أنا مش ورقة !! (قصة رورعة )

[@@Ten Ten@@]

السلام عليكم ورحمه الله وبركاته

احنا هنعيش قصه مع ابطالها محمد وعبد الرحمن سنة اولي طب بالمناسبة هما كانوا اصحاب منذ الصغر
ممكن تكون القصة طويلة بس ان شاء الله هنستفيد منها

المهم ندخل في احداث قصتنا

الحلقة الاولي


يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة
راحت عليه ....

ينادي محمد علي والدته

ماما ماما انت مصحتنيش ليه ينفع كده من اول يوم مفيش التزام
والدته تدخل انا قعدت اصحي فيك من الساعة7 وكالعادة صحيني بعد 5 دقايق لا لابعد ربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي

وهنا يدخل والد محمد زعلان اوي ياحبيبي لك حق تزعل والايبقي ماعندكش دم

محمد:مش كده برده يابابا قول لماما اصلها مش مقدرة.

الوالد: مش مقدره لا مالهاش حق اتصدق بالله انت ماعندكش دم.

محمد: ليه كده بس انا مالي ماما هي اللي ماصحتنيش بذمه.

الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة.
طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات الثانويه العامه مش هشوفك تاني في الجامع .

محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا.

الوالد: انت سكت ليه نمت؟؟

محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات.

وهنا يرن موبايل محمد الظاهر صاحبه عبد الرحمن بيطمن عليه

محمد:ايوه ياعبده ازيك عامل ايه؟؟

عبد الرحمن: الحمد لله رب العالمين انت فين؟؟

محمد :انا علي السرير اصلي راحت عليه نومه.

عبد الرحمن: ولا يهمك تتعوض المهم انا مستنيك ماتتاخرش يلا.

محمد : ماشي مسافه السكه ويجهز محمد وينزل عشان يقابل عبد الرحمن.

محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه .

ويفاجا محمد بواحده تيجي تقعد جنبه...

وبعد فتره تساله هو حضرتك في كليه ايه
محمد: نعم طبعا هو سامع بس مستغرب السؤال
تعيد البنت السؤال مرة تانيه
محمد: ليه حضرتك فيه حاجه؟؟

البنت :لا ابدا بس زي مانت عارف ان النهارده اول يوم في العام الدراسي وانا مااعرفش اي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني....

محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .....

ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين

محمد : بصوت حازم هو حضرتك في كليه ايه
البنت : في تجاره
محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني...


وبعد عناء ينزل محمد من الميكروباص واخيرا هيقابل عبد الرحمن

ياتري ايه اللي هيحصل بينهم؟
هذا ماسنعرفه في الحلقه القادمه ان شاء الله

[عثمان بالقاسم]

وعليكم السلام ورحمة الله وبركاته.
جزاك الله خيرا.

[وزيف]

الحقيقة الظاهرة أنها ستكون قصة رائعة،ولا يطعن فيها إلا كونها بالدارجة .
ولا أعلم لم تتحاشون اللغة العربية في قصصكم ،بما أن المنتدى إسلامي فالمفروض تداول لغة الجنة فيه.
نصيحة لله :حاولي أن تكتبي الحلقة الثانية باللغة العربية الفصحى وسيكون النص أيسر فهما وأكثر بلاغة.
وفي النهاية لك كل الحق في اختيار الأسلوب،من يدري ربما تكون أجمل هكذا.
اعذري تطفلي .

[القلب الصافي]

بارك الله اناملك متابعة^!^..

[أبو رويم]

وعليكم السلام ورحمة الله وبركاته.
جزاك الله خيرا أختى على القصة الرائعة
وننتظر منك الحلقة الثانية

[[ اللــيـــث ]]

جزاكِ الله كل خير أختى على طرحك الطيب المثمر بإذن الله

و متابعين معاكِ أول بأول إن شاء الله

[سُلوان]

اااه تنه هنا ايه النور ده
اممم شكلها حلو القصة دى ماشاء الله اللهم بارك
مش عاوزين تاخير يا بنت ماشى
وان شاء الله متابعين بقدر الامكان
كلمة خاصة **انتى يا بت انا لو قتلتك مش هايخدوا منى ديه ممكن تقوليلى انتى روحتى واختفيتى فين المشكلة ماكنش معايا رصيد فمش عارفة اكلمك لكن استنى مكالمتى واستعدى بئه ده انا مستحلفالك **
امم بالنسبة للاخت: يا حبيبتى ليست تنه من كتبت القصة وانما منقولة واعتقد معظمها يكون بالعامية لانها تكون موجهة لفئة معينة من الشباب
**سمعت واحد من المغرب يقول انه لا يفهم المصرية فان وقفت معك اى كلمة نحن فى الخدمة دائما اتصلى بالخط الساخن *_^ مودتى **
اسفة يا تنه على التدخل

[secret girl]

وعليكم السلام ورحمة الله وبركاته

جزاك الله خيرا أختي
علي نقلك للقصة

كنت قد قرأتها سابقا
ولكن تنسيقك لها رااائع

بارك الله فيك
في أمان الله

[وزيف]

شكرا لك يا رحمة على هذا التوجيه.وليست المشكلة أنني لا أفهم المصرية،بل خوفا من دخول قضية تمصير اللغة،على كل حال إذا كانت قصة منقولة فليس على الأخت أي ضير وأنا أعتذر عن تصرفي ،في انتظار الحلقة الثانية.
بالمناسية أين هي الخدمة؟

[Fifa san]

يبدو أن القصة ستكون رائعة
بانتظار الحلقة الثانية
جزاك الله خيرا أختي ولا حرمك الأجر

[@@Ten Ten@@]

وعليكم السلام ورحمة الله وبركاته.
جزاك الله خيرا.

وجزاكم مثله
شكرا ع المرور

------------------------------------------------------------------------------------

الحقيقة الظاهرة أنها ستكون قصة رائعة،ولا يطعن فيها إلا كونها بالدارجة .
ولا أعلم لم تتحاشون اللغة العربية في قصصكم ،بما أن المنتدى إسلامي فالمفروض تداول لغة الجنة فيه.
نصيحة لله :حاولي أن تكتبي الحلقة الثانية باللغة العربية الفصحى وسيكون النص أيسر فهما وأكثر بلاغة.

أولا جزاك الله خيرا ع المرور الطيب
ثانيا للأسف القصة مش أنا اللى كاتباها نقلاها بس وهى مكتوبة كده زى ما رحمة بتقول لأنها بتخاطب فئة معينة من الشباب
وأنا معاكى فى أهمية الكلام باللغة العربية طبعا
بس مش بايدى
وانا نقلتها بس للفائدة
واسفة مرة تانية

اعذري تطفلي .

ولا تطفل ولا حاجة نورتى الموضوع
وان شاء الله تعجبك القصة ولو فى حاجة مش فاهماها قولى
أو
زى ما رحمة بتقول

الخدمة دائما اتصلى بالخط الساخن *_^ مودتى **

^_^
جزاكم الله كل خير


-----------------------------------------------------------------------

وعليكم السلام ورحمة الله وبركاته

جزاك الله خيرا أختي
علي نقلك للقصة

كنت قد قرأتها سابقا
ولكن تنسيقك لها رااائع

بارك الله فيك
في أمان الله

جزاك الله كل خير حبيبتى ع المرور الرائع

---------------------------------------------

بارك الله اناملك متابعة^!^..

وعليكم السلام ورحمة الله وبركاته
جزاك الله كل خير على مرورك الطيب
ان شاء الله تعجبك القصة

-----------------------------------------------

جزاكِ الله كل خير أختى الحبيبة على طرحك الطيب المثمر بإذن الله

و متابعين معاكِ أول بأول إن شاء الله

وجزاكم مثله
شكرا ع المرور الطيب

---------------------------------

يبدو أن القصة ستكون رائعة
بانتظار الحلقة الثانية
جزاك الله خيرا أختي ولا حرمك الأجر

قريب ان شاء الله
جزاك الله كل خير ع المرور الرائع حبيبتى

-------------------------------------------

اااه تنه هنا ايه النور ده
^_^

اممم شكلها حلو القصة دى ماشاء الله اللهم بارك
مش عاوزين تاخير يا بنت ماشى
وان شاء الله متابعين بقدر الامكان

حاااااااااااااااضر ان شاء الله ^^

كلمة خاصة **انتى يا بت انا لو قتلتك مش هايخدوا منى ديه ممكن تقوليلى انتى روحتى واختفيتى فين المشكلة ماكنش معايا رصيد فمش عارفة اكلمك لكن استنى مكالمتى واستعدى بئه ده انا مستحلفالك **


*************
هههههههههههههههههههه معلش سماااااااااااااااااااااااح
سمااااااااااااااااااااااااح
خلاص مستنية مكالمتك ده انتى وحشااااااااااااانى مووووووت
انتى رنيتى عليا النهاردة فى الدرس ومسمعتش خلاص مستنيااااااااااك يا قمر
*************


امم بالنسبة للاخت: يا حبيبتى ليست تنه من كتبت القصة وانما منقولة واعتقد معظمها يكون بالعامية لانها تكون موجهة لفئة معينة من الشباب
**سمعت واحد من المغرب يقول انه لا يفهم المصرية فان وقفت معك اى كلمة نحن فى الخدمة دائما اتصلى بالخط الساخن *_^ مودتى **
اسفة يا تنه على التدخل


تدخل ايه يا ماما الموضوع موضوعك أصلا ^^
جزاك الله كل خير يا قممممممممر

--------------------------------

شكرا لك يا رحمة على هذا التوجيه.وليست المشكلة أنني لا أفهم المصرية،بل خوفا من دخول قضية تمصير اللغة،على كل حال إذا كانت قصة منقولة فليس على الأخت أي ضير

عندك حق يا حبيبتى
معلش بقى استحملينا

وأنا أعتذر عن تصرفي ،في انتظار الحلقة الثانية.

تعتذرى ليه بس انتى عملتى حاجة

بالمناسية أين هي الخدمة؟

أنا كمان عاوزة اعرف فين الخدمة دى
هههههههههههه



---------------------------------

[@@Ten Ten@@]

لأن احتمال مشوفش الكمبيوتر تانى فهنتهز الفرصة وأحط 4 حلقات وربنا يسهل وأكمل الباقى قريب

الحلقة الثانية


محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص




لا لا بس اكيد مش هو ايه المقشة اللي في وشه دي هههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن...


عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.


محمد :لا ابدا ياعبده وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!


عبد الرحمن :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.


محمد:صحيح عملتوا ايه من غيري.


عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير ..
محمد:انت بتتريق؟؟


عبدالرحمن:مانت اللي سؤالك غريب هنعمل ايه يعني من غيرك لاانت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..


محمد:ماشي ياعبده بكره تعرف اهميتي.


عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه؟؟!!


محمد:مش اما اكون الاول صليت الفجر ابقي اقعد جلسة الشروق

عبدالرحمن:يعني انت ضيعت صلاة الفجر انهارده ازاي؟!!!


محمد:يلا ابدا المحاضرة التانيه كلي اذان صاغيه امال يابني لومكناش دفنينه سوا ..

عبد الرحمن:دفنا مين ؟؟

محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه ...

اوعي تقولي ان انت لسه بتصلي الفجر!!!!!
عبدالرحمن:انا بفضل الله بصلي كل الصلوات في المسجد.
محمد:بجد عليه انا برده الكلام ده؟؟!!

عبدالرحمن:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي...


محمد:براحه بس عليه احنا اول يوم في الدراسه..


عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد..

محمد:في سره فرطنا في ايه انا مش فاهم اي حاجه؟!!!


عبدالرحمن:هنبتدي من انهارده ..
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام؟؟


محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي؟؟



عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها...



1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .

2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .

3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .

كده اتفقنا ان صلاة الفجر مهمة ماشي ..

محمد:ماشي ياسيدي كمل باقي المحاضره اما اشوف اخرتها معاك

عبد الرحمن:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .....
خلاص اتفقنا يامحمد هرن عليك وهستناك تكنسل

محمد:خلاص خلصت المحاضرة يلا بئي قولي ايه اللي غيرك كده

عبدالرحمن :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك

وفي الجامع عبد الرحمن يقوم يصلي السنة

عبد الرحمن:انت مش هتصلي السنة

محمد:دا كويس اني بصلي الفرض يابني

عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بني الله له بيتا في الجنه

محمد :ماشي ماشي صلي انت بس وخليني اقعدلي شويه بئي عشان تحكيلي بين الاذان والاقامه

محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه

ياتري ايه اللي حصله 3شهور يتقلب القلبه دي؟؟!!

[@@Ten Ten@@]

الحلقة الثالثة



ينتهي محمد وعبد الرحمن من صلاة الضهر

محمد:يلا بقى احكيلي..

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.

محمد:ماشي انا صبرت عليك كتير

عبدالرحمن:معلش استحملني



ويخرج محمد وعبدالرحمن من الجامع ويعيشوا ازمه المواصلات
يركب محمد وعبد الرحمن اخيرا


محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي

عبد الرحمن :ماشي ماشي

محمد:يلا كلي اذان صاغية


عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا نوينا بعد الثانويه العامه وقرفها اننا نسافر بعيد ونصيف بئي ونعيش حياتنا
وبالفعل سافرنا وقضينا ايام حلوه فسح بئي وسهر واغاني وافلام وملاهي كانت ايام حلوه


محمد:ايه ده وانا ليه ماقولتليش


عبد الرحمن:ماتقطعنيش يامحمد
المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن
طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه من عجين كلامه طبعا زي قلته انا تقريبا ماسمعتش كلمه منه


وفجاه الاتوبيس كان هيعمل حادثه بس ربنا ستر
وكأن دي كانت رساله من ربنا لينا بس احنا اللي مابنفهمش


محمد:يااااااسلام وده بئي اللي غيرك هو انت بقيت حساس اوي كده هههههههههههههههه

عبدالرحمن:شكلي مش هكملك الحكايه

محمد:صحيح انا نسيت أسالك ع البت سها اللي كانت معانا في درس الكيميا البت دي اللي انت كنت بتحبها صحيح هي دخلت معانا طب


عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره


محمد:بس استني طب تعالي اتغدى عندي وكملي القصه ماما عامله فراخ هديك فرخه بحالها بس تعالي


عبدالرحمن:جزاك الله خيرا المهم انا نسيت اقولك ابقى اظبط المنبه عشان صلاة الفجر وانا برده هرن عليك

محمد:طب يلا انزل قبل ما السواق يرميك من الشباك

ويودع عبد الرحمن صاحبه محمد


ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه


ويدخل محمد البيت ماما انا جعان اوي يلا فين الفراخ


والد محمد:يابني اصبر شويه احكيلي عملت ايه انهارده في الكليه


محمد:دا انا عملت عمايل تخيل يابابا الواد عبد الرحمن بيصلي والله وقال ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي


والد محمد:وايه الغريب في كده عقبالك يابني ربنا يهديك

وبعد اما ينتهوا من الغدا


محمد:صحيح انا هدخل انام واسيب الموبايل واما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا

ها مين هياخد الموبايل وللا بابا ياخده عصر ومغرب وماما تاخده عشا وفجر

والد محمد:وسيادتك هتعمل ايه هتنام من دلوقتي لحد تاني يوم الكليه


محمد:الله اعلم انا تعبت اوي انهارده


ويدخل محمد ينام ويسيب الموبايل


ياتري عبد الرحمن هيعمل ايه بكره مع محمد ان شاء الله؟؟

[@@Ten Ten@@]

الحلقه الرابعة



بالفعل عبد الرحمن يرن علي محمد في كل صلاه ومامته تكنسل


وتروح تصحي محمد وهو لا حياة لمن تنادي وبالقوه يصحي عشان يروح
الكليه


عبدالرحمن ومحمد يتقابلوا في المحاضرة ويقعدوا جنب
بعض


عبدالرحمن:ماشاء الله عليك يامحمد كنسلت عليه حتي في صلاة
الفجر شكل الكلام بيجيب معاك نتيجه


محمد:اه امال ايه وفي سره ربنا يخليلي ماما
وبابا

وبعد
دقايق يدخل الدكتور وبعد مرور ربع ساعة من
المحاضرة


محمد:الحق ياعبده البت سها اهي هي جايه متاخر ليه ههههههه

مش تقولها تبئي تقعد جلسه الشروق عشان تيجي بدري
صحيح هو
انت قلبتها وللا ايه دي قرفتني في الاجازه اسئله عليك لدرجه اننا افتكرناك مت هو
انت صحيح كنت في السعوديه بتعمل ايه


عبدالرحمن :هو انت مش هتبطل كلام


محمد:لا انا عايز اعرف بقى ايه اللي حصل
بينكم


عبدالرحمن:طب ايه رايك تستأذن من الدكتور ونطلع احكيلك بره
وللا علي ايه هو هيطردنا دلوقتي

محمد:خلاص خلاص

وبعد شويه يتكلم

محمد تاني:هو احنا مش هنعمل صحوبيات


عبدالرحمن :لا ان شاء الله نعمل ربنا
ييسرالامور

محمد:طب الحمد لله

عبدالرحمن:لا مش اللي في دماغك


وبعد
انتهاء اليوم الدراسي


عبدالرحمن :يلا عشان نصلي الضهر ونروح واحكيلك في
الطريق

وفي طريقهم للبيت

عبدالرحمن:انا مش عايز سها تشوفنا ولو شافتنا نهرب منها بأي
طريقه


محمد:هو انت يابني عامل عامله وبعدين ماتشوفناش ازاي مش
هنحضر وللا هنلبس طقيه لخفه وللا نبقى نقعد تحت البنش في المحاضره
احسن
انت مالك بقيت غريب كده ليه

عبدالرحمن :اسمعني بس ربنا ان شاء الله هيصرف نظرها
عننا

محمد:طيب اما اشوف اخرتها

عبدالرحمن :بص ياسيدي


باختصارالحكايه
....

محمد:لا انا عايز تفصيل ممل

عبدالرحمن:ماشي ياسيدي
انا وسها
تقريبا اهلنا اتنازلوا عن وظيفتهم الاساسيه


محمد:اه انا كده فهمت الحكايه وعشان كده انت شاحت الهدوم
اللي انت لابسها ومش معاك فلوس حتي تحلق لاحول ولاقوة الابالله وطبعا مش معاك فلوس
عشان تخرج سها وتفسحها طب كنت اتصل بيه اسلفك


عبدالرحمن :تسلفني ايه انت
مابتفهمش


محمد:ليه الغلط ده بس
خلاص كنت
هخلي بابا يشوف لوالدك شغلانه جديده


عبدالرحمن:بص انت تروح تتغدى عشان شكلك جعان عشان كده مش فاهم وبكره هفهمك واحكيلك
علي كل حاجه

محمد:مااااااااشي

عبدالرحمن: السلام عليكم ورحمه الله
وبركاته

محمد:وعليكم السلام ورحمه الله وبركاته



وبعد اما عبد الرحمن يودع محمد


محمد:هو الواد ده بيتكلم كلام كبيرانا مش اده وللا انا فعلا
اللي جعان ومش فاهم حاجه؟؟!!!!

[@@Ten Ten@@]

الحلقة الخامسة



وبعد انتهاء اليوم الدراسي كالعاده


عبدالرحمن:محمد انت فهمت حاجه من اللي قلتها امبارح


محمد:بصراحه ومن غير ضرب لا


عبدالرحمن:طيب بص يامحمد انا وسها تقريبا عايشين نفس الظروف عايشين غربة في وسط اقرب الناس لينا
عايشين غربة يشكيها البيت بجدرانه فكيف بمن تحويه الجدران
اهلي انا وهي اتنازلوا عن وظيفتهم الاساسيه وهي التربيه والاحتواء
لا وياريت المأساه وقفت عند كده لا كمان كانوا موافقين علي علاقتنا انا وسها وكأنهم شالوا حمل تقيل من علي اكتافهم وظنوا انهم بكده استريحوا مننا
معرفه اهلنا بعلاقتنا وموافقتهم عليها كان معناها عندنا ان خلاص الامر المحرم بئي مباح لا دا ممكن كمان نقول عليه حلال مادام اهلنا عارفين ايه تاني هيهمنا


ربنا يغفرلنا ذلاتنا وتقصيرنا


المهم لما نتيجه الثانويه العامه ظهرت انا وسها تقريبا كان مجموعنا واحد وقلنا ان شاء الله ندخل طب سوا وهنقضي 6 سنين مع بعض ومفيش حاجه هتفرقنا وقعدنا نحلم كتير اوي


وفي نفس يوم النتيجه محمود ابن خالتي اتصل بيه وقالي انا عازمك انت وسها بمناسبه نجاحكم علي حفله المطرب(.........)الحفله دي هتبقي جميله اوي والمطرب هيكسر الدنيا هستناكوا تفوتوا عليه متتاخروش بئي


وبالفعل اتصلت بسها وحددت معها ميعاد وقابلنا محمود وروحنا الحفله سوا ووقت ماكنا في الحفله كنا فرحانين ومبسوطين اوي



لكن فجأه في نص الحفله محمود قالي

انا مش قادر اخد نفسي حاسس ان مفيش ذره هوا
انا قلقت عليه جدا وقررت انقله المستشفي وقلت لسها روحي انت عشان متتاخريش وانا هطمنك ان شاء الله
وفي طريقنا للمستشفي اتصلت بخالتي وقلتلها احنا في طريقنا دلوقتي للمستشفى لان محمود تعبان شويه

ولما وصلنا للمستشفي حاله محمود كانت بتسوء


وجه دكتور اول ماشاف محمود قاله قول لا اله الا الله
قول لا اله الا الله والدكتور يكررها كتير وفي كل مره الدكتور يقولها محمود يقوله انا فرطت كتير......
انا فرطت كتير اوي

والدكتور مازال يردد قول لااله الا الله وحمود مابيقولش الا انا فرطت كتير وانا مش مستوعب اللي بيحصل


قلت لمحمود انت فرطت في ايه فرطت في ايه يامحمود قولي



وقبل مايجاوبني لقيت الدكتور بيقول (انا لله وانا اليه راجعون)
قلت للدكتور يعني ايه يعني ايه رد عليه
الدكتور:انا لله وانا اليه راجعون


يعني محمود مات خلاص ......ازاي دا كان لسه معايا في الحفله ازاي مات ازاي دا لسه صغيرومكانش تعبان مات ازاي
دامكانش عارف انه هيموت................... وفرط كتير اوي في ايه ياريت قالي



يتبع ان شاء الله

[[ اللــيـــث ]]

يعني محمود مات خلاص

كل ابن انثى وان طالن سلامته * * * يوما على آلة حدباء محمولُ

ازاي دا لسه صغيرومكانش تعبان مات ازاي

((قل إن الموت الذي تفرون منه فإنه ملاقيكم ثم تردون إلى عالم الغيب والشهادة فينبئكم بما كنتم تعملون))



{كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ

وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ }



يا راكضا في ميادين الهوى فرحا * * * وغافلا في ثياب الغي نشوانا

قضى الزمان وولى العمر في لعب * * * يكفيك ما قد مضى قد كان ما كان

[القلب الصافي]

متابعة...
تحياتي...

[@@Ten Ten@@]

كل ابن انثى وان طالن سلامته * * * يوما على آلة حدباء محمولُ



((قل إن الموت الذي تفرون منه فإنه ملاقيكم ثم تردون إلى عالم الغيب والشهادة فينبئكم بما كنتم تعملون))



{كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ

وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ }



يا راكضا في ميادين الهوى فرحا * * * وغافلا في ثياب الغي نشوانا

قضى الزمان وولى العمر في لعب * * * يكفيك ما قد مضى قد كان ما كان

جزاكم الله خيرا ع المرور

متابعة...
تحياتي...

وجزاكى مثله حبيبتى
شكرا على مرورك

[@@Ten Ten@@]

الحلقة السادسة




محمد:بص ياعبد الرحمن من اولها كده احنا مش هنخرج من الكليه انهارده الا لما تحكيلي كل اللي حصلك



عبدالرحمن:ماشي ياعم محمد
انت عارف انا كل ماافتكر يوم وفاة محمود احس اوي بمعني الأية



(أَوَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ )122الأنعام


الحمد لله رب العالمين انا كنت ميت وربنا احياني فله الحمد سبحان من يحيي ويميت

انا بعد ماسمعت الدكتور وهو بيقول انا لله وانا اليه راجعون خرجت من المستشفى

من غير ماستنى خالتي ولا اي حد انا كنت شبه فاقد للوعي خرجت ومكنتش عارف
اروح فين ومعرفش مشيت اد ايه



وطول ماانا ماشي في الطريق شويه اضحك وشويه اعيط كنت بكلم نفسي ساعات
بصوت عالي وساعات بيني وبين نفسي


محمود مات لا انا مش مصدق انا اكيد بحلم


محمود مات ازاي ممكن كان تعبان وانا معرفش
محمود مات دا كان لسه قاعد معايا في الحفله كان لسه بيكلمني مات ازاي


محمود مات يعني مش هشوفه تاني

طب وفرط في ايه

فرط في ايه فرط في ايه كتير وخلاص مات ومش هيعرف يعوضه؟!!!!

مات لاااااا ازاي دا لسه صغير

يعني خلاص مش هيرجع بيته تاني ولا هيكون مع اهله

محمود هينام لوحده انهارده

مفيش حد هيبقى معاه

بس ازاي دا القبر ضلمه اوي

محدش هيرضى يكون معاه يونسه

لا محمود مامتش انا اكيد بحلم دا لسه كان بيعزمني علي الحفلة في ثواني كده مات

ممكن يكون الدكتور غلطان اه ممكن....... ممكن خالتي لما تروح المستشفي تلقيه

عايش اه ممكن


اكيد هيكلمني دلوقتي


وهسأله فرط في ايه

طب هو فرط في ايه حد يفهمني فرط في ايه

لا ااااااااا هو اكيد مات الدكتور هيهزر معايا في الحاجات دي

خلاص ياعبد الرحمن هو اكيد مات

طب.........

فجأة كده مات ممكن ......كنت انا اللي ابئي مكانه

طب مااحنا الاتنين زي بعض

مقضيين حياتنا اغاني وافلام وبنات ووووووووووو

ايه بقى اللي مفرطين فيه



كان نفسي اوي يامحمد حد يسمعني كان نفسي اشكي حالي لحد

كان نفسي ابويا او امي حد فيهم يفهمني كان نفسي اترمي في حضن اي حد فيهم

انا مش يتيم

لا انا يتيم مش لاقي حد فيهم يحس بيه وفي الوقت ده اللي حسيت فيه اني لوحدي في
الدنيا دي حسيت اني في غربه
حسيت ان محدش بيحبني ولاحد بيسمعني كنت تايه
ووقتها بطلت اضحك وبقيت مش قادر اوقف دموعي...........
وكأنها كانت محبوسه ومستنيه حد يفرج عنها
هو ان بعيط علي محمود وللا بعيط علي نفسي وللا بعيط علي ايه بالظبط
طب هو محمود ارتاح كده وسابني لوحدي تايه



اعمل ايه.... اعمل ايه بس حد يقولي حد يعبرني انا برده انسان انا مش يتيم.......


وفي وسط الحيرة دي
لقيت سها بتتصل بيه....　
ارد عليها جايز الاقي عندها جواب وللا بلاش ارد احسن



ياتري عبد الرحمن هيرد علي سها وللا.......؟!!!!!

يتبع ان شاء الله

[Fifa san]

جزاك الله خيرا حبيبتي
وبانتظار التكملة