مراهقتي
روايات عبير وأحلام من كل زاوية ممكنهـ، مرتبين على حسب دور النشر ثم على حسب أرقامهم.
المجموعة الوحيدة المعزولة عن البقية، لأن أوراقها قدام أخاف مع الضغط يروحون فيها
ولأني صرت ما أقرا هـ النوع من الروايات، كبرنا على هـ السوالف
على الرغم من انهم زادو عن العدد الموجود ف الصور بـ 20 على الأقل .
حبي الأزلي، التوت والأناناس
والحين مع زيارة لمتحف البحرين الوطني، التصوير كان بالجوال،
عذراً عن سوء جودة الصور.
القهوة قديماً
الخباز
الميلس لغير الخليجيين " أقلبو ي إلى ج"
طبعاً في صور كثيرة لأني صورت كل شبر ف المتحف بس انا اخترت المميز منها،
وأغلب الصور ف الموضوع كانت منسيه لولا موضوع الأخ ..كونان.. وكتابه اللي عن شيرلوك هولمز
اللي ذكرني بفحص الميموري كارد، وصور الكتب القديمة.
أتمنى انكم تكونون استمتعوا ف جولتكم ف أسرار مريم
المفضلات