ههههه، ما رح يكون ردي عادل لأني "أكره 80% من نساء العالم"

أغلب الحريم إلا من رحم ربي، تفكيرهم سطحي تافه تخليك تلعن أبو اليوم اللي تعرفت فيه على أمثالها!

لو تكلمت معاها تحسسك انك فوزية دريع وتبي أجوبه وحلول عن أشياء ما تنقال لأي أحد !!

واللي يبرر هـ الشي بأنها تثق فيك، على الأقل تحاسب على سن اللي قدامها وعلى حالته الأجتماعيه!!

تسمع وأنت ساكت، تظن انك مصغي لها وفي قلبك تقول "أنا وش اللي يعرفني في هـ السوالف!! يمكن إذا طنشتها بتسكت!!"

وعلى كثر ما سمعت على كثر ما تعقدت !!

وإذا ما كان الحديث عن "ذاك الشيء" ، يكون عن الغيبه والكلام في أعراض الناس!!

وبس حاول تغير مجرى الحديث، عن كتاب قرأته مثلاً، يتغير الحوار بطريقة عجيبه إلى مسلسل تلفزيوني وبطلاته

من ثم الممثلين وحياتهم الشخصيه وبعدها فلانه بنت فلان تحب هـ الممثله

و من ثم ما دريتي عنها إنها كذا وكذا وكذا !!


بالنسبه لي أغلب النساء تفكيرهم سطحي تافه، وأفضل صحبة كتاب على صحبتهم!!

من بعد ما صار أغلبهم يتشبهون بالغرب ويتمنون يكونون في مكانهم على الرغم احنا كمسلمات عربيات ملكات مقارنة بهم

عذراً على الإطالة