.::)(( حياتنا صارت أنمي × أنمي ،،.... موضوع للنقاش ))(::,.

[جاري التحميل]

السلاااام عليكم ورحمة الله وبركاته

كيفكم .. ان شاء الله الجميع بخير وصحة

اوووكي .. حبيت اناقشكم بهالموضوع

الحين لو لاحظتوا الأنمي صار شي ....... مادري صراحه كيف اقولها ..

هو صح اننا نستمتع وحنا نتفرج عليه بس ما يصير كذا ياخذ ربع حياتنا وحنا بس نشوف ونحمل ونمشي على هالحال حتى ما فكرنا نوقف ..

والحين تلقى واحد بالثلاثين هه يلحس الاربعين ويقول شفت الانيمي ذاك والله انه خطير اما الانمي الفلاني فهذا شي ثاني .. وواحد ثاني يسولفلك عن آخر انتاجات الأنمي شوي لا يطق فيه عرق من الحماس ..

ولا تلقى واحد يبكي ولا حزييييين تسأله وش السالفة .. لا يكون صار شي .. يقولك شفت الشخصية بالانمي ذاك تراه مات !!!
احلففففففففف الحين كل هذا عشانه مات وانمي بعد ><" ..

يعني حياتنا صارت أنمي X أنمي .. مادري شنو الفايدة منه ..

الحين شنو فايدته بالدنيا ؟؟؟ ولا شي

شنو فايدته بالآخره ؟؟؟ ان الله بيسألك عن وقتك لأن الرسول قال- فيما معناه - ستسألون عن أربع وذكر منها عن عمره فيما أفناه .. يعني حنا بين يدين ربنا شنو بنقول .. قاعدين نتفرج عالأنمي ..

طيب .. وبعدين تفرجنا وصحنا وضحكنا واستانسنا وانبسطنا وبعد ضيعنا وقتنا .. على ايش ؟؟ على شي تافه

هذا بدل ما ناخذ القرآن ونقعد نقرا ولا كتب نافعة .. طيب ما تحب تقرا !! ادخل معهد تعلم انتفع خلك انسان له قيمه بدل ما تنام وتقوم وتروح المدرسة / الجامعة .. الدوام ترجع تاكل تشرب وتتفرج انمي ..

طبعاً انا ما أقول الكل .. يعني كثيييير

مع اني اشوف ان بعض الانميات يا فيها شي يمس الدين .. أو أخلاقيات باطلة .. أو مضاربات ومصارعات ومقاتلات .. بتقول انا كبير ما اتأثر .. لا غلطان .. انت بأمانه ما عمرك حاولت تقلد أي شي من اللي تشوفه ..
(( جاوب لروحك محد بيدري )) هذا انت عاد شنقول عن الصغار .. راح يتأثرون وبقوة بعد .. تلقى واحد ماسك سكين على اخوه .. لا تقول لا ما يصير .. الا والله ونا شايف هالموقف بعيوني ماحد قالي ..

الحين طلعوا لي أنمي يعلمك شي مفيد يعني يعلمك كيف تستفيد من وقتك ولا كيف تزيد من ثقافتك ولا أي شي مفيد .. طبعاً مافيه ..

وكل اللي نشوفه خياااااااال .. واحد فكر بقصه وقال بخليها أنمي .. وقعد سنوات عشان يرسم ويزين ويتخيل ويعني طالع شي .. ويفرح اذا شاف النمي نال الاعجاب ويبدا عاد يطور من اسلوبه ولا يطلعله أنمي ثاني و.... و.....و....... وبعدين ؟؟ ما راح يفيده لا هو ولا معجبيه لا دنيا ولا آخره ..

يعني وبكل بساطه وللأسف الشديد .. صار الأنمي تضييع لنا ولأوقاتنا ..

وووقبل ما انهي الموضوع حاب اطرح عليكم هالسؤال ..

*شنو فايدة الأنمي ؟؟ وهل مره استفدت منه ؟؟

(( من كل النواحي )) أخلاقياً دينيويا ً علمياً ... الخ

وفي النهاية ..
بقولكم سر :wink2: .. ولا تستغربون ..

ترى انا أمووت عالأنمي ^^" .. يعني متابع خطير .. اسألني عن أي أنمي أعطيك الجواب ..

وكتبت هالموضوع محاولة لي اني أقلل من الانمي بعيني .. واعتبره شي تافه مامنه فايده .. واحاول اخفض نسبة متابعتي له .. وطمعت اني اقولكم باللي فكرت فيه .. وهذا هو قريتوا الموضوع وان شاء الله جاب نتيجة ..

وما تروح الحين تترك الأنمي وتتابع أفلام .. لاكان كذا أجل خلك عالأنمي أبرك ..

وآسف على اسلوبي الركيك ^^" هذي أول مره اكتب موضوع للنقاش ..

وطبعاً .. الموضوع مثل ما قلت للنقااااااااااش :nerd2: - :nerd6bs:

يعني ابيكم تقولون اللي بخاطركم كله .. عادي اذا ماعجبكم اللي قلته قولوا ما عجبنا .. أنا أتقبل أي شي بروح رياضية ..

وطبعاً مطمعي الأول اني أفيدكم .. وان شاء الله استفيد بعد من ردودكم وإضافاتكم ..

تحياتي ..
جاري التحميل ..

.....

....

...

..

.

[بطوط]

:confused2:
انا في فتـره أدمـنت على الأنمـــي واشوف بالـساعـات :nerd2:
لكـن ألحين مادري شــنو اللـي تغيـر !! يعني يعني يمر يوم ماشوف الا حلقـة وحده ويمر يوم ماشوف ولا حلقة أنمي :nerd2:
ألحين أدمنـــــــــت على الدراما اليابانيــة

فائدة الأنمــي: تسلــي الكبار ،،أحس قصص الأنمي اليابانيه تناسب الكبار أكثر من الصغار مادري والله احساسي يقول جذي(نظريـة بطوط)وقصـص الافلام الثانيه(ديزني والشركات الأخرى) أحس مالت أطفال:rolleyes3: ،،وبعض الأطفال يستفيدون منهـا:nerd2: ،،
الدراما اليابانيه اللي صدق لها فووائد
مثلا مسلسل أم بـ14 سنــة (يعني اي بنت تفكر بتفكيرهم:err2: (بعيد الشر ) راح تاخذ عبره من هالمسلسل وتشوف عذاب البنت الصغيره والـــــــــــــــخ
ملكة الغرفه الدراسيه : أحس هالمسلسل يعلــم النظان والالتزام وقصه رووووووووووووعـــــه
يعني الدراما اليابانيه لها فووائد والله لايحرمنا من الدراما اليابانيــــــــة


وتسلم أخوي على الموضوعـــــ ..:wink3:

[جاري التحميل]

:confused2:
انا في فتـره أدمـنت على الأنمـــي واشوف بالـساعـات :nerd2:
لكـن ألحين مادري شــنو اللـي تغيـر !! يعني يعني يمر يوم ماشوف الا حلقـة وحده ويمر يوم ماشوف ولا حلقة أنمي :nerd2:

هلا والله بطوط ..

حلو .. استمر .. انا اقولك وش اللي تغير .. زاد معدل فهمك وتفكيرك للأفضل .. وان شاء الله اصير مثلك ^^ ..

ألحين أدمنـــــــــت على الدراما اليابانيــة

-_-"
ما استفدنا أجل

فائدة الأنمــي: تسلــي الكبار

لا ياخوي ..
التسليه مهي فايده ..

قصص الأنمي اليابانيه تناسب الكبار أكثر من الصغار مادري والله احساسي يقول جذي(نظريـة بطوط)وقصـص الافلام الثانيه(ديزني والشركات الأخرى) أحس مالت أطفال:rolleyes3: ،،وبعض الأطفال يستفيدون منهـا:nerd2: ،،

الكبار تقصد بأي عمر ؟؟
والله الحين صاروا العالم كلهم يتابعون أنمي وأفلام ياباني ولا هندي..
أما ديزني هذي أنا ضدها .. هي صح قصصها حقت صغار ...(( طرزان وسندريلا وبيتربان وحورية البحر و.... الخ ))
بس اكثرها قلة أدب و (( مصخره )) ومع وين يستفيدون منها !! بالعكس يتضررون منها
والياباني على الأقل احسن ..

الدراما اليابانيه اللي صدق لها فووائد

لا .. ما فرقت .. بالعكس أحس انها أكثر تأثير
لأن ناس مثلنا اللي يمثلونها .. فيكون التأثير قوي

مثلا مسلسل أم بـ14 سنــة (يعني اي بنت تفكر بتفكيرهم:err2: (بعيد الشر ) راح تاخذ عبره من هالمسلسل وتشوف عذاب البنت الصغيره والـــــــــــــــخ

وبعدين راح تفكر بهالمسلسل وتشوفه مية مره .. ومثل ما قلت كله تمثييييل .. لو كان حقيقي يمكن نقول ناخذ العبره .. كيف نعتبر وحنا نعرف انه مسلسل كله كذب في كذب .. أحداث من نسج خيال شخص ..

ملكة الغرفه الدراسيه : أحس هالمسلسل يعلــم النظان والالتزام وقصه رووووووووووووعـــــه

[quote]

مادري والله .. انا ما شفت هالدراما ولا أم بـ 14 سنة .. انا بس اتابع أنمي ^^"

بس دامها دراما !! مممم

ماعتقد تفيد ..

يعني الدراما اليابانيه لها فووائد والله لايحرمنا من الدراما اليابانيــــــــة

خخخخخخخخ
يعني لأن وحده ولا ثنتين .. والله أنا ما أتابع الدراما اليابانية ولا كان جبت الفضايح
ونا متأكد ان أكثرها سلبيات إن ما كانت كلها ..
ومتأكد بعد انك اذا كبرت شوي وفكرت بتغير رايك ..

وتسلم أخوي على الموضوعـــــ ..:wink3:

الله يسلمك يالغالي ..
ومشكور عالمرور والرد وإبداء رايك بصراحة .. هذا اللي يعجبني ^^

دمت بكل الود ..

..........................................

[بطوط]

اممم
حتى الأنمي في أنميــــات قلــة أدب على أوصولـــــــه اصلا مسوينه حف هالأشيأء وكاتبين على الـDVD من 18 اللي يتابعونهull8ay: بس طبعـا هاي كله في البلاد الأجنبيـه
مادري وجهة نظري الدراما اليابانيه أفضل
وعن سالفة تمثيل (بعض المسلسلات تكون قصة حقيقية منها لتر من الدموع) وشدراك يمكن دراما ام ب14 سنة مادري شسمه يمكن تكون قصه حقيقيــة:smile2:
والعبره ..عبره لهم أهــم احنا قول يمكن بناتنا 95% مربيين تربية سنعه
(الأنمي والدراما لهم وقتهــــــــم)
وبـــــــــــس

[جاري التحميل]

حتى الأنمي في أنميــــات قلــة أدب على أوصولـــــــه اصلا مسوينه حف هالأشيأء وكاتبين على الـDVD من 18 اللي يتابعونهull8ay: بس طبعـا هاي كله في البلاد الأجنبيـه

أنا معك في أن فيه أنمي قلة أدب ومادري وش يبي بس الحمد لله ما نشوفها ..
وهذا فضل من الله انها ما تواجدت بالسعودية ودول الخليج وان شاء الله ما يصدر ..

بس اللي يبيها بيجيبها من النت .. يعني على حسب الشخص ..

والعبره ..عبره لهم أهــم احنا قول يمكن بناتنا 95% مربيين تربية سنعه

مادري والله ما فهمت ^^".. العبره لهم في ايش ؟؟

(الأنمي والدراما لهم وقتهــــــــم)

وش تقصد ؟؟

وحياك بطوط
منووور ..

.

[بطوط]

:oo7dt: غريبــه ما فهمـت
يعني العبره لهــم ^اليابانين والأجانب^ يعني مثلاً لو يبون يسوون مثــل ^ميكي^ بطلـة الدراما (لأنك ماتابعته) راح يعتبرون لأنها صراحة تعذبت( مسيجينة وعلييه)
يعني الدراما والأنمي لهم وقتهم

مثلاً (مانتابع في أوقات الصلاة ومب 24 ساعه مثلا في اليوم حلقتين أو 3 بالكثير
فهمت ولا افهمك بعد

[جاري التحميل]

خخخخخخخخخخ

مانتابع في أوقات الصلاة ومب 24 ساعه مثلا في اليوم حلقتين أو 3 بالكثير

لالا فهمت خلاص .. في أحد مايفهم من هالشرح
بس انا ما خذته من هالناحية ^^"

وغير ان العبره لهم .. انهم يتعبون اعمارهم عالفاضي ..

وسلام ..

[بطوط]

خخخخخخخخخخ

لالا فهمت خلاص .. في أحد مايفهم من هالشرح
بس انا ما خذته من هالناحية ^^"

وغير ان العبره لهم .. انهم يتعبون اعمارهم عالفاضي ..

وسلام ..

أحم أحم أخجلت تواضعي
المهم كيفهــم هــم !

المهم نستانس ونتابع درامــتهم
وحياني الله

[جاري التحميل]

المهم كيفهــم هــم !

المهم نستانس ونتابع درامــتهم
وحياني الله

هههههههههههه

يعني المصلحة لنا لنا

وحياك الله :cool3:

[.ll.Miss Me.ll.]

وعليكم السلام ورحمة الله وبركاته

شكراً لك أخوي جاري التحميل على الموضوع..
وهو موضوع جميل للنقاش ومعرفة وجهات النظر

في البدايه الصراحه انصدمت من انك تحب الأنيمي
لأني تووقعت انه إلي كاتب الموضوع..كاره شي اسمه أنيمي

المهم

يعني ماادري شقولك اول ماعرفت الأنيمي وكأني الحمدالله والشكر ماشايفه خير.. كأنه عشت طفولتي وانا محكوره بدون ماأشوف الرسوم

كان شي يدييد وودي استكشفه أكثر وأكثرفصرت مدمنه..يعني ماأقعد 24 ساعه أشوف انيمي ولكن تفكيري فيه ولكن النظريه تغيرت الأن ولله الحمد

واتقوقع أنه اي حد يبدأ يشتكشف عالم الأنيمي..يدمن عليه في بادئ الأمر..ومهما طالت المده يأتي اليوم إلي يشوف فيه هالشي عاادي
وتنحصر متابعته فقط للأنيمي إلي حبه..وإذا انتهى يبدأ بإختيار الأنيمي الثاني وهكذا..ولكن كل شي يكون بالمعقول..مب في اليوم الواحد يشوف 10 حلقات من 10 انيمي مختلف..

وحلو عيالنا يدورن عن الأنيمي..ولا عن شي ثاني لاسمح الله
وطبعاً مب كل الأنيمي يناسب للأطفال
وشي جميل من الكبار تنبيه الصغار انه هذه أشياء ليست حقيقيه لأنه عقولهم صغيره ويصدقون أي شي

بالنسبه للإستفاده من الانيمي..بتكلم عن نفسي وانت احكم>>وهذا شي ينطبق على الدراما بعد
كوني تخرجت من مدرسه حكوميه..ومعروف سابقاً أنه أغلب المدارس الحكوميه ماتهتم بإنجليزي..فهي ماده واحده ضمن 8 مواد عربيه وأحياناً أكثر
فكان مستواي الإنجليزي يعتمد على تعاملي مع الخدم لا غير ويعني انه مب ذاك الزود

الأنيمي والدراما(إلي ترجمتهم إنجليزيه) ساعدوني وايد و وايد في حياتي الجامعيه الي أغلبها انجليزي
وأيضاً تعاملي مع الناس إلي ماعندهم ماعرفه باللغه العربيه..وفي الكتابه والقرايه بعد

بدأت بالأنيمي الإنجليزي وكان همي فقط مشاهدة الأنيمي وكانت نسبة الفهم 70 %
ومع مرور وقت أقل من سنه أصبح 95 % ولله الحمد..فهذا أهم شي خذته من الأنيمي والدراما

شي ثاني..بدأت بتعلم بعض مفردات جديده من لغه جديده..وهذا شي جميل..وماأصدق احفظ كلمتين..أروح عند الأهل واذلهم بها واتخقق عليهم اني اعرف وهم لا:cool3:
وأيضاً انت ليس من متابعي الدراما ولكن في بعض منها مفيد وايد

شي ثالث الأنيمي يعتبر ماده ترفيهيه..فحلو الواحد يرفه عن نفسه ويتسلى
مب حاكر نفسه ومايرفه عنها

والحين تلقى واحد بالثلاثين هه يلحس الاربعين ويقول شفت الانيمي ذاك والله انه خطير اما الانمي الفلاني فهذا شي ثاني .. وواحد ثاني يسولفلك عن آخر انتاجات الأنمي شوي لا يطق فيه عرق من الحماس ..

هههههههه حلوه هاي يلحس الأربعين..اسميه تشبيه بليغ

و مب عيب هالكلام ياخوي..ماأدري جان تعرفون جورجي..ولكن منذ سنوات عرضوها على التلفزيون..فتفاجئت انه انه في أحد من خوالي يشوفها وخالتي أيضاً وهم كبار وتحتهم عيال ويتذكرون الأحداث..ويوم شافوني متعجبه قالوا لاتخافين نحن شايفينها ونحن صغار ومافيه شي ترى نعيدها ونحن كبار :smug2:

ونحن بعد نفس الشي..احين لو نشوف حد من يهالو العايله يشوفون بومبو وإلا ليدي وإلا أخي العزيز وغيرهم من الرسوم إلي نشوفها..نيلس وياهم ونشوف و نقول والله أياام تحيد فلان الحلقه إلي بيستوي فيها جييه..وتحيدون يوم كنا اني من المدرسه وعلى طول نشوف ليدي
وجييه من هالكلام

ولو تفكر فيها صحيح..يعني مافيها شي لو يشوفون ويتسلون ويرجعون ايام الخوالي..فهم بشر ومب نحن والصغار نتسلى وهم لا..جيه في ناس تلعب بالألعاب الألكترونيه ولا تتعجب من هالشي..وفي ناس تلحس الأربعين على قولتك وتلعب كوره..وهذا من وجهة نظري شي طبيعي

وفي النهايه..السموحه منك اخوي طولت في الكلام
ويعطيك العافية

[Qatari_Vip]

*شنو فايدة الأنمي ؟؟ وهل مره استفدت منه ؟؟

(( من كل النواحي )) أخلاقياً دينيويا ً علمياً ... الخ

بصراحه الانمي فايدته للتسليه والاناسه..

اي الانمي بعضه مفيد مثلا:

ماروكو وانا واخي

يعلمون التعاون ويشجعون على الدراسه وغيره
..
وفي بعض الانمي يعلم على حب الاصرار والتحدي وغيره مثل بوكيمون وابطال الديجيتال:rolleyes5cz:


وانا احس ان في اطفال تحسنت لغتهم العربيه من كثر ما يتابعون الانمي..

وانا اموت على الانمي وبس لازم اعود نفسي اني ما اتابعه واجد :confused2:

ومشكور على الموضوع المميز والمفيد:nerd2:

[@QUEEN_MOON@]

السلام عليكم ورحمة الله وبركاته

كلامك صحيح 100&#37;

ولكن نحن بإستطاعتنا تنظيم وقتنا في كل شئ

قراءة القراءن و و و و مشاهدة الأنمي وغيرها من الأشياء

وأنا لن أقول لك بأني مدمنة انمي لا ولله الحمد والمنة ولكن في بعض الأحياء أقوم بإنزال أنمي أتابعه حتى نهايته ولكن هذا لا يدل أن أهمل الأشياء الثانية لا فكل له وقته فمثلا أعطيك مثالا أنا أحب مشاهدة الأنمي ليلا وباقي وقتي أقضيه في قراءة القراءن وقراءة الكتب وغيرها من الأشياء التي تفيدني

والآن لنأتي لسؤالك

*شنو فايدة الأنمي ؟؟

توجد العديد من الأنمي لها فائدتها فمثلا كونان عندما أشاهد أرى في معظم حلقاته معلومات أول مرة أسمع بها

وأقول لك أخي صدقني توجد أنمي نستفيد منها وأنمي لا نستفيد منها أطلاقا

وهل مره استفدت منه ؟؟

أجل أذكر أني أستفدت من أنمي ولكن لا أذكر أسمه ولدي العديد من الأنميات أستفدت منها

(( من كل النواحي )) أخلاقياً دينيويا ً علمياً ... الخ

بالنسبة أخلاقيا مممممممممممممم لا أذكر

دينيويا ممممممممممممممممممممممم لا أذكر

ولكن علميااااااااااااااااااااااااااااااااااااااااا ااااا أجل أستفدت

ويوجد العديد من الأشياء التي أخذتها من الأنمي

وقبل أن أنهي كلامي

تذكرت موقف حدث لي

عندما قامت أحدى زميلاتي بطرح سؤال على بنات فصلنا وأمام المعلمة < يوم كنت في المدرسة يعني أيام زمااااااااااااااااااااان

وعندها لم تجب أي واحدة منهن على سؤال وكنت أفكر بأني سمعت جواب هذا السؤال وقمت بالإجابة عليه وتفاجأت المعلمة وقالت من أين لكِ هذه المعلومة وقلت لها عرفتها من المحقق كونان ^_^

ولكن أخي لن أقول لك بأن جميع الأنمي لها فائدة لا ولكن نادرا ما تجد أنمي تستفيد منه

ولكن جميع الذين يرون الأنمي فقط لتسليتهم _ وأنا منهم ^_^

وأشكرك مرة ثانية على طرحك لهذا الموضوع

وأتمنى أني لم أخرج خارج حدود الموضوع

وتقبل فائق إحترامي وتقديري لك

اختك كونو

[سوار العسل]

وانا كمان كتير بحب الانمي مدمنه بس انو انشوف الانمي ولا انشوف اشي تاني زي المغنين وهيك شغلات لسا في بعض الانمي بناخد منوا درس او عبرة صح يعني هو انو مو لازم ندمن عليه كتير بس لسا الانمي احلى من غيروا
وشكرا لهذا النقاش المهم والرائع

[KoKoRo KuDo]

السلام عليكم ورحمة الله وبركاته

أشكرك جدا أخي على طرح الموضوع الرائع...

الأنمي ...؟؟!!

كلامك صحيح مئة بالمئة من ناحية عدم الإدمان على متابعة الأنمي فنحن يجب علينا تنظيم وقتنا بين الاستمتاع بمشاهدة الأنمي والعبادة...

أهم شيء بالنسبة لي أن لا يشغلنا الأنمي عن أداة العبادات المفروضة كالصلاة في وقتها وطاعة الوالدين وغيرها...

وأيضا أن لا نسرف في مشاهدة الأنمي وان لا يكون سببا في كسب الذنوب من سماع الأغاني والموسيقى ...

بالنسبة لفائدة الأنمي فهو مفيد للأطفال بشكل كبير جدا ((طبعا الأنمي الأخلاقي)) مثل أنا وأخي يعلم الأخوي وبقية الأنمي تعلم المثابرة وعدم الأستسلام وعدم الكذب ...

أما بالنسبة لنا نحن الكبار فيمكن أن نستفيد في تعلم اللغة الإنجليزية واللغة اليابانية وأيضا تشغلنا عن الإلتهاء بالغناء والمغنين والمغنيات...

ولذلك هناك بعض الفوائد من الأنمي التي تنفعنا في الآخرة ....

في الختام... لا أقول سوى الله يشغلنا في طاعته...

وشكرا...

كودو سينشي

[جاري التحميل]

1
خوواتي

وعليكم السلام ورحمة الله وبركاته

شكراً لك أخوي جاري التحميل على الموضوع..
وهو موضوع جميل للنقاش ومعرفة وجهات النظر

في البدايه الصراحه انصدمت من انك تحب الأنيمي
لأني تووقعت انه إلي كاتب الموضوع..كاره شي اسمه أنيمي

هلا والله اختي خوواتي
ههههه ايه عارف انكم بتنصدمون ^^" بس عاد وش اسوي .. ابي أقلل من أهمية الأنمي عندي

المهم

يعني ماادري شقولك اول ماعرفت الأنيمي وكأني الحمدالله والشكر ماشايفه خير.. كأنه عشت طفولتي وانا محكوره بدون ماأشوف الرسوم

ايه كلنا .. أصلاً ما كان فيه انمي زي الناس
الا عدنان ولينا كنت أتابعه ونا صغير ^^"

كان شي يدييد وودي استكشفه أكثر وأكثرفصرت مدمنه..يعني ماأقعد 24 ساعه أشوف انيمي ولكن تفكيري فيه ولكن النظريه تغيرت الأن ولله الحمد

الحمد لله .. ايه أول ما يعرف الواحد شي طبيعي اذا عجبه بيدمن عليه .. ومع مرور الوقت يطفش
بس حنا حاله شاذة ما نطفش ابد ><"

واتقوقع أنه اي حد يبدأ يشتكشف عالم الأنيمي..يدمن عليه في بادئ الأمر..ومهما طالت المده يأتي اليوم إلي يشوف فيه هالشي عاادي
وتنحصر متابعته فقط للأنيمي إلي حبه..وإذا انتهى يبدأ بإختيار الأنيمي الثاني وهكذا..ولكن كل شي يكون بالمعقول..مب في اليوم الواحد يشوف 10 حلقات من 10 انيمي مختلف..

اي صادقه ..
بس انا اعرف اشخاص يشوفون الانمي يمكن حلقة12 تتابع .. من دون ما يوقف ><"
بس ان شاء الله مع الايام نطفش (( مع اني ماعتقد اني راح اطفش ^^" ))
ومثل ماقلتي بداية كل شي تكون قوية ..

وحلو عيالنا يدورن عن الأنيمي..ولا عن شي ثاني لاسمح الله
وطبعاً مب كل الأنيمي يناسب للأطفال
وشي جميل من الكبار تنبيه الصغار انه هذه أشياء ليست حقيقيه لأنه عقولهم صغيره ويصدقون أي شي

كلامك رائع جداً ومعك حق ..
لأنهم علطووول ما يمديهم يشوفون حلقة الا وانفسهم تتحرك ^^"
يعني حنا الكبار يمكن ويمكن بس هم يتأثرون علطول .. ما يميزون بين الصح والغلط

بالنسبه للإستفاده من الانيمي..بتكلم عن نفسي وانت احكم>>وهذا شي ينطبق على الدراما بعد
كوني تخرجت من مدرسه حكوميه..ومعروف سابقاً أنه أغلب المدارس الحكوميه ماتهتم بإنجليزي..فهي ماده واحده ضمن 8 مواد عربيه وأحياناً أكثر
فكان مستواي الإنجليزي يعتمد على تعاملي مع الخدم لا غير ويعني انه مب ذاك الزود

الأنيمي والدراما(إلي ترجمتهم إنجليزيه) ساعدوني وايد و وايد في حياتي الجامعيه الي أغلبها انجليزي
وأيضاً تعاملي مع الناس إلي ماعندهم ماعرفه باللغه العربيه..وفي الكتابه والقرايه بعد

بدأت بالأنيمي الإنجليزي وكان همي فقط مشاهدة الأنيمي وكانت نسبة الفهم 70 %
ومع مرور وقت أقل من سنه أصبح 95 % ولله الحمد..فهذا أهم شي خذته من الأنيمي والدراما

صح ما انكر ان الانيمي والدراما لها دور بتقوية اللغة ..
هذي ايجابية واحدة .. اما السلبيات كثير .. يعني الواحد يقدر يتعلم اللغة من معهد ولا من كتب ولا من النت .. مع ان تعلمها بمشاهدة الدراما والانمي المترجمة بالانجليزي اشجع وتلقينه يتعلم بسرعة وبروح عالية لأنه يتحمس يبي يعرف وش الأحداث .. فهي لها دور في اللغة ..
بس فيه اشياء كثيرة مهي كويسة .. منها : تشوف بعض الانميات ما فيها رحمة أبداً وكله ضرب وضريب ولقطات دموية فالواحد يتأثر شوي .. أو يهون الشي بعينه ويقلل قيمته مع انه شي مهم ..
يعني تلقين في الانمي واحد يمسكله سكين ويقتل .. وكل ما يشوف واحد يذبحه .. عاد الصغار اذا شافوا يعتبرونه شي عادي ويهون في عينهم .. فالواحد يتأثر ويمكن يبدا يغير من شخصيته إلى الأسوأ .. طبعاً شي سيء وغير جيد أبداً ..

شي ثاني..بدأت بتعلم بعض مفردات جديده من لغه جديده..وهذا شي جميل..وماأصدق احفظ كلمتين..أروح عند الأهل واذلهم بها واتخقق عليهم اني اعرف وهم لا:cool3:
وأيضاً انت ليس من متابعي الدراما ولكن في بعض منها مفيد وايد

ههههههههههه

حلو تتعلمين لغة جديدة انا مع هالشي ..
ومثل ما قلت الانمي هو اكثر شي يعلمك اللغة اليابانية .. انا تعلمت منه مية كلمة وكلمة :cool3:
يعني هي مفيدة من ناحية اللغة ..
بس مثل ما ذكرت فيه وسائل ثانيه غيرها للتعلم ..

شي ثالث الأنيمي يعتبر ماده ترفيهيه..فحلو الواحد يرفه عن نفسه ويتسلى
مب حاكر نفسه ومايرفه عنها

ايه بس مب 24 ساعة ..
يعني ترفيه حلقة حلقتين بدافع التسلية .. مب توه يسمع عن أنمي بكرى شاف كل الحلقات !!..
يعني للترويح عن النفس وللقليل من التسلية

هههههههه حلوه هاي يلحس الأربعين..اسميه تشبيه بليغ

و مب عيب هالكلام ياخوي..ماأدري جان تعرفون جورجي..ولكن منذ سنوات عرضوها على التلفزيون..فتفاجئت انه انه في أحد من خوالي يشوفها وخالتي أيضاً وهم كبار وتحتهم عيال ويتذكرون الأحداث..ويوم شافوني متعجبه قالوا لاتخافين نحن شايفينها ونحن صغار ومافيه شي ترى نعيدها ونحن كبار :smug2:

هين هذولا ما يتابعون .. يعني ما يقعدون يدورون حلقات ويجيبون من اخوياهم ويعني لازم الا يشوفها مثلنا حنا :cool3:
يعني اذا صدف وشافه عالتلفزيون ولا كان الفيديو مفتوح وشاف الحلقات يقول (( يا حليلي كنت اتابعه ^^ ))
لا هذا شي عادي .. انا اقصد عالمدمنين اللي ما يستغنون عن الانمي ..

ونحن بعد نفس الشي..احين لو نشوف حد من يهالو العايله يشوفون بومبو وإلا ليدي وإلا أخي العزيز وغيرهم من الرسوم إلي نشوفها..نيلس وياهم ونشوف و نقول والله أياام تحيد فلان الحلقه إلي بيستوي فيها جييه..وتحيدون يوم كنا اني من المدرسه وعلى طول نشوف ليدي
وجييه من هالكلام

ولو تفكر فيها صحيح..يعني مافيها شي لو يشوفون ويتسلون ويرجعون ايام الخوالي..فهم بشر ومب نحن والصغار نتسلى وهم لا..جيه في ناس تلعب بالألعاب الألكترونيه ولا تتعجب من هالشي..وفي ناس تلحس الأربعين على قولتك وتلعب كوره..وهذا من وجهة نظري شي طبيعي

لا انا ما قلت حنا نتسلى وهم لا
قلت ما فيها شي يشوفون ويتذكرون عاااادي
بس انا اقصد هاي اللي مقابلين الشاشة 24 ساعة يعني لو حرامي دخل من الشباك

ومر من قدامه وسلم عليه وطلع ما يحس &__&

وفي النهايه..السموحه منك اخوي طولت في الكلام

ويعطيك العافية

لا عادي انا اللي طولت ^^"
وهلا والله فيك خيتو خوواتي
منوووورة والله .. ومشكورة عالرد الرائع

.....

[جاري التحميل]

2
Qatari_Vip

بصراحه الانمي فايدته للتسليه والاناسه..

هلا والله بالغالي Qatari
وترى التسلية والوناسة مهي فايدة ..
الفايدة انك انت تستفيد منه بس حنا ما نستفيد من التسلية .. ما تجي ^^"

اي الانمي بعضه مفيد مثلا:

ماروكو وانا واخي

يعلمون التعاون ويشجعون على الدراسه وغيره
..

ايه هذي أنميات نادرة ..
يعني مؤلف القصة له هدف من سواة الأنمي
ونا اشجع انا وأخي حلو يناسب الصغار مره

وفي بعض الانمي يعلم على حب الاصرار والتحدي وغيره مثل بوكيمون وابطال الديجيتال:rolleyes5cz:

هذي انا ما اشجعها مره .. بس كله قتال وضرب ومادري وشو .. ونا ما اشجع هالنوع
بس ماعتقد تعلم الاصرار في انه يجتهد ويدرس ويتثقف ^^"

وانا احس ان في اطفال تحسنت لغتهم العربيه من كثر ما يتابعون الانمي..

ايه قلنا لها دور في اللغة ..
بس عاد ما يدمنون عليه .. عشان يتعلمون لغة

وانا اموت على الانمي وبس لازم اعود نفسي اني ما اتابعه واجد :confused2:

نفس الحاله :cool3:
لازم نعود انفسنا اننا ما نتابعه مثل ما قلت

ومشكور على الموضوع المميز والمفيد:nerd2:

الشكر لك يالغالي عالمرور والرد الرائع

دمت بود ..

.

[احساس الماضي]

موضوع حلو
و مناقشات الاعضاء زادته حلاوه
^^

[جاري التحميل]

3
queen_moon

السلام عليكم ورحمة الله وبركاته

كلامك صحيح 100%

ولكن نحن بإستطاعتنا تنظيم وقتنا في كل شئ

قراءة القراءن و و و و مشاهدة الأنمي وغيرها من الأشياء

وعليكم السلام

هلا والله خيتو كونو ^^

ايه بتنظيم الوقت يطلع كل شي تماااام

وأنا لن أقول لك بأني مدمنة انمي لا ولله الحمد والمنة ولكن في بعض الأحياء أقوم بإنزال أنمي أتابعه حتى نهايته ولكن هذا لا يدل أن أهمل الأشياء الثانية لا فكل له وقته فمثلا أعطيك مثالا أنا أحب مشاهدة الأنمي ليلا وباقي وقتي أقضيه في قراءة القراءن وقراءة الكتب وغيرها من الأشياء التي تفيدني

ما شاء الله عليك
كذا احسن شي .. وقت للأنمي ووقت للأشياء الثانية
أتمنى والله تستمرين كذا .. والأنمي ما يحلى الا في الليييييييييل والكل نايم :cool3: خخخخ

والآن لنأتي لسؤالك

*شنو فايدة الأنمي ؟؟

توجد العديد من الأنمي لها فائدتها فمثلا كونان عندما أشاهد أرى في معظم حلقاته معلومات أول مرة أسمع بها

وأقول لك أخي صدقني توجد أنمي نستفيد منها وأنمي لا نستفيد منها أطلاقا

ايه يمكن بس اشياء قليلة ..
يعني حنا ما نتفرج عالأنمي عشان نستفيد منه !.. نتفرج عشانه حلو يعجبنا ويجذبنا
وهالمعلومات اللي تشوفينها مو مثل ما تمسكين كتاب نضرب مثال كتاب عن
(( أسرار الطبيعة )) ولو كان 10 صفحات .. هل بتستفيدين أكثر من هالكتاب ولا من المعلومات اللي شفتيها من الأنمي ؟؟
أكيد الكتاب لأنه راح يفيدنا بحياتنا ..
أما اللي من الأنمي ماعتقد انها تفيد .. وذا أفادت فهذا شي قليل ما يحدث ..

وهل مره استفدت منه ؟؟

أجل أذكر أني أستفدت من أنمي ولكن لا أذكر أسمه ولدي العديد من الأنميات أستفدت منها

يمكن انتِ تستفيدين منه بس غيرك لا .. لأنهم ما ياخذونه الا من باب الوناسة والتسلية .. بس اللي يستفيد منه شي طيب ..

(( من كل النواحي )) أخلاقياً دينيويا ً علمياً ... الخ

بالنسبة أخلاقيا مممممممممممممم لا أذكر

دينيويا ممممممممممممممممممممممم لا أذكر

شفتي .. لأنه ما يعلم الا الأشياء الغير معتادة واللي ما تصير عندنا حنا المسلمين
يعني (( يمكن )) تفيد بالدنيا .. طيب بالآخرة !!

ولكن علمياااااااااااااااااااااااااااااااااااااااااااااا أجل أستفدت

ويوجد العديد من الأشياء التي أخذتها من الأنمي

نادر اللي يستفيدون .. هو صح فيه معلومات جديده وغريبه .. بس ماعتقد مهمة !!

وقبل أن أنهي كلامي

تذكرت موقف حدث لي

عندما قامت أحدى زميلاتي بطرح سؤال على بنات فصلنا وأمام المعلمة < يوم كنت في المدرسة يعني أيام زمااااااااااااااااااااان

وعندها لم تجب أي واحدة منهن على سؤال وكنت أفكر بأني سمعت جواب هذا السؤال وقمت بالإجابة عليه وتفاجأت المعلمة وقالت من أين لكِ هذه المعلومة وقلت لها عرفتها من المحقق كونان ^_^

ههههههههههه
من المحقق كونان ^^
ما شاء الله عليك .. اذا كانت معلومة جيده فحلو انك تتعلمينها ^^

ولكن أخي لن أقول لك بأن جميع الأنمي لها فائدة لا ولكن نادرا ما تجد أنمي تستفيد منه

ولكن جميع الذين يرون الأنمي فقط لتسليتهم _ وأنا منهم ^_^

بالضبط .. مثل اللي قلته ^^

وأشكرك مرة ثانية على طرحك لهذا الموضوع

وأتمنى أني لم أخرج خارج حدود الموضوع

وتقبل فائق إحترامي وتقديري لك

اختك كونو

الشكر لك يالملكة كونو << من قدك :cool3: خخخخخ
منورة والله بتواجدك وردك ..
تسلمين خيتو ^^

دمتِ بود

...

[جاري التحميل]

وانا كمان كتير بحب الانمي مدمنه بس انو انشوف الانمي ولا انشوف اشي تاني زي المغنين وهيك شغلات لسا في بعض الانمي بناخد منوا درس او عبرة صح يعني هو انو مو لازم ندمن عليه كتير بس لسا الانمي احلى من غيروا
وشكرا لهذا النقاش المهم والرائع

هلا والله فيك اختي سوار العسل ..

اكيد احسن من متابعة المغنين والأفلام وهالأشياء
بس عاد مهو حد اننا ندمن عليه .. ونادر اللي ناخذ منه عبرة او نستفيد منه مثل ما قلت قبل ..

والشكر لك على هالمرور منورة اختي سوار ^^

تحياتي ..

[جاري التحميل]

5
kudo.sanchi

السلام عليكم ورحمة الله وبركاته

أشكرك جدا أخي على طرح الموضوع الرائع...

وعليكم السلام
هلا فيك اختي .. والشكر لك على مرورك ..

الأنمي ...؟؟!!

كلامك صحيح مئة بالمئة من ناحية عدم الإدمان على متابعة الأنمي فنحن يجب علينا تنظيم وقتنا بين الاستمتاع بمشاهدة الأنمي والعبادة...

أهم شيء بالنسبة لي أن لا يشغلنا الأنمي عن أداة العبادات المفروضة كالصلاة في وقتها وطاعة الوالدين وغيرها...

وأيضا أن لا نسرف في مشاهدة الأنمي وان لا يكون سببا في كسب الذنوب من سماع الأغاني والموسيقى ...

ما شاء الله عليك تبارك الله
كلام جداً جداً رااااااائع ..
اهم شي انه ما يلهينا عن عبادة الله وذكره ..
ونا معك في اللي قلتيه .. طاعة الله قبل كل شي ..

بالنسبة لفائدة الأنمي فهو مفيد للأطفال بشكل كبير جدا ((طبعا الأنمي الأخلاقي)) مثل أنا وأخي يعلم الأخوي وبقية الأنمي تعلم المثابرة وعدم الأستسلام وعدم الكذب ...

ايه مافيه الا أنا وأخي الأخلاقي .. ويمكن فيه غيره بس نادر
أما بقية الأنمي ان علمتنا المثابرة وعدم الاستسلام .. بنثابر في ايش ؟؟
يعني هي ما تحث على شي بعينه ..
وان حصل وأفدتنا بأشياء فراح تضرنا بأكثر ..

أما بالنسبة لنا نحن الكبار فيمكن أن نستفيد في تعلم اللغة الإنجليزية واللغة اليابانية وأيضا تشغلنا عن الإلتهاء بالغناء والمغنين والمغنيات...

ولذلك هناك بعض الفوائد من الأنمي التي تنفعنا في الآخرة ....

من ناحية اللغة هي تفيدنا ..
وأتمنى تشغل أو تضيع من سماع الغناء ومتابعتهم .. فهي أفضل منهم

في الختام... لا أقول سوى الله يشغلنا في طاعته...

آمــــــــــــــــــين يارب

وشكرا...

كودو سينشي

الشكر لك اختي على هالمرور والرد الهادف والأكثر من رااااائع
اعجبني ردك واسلوبك .. ومنورة والله بتواجدك
والله يوفـقك والجميع ..

احترامي ..