المادة الثانية من الدستور

[werdany_1407]

السلام عليكم ورحمة الله وبركاته

من كام يوم الحمد لله ربنا من على مصر بالحرية

وذهبت الدولة اللامباركة

ونسأل الله تعالى أن يولي علينا من يصلح

وأياً كان الموقف قبل بدأ هذه الثورة من مؤيد ومعارض

فنحن الان في بوتقة واحدة

لا يسعنا سوى التكاتف كيف تسير هذه البلد إلى بر الأمان

ومن أهم الوسائل التي أدت إلى هذه الثورة هي الفيس بوك

فمن كان يظن أن هذا الموقع الاجتماعي الذي يتخذه معظم الشباب مكاناً للهو واللعب أصبح أكثر خطراً على كل دول العالم من أعتى الأسلحة الفتاكة

ومن كان يظن أن يسقط أنظمة ويعلي أخرى

ومن اخر ما أطلعتنا عليه هذا الوسيلة الفتاكة المباركة يإذن الله هو ما طلبه بعض العلمانيين من إلغاء المادة الثانية من الدستور التي هي أن يكون الدين الاسلامي هو المرجع الرئيسي للتشريع في مصر

عارفين ده معناه ايه

ان ممكن بكرة راجل يجوز راجل

وايه اللي هايمنعه

ما الدين اللي كنا بنرجعله اتلغى

ممكن بكرة نلاقي الراجل مجوز أكتر من 4

وايه اللي هايمنعه

ما الدين اللي كنا بنرجعله اتلغى

ممكن بكرة نلاقي التعامل بالربا بقى علني عيني عينك مش مداري زي دلوقتي

وايه اللي هايمنعه

ما الدين اللي كنا بنرجعله اتلغى

ده غير ان هويتنا الاسلامية اتلغت

مين يرضى بكده

مين يرضى ان الدين الاسلامي يتشال من دستوره

ده حتى عقلاء النصارى بيرفضوا ذلك

عارفين ليه

عشان عارفين ان أفضل عيشة في الدنيا هي العيشة في كنف الاسلام

بالله عليكم أيها الأخوة والأخوات

أناشدكم الله والرحم الا تقفوا مكتوفي الأيدي

الدستور المفروض لسه هايتحط على أساس المطالب

فممكن نلحق من دلوقتي نجمع بعضنا عن طريق النت والتوقيعات وغيره

بدل بعد كده ما نبكي وندعو الثبور ويصبح الاسلام في مصر أثراً بعد عين

وده يعتبر من الجهاد يا جماعة

الجهاد مش لازم يكون بالسيف

جهاد اللسان دلوقتي أقوى من جهاد السنان

ده لينك لجروب على الفيس بوك

http://www.facebook.com/IslamicId

وكمان جروب حركة 6 ابريل في موضوع عن مناقشة المطالب من الثورة وايه اقتراحاتك للدستور

ياريت كلنا نشارك

اللهم احفظ مصر من كل سوء

وده موقع الحملة الرسمي

http://www.islamic-id.com/

شاركوا ولول حتى بالنشر أيها الأخوة

انشروا تؤجروا

[جويرية]

جزاااااك الله خيرا على التنبيه وجعله فى موازين حسناتك...
ونحن بالطبع لا نريد ان تكون مصر دولة غير اسلامية بل مصر دولة اسلامـــــــــــــــــــــــــــــــــــــــية... وتنعقد المؤتمرات بهذا الموضوع, كما يوجد ورقة لتسجيل اسماء من يرغبون ان تكو مصر اسلامية...
اللهم اجعل مصر دولة مسلمة ومنارة للاسلام, اللهم فرج كربنا...
اللهم اميـــــــــــــــن