السلام عليكم ورحمـة الله وبركــاته ..

:embarrassed3:بتكلـم عن تجربـة مريــتـ فيهـا ..

.-.الصحــة.-.

.-. الصحـة تاج على رؤوس الأصحـاء فالأنسان لايشعر بقيمة الشيء الا اذا فقدهـ.
.-. الصحة نعمة كبيرة من الله أنعمه على الأنسان
فيجب على الأنسان أن يحمد الله ويشكره على هاذي النعمة وجميع نعمه.

.-.الأهـل .-.
.-.وهناك نعمة أخرى لا تقل أهمية عن نعمة الصحة وهي نعمة محبة الأهـل.
.-. فأحسن إلى أهلك وصلهم وعاملهم معاملة حسنة حتى تجدهم عن الضيق وتستلذ بصحبتهم وعن تجربة ذاتيه عندما أجريت لي عملية الزائدة الدودية أحسست بقيمة الصحة وقيمة الأهـل فعندما كنت مستلقياً على سرير المستشفى لولا لمت الأهل والأحباب حوالي لأحسست بشعور السجين بين قضبان المعتقل فاللهم أدم علينا نعمة الصحة ولاتحرمنا آياها فأحفظ لنا أهلنا وأحبابنا من كل سوء اللهم آميـن.

وهاذي قصتـي ..
في رمضـان قبل العيد بيومين أحسست بألم في بطني وظهري وكنت أستفرغ الله يكرمكـم وفي اليوم الثاني الليل الساعه 11 تقريبـاً رحت للمستشفى مع الوالدة وأختي مستشفى عيادة الدوحة فدخلت المستشفى عند الأستقبال قالت الوالدة للموظفة بسرعه أبي أدخل الولد للطبيب قالت الموظفة مافي الا طبيبة باطنية هندية قالت الوالدة الا هي المهم يدخـل ألحين قالت حاضر حاضر,ودخلوني فشكيت لها وعند الفحص اشتبهت أنه مراره فقالت لازم ألحين أبرتين والأبرة الوحدة 10 دقايق :err2: وقالت لازم اذا حس بالأم بعد هذا اليوم يسوي أشعة ورحت للطوارىء وعطوني الأبرتين.ورحت البيت بعدها وبعد أستفرغت بس مره وحدة
وفي أول يوم العيد وثاني يوم ماحسيت بشي وكنت الحمدلله مرتاح.
وفي ثالث يوم العيد رحت فيلاجيو ويا ربعي وتغدينا هناك وتمشينا وبعد مارجعنا وجا وقت العشا تعشيت وبعدها على طول أستفرغت وألم شديد بالظهر وعلى طول ودتني الوالدة وأختي طوارىء عيادة الدوحة وماكان في الا طبيب عام مايدري وين الله قاطه وكان صومالي وعطاني ابرتين مسكن وتحاليل (بول) الله يعزكم (دم) تعذبت واللهوفي تحليل الدم طلعت النتيجة كريات الدم البيضا ملتهبه ومعنى هذا ان في التهاب بالجسم
فطلبوا مني تصوير (اشعه) ونتيجة التصوير ماكان في شي باين . فقال طبيب الاشعه لازم يجي دكتور الجراحة ليشوف الحاله لان أكيد في التهاب بالجسم . وطلبوه وجا بعدها بربع ساعه فلما قرى الاسم عرفني لأن السنة اللي طافت اختي سوت العملية نفسها والدكتور نفسه:err2: قال (تاني هي أختك عدتك)::hm::ينكت الأخ
فقرر أن انام هاذي الليله عشان المراقبة لين الصبح.
وفي الصباح الساعه 8 وجا الدكتور وفحص لقى ان الدودة الزايدة فقرر العملية في نفس اليوم الساعه 10 الصبح وجا وقت العملية والبنج والعفسه وشفت وقفة اهلي معاي :embarrassed3:احسست أني مقصر.
ودخلوني وجرت العملية وطلعت 11ونص تقريبـاً
ويوم طلعوني كنت أقول(أبغي أمي وينها ) <<سمعوني
واول ويوم ينقلوني للغرفه سألوني من هذا (يقصدون خالي الغالي) قلت ماعرفه قالوا شوف عدل :nerd2:قلت (خالي سعود)
ونقلوني الغرفه
وبدأ الأكشن::hm::
24 ساعه رايح الحمام و24 ساعه الممرضات مغذي رايح مغذي جاي (منى داخله احسان طالعه اليزابيث جايه ميريامه طالعه)::hm::
وكنت كله استفرغ لأن عندي حساسية من البنج
وكان في واحد ولد كبري كان مسوي العملية نفسها وبعد العملية كان يقدر يآكل كنت شوي وبصكه بعين(أحسده)::hm::انا كلت بعد العملية بيومين وعشان كذي صارلي نقص املاح المغنيسيوم :schmoll:
والله ياعضاء تعب ومعنآة المستشفى .وطلعت يوم السبت العصر(20_10_2007)


يا أعضاء..

أشكروا الله على نعمة الصحة وخذوابالكم على صحتكم ,,مابتحسون الا يوم يضيع الشي

"اللهم أتم علينا نعمة الصحة والعافية ولاتحرمنا منها يالله"

الحمد الله على سلامتك و مأجور أن شاء الله

صدقت والله ما نحس بالشيء إلين نفقده

" و الصحه تاج على رأس الإصحاء لا يراه إلا المرضى"

والحمد الله الذي فضلني ربي على كثير من عباده تفضيلا

والله يدوم محبة أهلك و أهلنا يا رب


أراقتوا على النصايح و القصة

الله يسلمك أخوي
تسلم على المرور ..وعساك على القووووة

سلامات بطوط حبيبي وان شاء الله كله باجره

والانسان يوم يكون بنعمه وصحة ينسى شكر الله ( الا من رحم ربي ) واذا صابه المرض افتكر وطبعا اقسم بالله اني ما اقصدك بهذا الكلام بطوط

ودائما الشي المهم نهايته يعني الحمد لله انك الحين بخير وان شاء الله دوم

وبالنسبة لموضوع العائلة فهذا موضوع لاغبار عليه حتى وان وجدت التقصير منهم في بعض الاحيان الا ان وقت الشدة تجدهم بجانبك

اسف على الاطالة

الحمدلله على سلامتك أخوي

وماتشوف شر

صج والله الصحة تاج على رؤوس الأصحاء مايحس فيها إلا المرضى


أجر وعافية أخوي

ومشكووور ع الحلقة الخامسة من detictive school

الحمد لله على السلامة وفعلا نعمة الصحة والاهل نعمة مايحس بقيمتها الا الي فاقدها
الله يديم علينا النعم

حبيبي الغالي بطوط ..
كانت ايام الله لا يعودها مره ثانيه ..
الحمد لله على سلامتك وما تشوف شر
وكل أجر ان شاء الله يا الغالي ..
وكلامك سليم 100 %%
والله يديم علينا نعمة الصحه والله يخليلنا اهلنا ويحفظهم ولا يحرمنا منهم ^___^..
وتسلم على الموضوع القيم ..:surrender:

الله يسلمكم والشر مايجيكـم ان شاءالله
يعطيكم العافية على المرور

مشكورين على المرور ...حياكم الله ..
والله يسلمكم من كل شر

سلامات عزيزي ماتشوف شر

ذكرتني بنفسي ايام الثانوية يوم طحت بالفراش

بس سالفتي مافيها زائدة دودية ...

المهم انك قمت بالسلامة

الله يسلمكم..حياكـم الله
يعطيكم العافيه على المرور

لا بأس عليك طهور ان شاء الله

من جد الواحد ما يحس بقيمة النعمة غير لما يفقدها

حيــاك الله أخـووووي

الف الف خمد الله على السلامه


ومأجور ان شاء الله ..