::أهلا بكـمـ فـي الـمطبـخ الـمسـومـسـي :: ][للمسومسيات فقـط ][

[تفوحة]

اهلا وسهلا بشعبـي العزيـز شعـب مسومس الراائـع ^^..

كيف هي الاجواء والاحوال والطيران والرحلات ان شالله كل شي تمامز ^^

اليوم يبت لكم موضوع بنوتي يعني يخص البنات G!RLS ONLY <<تعلمت كم من كلمه هههه

اممم ما ادري يـا فـي بالـي هالشـي ..وان شالله تستفيدون منه يا مسومسيات ^^..

ملحوظـة قبـل بـدء العرض : يمنع منـعا بـاتا تطفـل المسومسيين :harhar1:

لحظـة لحظـة فـي شي غريـب انا احس عمري اليوم ما طولت في الكلام ...

اممم شكله old anime دعا علي هههههه..

احم احم ..



نبدا موضوع النمي نمي واليمي يمي كله واحد ..

لصيف مسومسي راائـع ...^^

طبعـا موضوعـي عـن كيفيـة صـنـع الاكلات الحلوة والحلويات

عسبة تتسلون في الصيف ^^..



يالله أكشــــن ^^..




::سلال الشوكولاته ::

::المقـاديـر::

كراميل (نصنعه بوضع علبة نستله في طنجرة الضغط ونغمره بالماء ونضعه على النار لمدة 45 دقيقة)

بندق

كاجو

كؤوس ورقية

شرائط لف الهدايا

::الطريقة::

في وسط الكؤوس نضع ملغقة صغيرة شوكولا ذائبة + بندقة

+ ملعقة صغيرة كراميل

+ ملعقة صغيرة شوكولا + نزينها بحبة كاجو

ونضع الشرائط كما هو مبين لنحصل على شكل سلة.....ونتركها تبرد




بالهنــاء ^^..



::كيفية صنع كعكه ::

::المقادير::

7بيضات-2كاس سكر-2كاس زيت-3ملاعق كبيره كاكاو - ملعقة فانيليا-

ملعقةعصير ليمون - كاس حليب سائل - كاس دقيق ابيض

- ملعقه كبيره بكينج بودر

::الطريقة::

اولا اشعلي الفرن بدرجة مئويه180ثم يوضع البيض والزيت

والسكروالكاكاو في الخلاط لمدة8-10دقائق ثم يضاف اليه الفانيليا

والليمون ويخلط لمدة دقيقه ثم نأخذ ثلثي هذا الخليط تقريباونضيف اليه

كاس الحليب وكاس الدقيق والبكنج بودر ويخلط بخفه بملعقه كبيره

حتى يتجانس تماما ويوضع في صينيه متوسطه مدهونه بالزيت

ومرشوشه بالدقيق ويوضع في الفرن ولايفتح عليه لمدة 35 دقيقه وبعد

نضجه اخرجيه وضعي عليه فورا ثلث الخليط المتبقي وارجعيه في

الفرن لمدة 5 دقائق ثم اخرجيه واتركيه ليبرد وبالعافيه جربوه وحتحبوه مره

::هني وعافيـة ^^::



::كيفية صنع كعكه ::

::المقادير::

(مقادير الكراميل) :

2 كوب سكر( كوب و نصف أحسن) ، ½ كوب ماء ،

½ كوب شاي ماء ، قطرات ليمون .

( مقادير الكريمة) :

3 بيضات + فانيليا + ، ½1 كوب سكر عادي +

2 كوب حليب نيدو بودرة + 2 كوب ماء .

( مقادير الكيكة)

3 بيضات + ½ كوب سكر + فانيليا + ½ كوب زيت +

½ كوب حليب + كوب دقيق + 2 ملعقة B.P+ ملعقة كبيرة كاكاو .


::الطريقة::

طريقة الكريم كراميل :

ضعي الخليط 2كوب سكر ،½ كوب ماء علي النار إلي ان يصبح لون

السكر محمر قريب من المحروق ، ارفعيه من النار و اسكبي عليه نصف

كوب شاي ماء ثم خذي طاجين الكيك و ادهنيه بالزيت واسكبي فيه الكراميل

طريقة الكريمة :

اخلطي مقادير 3 بيضات مع السكر بمضرب البيض قليلا ثم ضعي باقي

المقادير و اتركيه يضرب لمدة ربع ساعة . ثم اسكبيه مع الكراميل .

طريقة عمل الكيكة :

يضرب البيض مع السكر لمدة 10 دقائق ثم يضاف الزيت والحليب و الدقيق و الكاكاو .

ثم توضع في الطاجين و ضعيهم في في الفرن لمدة 40- 45 دقيقة و

عند خروجهم اتركيها تبرد ثم اقلبيها في صحن التقديم .

::كعكه الفانيلا ::

::المقاديـر::

علبة كيك أبيض سعة 18 ¼

علبة بودنغ الفانيلا سعة 3 ½ 1 ½

كوب ماء

4 بيضات

½ كوب زيت نباتي

كوب جوز أو لوز مجروش

2 كوب جوز الهند مبشور

::الطريقة::

سخني الفرن على حرارة 350 درجة.

اخلطي الكيك مع البودينغ والماء والبيض والزيت.

اخفقيه بالخفاقة الكهربائية مدة 2 دقيقة على سرعة متوسطة.

قلبي المكسرات وجوز الهند فيه.

اسكبيه في صينية فرن مدهونة بالزيت سعته 9 ×13 انش.

اخبزيه في الفرن مدة 45 دقيقة.اتركيه يبرد تماما.

في وعاء متوسط اخلطي الزبدة والجبن.

أضيفي السكر والكريمة حتى تصبح ناعمة.

وزعيها على الكيك ورشيها بجوز الهند.

::هني وعافيـة ::^^



امممم اعتقد الحيـن خلصنا من الحلويات والكيكات ^^..

اممم شو رايكم بصور حلوة تشجعكم تطبخون :nosweat:

يللا بسم الله ^^..

انا هذي الصراحة دخلت خاطري وخاطري اعرف كيف سووها تضحك خخخ



اممم هذا شكله حلو ..اممم بس ما اعتقد حاطه وصفته ..بحط صور للكيك بـس يمكن موجوده وصفاتهم او لا :harhar1:



شفتو الناتج ..حلوو..تشجعتو صـح :nosweat: ..

-انتهـى -



انتهت جولتنا الكيكية خخخ..وان شالله تستمتعون فيهم ^^..

انا الصراحـة تعبـت..><"

دمتم سالميـن <<تذكرونه هههه

اممم مثل ما قلت يا ويل اللي يطلع وما يرد :crazy: :nosweat: ..

اختكمـ المسومسية: تفـوحـة تشان

[سارة_009]

يا سالم عليكي با تفوحة انتي ومواضيعك الشهية
يسعدني أكون أول الردود على الموضوع الحلو
ربنا يخليكي لنا وللمنتدى وننتظر جديدك المتميز دائما
وإن شاء الله نجرب الحلويات الحلوة مثلك
أختك في الله
سارة_009

[shooshoo_san]

السلام عليكم ورحمة الله وبركاته

شكلها الحلويات لذيذه .. خصيصا الصوره الأخيره .. بس لو حطيتي الطريقة مع صور احسن <<حتى مع هالشيء العيوزه ما بتسويهم :nosweat:

مشكووووووووره على الطرق وان شاء الله بنجربهم في اليوم الاسود .. بالتوفيق لج

[ka!to fan]

الســـلام عليــكم و رحمـــة الله و بركاتـــه

موضـــووع حلــوو تفــوحة تشان

بس !

خليني أسوي بيض بعدين يصيـــر خيـــر ^^"

لأني الحين في دورة مكثفة تسمى " اصنع البيض بطريقة مقبولة على الأقل "

و الله لا يوريك البيض اللي أسويه (( مادة غريبة أو مادة شبه فضائية من المجرة المجاورة ))

و بعد مانصلح البيض نحاول في الكيك <<-- فاشلة البنت

و ننتظر جديــــــــدك شيفتنا ( الشيف تفوووحة )

و السلام عليكم

[OleaNder]

شكراااااااا اختي تفوحة علي الموضوع الرائع ...........

وبصراحة انا ما اطبخ حتي لا اسود الدنيا فانا عمري 13 مش اكلهم حلويات بل اشياء محروقة>>>>>>>ظريفة....

واتمني ان الكل يستفيد.........

وشكل الحلويات جميل.......

2ad

[حور العين]

مراااااااااااااااااااااااااااااااحب
وييييييييييييييييييييييييييييييييييييييييييييييييي
لاااااااااااااااااااااااااااااا
مااااااااااااااااااااااااااااااااااني
مصدقة
تف تف في المطبخ..... و أنا أشوف المطافي يمب بيتكم ليش..... أتاريج حارقة المطبخ
أخخخخخخخخخخخخخخخخخخخخخخخخخ
يما راسي....شرنانية مب لازم تفريني بالطنجرة
ههههههههههههههههه
شخبارج يا حلو
شو عندج اليوم يايتنا بوصفات حلوة مثلج يا سكر إنتي....ناوية على إنتي...تدرين إني أموت بالحلو
على قولة أبوي البنت عندها sweet tooth.... يا حليله مخسرتنه من الخاطر كل يوم بابا هاتلي كيك و لا كاكاو
هههههههههههههههه
يسلمو يا عسل على الوصفات.... الحين أنا أبي كيك، لحظة بسير أقول حق اخوي يبلي من البقالة....
يممممممممممممممممممم
سلاااااااااااااااااااااااااااام يا حلو


لحظة تعالي و أنتي كل ما حطيتي موضوع هددتي الي ما يرد....يما دكتاتورية
هههههههههههههههه
سلاااااااااااااااااااااااااااام

[IbRaHiM.N]

هع هع
اول مسومسي :harhar1:
نيهاهاهاا
المشرف الناري
بس تصدقين لي تعليق بالرد التالي
<< أدري الحين ينضرب :nosweat:

[Irma~]

تفوووووووووووووووووووووووووووووووحه-تشان
معقوله انتي تعرفين الطبخ ياتفوحه؟هي هي هي انا يعني ....ماني فنانه او اذا راحت الخدامه الله لا يوريك اخخ عذاب هههههه
هههههههههه احلى شي بالموضوع انه ممنوع رد المسومسيين هع هع
يمممممممممييييييي اخخخ تشهي بجد..الصور
مشكوره قلبو..,,

[Sky]

اسمحولي لرزة الفيس ...
كنت جوعان فدخلت ...

يسلمو على الموضوع و على الكيكه ..
في انتظار صحكن القادم
قصدي موضوعك القادم << مره الجوع مأثر عليه .. :nosweat:

سلااام

[[Trend]]

هاااااااااااااااااااا موضوع للبنات لازم نحتله هع هع هع

واااااااااااااااااااااو اكلات اقصد كيكات حلوة

يبالنا نسرق الوصفات ونجرب نسويها

و بانتظار مواضيع الاكل الياية

<<<<ميت يوع الاخ

[Ai-Kun]

:

موضوع مطبخي !

حلووووو

أحب الطبخ و خاصة طبخ الكيك و السينابون [ ما أني أراقب بس خخخخــ ]

مشكورة اختي تفوحة على الموضوع الرائع

و نترقب الوصفة التالية

:

[IbRaHiM.N]

ها قد عدنا
نيهاهاهاهاهاها :clap:
ونرد للموضوع وهو الأكلات
طبعا وانا أمس بالليل توني راد من عرس ذابحني الجوع وبديت أطبق حركاتج
أول شي
سلسلة الشكولاتة أو بمسمى اختي الصغيرة جوغولاطة << لا تسأليني من وين يابتها الظاهر من أخوها :nosweat:
لما يبت أسويها شفت الكاجو وكل خطوة أكلت لي حبة ولما حطيته بالفرن وقلت خلني أضيع وقتي بالقيم بوي وكان يمي الكاجو وظليت أكل :nosweat: لحد ماخلصته ×___×
وقلت عاد الكاجو للتزين ولما ذقت الشوكولاته لقيتها مالحه ×___×
شلون لا تسأليني الظاهر الشوكولاته فيه خلل عقلي
هع هع هع
قلت يا صبي خلني أسوي كيكة قلت يمكن الوصف أوكي
وشفت المقادير
7 حبات بيض وبالثلاجة فيها 4 ولا أخوي طبخهم وكلاهم ×__×
وراحت الكيكة علي ×__×
ويت على الكيكة الثانية
سويت كل شي بس شغله وحده
نصف كوب شاي ماء توقعته أسم ياباني او صيني
بس قلت الشاي وأعرفها بس منو هذا ماء
بس تذكرت ان الماي أخو الماء وولد عم المياه الي يصير جدهم البئر
وقطرات الليمون هذي أعرفها :clap:
مقادير الكريما عرفت نصهم
بس سين سؤال سينسي
هل الفانيليا هي الي نسويها بهذيك البودرة نسيت أسمها
الي ييي لونها أحمر بأزرق ولا غيرها؟ يمكن أسمه بيكن باودر صح؟؟
لآسف ماعندنا حليب نيدو بس عندنا حليب نسيت أسمه بس بودرة
قلت خلني أنصب على تفوحة وأحطه وأهي ماتدري
وجذي أفتكينا من أهم مشكلة وأهي الفانيليا والحليب
بس في عتب ليه قلتي زيت بس؟؟
لأن أغلب الشباب ييبون زيت السيارة وانا فكرت قلت شنو ياب الزيت بالكيكة
قلت يعني تصير الكيكة حيوية بس قلت مالها داعي ×___×
وطالعت وقلت الزيت أي واحد الي هو زيت زيتون او زيت شعر ؟
بس صحيح أبي أستفسار الزيت اهو الي ينطخ فيه البطاط والباذنجان والكوسا ؟ أو هذا الدهن ؟؟
<<< مايعرف يسوي شي بالطبخ
وماأدري انا حطيت دهن ماأدري زيت بس اسمه دلال ماأدري عافية بس المهم انه واحد منهم
بس هذا البي بي ماعرفته وظليت أفكر فيه بس ماتوصلت لنتيجة
وملعقة الكاكاو حطيت بسكوتة ان شاء الله متأثر بالعملية
لما وصلت للطريقة الساعه 4 الفجر
وانا مقفل باب المطبخ لا يطيحون علي وانا أطبخ بعدين يشغلوني خدامة أسوي لهم أكل ×_×
انا سويت الي قلتي عليه بس ماصار لون أحمر ×_×
قلت يمكن تقصدين القطر وخليت القطر مثل ماهو لما ولعت فيه
تقولين كوب شاي ماء انا سويت شاي وصبيته
لما وصبيت الشاي قلت السالفة فيها غلط
الا على دخول أمي المطبخ ×__×
وعصبت علي كله من موضوعج
وقالت لي شنو مسوي بالدنيا
ورديت كله من وصفات تفوحة
وقالت منو تفوحة ؟
قلت لها عضوة بالمنتدى مسوي وصفات حق أكل
قالت في وصفات لأكل والتحلية وانت تسوي تحلية
رديت زين شنو الفرق انا جوعان
قالت برهوم أطلع برا لا أنادي عليك ابوك وانك تبي تحرقنا
صراحة انا خفت من الفضيحة وفقررت اني أنسحب من المشروع << أي مشروع
وعطتني فلوس ورحت للمطعم بدال دوخة الراس ومحاولة حرق البيت ×__×
بس تصدقين ان الصور روووعه
بهذي الصورة


عجبتني السفرة من وين شريتيها ؟؟ << العالم تشوف الكاكاو وانت السفرة :nosweat:


وبهذي الصورة عجبني الصحن
شكله كوووووول
ماتعرفين وين أحصلة << قالوا لك فاتحه محل أدوات طبخ



بهذي الصورة عجبني هذا الي لونة ماأدري شنو
بس شكله حلو بس الطعم ماأدري ×_×
بس يمكن حلو ^^
هع هع
بس تدرين الموضوع مو زين يشوفه واحد يوووووعاااااااان
حرام يأكل الماوس ×___×
<< هذا الي بقى يحصل لي ×___×
بالأخييييير
يعطيج ألف عافية على الوصفااااات الكووول
والي بقيت أحرق البيت بسببها ×_×
بأنتظار أخر الوصفات الأجرامية << يعني الطبخات القوية مثل مجبووس والبرياني والجيز كيك وصمونة الجبن الرهيبة ×___×
سلاموز << أول مسومسي متهور

[willful.girl]

تسلميــــــــــــــــــ،ن تفــــــــــــ,وحه تشان ع الوصفات .. ^^
بس ما أظني أيرب أطبخ مره ثانية .. ><
آ×××خ ر مره طبخت الله لا يراويج شو سويت بالمطبخ أنا وبنت عمتي
جلبنا المطبخ فوق تحت من الوعيان وخلصنا كل الأكل إللي فيه ><
هع هع وآخر شي شو طلع كم بسكوته يابسة محروقه -_-

[PASTEL*]

الــلـــــــــــــــــــــــــــــــــــــــــــــ ــــــــــــــــــــــــــــــــــــــــــه

أبــــــــــــــــــيهم كلـــــــــهم

غشاشة شهيتيني .. ما احبج <<< اتغمشر اموت عليج ^^

وبحاول إن شاءالله أسويهم <<< بأحلامي حتى ما أقدر أسويهم

شكلهم لذيذ حــــــــــــــــــدة

و آنا أصلا أصلا أبي أصير بــطة أقصد دبــــه بخاطري

مشكورة تفاحة تفوحة الفروحة على الموضوع الــ يم يمي يم

والمفيد أيضا ^^

والله يوفقج ويخليج يارب

وسلامي لج مع احترامي وتقدري المتواضع :
أختج اللي تحبج ...
سنجوبة

[البرنسيسة]

الله عالمطبخ الحلو..ياااي يشهيييي..يمي يمي

عاد ما اخترتي غير حلويااات :angry3: ..وبعد تغرينا بالصور..تبين تخربين الريجيم :crazy:

أنا ناويه أطبخ >> من زمان و أنا أقول جي..شكلي ما بطبخ لين يبيض الديج :tongue2:

مشكوورة عالجولة الكيكية المغرية :essen: ..و عالصور الحلوة

عاد انتي طبخيلنا..و اذا في توصيل للمنازل يكون أحسن بعد >> تتشرط بعد :lolhit:

ننتظر مواضيعج اليديدة >> حطي فيها وصفات للريجيم :tongue3:

[ساتو ميواكو]

الله عليكي يا تف تف
دايماً مبدعة لسة كنت بشوف وصفة اّيسكريم وألاقيكي حاطة موضوع حلويات .....
والله إنك جوعتيني ....ربنا يخليكي يا تفوحة العسولة..
هع هع هع هع
شكلي هروح أجرب واحد من أطباقك ...
_بالتوفيق_

[**أبوفهد**]

السلام عليكم

متطفل كالعادة خخخ

زين احسن شي بالموضوع الصور
خخخ
>>>مافكر بالطريقة

[تفوحة]

يا سالم عليكي با تفوحة انتي ومواضيعك الشهية

يسعدني أكون أول الردود على الموضوع الحلو
ربنا يخليكي لنا وللمنتدى وننتظر جديدك المتميز دائما
وإن شاء الله نجرب الحلويات الحلوة مثلك
أختك في الله

سارة_009

هلا والله بالغاليـة سارونـه ^^..

نورتـي الغاليــة ..شو هاي الطله الحلوة ^^..

تسلميــن حبوبة على ردج الكشـخـة ومرورج الطيب واللي يسعدنـي

امممم وانتي تجربيها لا تنسين تقولين لنا على النتايج تبشر والا .....:nosweat:

مــا قصرتـي الغاليـة وان شالله دايمـا تنور مواضيعي بطلتج الحلوة ^^

السلام عليكم ورحمة الله وبركاته

شكلها الحلويات لذيذه .. خصيصا الصوره الأخيره .. بس لو حطيتي الطريقة مع صور احسن <<حتى مع هالشيء العيوزه ما بتسويهم :nosweat:

مشكووووووووره على الطرق وان شاء الله بنجربهم في اليوم الاسود .. بالتوفيق لج

وعليكم السلام والرحمـه ^^..

هلا والله حبيبتي شوشو ســان ^^..نورتي نورتي ^^..

تسلميــن وما قصرتي الغاليــة على كلامج وردج الحلوو والطيـب ^^

امممم يالله شدي حيلج وسوي لج وحده منهم <<غصب شو ؟!هههه

لا تحرمينا من طلتج الحلوة ..^^

[تفوحة]

الســـلام عليــكم و رحمـــة الله و بركاتـــه


موضـــووع حلــوو تفــوحة تشان

بس !

خليني أسوي بيض بعدين يصيـــر خيـــر ^^"

لأني الحين في دورة مكثفة تسمى " اصنع البيض بطريقة مقبولة على الأقل "

و الله لا يوريك البيض اللي أسويه (( مادة غريبة أو مادة شبه فضائية من المجرة المجاورة ))

و بعد مانصلح البيض نحاول في الكيك <<-- فاشلة البنت

و ننتظر جديــــــــدك شيفتنا ( الشيف تفوووحة )

و السلام عليكم

وعليكم السلام والرحمه ..^^

عشوقـة هني ^^..توه مانور الموضوع ..

:angry3: لالالا عشوقه ما تعرفين تسوين بيض ><" طحتي من عيني ههههه لالا اسولف ^^

مــايخصني انا سويت الموضوع عسبة اشوف نتايج مرضيه ><

بسرعـه الحين دشي المطبخ وسوي لي كيكه لي خصوصي ههههه

تسلميــن حبيبتي على مرورج الطيب وردج الاكثر من رائـع ^^..

امممم لالالالا الشيف تفوحة <<عن تصدق عمرها خخخ ^^

لا تحرمينا من طلتج العسل والحلوة ..

شكراااااااا اختي تفوحة علي الموضوع الرائع ...........


وبصراحة انا ما اطبخ حتي لا اسود الدنيا فانا عمري 13 مش اكلهم حلويات بل اشياء محروقة>>>>>>>ظريفة....

واتمني ان الكل يستفيد.........

وشكل الحلويات جميل.......


2ad

هلا هلا هلا بـ 2ad ^^..

نورتي الغاليــة ^^..

العفووووو ..ههههههه بــل بــل محرووقه مرة وحده ^^..

ان شالله مع الايام تتعلمين ^^..

تسلميـن الغاليـة على مرورج الحلو والظريف ^^..

ولا تحرمينا من هالتواجد المميز ..

[تفوحة]

مراااااااااااااااااااااااااااااااحب

وييييييييييييييييييييييييييييييييييييييييييييييييي

لاااااااااااااااااااااااااااااا
مااااااااااااااااااااااااااااااااااني
مصدقة
تف تف في المطبخ..... و أنا أشوف المطافي يمب بيتكم ليش..... أتاريج حارقة المطبخ
أخخخخخخخخخخخخخخخخخخخخخخخخخ
يما راسي....شرنانية مب لازم تفريني بالطنجرة
ههههههههههههههههه
شخبارج يا حلو
شو عندج اليوم يايتنا بوصفات حلوة مثلج يا سكر إنتي....ناوية على إنتي...تدرين إني أموت بالحلو
على قولة أبوي البنت عندها sweet tooth.... يا حليله مخسرتنه من الخاطر كل يوم بابا هاتلي كيك و لا كاكاو
هههههههههههههههه
يسلمو يا عسل على الوصفات.... الحين أنا أبي كيك، لحظة بسير أقول حق اخوي يبلي من البقالة....
يممممممممممممممممممم
سلاااااااااااااااااااااااااااام يا حلو
لحظة تعالي و أنتي كل ما حطيتي موضوع هددتي الي ما يرد....يما دكتاتورية
هههههههههههههههه
سلاااااااااااااااااااااااااااام

هلا وغلا بآنسة مراحـب [حور العيـن] <<تتحدين هاللقب <<لقب يديد ^^"

ههههههه ..لا تفضحينا ><" ..لازم الفضايح ><" هههه..

امممم طلعتي تحبين الحلويات و الكاكاو شرااااتي ^^..

لالالالا لا تشترين من ×بقاله× سوي روحج ..

يالله بسرعه ابي اعرف كيف شكلها ^^..

لالالا حرام عليج انا مب دكتاتورية ><" ..اممم بس ابي ردود بالغصب والا بالطيب
<<شرانية نيهاهاها..

تسلمين الغاليـة على مرورج العسل والحلو ^^..

ولا تحرمينا منطلتج الحلوة ابد ..

هع هع

اول مسومسي :harhar1:

نيهاهاهاا
المشرف الناري
بس تصدقين لي تعليق بالرد التالي
<< أدري الحين ينضرب :nosweat:

توه كنت مستانسة وقلت غريبة يسمعون الكلام !!

اممم اول مسومسي متطفل [المشرف الناري] نيهاهاها..

OUT

ههههه عليكـ اثنين ^^"..حياك الله في الموضوع ^^..

يالله نتريا ردكـ ^^..