مرررررررحباً أستاذ أحمد!!

وعليكم السلام ورحمة الله وبركاته,,

موضوع حلو ولزيـــــــــــــز,, يـــــــاه منجد الله يرحم أيام زمان ,, الحين كل الحلويات والشيبسات مش زي أيام أول ,,

كنت أحب الحلاوة البقرة وإلى الآن ,, ويمكن حبيتها الحين أكتر مع القهوة العربية يميييي!!


وكمان التسالي من أطعم الشيبسات زمان,, سواء كان بالكاتشب أو النكهة الحارة,,

الريكووووو ماكنت متوقعة إنو إلى الآن مووجود::} تفاجأت يوم ماشفت قرطاسه في _حاوية غرفة أخواني الله يكرمكم _

والحلاوة المصاص دا ,, ليه ذكريات ,, بالذات وإنو سعروا رخيص ,, بس ماكنت أحب اللبان اللي فيه ^.^

حلاوة طوب إلى وقتنا هذا ونحن ناكلوا مع الصغار ,,,,,, يامي ,, بس ما حب كل الألوان اللي فيه!!


الفش فاش ,, مررررررة أحبه,,

وهذا بس الأسبوع الماضي كنت شاريته من ماي يونيفرسيتي ^_^ احترت في النص الريال اش آخد بيهم ^.^ فاشتريتو!!

والتوفي كمان لزيز::}

وفي كمان آيسكريم كواليتي اللي كان بنص الريال وفيه منو نكهات كثيرة (مانجو/ شوكولاتة/ كرز/ توت .. هذا اللي افتكرو) ,, كنا نشتري منو كرتون بعشرة ونوزعو على كل أطفال العيلة ,, ترا حتى الكبار يحبوا ,, آآآآآآآآآه فين ألاقيه بس!!

وكمان كنت انتظر الوالدة دايماً تحضر لي الـ برتز من المدرسة ,, وافتش دولابها مشان أدور عليه>>ترا عيب هذي الحركات في أحد يفتش أغراض مامته كدا؟؟؟!
واللي مايعرفو هو بسكوت علبته خضرا ,, وسعرو إلى الآن 4 ريال ,, ويشبه دا::} بس أطعم منو!

وجزاكم الله خيــــــر ع الموضوع الظريف ,, سلمت الأيادي ,, والله يعطيكم العافية,,

دمتم بود في حفظ الله ورعايته,,