حب بدون عنوان

[ayami]

في سكــن الطلاب في الجامعة الأمريكية بدبي
بدر : هاااادي ...نش يالله بسك رقاااااااااااااااد عن بوه كل هذا نوم ...نش يالله ...
هادي : إممم ...أمايا ...خليني ..أنااا آآآ م ...
وغط اللحاف ع نفسه وغطى ويهه ..
بدر : وي وي ...بسم الله علي ..أحينه انا أمك ...مسود الويه ...(بصوت عالي)..هدووووووي نش ترا والله ثمن والله بالماااي ع رااااااسك ...
هادي مني لف ويهه صوب ربيعه بدر ..وهو يبتسم ..
هادي : يخسي انت امي ...امي أحلى عنك ..ويا ها الشيفه ..
بدر ضحك عرف انه هادي كان يمزح وياه ..
بدر : بو طبيع ما يووز عن طبعه ...^^
ونش هادي سار تزهب عسب الجامعة والمحاضرات ..وبدر وياااه ...
كانت الساعه 7 ونص ولين ما تزهبوا وخلصوا استوت 7.55
وفي الجامعة ...صوب الكانتين
هادي توه ساير يبغي ياخذ له فطـور، جان يسحبه بدر
بدر : وين ...وين سااير ..؟؟
هادي : بسيرأفطــر ...
بدر : انت جايف الساعة يا ذكي ...احينه المحاضرة بتبدأ ..
هادي: افففف شو ها الواحد ما يروم ياكل ...؟؟؟
بدر وهو يسحب هادي : لا ما شي أكل ...زط عقب المحاضرة عندنا ساعتين بريك ...
هادي وهو حده زعلان ساير صوب قاعة المحاضرة، وبدر شوي بيفطس ضحك ع ربيعه الأهبل، ...

في بيت في الجيمي بالعين ...
ام عبدالله: ..يالله يا بنات وراكم مدرسة نشوووا...
نورة: ...مااامااتي انا هب مداومه اليوم خذت إجازه شهر ...
ام عبدالله: دامج ماخذه إجازه ليش ما تقولين من أمس ...خربتي رقادي ...
صوت باب الحمام (كرمتوا) يتسكــر ..
أمل: صبااااح الخير يا أحلى أم بالدنيا ..^^
ولوت ع امها وحبتها من الخاطر ...
ام عبدالله: وااايه فديتها بنتي والله, إنتي اللي جوفتج تطيب بخاطريه وتريحني ..
مني عاده أمل كبر راسها ..ويلست تسوي حركات تخق ع خواتها ...
سارة: مااالت ...جيكره تلوع بالجبد ...إلا ..
أمل: مشكله ...احم احم فديتها أحلامو يوم قالت ..
اللي ما يطول العنب ...حااامضن عنه يقول ..^^ ,,,
ساره>< :جبي جبي ...انزين ...يالله وخري عن دربي خليني اسبح ...
صوت بو عبدالله من الطابق الأول
بوعبدالله: ام عبدالله ...خبري بنات خل يعجلن ...انا بورح تراني ...بوعمر يترياني ...
ام عبدالله: ان شاء الله ...سم سم بو عبدالله ...
وصدت صوب البنات .وهي معصبه ..
ام عبدالله:يالله بسرعه ابوووكم معصب ...بسرعه..عبيررووه نشي بنتي ربي يرضى عليج ..يالله
عبير: إن شاء الله أمايا ...

وعقب نص ساعة الكل كان زاهب ..ونزلوا البنات تحت عسب الفطور ..
أمل:صباح الخير بويا ...اشحاالك
وحبته ع راسه ...
بوعبدالله: الحمد لله بنتي انتي اشحالج ..فديتج ..
ساره: الحمد لله بويا انا بخير ...مايحتاي تسأل عنيه ..^^
أمل: طاااع إنتي الرزة اششش دخلج ...ها...
بوعبدالله: لا يا أمل لا تقولين جي عن ساارونه فديتها ...هذه دلوعتي انا ..
ساروة مني شوي وعيونها بتظهر من مكانهم ...
سارة: لا لا انا ما اروم عليك أبويا ها الرمسه لي انا؟؟
أمل: هيه تراج مب ويه رمسه حلوه ..
سارة: انتي جب ...
عبيــر: صباح الخير بويا ..
حبته ع راسه ..
عبدالله: هلا ...ببنتي اشحالج ..؟؟
عبير: الحمد لله بخير ..
ام عبدالله: ماااشي صباح النور حقي انا ..؟؟ ها بو عبدالله ..هيه جفت بناتك نسيتنا ..
بوعبدالله: لا انا اروم انسى روحي انا ..
مني الكل قام اللي يصفق واللي يصفر ..وتعليقات * تعليقات ...
عبد الله: ...شووو الساالفه شو مستوي ...ليش كل هذه الحشرة ..؟
أمل: طااافك أبويا شاروخ ..وأمي كااجول ...
عبد الله: هاايول من يومهم ولا جنهم كبار أحينه..
بوعبدالله: إرمسك عن عمرك بويا لا ترمسك عن غيرك ..
عبد الله: لا لا انا ما اروم عليك ...
وجي سوالف ..على ضحك ..
بوعبدالله: يالله يا بنات اللي بتي ويايه ..انا بظهــر أحينه ...
ونشن البنات ساروا مع ابوهم ...
عبدالله(بصوت واطي): اشحالها نورة أمايا ..؟؟
ام عبدالله(وبصوت نبرة حزن): حليلها بنتي ...ما اعرف تقول عندها إجازة شهـر ..
عبد الله تنهد ...وامه يلست والحزن باين بوييها ...
ما قطع جو الحزن إلا صوت الباب الخلفي ...
ام عبدالله وهي متفاجئة ...:عبووور انتي شو تسوين منه ...ليش ما سرت ويا ابوج الكلية ؟
عبير: ليش هم أصلا روحوا ؟؟
ام عبدالله: هيه بعد شو ...انتي وين كنتي وشو تسوين برا ها الحزه ها ..؟؟
ام عبدالله قالت جي وهي حدها معصبه ..
مني عبير نزلت راسها ما عرفت بشو ترد على أمها، بس عبدالله فهم ...وعلى طول حاول إنه يصلح موقف عبير ...
عبد الله: عبير يبتي اللي طلبته منج ؟؟
ام عبدالله صدت صوب عبد الله : شو طلبت ...منها ...
عبد الله وهو يضحك: تراني طالب من عبير تيب لي أوراق عنب من شيرت العنب اللي عندنا عسب عندي بروجكت عن الأوراق ...-وصد صوب اخته- فها عبير يبتيهن لي ولا ..؟؟
عبير وهي تجوف اخوها وعيونها مليانه دموع:هيه اخويا يبتهن لكــ
عبدالله:يالله عيل بوصلج الكلية ..يالله نشي ..
عبير: مع السلامة أمايا ..
ام عبدالله: مع السلامة بنتي ...ربي يحفظكم ..
وظهروا من البيت وساروا صوب السيارة، ركب عبدالله ثمن ركبت عبير ..
عبير وويها قافط في الأرض: ش...شكــرا ...
عبدالله: ع شو ...؟؟
عبير: ع اللي توه استوى ...
عبدالله:...هههههههههه ...وانتي لي متى بتخلينها هناكي ..وبتخلين الموضوع سري ...؟؟
عبير: انت تعرف انه امي لو درت بتروغها من البيت وانا ما اروم ...اعيش يوم من دونها ...
عبدالله: ...الصراحة كلامج ..صحيح ..ومعج الحق بس حرام ..جي كل تتهزبين ...انتي جي راح تخلينهم يشكون بج ...
عبير: مالي أي حل ثاني ...
عبدالله: وكل هذا عســب..... "قطـــوه"
عبير: لا والله مب أي قطوه هاي ...هااي القطوه تعني لي شي كبييييير ..
عبدالله: خاطريه اعرف شو سالفتها والله ...
عبير ابتسمت ونزلت راسها ...
وعبدالله ما بغى يضغط عليها عسب ترمس ولا انه يحرجهــا ...
في مدرسة أمل...
ربيعة أمل كانوا مسويين حشرة وإزعاج، ليش عندهم فراغ ...
هنادي: أموووولة ...شووفيج اليوم احسج مو على بعضج ؟؟ صار شي ؟
أمل: لا لا هنودي ما بلاني شي ..بس احس فيني حالة هدوء ...ما اعرف !!
هنادي: متأكده ..حياتي ما بلاج شي ...لا تخشين عن عموه انزين..
أمل: إن شاء الله عمو هههههههههه
مني الحشرة زادت ..جان لعااانه وحده من مدرساتهم تي وتدرسهم ..جان البنات يحقدون ع بعض ..
في بيت في بوظبي تحديدا في منطقة البطين ..
نزل بو هادي ...وهو يرمس في التلفون ..
بوهادي: بيييعه ...بيعه سهم إعمار وخلي أسهم مصدر...لا لا تتريا ...بيع مره أحينه
أم هادي: هلا صباح النور ...بو هادي ...
بو هادي جي ابتسم ...وهز راسه يعني اونه رد التحية لها ...
هنا ام هادي صج حز في خاطرها ...
؟؟:صباح الخير أمي الحبيبة ...^^
ام هادي: هلا والله بمضاوي ...حياتي والله الوحيده الي تحس فيني بها البيت ...
مضاوي: أفاااا ماماتي وين راح أبويا ...وين سار هاادي ..لا لا جي بيزعلون لو سمعوج ...
ام هادي: ...هادي ...وااايه فديته ...وينه عني ...إلا اتصلتي فيه ..ولا ؟؟
مضاوي: لا والله كنت مشغوله ها اليومين ...اشتقت له هو وراسه ...هو الروحه ما يتصل فيني ...
أم هادي: مهما يكون لازم تتصلين به تعرفين هو وااايد حساس..
مضاوي:مااااااااااالت يعني هو حسااس وانا شو ...قوطي لبن آب...المهم يا حلوه انتي انا سايره الجامعة اوكيك ...
ام هادي: اوكيك ...بس شوي شوي في الدرب عيوني ...
مضااوي: حااااضر ...يالله فمان الله ...
وظهرت مضاوي ...
تنهدت أم هادي ...
ام هادي: رديت لي يا وحدتي من أول ويديد ...آآآخ يا رب أشكيلك ..الحال بس .
وفي الدرب ...مضاوي مبطله أغاني ..وتتسمع ..هي وسيارتها بي إم 6 كوبي ..أسـود ومخفي عاكـس ...يرن فونها
مضاوي: شو السالفة خير ...الكل ما تذكرني إلا الصبح ..
مضاوي من غير لا تجوف الرقم ..
مضاوي: مرحبااااااا
؟؟: هلا...بخبرج مو وقتج أحينه تعااالي بسرررعه صوب الباركنات نسيتي شنطتج ...كم مره اقولج لا تنسينها ها !!..شو انا ما وراي دوام ...بسرعة ها ما بترياااج عندي شغل في العين المول ...ألو وينج ..؟؟
مني مضاوي ما رامت تتحمل ..فطست ضحكـ..

؟؟: لا والله إختي تيننت ...شو فيج يا الهبله ماااكو شي يضحك ...
مضاوي: اخويا ...تراك مغلط انا هب اختك ..
مني الريااال تقفط حددددددددده ...
؟؟: احم ...ليش هذا مب رقم عبير ..؟؟
مضاوي: لا أخويا ...
؟؟: احم احم كح كح ...عيل انا آسف إختي ^^" السموحه ع الازعاج ...

سكرت مضاوي وهي فاطسه ضحك ...
مضاوي:استويت عبير اليومه ..^^ والله تحف هاايول الناس ...
وكملت دربها ...صوب جامعة زايد ...
مرت الساعتين ع هااادي وبدر...بدر كان منتبه شوي عيونه بتظهر من مكانها ...أما هادي كان طول ها الساعتين يا يطرش بلوتوث ...يا راااقد ...وبدر يقرص فيه ...
بدر: انت شو سالفتك ما تبغي تنجح ...ما تبغي تييب ها الشهادة ولا؟؟
هادي: جووف الصراحه انا هب محتاي لها أصلا انا يااي مني عسب اغير جو واستانس ..
بدر: تفكيرك السموحه منك بس وايد سخيف ترا ...يعني لو ابوك ..كان وااصل هذا مب شي يخليك تعتمد ع ثروته بس في حياتك ...بالعكس اجوف لازم تتدرس عسب تساعده...في المستقبل ...
مني قام هادي وصفق حق بدر..
هادي: ربي يخليك لأمك ..ولا صدام ماشاء الله في الإلقاء ...حلو حلو ...تنفع في مال قوم الصحافه..^^

بدر: ما اقول غير ربي يهديك يا هااادي ...ياللي تعبتني وياك..
وكملوا دربهم صوب الكانتين..عسب يفطرون ...
في سيارة عبدالله...
عبدالله: يا ربي ..احينه شو السالفة ...انا متأكد إنه نفس رقمها ..امممم خل أجرب مره ثانية يعني على وعسى تصيب هاي المرة ...اووهووو انا بعد عندي دوام ..
يود تلفونه ويلس يدق الرقم ...
طووووط ...طووووووط ....طوووووووووووووط ...
عبير: هلا عبدالله ...
تنهد تنهيده قويه ..: الحمد لله انج انتي اللي رديتي عليه ...
عبير ما فهمت ليش خوها قال جي ولا هي فكرت تسأله ليش قال جي ...
عبدالله: ما تبغين تعرفين شو السالفة ..؟؟...امممم ولا أقوولج انتي هب ناسية شنطة اللاب توب مالتج؟
عبير: هيهـ والله ..صدقك نسيتها ...انزين تروم تمر عليه ...احينه ..
عبد الله: انا في الباركنات أصلا ^^
عبير: خلاص عطني دقايق..وبظهر لكـ ..باي
عبدالله: باي بااي ...
سكر الخط عن خته ...رد راسه ع الكرسي ويليس يفكر باللي استوى من شويه
لين ما يت خته وخذت الشنطة وهو توكل صوب الدوام
ومرت الساعات ..لين ما خلصوا دوام مدرسة أمل ..
أمل: لا لا الحركة اللي سوتها باسمة حق لومي والله قوووية ..جي ما تسوي لها أي اعتبار ..يدام البنات...
هنادي: لا ولومي يالسه وسواد ويهها ...ما عندها أي مشكله يعني ..والله تحفففف..
وسواالف وضحك..وهم يتحركون صوب الباصات ...
لين ما يت بنت تربع من بعيد ...
وحده: أمووووووووووووووووووولة تعالي ...اموووووولة
المديرة تباااج ..
أمل: بسم الله الرحمن ...شو ياايننها هاي تنشد عنيه ؟ ...
هنادي: يعني شو ما تردين بيتكم ..مثلا ..شو هذه الحركات ...
أمل: إنزين انا سايره اجوفها شو تبغي وانتي خلاص روحي بالباص هنودي ..اوكيك ..
هنادي: اوكيك امرنا لله ...بعد شو نسوي ...تعالي انزين بحبج ..
أمل: مافيه داعي خخخخخخخ تعالي بيتنا اليوم اوكيك يالله باااي ..
وربعت أمل صوب الادارة ...وهي شوي خايفه وشوي فيها فضول تبغي تعرف شو السالفه..
دشت أمل عقب ما طقت الباب ع مكتب المديرة
أمل: السلام عليكم ...اشحاالج مس ..؟
المديرة: الحمد لله انا بخير ...أمل انتي اشحالج..؟
أمل: انا ...بخير وسهاله الحمد لله ...خير يا مس عسى ما شر ...قالوا لي انج تبغيني ..

المديرة: هيه والله ابغيج لأنه اخووج ياااينا في هذه الحزة يبغي يشيلج من المدرسة...وهذه أول مره اعرف انج تروحين بسيارة خاصة ..يعني...خفت فقلت خل أتأكد ..
أمل في خاطرها : يااااربي انا ...كل هذا عسب عبوود ...مالت ولا طاع اشلون ترمس اونه ابغي اتأكد ..
عبد الله: السلام عليكم أمل ...يالله نروح مس
أمل: بسم الله الرحمن الرحيم ....والله خوفتني..عبود ..مالت عليك ...
عبدالله جي سوا حركه بييده يعني انتي هيه نحن بعدنا في مكتب المديرة ...
عبد الله: شكرا ...
وسحب إخته أمل وروحوا صوب السيارة ...
أمل: شو سالفتك اليوم يايني ..؟؟ مستوي شي في البيت ليكون !!!
عبدالله: لا لا ...الحمد لله الأمور ساكنه، شو الواحد ما يسوي فيكم خير يعني ؟؟
أمل: لا بس بغيت أتخبر يعنـــي لو مستوي أي شي...
امممم انزين ها وين بتغديني اليوم ..؟؟
عبدالله: قلنا خيـــر بس ما قلنا صدقات ...ماااشي بنرد البيت ونااكل هذاكي المجبوس اللي امج مسويتنيه من يديها الحلوين ..^^
أمل: ياااخ شو ها ولا واحد فيكم يساعد...يالله شو نسوي أمرنا لله ...بناكل مجبووسكم ها ...
عبد الله يلس يطالع إخته اللي ماده البووز شبرين ..^^ ...ويضحك عليها ...وساروا صوب البيت ..
في جامعة كيوتو في اليابان ....
بعد محاضرة طويلة عطاها المدرس البروفسور اللامع حميد ( إإإش دخخخخخله لا في اليابان المهم)
ظهر حميد وهو فعلا تعبان ...من الخاطر وبين هذا ع وييه...
سالم: أوهايو سينسي ..^^
حميد: هههههههههههه لا والله تعلمنا الرمسه عيــل
سالم: هيه يكفينا 3 سنوات ونحن هنا يا ابووك لازم نتعلمها ...^^
حميد: ...أمممم تدري اشتقت للبلاد والله ...أحس خلاص ما ابغي اكمل هنا ...
سالم: يا رياال شو هاي الرمسه يالله هااانت ما بقى إلا بعد سنتين وترد ..وراح تنفع بلادك أكثر من أنك ترد أحينه ...ولا شو الراي ...يا بو عمـر
حميد نزل راسه ويلس يفكر برمسة ربيعه ...وكمل دربه صوب الحجره المحاضرات الثانية ...عندها محاضره بيلقيها ...على الطلاب اليدد ...في هذه الجامعة ...
في جامعة زايد في بوظبي ...
مضاوي توها كلاساتها خلصن ...وكانت سايره صوب ربيعاتها اللي مسوين حزب في الكانتين مانعين أي حد ييلس هناكي ...
مضاوي: مرحبا أيتها الشله الحمقاء...^^
نوف: يا هلا بالزعيمة ...مالت عليج انتي وينج اليوم اتصل بج كله بزي بزي ...شو هذه الحركات ها ..؟
مضاوي: راح تحاسبيني ع تلفونيه ..لا لا هذا اللي قاصر بس ...
سلامه: بسكن بسكن ...
مضاوي قاطعة رمستها ...ودشت عرض
مضاوي: بسكن بسكن بسكويييت ...
ونقعت ضحك من الخاطر ...وربيعاتها يجوفونها وهن مستغربات يعني مضاوي هب جي شخصيتها ...مب حشره وايد...
سلامه: شوفيج مضاوي ...شو يايينج ..؟؟
مضاوي: ولا شي حياتي ...مستانسه ..
نوف: عسى دوم يا ربي ...امممم يالله انا يوعانه ...
( في الجامعة الأمريكية)
هادي: انا يوووووووووووووووعان ابغي آكـــل
بدر: انت ماشاء الله علليك ...كم مره في اليوم تبغي تآكل ...شوي بيأذن العشا يالله اصبــر
هادي: شو شوي ...باااقي 4 ساعات لين ما يأذن ..يا الغبي احينه العصــر ...
بدر: خخخخخخخخخخخخ اعرف يا الذك ذك ..انت ^^"
هادي: شو ها انا ملليت منك ..ابغي ربيع يديد ...
بدر: ....لا انت احلف بس شو السالفة لعبه ...ولا حسبالك الصداقة شرات سياييرك ما تبقى وياك أي سيارة كل كم سنه تغير...ولا موبايل ...كل شهر تغير لك واحد ...يا البطران ...
هادي: أصلا انا يالس اسولف وياك ...وين ألاقي ربيع ..شراتك .^^ مالت عليك ...
ابتسم بدر لأنه تعود ع أسلوب هادي اللي شويه دفش...
خلص دوامهم هاييج الساعه وكانوا رادين صوب السكـن ...
اليوم كان خميس ...ومر ها اليوم على أبطال قصتنا عادي ...استوت بعض الأشياء الغريبة فيه ...والكل كان متحمس عسب يبدا الويك الإند ...هذه كانت بداية قصتي ...
حب بدون عنوان ...
نوعها رومانس، كوميديا، اجتماعية ...
وخلص الجزء الأول .....

التكملة راح تكون ع حسب الردود ترا ^^ ..
يالله شمروا ابغي جي ردود طيبه ..واكيد ما ابغي اي مجاملات فيها ...ابغي رأيكم ..
الحقــــيقي ...وليس fack
okik >>>>>><<<<<

[ayami]

خخخخخخخخخخخخخخخخخخخخخخخخخخخخخ

انا استغربت قلت ما شاء الله لحقت تقراها ^^

[.ll.Miss Me.ll.]

السلام عليكم ورحمة الله وبركاته
:angry3: يوم شفت القصه طويله..توقعت انها تكون كامله بدون أجزاء
لكن ماعليه منتريا ماورانا شي
وفخاطريه أعرف سالفة نوره..وسالفة اليابان إلي طالعه في عرض
وهذا هادي ماعيبتني شخصيته في خاطري ازنطه

يعطيك العافية أخوي
ننتظر التكمله

[[Trend]]

محجوووووووووز لين ما اقرا القصة(هاي هي القصة الي كلميتني عنها في المسن)^_^

اذا ها الجزء الاول بس الله يعين الجزء الثاني
بعد القرآءه(مادري صح كاتبنها ولا غلط9

القصة روعة بس ها بسرعة كمل ^_^

نبا نعرف شو بيستوي

[بسـ ألم ـمة]

والله بقوول الصدق ، ....
أحب هالقصص ، و وااااايد عيبتنيه حلووووه ماشاءالله ^^ ...
أبدعت والله يا المبدع أيااااااامي ، خخخخخ كنت مندمجه لين ما
انقطعت القصه ، بالتوفيييق أتريا التكمله تراها صدق عجيييبه
ما شاء الله ، و صدق تبين عن مجتمع الإمــــــــــارات .....
يزااااااااااااااااك الله خييير أيومي ^^ ..

[ayami]

والله بقوول الصدق ، ....
أحب هالقصص ، و وااااايد عيبتنيه حلووووه ماشاءالله ^^ ...
أبدعت والله يا المبدع أيااااااامي ، خخخخخ كنت مندمجه لين ما
انقطعت القصه ، بالتوفيييق أتريا التكمله تراها صدق عجيييبه
ما شاء الله ، و صدق تبين عن مجتمع الإمــــــــــارات .....
يزااااااااااااااااك الله خييير أيومي ^^ ..

صدق والله ...يعني ...أكمل ؟؟ ولا ...

وشو رااايج يعني حطيت القصه عقب شرحت يعني انها قصه وجي ..حركات لا ^^

[بسـ ألم ـمة]

صدق والله ...يعني ...أكمل ؟؟ ولا ...

وشو رااايج يعني حطيت القصه عقب شرحت يعني انها قصه وجي ..حركات لا ^^

طبعاآآآآآآ كملها ، و ربي حلوووه ما شاء الله ^^ ...
و حلووو أسلوبك بعد فالكتابه ما شاء الله ^^ .....

[ayami]

طبعاآآآآآآ كملها ، و ربي حلوووه ما شاء الله ^^ ...
و حلووو أسلوبك بعد فالكتابه ما شاء الله ^^ .....

ان شااااء الله ...^^ ...

والله تشجيع راااائع وربي :yes3:

[Neji]

السلام عليكم ...

مبدع ^^
القصة حلوة وتشبه المسلسلات العربية
بس طويلة شوي><

لي عودة بعد
في أمان الله ...

[ayami]

فيها بعد ...جزء ثاااني ^^

المهم شكرا اخوويا ع المرووور الكريم والله ^^

[تفوحة]

هلا والله بشاعرنــا و بالكااتب المختفي ^^",,<<حلوة المختفي :smug2:

مــاشالله ,,مــاشالله شو هالابداااع والروووعه في الكتااابة ^^ >>عــاد صج هااي,,
تف تف عن الحسد ^^,,

بس ما توقعت الردود تكون جــي ؟؟؟إإإإ,,<<

لكن فعلا القصة حلووة^^ <<وهاي مب مجاملة ^^

خــاطري اعرف سالفة نوورة احس فيها شي غاامض ..

بس والله ذكرتني بالمجبوووس خــاطري فيه >>عفان الله خخخخ,,

ولا بعد موصلنه اليابان ,,^^,,وانا هالنوع من القصص تعيبني ,,واهم شي الكوميديا و الاجتماعية

و لو دخلت فيها البوليسية بعد احلى ^^>>شدخلج انتي >< خخ

يسلموو هالانامل اللي تطور شوي شوي وللاحسن ^^,,

ونحن بانتظار الجزء الثاااني ولمعرفة بقية الاحدااث الروعه علــــى عجـــل

ومــاقصرت :yes2: ,,وربي يوفقك ان شالله ,,والسمووحة ع الاطاالة >< ,,

اختــكـ : تف تف

[ayami]

هلا والله بشاعرنــا و بالكااتب المختفي ^^",,<<حلوة المختفي :smug2:

ولقد ظهرت لكم من وراء الجبـــال ...اش دخخخله لا
مــاشالله ,,مــاشالله شو هالابداااع والروووعه في الكتااابة ^^ >>عــاد صج هااي,,
تف تف عن الحسد ^^,,

احم احم ....ييبي بخوور بعد وبخريني لبان عماني عن الحسد ^^
بس ما توقعت الردود تكون جــي ؟؟؟إإإإ,,<<
محد متفيج يقرا كل ها يمكن ^^"


لكن فعلا القصة حلووة^^ <<وهاي مب مجاملة ^^

ههههه ثانكس والله ادري بج مو مال مجاملات مال كاش في الويه

خــاطري اعرف سالفة نوورة احس فيها شي غاامض ..:cool21:

بس والله ذكرتني بالمجبوووس خــاطري فيه >>عفان الله خخخخ,,

أنا اصلا هاااذي أحلى أكله عندي ع فكره يعني

ولا بعد موصلنه اليابان ,,^^,,وانا هالنوع من القصص تعيبني ,,واهم شي الكوميديا و الاجتماعية
خخخخخخ
و لو دخلت فيها البوليسية بعد احلى ^^>>شدخلج انتي >< خخ
بندخل ...نحن شو ورااانا ان شاااء الله


يسلموو هالانامل اللي تطور شوي شوي وللاحسن ^^,,ثااانكس ختيه والله :yes3:

ونحن بانتظار الجزء الثاااني ولمعرفة بقية الاحدااث الروعه علــــى عجـــل

ومــاقصرت :yes2: ,,وربي يوفقك ان شالله ,,والسمووحة ع الاطاالة >< ,,

اختــكـ : تف تف

لا افا لا تقووولين جي ...يسلمو انتي ع مرووورج الكريم ..
ولو تبغين اكتبي موضوع يديد ...كله عسب بس تردين عليه

خخخخخخخخخخخخ ^^ اسووولف

تف تف ...(( ترا هذا دلعععععععععععععععععععععج ))

ذلييييييييييييييييييييييييييييييييتنا لا ...^^

[حور العين]

مرااااااااااااااااااااااااااااااحب
مالت علي الحين انا قلت قصيدة رومانسية من قصايدك الفذة, طلعت قصة ...... اخخخخخخخخخ وصل الطراق..... يعرو اهي اهي اهي



هههههههه و لا يهمك اخوي بالعكس انا اموت في القصص و ما شاء الله القصة مبينة روعة
بإنتظار التكملة
موووووووووووووووووووو تطول
سلااااااااااااااااااااام

[ayami]

مرااااااااااااااااااااااااااااااحب
مالت علي الحين انا قلت قصيدة رومانسية من قصايدك الفذة, طلعت قصة ...... اخخخخخخخخخ وصل الطراق..... يعرو اهي اهي اهي



هههههههه و لا يهمك اخوي بالعكس انا اموت في القصص و ما شاء الله القصة مبينة روعة
بإنتظار التكملة
موووووووووووووووووووو تطول
سلااااااااااااااااااااام

خخخخخخخخخخخخخخخخخخخ

لا يعني قلت خل أغـــير مو كله قصااايد يعني ..

امممممممممممم وان شاااء الله يعني صج تكون حلوه ...^^

وان شاااء الله ماراح اطــول ^^ ,,,

يسلمو ع المروووور

[Ms . ALFREDO]

مـــــــــــــــــــــرحبا أخوي أهـــــــم شي الي يبي الراي الصريــــــــح
وبدون مجامــــــــــــــــله وانا بقول لك رايي بس بدون زعـــــــــل أوكـــــــــــي ؟؟؟
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
الصراحــــــــــــــــه الصراحـــــــــــــــــه الصراحــــــــــــــــه وبدون مجاملـــــــــــــــــه
7
7
7
7
7
7
7
7
7
7
7
روعـــــــــــــــــــــــه من قلب ههههههههههههههههههههه
كأني قاعــــــده اطالع مسلسل واللــــــــــه
حــــــــــــــــــــــــلو الموضوع مرتب ماشاللـــــــــــــــــــــــــــــــه عليك
ماشاللـــــــــــــــــــه ماشاللــــــــــــــــه ماشاللـــــــــــــــــــــه عيني
عليك بااااااااااااااااااارده .............
عندك أسلوب ماشالله عجيـــــــــــــــــــــــــــــــــــــــب
صـــــــــــج أنك متعدد المواهـــــــــــب أخـــــــــوي
ماشاللـــــــــــــه عليـــك من اليــــــــوم الين السنــــــه اليايـــــــــــــه
قولوا ماشالله لاتصكونـــه بعيــــــــــــــــــن

[ayami]

لااااااااا لاااااااااا انا ما اروم ....

احم احم شكــــرا ...لا والله استحيت ...في البدايه قلت يالله خل اقوي قلبي ...

واتقبل ...كلااامج ونقدج عقب استااانست واللـــه ...

استااانست والله ...ربي يحفظج ...

[the hero]

محجووووووووووووز

[ayami]

حقك المكاااااااااان اخووويا ^^

اتريااا ردك ترا ^^"

[cool-girl]

له له ما شاء الله عليك اونك تعرف تكتب بعد؟؟<<<خخخ اتمصخر

يالله ننتظر يديك الروعة

[Qatari_Vip]

بصراحه القصه واجد طويله تعبت الين قريتها كلها :hmmm3:

القصه حلوه وفيها كلمات وتعليقات تضحك:smug2:

خــاطري اعرف سالفة نووره احس فيها شي غاامض ..:oo7dt:

مشكور اخوي:cool3: