تابعِ معنا : أخر أخبار مباراة مصر والجزائر.. سارعِ بالنشر

[@@Ten Ten@@]

كيفكوا يا شباب عاملين ايه ؟

ها إيه أخر أخبار المطش معاكوا تعالوا نشوف مصري ومصراوي ايه أخبار المطش معاهم .. وبعدين نكلم كلامنا .. محدش يمشى

مصري : السلام عليكم .. ازيك يا مصراوي عامل ايه ؟؟

مصراوي : الحمد لله .. أخبارك ؟

مصري : زي الجمهورية ......

مصراوي : أقعد .. عطلنى بهزارك ده خلينى ما ألحقش أروح

مصري : بالراحة علينا شوية.. تروح فين بس ؟

مصراوي : أروح أجيب تذكرة المطش ... يسسسسسس هنقطعهم يا مصررررررررررري

مصري : هنقطع مين يا عم انت عايش الدور ليه كده ؟

مصراوي : الوقتي تشوف إما قطعناهم

مصري : يا بنى وطي صوتك بلاش فضايح

مصراوي : فضايح ليه .. أنا بقول إيه ؟

مصري : يعني لو حد سمعك وإنت بتقول هقطع أخويا محمد مش تبقى فضايح ؟

مصراوي : بعد الشر وأنا أقول كده ليه !!

مصري : أديك إنت اللي قولت أهو مش الجزائري المسلم ده يبقى أخوك ؟

مصراوي : قصدك إيه بقى ؟

مصري : قصدي نتناقش مع بعض شوية .. دلوقتي إحنا مكبرين الموضوع كده ليه ؟
ايه لازمة ده كله ،، المباراة الفاصلة وعزة مصر ومش عارف ايه .. إيه اللي دخل ده كله فى عِزة مصر يعنى؟

مصراوي : مهو إحنا لو خسرنا المطش ده مش هندخل كأس العالم .. إن شاء الله

مصري : وإيه المشكلة برده إننا ما ندخلش كأس العالم .. مش قضية يعني

مصراوي : مش قضية إزاى !!! ده أنا أعمل حداد لو مدخلناش

مصرى : يا بنى حداد إيه بس هو احنا كنا عملنا حداد لما الرسول ( صلى الله عليه وسلم ) رُسمت فى حقه الرسوم المسيئة ..؟؟؟
ولا كنا عملنا حداد لما أطفال غزة ماتوا .. ؟؟؟
ولا كنا عملنا حداد لما العراق أُحتل .. ؟؟؟
ولا كنا عملنا حداد لما الصينين دبحوا في إخواتنا المسلمين فى كردستان ..؟؟؟
ولا .. ولا

مصراوي : ايه الكلام الكبير أوي ده

نكمل بقى كلامنا


السلام عليكم و رحمة الله و بركاته

الحمد لله و الصلاة و السلام على رسول الله صلى الله عليه وسلم و بعد :

إلى كل جماهير المنتخبين المصري و الجزائري تعليمات مهمة قبل المباراة

يا ريت حضراتكم تركزوا معانا كويس جدا في الكلام التالي :

بس لازم قبل التعليمات وصف سريع للوضع الحالي للجماهير و هو كالتالي :

كراهية و عداء شديد بين جماهير المنتخبين

كل متعصب من مشجعي فريق يسبون و يلعنون الفريق الآخر و يتمنون لو أن الأرض انشقت و بلعتهم
وصلت الأحداث إلى حد شتم الجماهير للجماهير الأخرى ب : يا أولاد كذا
ترقب للمباراة المصيرية التي هي حياة أو موت لكلا الفريقين
كل بلد بتحرق علم البلد التانية
استعداد الجماهير لحرب بعد المباراة

وصلت إلى درجة أن امرأة مصرية متزوجة من جزائري تترك منزله بسبب المباراة

و الكل يريد أن يعرف من الفاااااااااااااااائز ؟

أكيد الفائز معروف طبعا

و كل الأحداث دي بتدل على كدة

الفائز هو طبعا : أعداء الدين " اليهود و غيرهم "

أيوة فعلا محدش فينا هيفوز لكن الفريقين هيخسروا كل حاجة كدة

الكلام مش واضح ؟؟؟؟

نوضح شوية

بس يا ريت محدش يرد على الموضوع إلا لما يقرأه كله و استحملوا شوية

دلوقتي ايه اللي بيجمع بين المصريين و الجزائريين ؟؟؟؟

شعبين مسلمين صح ؟

مين المستفيد من الكراهية بينهم ؟ مين اللي يهمه انه يشغلهم عن دينهم بكل حاجة ؟

أنا مسمعتش إننا كرهنا اليهود كدة و لا شتمناهم علني بالطريقة دي كدة يبقى إزاي نعمل دة مع المسلمين ؟؟؟؟؟

قبل ما نبدأ

فعلا الكسبان الوحيد أعداء الدين لأنه لما بيشغلنا عن ديننا احنا المسلمين

يقدر يعمل اللي هو عاوزه

نبدأ نشرح واحدة واحدة

المصريين و الجزائريين شعبين مسلمين

ليه نشتمهم و يشتمونا و كل اللي بيحصل دة ؟
ليه بنبص للجانب الوحش عندهم و نشتمهم بيه و هما يعملوا كدة كمان ؟؟ مين المستفيد ؟؟

بغض النظر مين اللي بدأ

لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا

إزاي هنستردها و إحنا بنشتم بعض و متضايقين من بعض و كل بلد نفسها الشعب التاني يموت ؟؟؟؟؟
إزاي ؟؟
إيه الفرق بين المسلم المصري و الجزائري ؟

شوفوا الرسول قال ايه عن التفرقة بينهم ؟؟

لازم نتحد يا مسلمين طالما متفقين على كلمة " لا إله إلا الله " يبقى لازم نتحد

أي مسلم لازم يكون في حياته كلها شغال بالولاء و البراء

طبعا فيه سؤال :

يعني إيه الولاء و البراء ؟؟؟؟؟

ببساطة :

الولاء : إني أحب و أنصر الله و رسوله و الإسلام و المسلمين

و كل من زاد قربه من الله بالطاعة يزيد ولائي له و أحبه أكتر

و البراء عكسه

يعني ببساطة المسلم لازم يحب أخوه المسلم لمجرد إنه مسلم

طيب لو المسلم دة بيطيع ربنا ؟؟؟؟ يبقى لازم أحبه أكثر

يا جماعة كلنا مسلمين على منهج أهل السنة و لله الحمد و لازم نتحد في وجه أعداء الدين

قال الله تعالى : " إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) "

المفسرون بيقولوا معناها : دينكم دين واحد

اللي بيربطنا كلنا ببعض هو الدين مش حاجة تانية

الأخوة في الله :

الصحابي كان لو أخوه كافر كان بيحب المسلم أكثر منه لأنه مسلم و بيعبد ربنا

برضه نقولها تاني : " المسلمين إخوة أكتر من الأخوة من الأب و الأم "

و يكفي كمان من فضل المحبة في الله إن من السبعة الذين يظلهم الله في ظله يوم لا ظل إلا ظله : رجلان تحابا في الله اجتمعا عليه و تفرقا عليه

شوفتم الحب في الله عظيم إزاي و ثوابه كبير ازاي ؟

ليه نشتم بعض و بالشتايم دي كلها ؟

ليه المسلمين يكرهوا بعض ؟ و علشان ايه ؟؟؟؟؟

انت عارف لما تشتم بلد معينة مثلا عدد سكانها مليون يبقى إنت خدت مليون سيئة بكلمة ؟؟؟ لأنك شتمت مليون واحد

فما بالك لما تشتم بلد أكبر ................ هتيجي يوم القيامة تلاقي سيئات كتير

تيجي تسأل السيئات دي ليه ؟
دي علشان انت قولت كذا جملة شتمت فيها شعب بلد كذا و خدت بكل جملة ملايين السيئات

هل دة يفرحك ؟؟؟

ليه نشتم بعض و نخلي اليهود يشمتوا فينا هم و كل أعداء الدين ؟

ليه كل دة ؟

شوف رسولنا الكريم بيقول إيه ؟ " صلى الله عليه و سلم " :

لأنه مسلم فكل دة حرام عليا ناحيته مينفعش اشتمه و لا اضربه و لا اسرقه

كل دة علشان ماتش كورة ؟؟؟؟ و هنستفيد ايه ؟؟

قبل ما تجاوبوا و تزعلوا من كلامي كملوا للآخر

ماتش الكورة هيدخلنا كاس العالم صح ؟؟

و هنكسب ايه لو دخلنا كاس العالم ؟

لالالالا

هنكسب ايه لو طلعنا النهائي و كسبنا كاس العالم ؟

هنروح الجنة أكيد ؟

هنقابل ربنا و نقول في ميزان حسناتنا إننا أخدنا كأس العالم و شتمنا إخواننا المسلمين ؟؟؟؟

احنا طبعا عاوزين نكسب بس يعني ايه نكسب ؟؟؟؟؟

تعالوا نشوف كده

و الخسارة يعني ايه ؟؟؟؟

تعالوا نشوف :

المصريين و الجزائريين و السعوديين و الليبيين مسلمين

يعني إخوة

مش أعداء

و عمر المسلمين ما هيكونوا أعداء بسبب لعبة يا جماعة

عاوز أقول حاجة أخيرة قبل ما نخلص

فاكرين ماتش الأهلي و ريال مدريد ؟؟؟؟

أكيد فاكرينه طيب شوف المقطع الجميل ده

من هــــــــنــــــــــا

http://www.way2allah.com/modules.php?name=Khotab&op=Detailes&khid=17722

أو هـــــــــنــــــــــا
http://www.islamway.com/?iw_s=Lesson...esson_id=37527

و كمان بالمرة أكيد فاكرين ماتش نهائي كأس الأمم بين مصر و الكاميرون

شوفوا طيب دة

من هـــــــنــــــــا

http://www.way2allah.com/modules.php?name=Khotab&op=Detailes&khid=17723

أو هــــــــنـــــــــــا

http://www.islamway.com/?iw_s=Lesson&iw_a=view&lesson_id=66186

كلمة أخيرة

إحنا فين من ديننا ؟

نصرنا ديننا ؟ خدمنا ديننا زي ما خدمنا الكورة ؟

ليه مش مهتمين بديننا يا شباب ؟؟؟

الكورة مش هتكون في ميزان حسناتي يوم القيامة لكن الدين هو اللي هيكون في ميزان حسناتي

يا ريت نرجع لديننا يا جماعة و بسرعة في أقرب وقت

و يا ترى نسينا إخواننا المسلمين المستضعفين في كل مكان في الأرض

فلسطين و العراق و أفغانستان و الشيشان و الصين و غيرهم

نسيناهم ؟؟؟؟
شكرا لأنكم سمعتوني للآخر

يلا يا جماعة نلغى التعصب وياريت اللى كان ناوى على حاجة بلاش .. أرجووووووووووووك بلاش

ونزيل شعار .. أنا مصري .. أنا جزائري

טּטּטּ ونرفع شعار أنا مسلم טּטּטּ

والسلام عليكم

[|[ رمـــآد ]|]

أهلاً بـ الأخت تن تن ^^ ...

ضربتِ على الجرح أختي الغالية ...

لأخبرك بشئ : لدينا في الجامعة الكثير من الدكاترة المصريين , و يهددونا في الإختبارات و ذلك على حسب نتيجة المباراة القادمة , غريبٌ ما يحصل !!!

مصيبة ما أسمعه بين الشعبين , فـ هما يبغضان بعضهما بغضاً شديداً , و السبب لا أعلم !!!

اللهم اجمع كلمة المسلمين و اجعلهم يداً واحدة و لـ يكونوا عوناً لـ بعضهم البعض لا العكس ...

يا رب إنهم ما يجدوا كورة يلعبوا فيها ^^ ...

أتمنى أن يصل ندائك لـ الجميع , و أن ينصتوا له جيداً ...

شكراً لما قدمتِ ...

ألــ قــا كــ م ...

[غرييب]

جزاكِ الله خير اختي على الموضوع ، حقاً اصبحت ابغض كرة القدم بسبب هذا الشيء بسبب مباراة ارى اناس يسبون في الجزائر وفي الجزائر يسبون مصر لماذا ! ، حتى في مباراة السعودية والبحرين اصبح نفس الشي هناك سب لكل طرف للآخر ، لماذا لعبة فعلت بنا كل هذا ؟؟؟

لا يسعني ان اقول الا اللهم اهدنا الى ما تحب وترضى ...

في امان الله

[@@Ten Ten@@]

أهلاً بـ الأخت تن تن ^^ ...

^_^أهلا بيك أخوى

ضربتِ على الجرح أختي الغالية ...

لأخبرك بشئ : لدينا في الجامعة الكثير من الدكاترة المصريين , و يهددونا في الإختبارات و ذلك على حسب نتيجة المباراة القادمة , غريبٌ ما يحصل !!!

سبحان الله للدرجادى
والله فعلا حجة تغيظ كمان عندنا البنات فى المدرسة البنات مش ولاد يعنى لأ بنات قاعدين يشتموا فى الجزائريين ومنفعلين ع الاخر ولا كأنهم جايين يحتلوا أرضنا ولا حاجة


مصيبة ما أسمعه بين الشعبين , فـ هما يبغضان بعضهما بغضاً شديداً , و السبب لا أعلم !!!

اللهم اجمع كلمة المسلمين و اجعلهم يداً واحدة و لـ يكونوا عوناً لـ بعضهم البعض لا العكس ...

اميييين يا رب

يا رب إنهم ما يجدوا كورة يلعبوا فيها ^^ ...

^_^

أتمنى أن يصل ندائك لـ الجميع , و أن ينصتوا له جيداً ...

شكراً لما قدمتِ ...



ألــ قــا كــ م ...


شكرا لك أنت على مرورك الطيب جزاك الله كل خييير

[@@Ten Ten@@]

جزاكِ الله خير اختي على الموضوع ، حقاً اصبحت ابغض كرة القدم بسبب هذا الشيء بسبب مباراة ارى اناس يسبون في الجزائر وفي الجزائر يسبون مصر لماذا ! ، حتى في مباراة السعودية والبحرين اصبح نفس الشي هناك سب لكل طرف للآخر ، لماذا لعبة فعلت بنا كل هذا ؟؟؟

لا يسعني ان اقول الا اللهم اهدنا الى ما تحب وترضى ...


في امان الله

يا رب اهدنا لما تحب وترضى

جزاكم الله خيرا على المرور

[عثمان بالقاسم]

جزاك الله خيرا على الموضوع المهم .

نحن قوم أعزنا الله بالإسلام ، فمتى ابتغينا العزة في غيره أذلنا الله.

وهذا من مخططات بني صهيون ، تفريق الأمة عن طريق التعصب لكرة القدم ، وتخدير الشباب بمتابعة مباريات كرة القدم.

المساجد خاوية والملاعب عامرة ، والأعجب من ذلك أنك تجد فريقا يتقاتل مع فريق آخر من نفس الدولة ومن نفس المدينة .

إنها دعوى الجاهلية ، دعوها إنها منتنة.

[ღ ليـــان ღ]

وعليكم السلام ورحمة الله

طرح جداً مهم .. لمتعصبي وعشاق كرة القدم
بارك الله فيك غاليتي وجزاك خيـــــــــــــرا ..

[[ اللــيـــث ]]

بارك الله فى الاخت
موضوع مهم
والاهم انى هقول كلمتين لاخونا المصراوى
يا اخى الفاضل تخسر مطش ولا تخسر اخوك المسلم - ولو خسرت فهو من نفسك لا ذنب لاخيك المسلم
وهذا يكون قدرك والاقدار من عند الله وهذا القول اقوله لمثلك من مشجعى المنتخب الاخر
هل لكم ان تغيروا ما قدره الله
راجع نفسك وان ما اقتنعت بكلامى اتمنى من الله لك ولامثالك نوم عميق حتى تنتهى المباراة ويعود المنتخب الجزائرى الى بلده سالما
اما الاخ المصرى اقول له يارب يكملك بعقلك وكتر الله من امثالك
والله جاجة تبكي تاركين المهم الثقيل والموت والخراب للدول الاسلامية ونجرى وراء كل ما هو لا ينفع ولا يضر
اللهم اهدينا فى من هديت وتولانا في من توليت واصرف اللهم عنا شر ما قضيت
بحق هذا اليوم الفضيل والساعة الفضيلة المستجابة يفوت غدا على خير
برحمتك يا ارحم الراحمين

مع ودي واحترامي للجميع

اخوكم

samer_zx

[سُلوان]

ايييييييييييه الهنا ده كله تن تن منورانا يابنتى ماتتقليش علينا اوى كده تدخلى تحطى موضوع وتجرى ومنشوفكيش تانى انتى وحشانى موووت والله
طيب ندخل فى الموضوع

لأخبرك بشئ : لدينا في الجامعة الكثير من الدكاترة المصريين , و يهددونا في الإختبارات و ذلك على حسب نتيجة المباراة القادمة , غريبٌ ما يحصل !!!

لاحول ولا قوة الا بالله هداهم وهدانا الله
سبحان الله العظيم مصر مقلوبة عشان المطش ده وكاننا خلاص رايحين نحرر فلسطين وتشوفى الجرنال وصور اللى رايحين يقطعوا التذاكر دول لو راحوا كده بنفس عددهم على اسرائيل هيدمروها سبحان الله العظيم وطول ما انتى ماشية فى الشارع الاعلام بئه ايه مرفوعة والمحلات والتاكاسى تعرفى التذكرة فى السوق السودة بكام ب1500 جنيه والله اللى يروح يشتريها ده يبقى عنده ربع ولا نص ضارب فى دماغه والعلم من 15الى 25 جنيه حد فكر يروح يتبرع بالفلوس دى لاسرة يتيمة مثلا واللى بيحصل بين المصريين والجزائريين كانهم خلاص اعدائنا ده متهيالى فى ناس بئت بتكرهم اكتر مابتكره اليهود ونديهم وردة ومش عارفة ايه هو ليه اصلا يبقى بينا عداوة يعنى مش عارفة كل ده على حتة جلدة منفوخة لعبة ولا هتودى ولا هتجيب بصراحة انا عندى ابى واخى حاجة مقدسة الكورة بس طبعا بحدود وفى البيت مش الهبل اللى بيحصل فى الملاعب ومش بتلهيهم عن الصلاة او كده وربنا يهدى الجميع
احم احم مش عارفة هو انا كده خرجت عن الموضوع ولا لأ اسفة على التطويل
*** رجعت الموبايل ولا لسه يابنتى مش معقول كده اجيلك يعنى ***

[Fifa san]

بارك الله فيك اختي الكريمة
موضوع في غاية الأهمية
وأرجو ان يجد أذان صاغية
وأن يترك الجميع التفاخر بالبلد الذي ينتمي اليه
وان يتفاخر فقط بأنه مسلم
جراك الله خيرا

[عابرة سبيل]

جزاك الله أختى على هذا التناول للمصيبة الموجودة حاليا
فتنة اتبعها من شغلوا أنفسهم باللهو والعبث وعطلوا عقولهم وفرح بها أعداء الأمة
هذه قصيدة للداعية (حامد بن عبد الله العلى ) عن هذا الأمر

ما للشعوبِ تراها وهي جُهَّالُ

وللتعصـُّب بيـنَ النّاس تجْوالُ

ما بالهُا وكأنَّ اللهْـو غايتُهـا

صرعى،رجالٌ ،وأشياخٌ ،وأطفالُ؟!

شبَّ السُّعار بهم من أجلِ لُعْبتهم؟!

وفي النفوس عليها صارَ بِلبالُ؟!

أثارت الكرةُ الحمقاءُ غضبتهم !

حتـّى تكاد لها الأرواح تُغتالُ

وفي القلوب دماءُ القومِ فائرةٌ

وفـي الصحافـة نيرانٌ ،وزلزالُ

حتى غدت معركا يهوَى بساحته

الدينُ،والعقلُ ،والأوطانُ ،والمالُ

إني غدوت وعقْلي كلُّه عجبٌ

مما جرى، وبخلْـدي منـه تسآلُ

شعبَ الجزائر ماهذا بديدنكم

بل ديدنُ الشعـب ثوَّارٌ وأبطالُ

يا مصرُ مهلاً فلا داعي لمعركةٍ

تنجرُّ فيهـا إلى الإسفـافِ جهَّالُ

مالي أراكِ لهذا اللهو غاضـبةً

وحـول غـزَّةَ آصارٌ ، وأغلالُ؟!

ألستِ من أمّة كانت صنائعها

يعلـو بها للعــلا مجدٌ وإجلالُ

ياقوم كونوا على الإسلام غضبتكم

فليمض فيه بكم جدُِّ وإقبالُ

وحيُ الكتابِ بكم يهدي لوحدتكم

حتّى تعودَ بكمْ للمجدِ أجيالُ

[أبو رويم]

جزيت خيرا أختى على الموضوع الرائع والمهم جدا جدا
وننتظر منك الجديد إن شاء الله

[عابرة سبيل]

هذه القصيدة بعد مهزلة اللقاء الأول أنقلها لكم

صارت أحاديث الأقصى مستهجنة

لا صوت يعلو فوق أحداث الكرة

كان للأقصى حماة واليوم يوم المهزلة

لا صوت يعلو فوق أحداث الكرة

كانوا سجوداَ للإله واليوم يوم الهرولة

لا صوت يعلو فوق أحداث الكرة

كانت أفاعيل الشباب مستهترة

كانت أفاعيل البنات سافرة بل سافلة

كانت دياثة للآباء مخذلة

فاقرأ على تلك الرؤوس الزلزلة

رفعوا للتعصب شعارات جاهلة

وصارت أفعال الشعوب مخجلة

ترى الصحف في السباب مسترسلة

قلنا هذه هي العصبية الجاهلة

دعوها فإنها منتنة

قالوا لنا لا صوت يعلو فوق أحداث الكرة

قلنا أين أنتم يا رجال المرحلة ؟

أين أنتم يا دعاة الفضيلة المهدرة ؟

أين أنتم من العصبية المرسلة ؟

قالوا هذي الشعوب في الهزيمة نائمة

بل صاروا كالأنعام السائمة

قلنا هذا دوركم يا رجال الأمة

أن توقظوا في الشعوب الهمة

[روَاء]

وعليكم السلام ورحمة الله وبركاته


جزيت خيرا أخيتي على طرحك المتميز..




يحضرني الآن بعض من معنى شيءٍ قرأته في الماضي عن سقوط الأندلس وأن الأعداء جميعا في كل زمان ومكان يعرفون متى يمكن القضاء على المسلمين أو هزيمتهم _ أو بما معنى العبارة _

كان للأعداء جواسيس في يتحسسون أحوال المسلمين وأخبارهم ؟؟!!!!!!

فوقف أحدهم على مقربة من شابين أو ثلاث يتناقشون وقد علا صوتهم ونقاشهم بإذا بحوارهم يدور حول مسألة فقهية أو ما شابه من دروس العلم، فقال ليس الآن؟

واستمر تجسس الاعداء على المسلمين قروناً طِوال حتى جاء ذلك اليوم الذي جلس فيه شاب على قارعة الطريق يبكي فسأله أحدهم عن سبب بكائه فإذا به يجيب سائله أنه يبكي على حبيبته التي تركته!!!!!!!

هنا قال الجاسوس الآن..
بعدها حدثت مأساة سقوط الأندلس.. بعد أن ضاع الدين وهجر العمل به..



يعلم الأعداء في كل زمان ومكان علم اليقين أن عزة المسلمين تكمن في دينهم والعمل به والعض عليه بالنواجذ لا بالإِمَّعات والتفاعات..






عافانا الله وإياكم والمسلمين من وبال الغفلة والهيافه..

اللهم إنا نعوذ بك من الفتن ما ظهر منها وما بطن..

اللهم يا مقلب القلوب ثبت قلوبنا على دينك..

اللهم ارزقنا حسن الختام..























عذرا للاطالة..

سدد الله خطاكم على درب الخير..

[YOLA]

شوفي يا اختي نحن معك في كل الكلام الي قلتيه لكن المشكل كبر اكر لما هاجم المصريون الفريق الجزائري تعرفي ماذا قال الجزائريون لما عادو للجزائر قالولنا: الشعب يهاجم فينا والشرطة معاهم ...قوليلي احنا استقبلنا فريقكم او جمهوركم هكذا؟؟؟---هذا ما هيج الشعب الجزائري---وما زاد الطين بلة سب عمرو اديب لشهدائنا على هذا رد الشعب الجزائري ودافع عن نفسه.
وطبعا رد من هذا ورد من ذاك قام صراع لالا قامت حرب وخلاص..ومثل ما قلتي المستفيد الاول اسرائيل واتباعها

[عآزفـ آلرعب]

ممممممممممممممممبروك للمنخب الجزائري وهاردلك للمصري المهم منتخب عربي تأهل وهذا اهم شي

[Harry Potter]

لا أريد أن أبدأ حرباً هنا..و لكن أيضاً لا أستطيع أن أدعى أن الامور على مايرام

[YOLA]

ممممممممممممممممبروك للمنتخب الجزائري وهاردلك للمصري المهم منتخب عربي تأهل وهذا اهم شي

ميرسي ختي ^_^

[«وتشي]

الصراحة .. اليوم بس عرفت ايش القصة ..؟؟؟؟
مع اني ما اعرف النتيجة ...
مع ا أنو ما قد تحمست يوم لمباراة ...
أساسا انا أكره كرة القدم .. أقل أنواع الرياضة إفادة للجسم ...
والدليل .. شعبيتها المقرفة ..

وحلاة الشيء بندرة وجوده ...


اللهم اهدهم واجمع على قلوبنا عاجلا غبر آجل ...

[Happy-chan]

مآ شأء الله !! موضوع في غاية الروعة !!
لا يسعني أن أقول إلا : شكراً لكِ بصدق ..
وجعله الله في ميزآن حسنآتكِ يآرب
في أمان الله ~