hey messenger ^_~

[uael]

×××


السلام عليكم


كيفكم ؟

(ياويل الي يرد على الموضوع وما يرد على ذا السؤال )


الموضوع مو في مكان غلط , أنا ما راح أتكلم عن برنامج المسنجر ,
أنا اتكلم عن استخدامنا للمسنجر


احم , اللي ينقله لمنتدى ثاني ما أحلله لا دنيا ولا آخره ,ممنوع النقل






Windows Live Messenger


أهم برنامج في أجهزتنا , إذا كان مفتوح نعتبر أنفسنا داخلين النت ,
لو كان محذوف أو عطلان لازم نحس شيء ناقص

بالنسبه لي صار أهم من التلفون , كل صديقاتي في الدراسه لو أبغى أكلمهم أفتح مسن و ألاقيهم
و حتى تخطيطنا للإختبار على المسن

كثير منا صار شيء مهــــــــــــــــم جدا ً عندهم , علشان كذا كتبت هذا الموضوع

××× نتعلم آداب المسنجر و في نفس الوقت بما أن ثلاثه أرباعكم ضايفين بعض تعالوا
نكتب الأشياء الي نحبها والي ما نحبها

××× كل واحد يكتب طريقته في إستخدام المسنجر و كيف يحب أن الناس تستخدمه
في حديثها معه , علشان تعرفون اسلوب بعض و ما يكثر الإزعاج من بعضكم لبعض ,

فيه ناس يتقبلون إضافة شباب لبنات و العكس و فيه ناس ما تتقبل , أنا ما أفتح الموضوع
ولا يهمني
كل واحد منكم حر في أسلوبه ولا تحولون الموضوع لنقاش عن هذا الشيء


قبل كل شيء راح أبدأ بتفصيل حالات المسنجر و شرح كل حاله



يعني صاحب الحاله متفرغ و ممكن يكون يسولف مع كم شخص و مستعد للسوالف معك ,
لكن أكيد بيسولف معك و مع غيرك , لا تكون لحوح في الطلب و السؤال ^^"




هنا أهم حاله , إذا كان الشخص مشغول ماحد يقدر ما أدري ليش ,
فيه ناس يقولون ( دامك مشغوله ليش تدخلين مسنجر؟ )
بس مو صح , أنا مثلا ً دخلت و انشغلت بسوالف مع ناس كثير ما اقدر أرد على مين و أخلي مين
راح أحط مشغول علشان ماحد يسولف معي , شوي يطلع لي وحده تقول ( مشغوله يا ري؟ )
الحمد لله وش تشوفين؟
على طول أعصب , لأن الحالات مو محطوطه منظر صح؟
و ممكن الشخص فاتح المسن و منشغل بالنت شوي , مولازم الواحد يسولف طول ما يكون فاتح مسن




ساعود حالا ً

واضحه مره , أنا أسميها ( اسكتوا شوي و أرجع ) <<< احلفي
لأن ماله داعي الواحد يقفل المسن و هو بيرجع بعد شوي , بس الناس مو مصدقه أن الواحد يترك المسن و يروح -_-
كمان يسولفون لو ان شاء الله أوفلاين




بالخارج ( نايمه ) ( آكل ) ( ألعب اونلاين ) ( بالدوام ) ( برا البيت )

لكن مثل ما قلت لكم , الناس مو مصدقه أنك ممكن تترك المسن مفتوح و تروح ,
ترجع للبيت تلاقيهم كلهم يسولفون و يحطون تنبيه
( هييي فينك ؟ ليش تطنشين ؟ هييييييييييي , مع السلامه يا قاطعه )

و أنا أطلع كذا >>>

يزعلون علشاني ما رديت , يحسبوني أحط بالخارج علشان أتفرج عليهم -_-

للأسف فيه ناس طول عمرها تحط حالات و هي موجوده علشان كذا هم يحسبون الناس نفسهم ممكن




أحلى شيء لأن الشخص الي إيميله مليان يدخل و يهجمون عليه علشان كذا يدخل أوفلاين
علشان يقرأ رسائل فوريه أو يكلم أحد و يطلع و للشغل السريع بس ,
لكن غباء أنك تستخدمه طول الوقت و إذا شفت أحد داخل تروح تكلمه لأنه ممكن ما دخل إلا لما شافك مو موجود خخخخ





إنتهيت من شرح الحالات و الحين أشرح شيء مهم يضايقني في استخدام الناس للإيميل
وهو رسائل الإيميل ,

أحيانا ً الواحد يدخل إيميله يلاقي ملايين الرسائل و معظمها مكرره من ناس ثانيين
يعني مثلا ً صديقاتي كلهم راسلين نفس الرساله ,
مو هذي المشكله , المشكله أن الرساله تكون مرسله لأشخاص غيرك ,
ممكن وحده ترسل لي أنا و ترسل لأخوانها أو أقاربها و صديقاتها و هنا المشكله
يظهر إيميلي للكل .. ومو كل الناس تبغى تضيف بعض , مثلا ً أعضاء منتدى واحد
و ما تبغى الكل يعرف إيميلك , و يجي واحد من المضافين عندك يرسل و يطلع إيميلك للكل



الطريقه السليمة للإرسال



تابعو الصور مع الشرح


1-بعد ما تفتح رساله جديدة , أو تحول رساله مرسله لك و تبغى ترسلها للكل

راح تظهر لك هذي الصوره




من : يطلع فيها إيميلك
إلى : راح تختار أسماء الي تحب ترسل لهم الإيميل الي عندك
الموضوع : مثل ما تحب يكون

لكن اضغطوا الكلمه الي عند السهم ( إظهار الحقلين نسخه و مخفية )

و راح يطلع لكم مثل هالصوره




حطيت لكم أسهم عند كل حقل علشان يوضح الشرح

السهم الأزرق ( إلى ) لو كنت ترسلها لشخص واحد مافي مشكله تستخدمه

السهم الأخضر ( نسخه ) , يعني مثلا ً راح أرسل كلام موجه بس لبسبوسه لكن أبغى كينو و أسوره يعرفون بالي قلته أروح أحط إيميل بسبوسه في حقل ( إلى ) و إيميل أسوره و كينو في حقل (نسخه)

السهم الأحمر ( مخفية ) , يعني أنا راح أرسل رساله لأخواني و لصديقاتي في نفس الوقت وما يصير تطلع إيميلات أخواني لصديقاتي و العكس علشان كذا أروح أحط كل الإيميلات في حقل (مخفي) علشان ماحد يطلع له إيميلات الباقي ....







إعتذار للعضوات الي أضفتهم من قبل

أعتذر للعضوات الي كانوا في إيميلي و حذفتهم , أنا ما استغني عن صداقتكم
لكن حذفت إيميلي و و سويت جديد لأقاربي و صديقات الدراسه فقط , و ممكن
وصلكم إيميلي عن طريق عضوه من العضوات لكن صدقوني أنا ما أقبل إضافات
و بتبقون صديقاتي دائما ً







و آخر شيء ,

××× المحادثات الجماعية , لها آداب , ما يصير تضيف شخص لجماعه دون علمه لأنك
تخليه في موقف محرج ممكن ما يبغاهم يعرفون إيميله أو تخيل أنه مخليهم
في قائمة الحظر و أنت فشلته

××× إشارات التنبيه ما اخترعوها للإزعاج , أحيانا ً أكون في محادثه
و ألاحظ أنهم ماسكينها بالدور و يعلقون الجهاز و تضطر تغلق المحادثه

××× لا تنسون , المسنجر وسيلة ترفيه + عمل , ننجز فيها أشغالنا و نطلع
و مع الوقت صارت مصدر إزعاج بسبب الأطفال الي يستخدمونه أول مره





موضوعي هذا ممكن للبعض يكون ماله أهميه لكن بصراحه ما تنكرون أنكم تواجهون
سوء إستخدام من بعض الناس , و حلو لو كل عضو يقول كيف يحب أن الناس تستخدمه معه
و كل عضو بيستفيد من ردود الثاني و يقراها و يعرف إذا كان بيضايقه مره ثانيه أو لا

[african girl]

السلام عليكم

مشكورة على الموضوع وايد

[uael]

مشكوووورة

على مرورك