مساء الخير على احلى اعضاء..

عندي لكم موضوع واتمنى اني اشوف آرائكم..

بما اني واحد من الشباب المغرومين بالسباقات والسيارات والدراجات الناريه والسواقه بالسرعه الجنونيه..

اول امس كنت في العديد انا ويا الربع نتسابق بالدراجات والا يجينا ذاك الشرطي المعصب شمتن مكشر
وقال:
ايش هالجنون ناويين تقضون على ارواحكم الحين لو واحد فيكم مات ايش موقف اهاليكم ..
وين لياسنكم طلعوها..
عاد انا ما عندي ليسن ناسيه في البيت بس عندي بطاقه شخصيه قلتله انا ناسي الليسن في البيت كذبت عليه وعطيته بطاقتي الشخصيه هو شاف اسمي عرف ابوي وقال لي انت ولد(.........) يا مرحبا
قالي تبيني اعلم ابوك عشان يضربك قلتله عاد اسمحلي وآخر مره
وسامحني..

واستانسوا الربع لان الشرطي سامحهم وقالوا لي والله واسطتك قويه..

الحين ليش الشباب ما يحق لهم يمارسون هواياتهم بحريه؟

ليش احنا ممنوعين من كل شي ولازم ما نسوي الاشياء اللي نحبها ؟
ليش الاهل ما يعطونا الحريه والثقه؟
ليش دايما نتعاقب وننحرم مع ان احنا نسوي الاشياء بقناعتنا؟

وشكرا:smug2:

اممممم احس هالموضوع للشباب بس برد ....

الحين ليش الشباب ما يحق لهم يمارسون هواياتهم بحريه؟
لأن هوايات الشباب خطره يعني التفحيط ، لا سمح الله يمكن هالهوايه ،
تذبحهم .....
ليش احنا ممنوعين من كل شي ولازم ما نسوي الاشياء اللي نحبها ؟
صح شي تحبونه بس غلط تبون تذبحوون اعماركم !!
ليش الاهل ما يعطونا الحريه والثقه؟
مممم أظن الثقه موجوده بس الحريه تكون فالأشيا الصح هب الغلط ...
ليش دايما نتعاقب وننحرم مع ان احنا نسوي الاشياء بقناعتنا؟
ما أدري ..

هلا اخوي

انتوا صح تبون تسوون اللي تبونه اي تبون حريتكم

بس في مرة فكرتوا لا سمح الله لو صار لكم شي شو بيصير للي يهتمون لامركم

في مرة فكرت امك شو بيصير فيها ؟؟

يمكن عشان الاهل ما يبون يعيشون تلك اللحظات عشان جي ما يعطونكم حريتكم زيادة عن اللزوم

والسموحة

الحين ليش الشباب ما يحق لهم يمارسون هواياتهم بحريه؟

ليش احنا ممنوعين من كل شي ولازم ما نسوي الاشياء اللي نحبها ؟
ليش الاهل ما يعطونا الحريه والثقه؟
ليش دايما نتعاقب وننحرم مع ان احنا نسوي الاشياء بقناعتنا؟

محد منعكم

بس الى تسوووونه غلط

تفحيط >>> محد يقبله

راح تضرون انفسكم .. واهاليكم

خلال لحظة .. ممكن يضيع كل شئ .. يمكن يجيه شلل الشخص .. يمكن يفقد حياته

وبعدها ما راح ينفع الندم

السلام عليكم ورحمة الله وبركاته
مسا النور أخوي
لو أنا من الشرطي والله لبهدلكم وأخليكم عبره لمن لم يعتبر عشان ماتعيدونها مره ثانيه
حتى لو كان أبو واحد منكم مسؤول علي في الشغل
لأن إلي تسونه غلط
أحين صدق تبون الحريه في هالشي
معقووووله
اوكي هذي هوايه وشي حلو وتحبونه أنا معاكم في هالنقطه
لكن مب بجنون..الواحد يسيطر على عمره
اتقولون انتو كبار وقد المسؤولية ونحن متحملين مسؤولية عمارنا ونتايج إلي نسويه
باجر لو واحد منكم (بعيد الشر عنكم..ولا سمح الله)استوت له عااهه..انشل أو مات بتنسونه هالكلام
أغلب أصحاب هذي الهوايه تابوا لأنهم شافو أشخاص من أهلهم أ أصدقائهم جدامهم يموتون بسبت هذا التفحيط
في سالفه مستويه عندنا..واحد يالس يفحط في حوش بيته وبالغلط دعم أخوه الصغير وتوفى
شو استفاد عاد يوم ذبح أخوه وعذب اهله
ولا تنسون انه وراكم امهات..أباء..خوات وأخوان
ليش تعذبونهن بهذي الهوايه التافه إلي توديكم لتهلكه

وفي النهايه شكراً للموضوع أخوي
واعذرني على عدم إجابتي للأسئله
لانه الموضوع يتكلم عن هوايه وحده والأسئلة عن هوايات الشباب بشكل عام
وفي وااايد من هوايات الشباب مفيده وحلوه ومب مضره بحياتهم

ليش احنا ممنوعين من كل شي ولازم ما نسوي الاشياء اللي نحبها ؟

هل انت فعلاً ممنوع من كل شي تحبه؟؟! اهو شي واحد وخليته كل شي!!
راجع عمرك أخوي وجاوب نفسك هالسؤال

والسموحه لأني انفعلت اشوي بالكلام

صح صح ...ليش ليش ليش ...!!!


امممممممممممم اخويا بقووولك انا اخويا العود كان وايد يحب هااي السواالف يعني ها الهوايات ...التفحيط ..والتسابق وجي ...

تعرف استوى له حادث ويا سبحان الله هو ما تعور ..

اخوي الثاني للي اصغر منه تعوور اصاابات بااالغه ...


تعرف حس هاييج اللحظه انه تهوره هو ما أذاه ...أذى غيره ...

وتعلم من غلطته ...


أنا بكل صراحه

اجوف في أماكن مخصصه حق هذه السوااالف ممكن انه الواحد يمااارس هذه الهوايات هناكي ...


صحيح إنه كل شي بيد رب العالمين...

بس هم بعد ربي قال بمى معناه إنا ما نسوي الشي اللي بيضرنا ..

وعادي يعتبر انتحار ...لأنك نعرف انك ممكن تموت ...


هو كشخخخه لو كان في ضوابط ...


مو ترووح تخمس في الشااارع العام عقب تصعب ..ليش ما يخلوووني ..


يا أخي هذه أرواح ناس ...


انا اموت ع هذه السبااقاات واحبها ودومن اترااايس ...

بس بعد ...

الواحد لازم ما يسوي هذه السوالف إلا فالأماكن المخصصه لها

انا بعد اسويها في الشااارع العام ..

بس طبعا هذا غلـــط ... وكبير بعد ...


الثقه من الأهل موجوده ...اكيد ....

بس تدري خوووفهم علينا ما يطاوعهم انهم يخلووونا نسوي ها السوالف ...

...

وشيوووخنا بصراحه ما يقصرون عندنا وايد فعاليات تخص الشباااب بس ...

نفس تل مرعب ...

سباقات تيك اوف في الفجيرة ...


مسابقة الميدان ..لليوله ..

يعني اشياء تطلع المواهب ...

:cool3:
السموحه ع التطويل يعني ...؟؟!!؟؟؟

المشاركة الأصلية كتبت بواسطة Qatari_Vip

ayami

مشكور اخوي على الرد

وكلامك صحيح 100%

وما قصرت

:cool21:

يسلمووووووووووووو خيوووووووو ...

وانت والله موضوعك الأكثر عن رااائع ^^