ده كلام يا أحمد ؟؟ | خشوع في الصلاة أم وساوس ؟

[أبوعبدالرحمن]

إستووا.. إعتدلوا.. إستقيموا يرحمكم الله
الله أكبر
الله أكبر.. أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عامله كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عامله زي الزلابية، زلابية؟؟ زلابية إيه بس وبتاع إيه
الله أكبر
أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل
سمع الله لمن حمده
ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان
الله أكبر
هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي، أستغفر الله
الله اكبر
أهوه أنا مركز أهوه، إنظر لمكان السجود وركز في الأيات اللي بيقولها الإمام
الله أكبر
الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية دى؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني
الله أكبر
هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر
أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم
الله أكبر
السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش
الله أكبر
الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله
الله أكبر
فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل
.
.
.
.
الله أكبر
الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك
السلام عليكم ورحمة الله
السلام عليكم ورحمة الله
إيه هيا الصلاة خلصت ؟
السلام عليكم ورحمة الله
السلام عليكم ورحمة الله
أستغفر الله العظيم
!!!!!

(منقول للفائده)

وتقبلوا مرورى

[أبوعبدالرحمن]

مشكورين اخوانى المشرفين على الاضافه الجيده وتقبلوا مرورى

[أبــ عبد الملك ــو]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه
رائع وائع
أضحك الله سنك
بقدر ماهو مضحك بقدر ماهو مفيد

[حـوريـــ الجليد ــــة]

خخخخخخخخخخخخـ

حلـــووو المــوضووووع ^.^

مشكوووور عليه اللهم ارزقنا الخشوع في الصلاه
و الله يجعله في موازين اعماالك

في أمان الله

[the hero]

هههههههههههههههههههههههههههههههههههههههههههههههههه ههههههههههههههههه ...

عجبني الموضوع كثيراً

كثر من هذه المواضيع بارك الله فيك

والسلام خي ختام

[أبوعبدالرحمن]

مشكورين اخوانى واخواتى على المرور الطيب

[أكيمي]

بارك الله فيك أخي
نسأل الله الخشوع في الصلاة
( عنوانك شيق)
ملاحظة : اللغة اعربية ترفع من جمال الموضوع وسلاسته و فهمه .

[Vulgar Display]

يعني ما في حل غير انك تصلي في البيت؟؟ ...
هههههههههههههههههههههههههههههههه


جراك الله خير عالموضوع المضحك و المفيد

[أبوعبدالرحمن]

الاخت اكيمى "اعلم والله ان اللغه العربيه ترفع من جمال الموضوع وان شاء الله يتم تلافى ذلك فى القادم القريب

الاخ فالجر ديسبلاى : جاتلك على الطبطاب وعاوز تقعد انت فى البيت (هههههههههه) مشكور على المرور وبارك الله فيكم اخوانى واخواتى

[أمة اللـه]

جزاك الله خيرا واسال الله ان يجعلنا من الخاشعين والخاشعات

[أبوعبدالرحمن]

مشكورة اختى على المرور واللهم امين

[Bheeg Kun]

السلام عليكم ..

همم .. لا تعليق لدي .. سوى ان اقول لك .. بالفعل هذه هي حالتنا للاسف ,,
الله يهدينا ويهدي الجميع

وجزاك الله كل خير ..

في امان الله

[أبوعبدالرحمن]

مشكور اخى بهيج على المرور

[شيري كودوكو]

الموضوع
بقدر ما هو ظريف ومضحك بقدر ما هو مؤلم ومؤئر
لانه وللاسف هذا هو حالنا في الصلاة

أسأل الله تعالى ان يجعلنا من مقمي الصلاة
وان يرزقنا فيها الخشوع والطمأنة

جزيت خير وبارك الله فيك
دمتم بخير

[أبــ عبد الملك ــو]

أحببت أن أوضح بعض المصطلحات:
صوابع زينب.....نوع من الحلوى المشهورة في مصر تشبه في قوامها بلح الشام
الزلابية........... نوع من الحلوى المشهورة في مصر عبارة عن عجين مدور توضع في الزيت ثم تغطس في العسل
يافطة.......لوحة

[comma]

ماشاء الله تبارك الله
موصوع جدا مفيد
نرجوا المزيد

[أبوعبدالرحمن]

الاخ ابو عبد الملك كان حلوانى ولا ايه(هههههههههههه)لسه لمض زى ما انت ما فيش فايده فيك

[عابرة سبيل]

جزاك الله خيرا ....موضوع طريف ومضحك باسلوب سلس ولكن هذا حال معظم الناس للأسف كما قال من قبلى حتى أنه تحكى طرفة عن عدم التركيز فى الصلاة أن جماعة اختلفوا فى عدد ركعات العشاء هل صلوها ثلاث أم أربعة فقالوا نسأل فلان وهو أكثرنا حضورا وتركيزا فى الصلاة وعندما سألوه أجابهم أنه لديه أربع متاجر يقوم بحساب كل متجر فى ركعة وقد بقى واحد لم يقم بحساباته بعد اذن فقد صلوا ثلاثا وبقيت ركعة ولا حول ولا قوة الا بالله.... اللهم اجعلنا من الخاشعين.

[kakashii]

السلام عليكم ورحمة الله وبركاته

جزاك الله خير الجزاء وبارك الله فيك..موقف ظريف اكيد كتير اتعلموا منه

عفا الله عنا وعنكم ورزقنا الخشوع في الصلاة

أسكنك فسيح جناته

[أبوعبدالرحمن]

مشكورة اختى الكريمه على المرور وحلوه حكايه المتاجر دى (ههههه) نسال الله الخشوع فى الصلاة وان يتقبل منا صالح الاعمال

ومشكورة اخت كاكشى على المرور واللهم امين