المشاركة الأصلية كتبت بواسطة سيد الظلال
شكراً أخي الكريم على هذا الموضوع المذهل والذي دخل في نقطة مهمة جداً وكنت افكر بها وهي البرامج المهكرة
^_^ اعجبني الامر وأول خطوة هي تحميل نظام مجاني والان بدئة بتحميل نظام Ubuntu 8.10 وان شاء الله سيكون فاتحة خير
والسلام عليكم ورحمة الله وبركاته
تقصد البرامج المكركة كما يسمونها (كان من المفترض تسميتها المسروقة)..
ستثبت أبونتو؟ كويس.. أهلا بك في عالم الحرية.. عالم المصادر المفتوحة..
أسمع كلامي (أنا لينكساوي ١٠٠٪ وما أستخدم وندوز أبدا)..
إزا كنت متأكد إنك تبغا تنتقل للينوكس لازم تحزف الوندوز.. ليش؟ عشان لو أي مشكلة سارت في اللينوكس وما عرفت تحلها على طول حترجع للوندوز..
أول ما تشوف النظام محا يعجبك.. لانك متعود على طريقة الوندوز.. كل نظام لي طرقو ومفاهيمو الخاصة بيلو..
أنا بعد فترة.. بعد شهور عديدة أتعودت على اللينوكس وطريقتو ونسيت شي إسمو وندوز (كنت أخلي واجهة ونظامي أقرب للوندوز وكل شوية أبعدها عنو لين ما أتعودت خلاص)..
في اللينوكس في توزيعات كتير.. لازم تختار اللي تناسبك.. وفي مشاركة في دا الموضوع فيها إختبار عشان يقلك الأنسب ليك.. ولازم تبحث عن التوزيعة الأنسب ليك وتعرف عنها شوية تناسبك من جد ولا لأ..
في اللينوكس كمان في واجهات كتير.. أشهرها:
Gnome, KDE تتبعهم XFace وبقية الواجهات..
بالرغم من إني سمعت إنو كيدي هي الأنسب للمنتقلين الجدد.. إلا إني حبيت جنوم أكتر مدري ليش..
واكس فيس للكمبيوترات ذات العتاد المتدني نوعا ما وهي أشبه بجنوم..
واجهة أبونتو أول ما تشوفها مرة مو حلوة.. بس شوف كيف خليتها حقتي وبرضو ما تعتبر حلوة (Gnome هدي):
http://www.picamatic.com/view/2312289_Screenshot-22/
هدا غير التأثيرات والكومبيز وAWN وغيرها من الأشياء الحلوة..
وفي كلام كتير كنت أبغا أقولو بس حسيت نفسي طولت..
في النهاية أنصحك بمجتمعات لينوكس والكتب.. قبل فترة حملت كتاب كان مرررة حلو ومختصر ومنسق وبالصور..
آسف طولت عليكم..
في أمان الله ^^
المفضلات