يومياتي في المدرسه الجزء الأول

[kyto kid]

عيد سعيد يا اعضاء المنتدي الحلوين

نبدأ اولا:هذا الموضوع لأظهار مدي غرابة طرق التعليم واثبات ان مهما واجهت من مواقف غريب فلن تكون اغرب من يومياتي

نبدأ:اليوم الدراسي الأول بالصف الأول الأبتدائي

ذهبت الي المدرسة وهي مدرسة خاصة يعني المفروض المعاملة كويسة

طبعا متأنق في الزي المدرسي بس كانت في مشكلة الجذمة كانت ضيقة شويه بس قلت عادي مش هضايق نفسي لما اروح ابقي اشوف حل

حضرت الحصص طبعا وكانت كأي حصص مسلية جداههههههههه

طبعا كل معلم بالتشكيل وليس معلم يعني بلطجي كان حدد نوع الكراسة من اي حجم ونوع الجلاد ال cover بألوانه المختلفة

وقامو بتحذيرنا من يخالف هذه التعليمات سيقومون بأعدامه اقصد بأستدعاء ولي امره

في الحصه الأخيرة احسست ان قدمي ارتاحت من الجذمه الضيقة واستغربت ايه اللي حصل ياتري المهم لم اهتم كثير وقلت الحمد لله الظاهر رجلي صغرت عادي تفكير اطفال


جرس انتهاء اليوم الدراسي رن طبعا لما صدقت مشيت علي طول
اول مانزلت من الفصل اكتشفت الكارثة الجذمة تمزقت تماما

واذا كنت اريد الحركة فيجب ان اقوم بعملية احتكاك بين نعلها والأرض وطبعا عقبال ما اوصل البيت هكون مت ... لحد ما جت النجدة اختي لقيتها راحت ماسكاني زي ماران بتمسك كونان الأهبل وشايلاني وانا طبعا كان منظري رائع امام اصدقائيس وبعد كده اقتنعت ان انا امشي بكوتشي احسن



بعد منتصف العام بقليل في المرحله الخامسة الأبتدائي

حصة الدين

عادي كراسة الدين كاتب فيها حوالي 30 درس بس الكراسة مش بتتصحح لكن في اليوم ده قرر المعلم ان هو هيصحح الكراسات كلها

انا كراستي عادي كان عليها رسومات الأطفال يعني عادي كراسه عاديه بس كان في الرسمه من الغلاف اسد وزرافة ونمر ماسكين ايدي بعض وبيرقصو يعني صورة منتهي العبط

اول ما المدرس مسك كراستي ناداني بأسمي وقاللي "ايه ده يا ............؟"لا لا مش تفتكرو غلط يا جماعه ده ناداني بأسمي مش شتيمة

فقلت ببراءة ايه يا استاذ؟

قاللي"مش عيب الصورة دي تكون محطوطة علي كراسة دين"

انا"...................."
المعلم"طيب بص يا حبيبي انت تحاول تغطي عليها او تجيب كراسة جديدة وتكتب فيها كل الدروس تاني "

انا"حاضر يا استاذ "

روحت البيت طبعا اكيد طبعا مش جبت كراسه جديده وكتبت ال30 درس انا اصلا مش بحب امسك قلم تخيل اعيد 30 درس

ما علينا رحت مجلد الكراسة بجلاد ازرق امق جدا

الصوره بقتinvisible

في اليوم التالي

يا kyto دي كانت من مدرس الدين برضه طبعا يعني هو مش قاللي يا كايتو هو مش خبير قوي كده

"قلت بأدب نعم يا استاذ"
"فين كراستك"
"اتفضل يا مستر"عشان برضه يحس ان هو اوروبي"

"مسك الكراسة وبص ليا حتة بصة"

وبعد كده بص للكراسه وعليها الجلاد

قال انا مش قلتلك هات جلاد مش يبين حاجه

انا طبعا استغربت ان هو شافها افتكرت ساعتها ان هو ممكن يكون عنده خاصيه الشارنجان او البياكوجان في عينه
وراح مقطع الجلاد وقاللي ياخسارة يا كايتو وراح مطلع الدفتر بتاعه وحط ليا صفر في السلوك

بذمتكم دي حاجه حرام اللي عملتها

طبعا خليتني يومين بعيط


حصة التكنولوجيا في الصف الأول الأعدادي

قاعدين كلنا في مدرج العلوم طبعا كأي اولاد عاملين ازعاج زي الشياطين

المعلم:كفي ايها الأوغاد توقفو عن الكلااللي هشوفو بيتكلم هديلله صفر

طبعا كلنا شجعان جدا رحنا ساكتين

طبعا بقي راح قعد يدينا محاضرة في الأأخلاق والأدب وكيفيه الأعتراف بالخطأ

وفجأه راح سألنا بشكل تعليمي وقال :انتو عارفين مين هو الجبان؟

طبعا كلكم عارفين ان هو قصده سؤال جوهري وليس سطحي

بس طبعا انا كالعادة لا اترك سؤال الا واجاوب عليه

رحت قايل"الجبن يا استاذ هو عكس كلمة شجاع"

طبعا لقيت الفصل ضحك مش عارف بيضحكو علي ايه وراح المدرس اتنرفز وغضب وقال هات ولي امرك يا ابني معاك المرة الجاية

بذمتك انا عملتله حاجه انا كنت ملاك



حصه الرسم

المدرس القي تحية الأسلام رددناها بأحسن منها ولكن بصوت منخفض

قال اعلي يا جماعه

رددناها تاني بصوت اعلي

قاللنا اعلي

جينا نرد لقينا ان طبقة صوتنا مش جايبق اعلي من كده

المعلم:ايه مش رجالة قلتلكم اعلي ؟"

انا طبعا كنت مستغرب مدرس بيصر ان احنا نعللي صوتنا اول مرة اشوفها

المعلم"طيب عقابا ليكم خلليكم واقفين الحصة كلها"وراح مقعد الطالب اللي بيديلله درس

وخللانا واقففين

ايه رأيكم بذمتكم في حد حصللهاللي حصل معايا


ده كان الجزء الأول من يومياتي مع وعدكم بيوم اخر من يومياتي او بألاحري ذكرياتي الجميلة عن المدرسه

بس بجد المواقف دي حقيقية 100%