* لسة جوه البيت أفاعي *

[الأميرة سايا]

السلام عليكم ورحمة الله وبركاتة




موضوعي عن قصيدة راائعة جداا جداا


هي قصيدة *لسة جوه البيت أفاعي*

بلادي بلادي بلادي
هو ليه بقي موتنا عادي

مصر يا ضهري اللي محني
لا ارتويت ولا نيل لمحني
واللي آمنته دبحني
لما أعلنت اعتراضي

مصر يا وجعي اللي زاد
قتلوا قدامي الولاد
لبسوني توب سواد
وأنتي حبسوكي انفرادي

مصر سيبك من كلامهم
كدبهم خافي سهامهم
شوفنا ايه غير انهزامهم
والخداع وضع اعتيادي

هيقولوك ايد خفيه
قله صايعه وبلطجيه
لسه فاكرينك هفيه
تنسي حقك بالتراضي

فوقنا من تامر في غمره
جت مذيعه عايزه عمره
تفزعيلنا اسم المؤامره
يحيي إعلامنا الحيادي

مهما هيداروا الحقيقه
يوهموكي بميت طريقه
برضه ايدهم مش بريئه
من اللي عملوه النوبه دي

قولي للباشا اللي واهم
إني حافظه وهو فاهم
مهما يضرب أو يداهم
هرفض الأمر السيادي

فكريه لو هو ناسي
بكره مش دايمه الكراسي
وإني ردي هيبقي قاسي
لو فضل ظالم وسادي

مصر يا غاية اندفاعي
لسه جوه البيت افاعي
محتاجين مليون رفاعي
يجمعوا عزم الأيادي



قصيدة جميلة جدا ويستحق الشاعر/ أشرف الشافعي التقدير علي هذه القصيدة الرائعة والتي تعبر عن الظلم وهي ليست من يومين وليست لأحداث بورسعيد لا فهي موجودة من قبلها من يوم 18/10/2011 والإسم الذي أُطلق علي هذه القصيدة هو * النشيد الوطني الجديد*

والسلام عليكم ورحمة الله وبركاتة

[توكي مارو]

الله عليكي دي فعلآ حقيقه لسه جوا بلدنا افاعي فعلآ كله من الفلول ياااااااااااااااااااااااااااارب يعدي الايام دي ع خير و يحميكي يا مصر يا ام الدنيا

[الاميرة جميلة]

قصيدة
رااااااائعة