موشي موشي
أولا جزاك الله خيرا أخوي الحائر على الموضوع..
إن أول ذبيحة لي وأنا حاج ، لما جيت أذبح نسيت أسمي من شدة الحماس ^^
وبعد ما ذبحت وخلصت تذكرت إني فليتها
فسميت وكبرت بصوت واطي شوي ^^"
حلــــــوة هادي ضحكتني لول
حجيت مرتين ولله الحمد..
في الأولى كنت صغيرة ماعرف ايش أسوي قبل 5 سنوات كان..
كنت مـــــــرة تعبانة أستفرغ وكل شوي على الحمام ><
الشيء اللي كان حلــو فيه أني الحمد لله ما اتضاربت مع أخواتي..كنت مرة خايقة أقول ولا أسوي شي يفسد حجي..^^؛
وفي التانية اللي كان قبل سنة..كان كمان حلـــو..كان فلـــة..رحنا تهريب..في الطريق كلنا ندعو عشان ما يرجعونا..><
قلنا للشرطي انو احنا ما معانا اذن..قعد شوي وبعدين قال يلا ادعو لي وخلانا نمر..
-clab0" class="inlineimg" />
وزي دايما أحلى الأيام لمن نكون في منى..خاصة آخر يوم وليلة..
كان مـــــــــرة برد وفي رياح شديد..
وعلى اخر يوم صار المكان اللي فيها الخيمة حقتنا فـــــــــاضي..وكل الخيم اللي حوليها فاضية..
مافي غير احنا واصحاب ابوي اللي كانو معانا في الحج كانو في الخيمة اللي قدام خيمتنا..
وفي اخر ليلة كان في رياح مرة شديدة كانت ترفع الخيمة حق منى << تعرفو خيام منى كيف..
كنت حاسة خلاص الخيمة رح تطير..وفي اصوات مرة تخوف
كنت نايمة أختي صحتني قالت أبغى أروح الحمام كانت على قبيل الفجر..قلت لها ما نقدر نروح لوحدنا أول شي أبويا قال لا تروحوا لوحدكم استني حتى يصحى ابويا..قالت ماقدر..قلت لها انا خايفة كيف نروح وحدنا مافي احد برا..
قالت يلا نروح بسرعة ونرجع والله انا ماقدر اصبر..قلت يلا
طلعنا واحنا نمشي كان المكان يخوف مافي حد << افتكرت اعوذ بالله مارتن ميستري خخخه
كان ينقصنا بس الوحش ونكون في مشهد رعب..
ولمن هيا في الحمام اسمع اصوات..وبعدين اقول هادا اصوات الرياح..
المهم رجعنا والحمد لله ومرت على سلام..والله لو طلع احد في داك الوقت قدامي حتى لو ابويا كنت بصرخ اكيد << ما شاء الله على الشجاعة ><
وفي الصباح صحينا وما لقينا اختي الصغيرة في الخيمة..اصبنا بالقلق والخوف..هيا وشنطتها اختفت..
ابويا طلع يبحث عنها لاقاها في خيمة الرجال اللي قدامنا نايمة هناك ><
قلنا لها ليش رحتي تقول ما رحت مكان..
الباب كنا ربطناها عشان ما تنفتح من الريح..والعجيب انو هيا واحنا نايمين قامت لبست شنطتها وفتحت الباب وربطته مرة تاني لمن طلعت ولبست جزمتها وفسخته قدام خيمة الرجال..وسوت كل دي الحاجات وهيا ما تفتكر ولا شي ><
قعدنا نضحك عليها بعدما كنا مرة خايفين..
والله أيام الحج مرة كانت حلـــوة نفسي أحج لمرة ثالثة..^_^
وفي حاجات مو حلوة حصلت بس ماحب اذكرها..
والسموحة لو طولت..
وسلامـــــــــو,,
المفضلات