اولا السلام عليكم ورحمة الله
ثانيا: اكتشفت اليوم اعظم اكتشاف وهو ان ما عاد فيه احترام للكبير في مجتمعنا الحلو
اليوم بعد صلاة العصر خرجت من المسجد وانا في احسن حال
مزاجي كان صاااااااااافي
المهم عديت على ولد عمره ما يتجاوز 10 سنوات
قاعد يصلح في الدراجة حقته
وبدأ الحوار:
انا: السلام عليكم
الولد ينفخ: وعليكم السلام
انا: وش رايك تبيني اساعدك
الولد ينفخ: انت وش دخل ابوك رح عند امك بس
انا: نعم!!!!!!
الولد: اقول لو ما تبي تتسطر انقلع احسلك
انا: اقول تادب ولا تطول لسانك لو سمحت
الولد: ومن انت عشان تكلمني
رفعت يدي وكان ممكن اديله كف اخليه ابيض واسود
لولا امام المسجد كان معاي وقلي: طول بالك هو صغير
انا: والله عشانك يا شيخ
صفيت الولد ومشيت في طريقي للبيت
نمت الين المغرب
وصحيت ورحت الصلاة
بعد الصلاة شفت نفس الولد ومعاه ابوه
سلمت عالأب: السلام عليكم عمي
الأب: وعليكم السلام
انا: لو سمحت ودي آخذ من وقتك شوي
الأب: ترا ما عندي كثير وقت
انا: لا والله ما ياخذ دقيقتين
الاب: زين تفضل
حكيت له الحكاية من طق طق لسلام عليكم
الاب: يعني وش المقصود
انا: انا اقصد لو تحاولون تادبونه شوي وتعودونه عالطيب عشان لا تتعبون مستقبلا
الاب: انت وش دخل اهلك ولدي انا حر وش اسوي فيه
انا: انا بس كنت انصحك
الاب: لا تتدخل في شؤون غيرك ولا بتلاقي مني الي مو طيب
انا: يا عمي ترى ولدك يغلط على الناس
الاب: يغلط ان شا الله يذبح بعد ولدي وانا حر وش اسوي فيه
انا: والله يا عمي من شابه اباه فما ظلم .gif" border="0" alt="" title="0" class="inlineimg" />
ومشيت
تخيلو هالرجل كيف ربى ولده وانشأه
هذي هي المشكلة يوم ينتقل السم من الآباء للابناء
بدل ما يربيه عالاحترام رباه على السب والشتم
احذروا يا ناس في تربية ابناءكم
لان الاب قدوة للابن
والسلام عليكم ورحمة الله
المفضلات