السلام عليكم ورحمة الله وبركاته
حبيت احط اليوم صور عن مطعم مانجا سوشي ......
المكان : بيتش بلازا .... الي فيه مطعم برج الحمام ...مقابل حديقة شاطئ جميرا...




الي عيبني ف المطعم انهم حاطين قصص( كتب ) المنجا اذا تحبين تقرين لين يوصل الطلب ...وشي شاشة تلفزيون حاطين فروت باسكت ^_^ رسوم مشهور ... وديزاين المطعم عجيب غريب والاضاءه حلوه
..................... الصور ......................
المينيو ...دفتر كبير ...الواحد يحتار ف الطلب .... ع فكره اذا اخترتو سلطه ترا سلطاتهم كلها ربيان واخطبوط وبيض وسمج مدخن وكمن حبة عيش....مب خس وخيار وطماط
وخذو راحتكم وانتو تقرون ....مهم التركيز شو مكونات الاكله ...بعدين بقولكم ليش



ورا الطباخين حاطين شاشة رسوم ...فروت باسكت ^_^ طبعا غني عن التعريف لكل عشاق الانيمي



ديزاين المطعم من داخل





أول شي الابيتايزر ع قولتهم .....يزر وفلفل بارد وفجل عليه زيت وطعمه حامض ويلسع اللسان خخخ


هاي الاكلة ينصح فيها في هذا المطعم و هو ربيان


وبالنسبة للسلطه ....انا الذكيه يتراوالي اني قريت انه فيها خيار ,,, cucumber شوفو شو طلع فيها
فيها اخطبوط ...ربيان مدخن وسلمون وسمج مقلي بالزنجبيل ...ومشروم بصلصة الزنجبيل ..وبيض ..وتحت عيش
.هذيل ترا سلطاتهم مب معناتها خس وطماط و زيتون مثل ما انتو تحيدون حتى السلطه بحريه 100 %




.شاي اخضر بالاناناس البارد ...مشروب تقليدي



وايسكريم الشاي الاخضر التقليدي .... مشهور ف اليابان


,و معزومين كلكم عندنا في دبي عند هالمطعم العجييييب ^^
على فكرة الموضوع منقول بالحرف من منتديات شبكة سيدات الامارات