السلام عليكم..
شخباركم؟؟ شو مسويين؟؟ عساكم بخير..


هذا موضوع للجامعيين فقط..
واذا حبوا طلاب المدارس يشاركونا ما عليه.. ما اقدر اقولكم لا


اليوم وانا رايحة الجامعة.. شفت بنية لابسة المريول الكحلي << اللي هو مريول الاعدادية والثانوية عندنا في الامارات..
وطبعا اختكم في الجامعة..




ساعتها كانت عيني بتدمع.. وتمنيت ارد المدرسة ليوم واحد بس.. يوم واحد بس..

وسألت نفسي: هل انا بس اللي تبي ترد المدرسة؟؟ ولا شي ناس غيري..

قلت بكتب موضوع في المنتدى وبشوف..


هل تتمنى ترجع المدرسة او لأ؟؟ وليش؟؟ << هذي الليش مهمة..


يلا انا ببدأ..

انا الصراحة خاطري ارد المدرسة مو بس ليوم واحد للعمر كله..
والغي شي اسمه جامعة..

اولا:
بالنسبة لي العلم ما يقتصر عالرياضيات والكيمياء و باقي المواد..
في علم الحياة اللي تتعلم منه كيف تواجه المشاكل.. كيف تكون صداقات.. كيف تتعامل مع الناس..
هذي كلها علوم واحسن مكان انا اشوفه عشان تتعلم هذي العلوم.. المدرسة..
لان في المدرسة تكون صداقات.. تتعامل مع شخصيات مختلفة << اللي هم المدرسين..
بعضكم بيقول تقدرين تكونين صداقات في الجامعة..
بس مب نفس المدرسة.. خاصة اذا كانت الجامعة متشددة ورسمية زيادة عن اللزوم نفس جامعتنا..

ثانيا:
اشتقت لحركاتنا في الحصص.. مغامراتنا مع المدرسات.. الاشاعات.. الضرابات..
اما في الجامعة مافي شي من هالقبيل..



ما ادري يمكن جامعتي غير عن باقي الجامعات او الكليات بس هذي نظرتي لجامعتي..
و ما ادري اذا عرفت اعبر عن وجهة نظري ولا لأ.. << البنية غبية..

عالعموم انتظر ردودكم على احر من الجمر..

المشاركة الأصلية كتبت بواسطة Ameeer

صراحة ما أشوف فرق كبير بين الجامعه و المدرسة

بالعكس

الجامعه أهون كثيييييييييييير ,,,,,الدروس منحصرة ومش كثيرة

تسوق سيارة,,,, معدات تعليمية أحسن,,,,

يعني الجامعه غير وهي المفروض تكون أحسن فترة دراسية

الحين لو واحد يشتغل ويكتب هذا الموضوع بتفهم الموقف ,,, بس إنك جامعي وتريد تريد ترجع

للمدرسة ,,,,,لااااااااااااااااااااا ولو دفعتوا مليون ,,,,,,,,,هممم ممكن 10 ملاييين

سلامي ذاك كلامي

عاد انا لو يدفعولي مب 10 ملايين.. كنوز الدنيا كلها ما بداوم.. بالذات في هالجامعة.. واختي shooshoo_san ادرى..

ومشكور اخوي Ameer عالرد الحلو..

المشاركة الأصلية كتبت بواسطة محبة الربيع

:hissyfit3: :hissyfit3: :hissyfit3: :hissyfit3: :hissyfit3: :hissyfit3::hissyfit3: :hissyfit3: :hissyfit3: :hissyfit3: :hissyfit3:

اهاه اهاه المدرسة اهاه على ايام المدرسة الحلوة يوم كنا مع ابلواتنا الي نحبهم ونعزهم وكنا في صف واحد ومع بعض طول اليوم مانتفرق ابدا الى اخر الدوام وبعد وعلى هاي نكلم بعض لما نرد من اليت :cool3: ما نشبع من بعض .....اما في الجامعة فالعكس تماما كلٍ في حاله وماحد له خص في الثاني والاصدقاء ما يتقابلون الا نادرا وبعد على هاي مايتصلون الا للمصلحة :hmmm3: وبعد في الجامعة يحس الواحد انه ضايع لانه مجتمع كبير وغير عن المدرسة اما المدرسة فهي مجتمع صغير وملموم وسهل التعرف فيه على الاصدقاء عكس الجامعة التي يصعب فيها امكانية التعرف على الاصدقاء ull8ay:

ومشكورة اختي kazomi ، على الموضوع الحلو والي بصراحة ذكرني بايام المدرسة الحلوة خاصةالثانوية :yes2:

اختك محبة الربيع

تصدقين اني ما شفت غير يمكن 3 بنات من اللي كانوا معاي في نفس المدرسة..
يعني من المدرسة كاملة بس 3 بنات راحو هالجامعة..
كل اللي في الجامعة ويوه يديدة اول مرة اشوفها..

عالعموم مشكورة اختي محبة الربيع عالرد الحلو..

المشاركة الأصلية كتبت بواسطة queen_moon

بصراحه انا ودي ارجع المدرسة بس ما يكونن هناك معلمات ابدن لاني والله من يوم دخلت المدرسة يوميا اصاب بالعين من قبل المعلمات ومرة تنزل درجاتي ومرة ترتفع ويوم ظهرت من المدرسة الحمد الله ارتحت بس اذا برجع الى المدرسة لازم ما يكونن هناك معلمات بس زميلاتي وبالفعل اتمنى ارجع المدرسة بس عشان زميلاتي فقط لا غير


وبالنسبة لحياة الجامعة رائعة جدا وممتازة واحس اني صرت كبيرة وعاقلة هههههههههههه وكلهم يعتمدون علي في كل شي ومستواي الدراسي صار احسن بوايد من ايام المدرسة

يعني المدرسة في نهاية اكرههاااااااااااااااااااااااااااااااا كره بس احبها لاني اجلس مع زميلاتي


وتشكرات اختي على هذا الموضوع


اختك كوين مون

يوميا اصاب بالعين من قبل المعلمات ومرة تنزل درجاتي ومرة ترتفع

بسم الله ليش؟؟
اذا كانو هذيلا مدرساتكم انا اول وحدة بقولج لاتردين.. ياروح ما بعدك روح..

اما الدرجات في جامعتنا يلعبون فيها لعب..
احنا جامعتنا شهرة عالفاضي..

ومشكورة اختي queen_moon عالرد الحلو..

ونتريا آخر يومياتج..

المشاركة الأصلية كتبت بواسطة هالة

السلام عليكم

بصراحة أنا لا أميل كثيرا إلى أيام المدرسة:hmmm3: بالرغم أنني عشت فيها لحظات رائعة لن تعاد أبدا.........................لكن ما كان يضايقتي في تلك الأيام هو الإنضباط الذي فاق حدوده:angry3: ..........وكنت أحس أني في سجن حقيقي ....حتى في أوقات الإستراحة...........وأكثر ما كان يضايقني عندما أصل متأخرة لا أستطيع الدخول حتى تنقضي الساعة الأولى.وعلي الإتيان بورقة الدخول ممضية من عند السيدة المديرة..........:growl5cj:
أما في الجامعة:cool3: فأنا أشعر فيها كأني طائر أطير بجناحيه ....................فكل شيء مسموح فيها تقريبا..........أدخل فيها وقت ما أشاء وأخرج منها وقت ما أشاء..........وقد تعرفت فيها على أصدقاء جاءو من كل أرجاء البلاد...................و تعلمت فيها أشياء كثيرة .فالأستاذ يعطيك معلومات جديدة ليست ضمن البرنامج تساعدك في البحث أكثر... عكس المدرسة التي كان يتبع فيها المعلم ما سطرته له الإدارة كبرنامج...ثم نأتي نحن لنحفظ هذه الدروس دون أن نظيف لها أي حرف:hissyfit3: .
لكن لا ننسى أن للجامعة عيوب:err2: ..........لن أسردها لكي لا أطيل الكلام فقد أطلته بما فيه الكفاية:p .

وشكرا لكِ أختي kazomi ،على طرح الموضوع فهو مشوق جدا:yes2:

تحياتي....:laugh2: ....هالة

انا معاج ان الجامعة من ناحية الدراسة تختلف عن المدرسة..


يمكن انتو غير عنا احنا في الدخول لازم تحطين ال ID card الخاصة فيج في جهازهم المتخلف.. اللي كل يوم والثاني تحصلينه خربان.. ونفس الشي يوم بتطلعين..

وما تطلعين لين ما يخلص الجدول مالج.. << تخيلي شي جدول بعد.. نفسه نفس المدرسة..هذي جامعة!!


عالعموم مشكورة اختي هالة عالرد الحلو..

المشاركة الأصلية كتبت بواسطة shooshoo_san

وعليكم السلام ورحمة الله وبركاته...

بالنسبه لسؤالج ... انا احيانا اتمنى ان ارجع لتلك الايام الرائعه لعب وشردات ع كيفنا

و المسات يتكلمون عربي مثلنا والاهم من هالشيء انهم كلهم حريم (أناث)...

خصيصا ابا ارجع لها لما يكون علينا ضغط بالامتحانات وانا لما اروح الجامعه والله احس اني بامريكا

من شدة ظلم المدرسين اللي فيها وهم متحكمين بالجامعه يعني لو بس جرحتي مدرس او مدرسه بموقف او كلمه فخلاص اعتبري نفسج ضعتي ورسبتي بالماده

والاداره اللي عدنا ما يراعون البنات ولو اشتكو يوقفون مع الاساتذه لذلك لما اجوف هالفرق الكبير بين المدرسه والجامعه ابا ارد ايام اول ايام المدارس

بس بعد مرات ماابا ارجع للمدراس لكثره امتحاناتهم ... و خصيصا بعد ما ظهر القانون اليديد بالامارات

صار النجاح امر صعب لبنات الثانويه ...الله يكون بعونهم ان شاء الله =__=...

والحين اعرف واايد بنات بالثانويه ودووم يشتكون لي عن اللي يصير فيهم من ظلم

فمرات احس انه الجامعه اهون ... بس مممم احسن حل واحسن جوااااااااااب

ابا اشتغل وخلاااااص =________= ... لا جامعه ولا مدرسه :p :p :p

مشكوووووره اختي كازومي ع الموضوع الحلو.. يبالنا نسوي مواضيع عن الجامعه مثل جيه

ع الاقل نحط حرتنا في الكلااام ونتشاااارك بهمومنا

هلا والله باختي في المعاناة..
انت اللي حاسة فيني.. شوفي هذي الجامعة لازم انحطمها << الحالة وصلت ذروتها..

انا بديت وانت كملي الطريق.. اوكي..

الموضوع الياي عليج..

مشكورة اختي shooshoo_san واتريا الموضوع.. << .. i'm just joking
هذي الجملة اللي كل يوم اسمعها من استاذنا.. << عالفاضي والمليان يقولها..

المشاركة الأصلية كتبت بواسطة Sai

السلام عليكم ورحمة الله وبركاته

برأيي لكل مرحلة نكهتها الخاصة .. فللدراسة الجامعية - التي أعاصرها حاليًا - حلاوتها التي ليس لها مثيل ..

وللمدرسة عبيرها الخاص ..

ولأني في حنين دائم لممرات المدرسة وذكرياتها .. أختار أن أعود إليها مرة أخرى .. بعد التخرج ..

قد لا أعود لطلب العلم .. بل كمعلمة ..

دمتم بعافية
Sai

مشكورة اختي Sai عالرد الحلو..

التدريس شغلة مب هينة ومتعبة.. بس انت قدها..
الله يوفقج..

المشاركة الأصلية كتبت بواسطة The Heart

وعليكم السلام ورحمته وبركاته

بصراح موضوع يقلب المواجع ><"

يعني كانت ايااام المدرسه رااائعه ماانساها خصيصا المرحله الثانويه والمتوسطه يعني احس فيها بساطه متعه في الدراسه تعيش كانك مع اهلك اصدقاء حولك والمدرسين وايضا مكان محدود ومشاركاتك ودرجاتك تجيك على حسب جهدك

اما الجامعه عدد لايحصى من الطلاب ومكان كبيرررر مليان خلق ومهما اجتهدت ماراح يعطونك الدرجه اللي تستحقها لازم يكون في تلاعب لاحول ولا قوه الا بالله

واتمنى فقط ان ادخل المدرسه واتجول فيها فقط مو لازم ادرس >>ليش يعني ناوي تدرس بعد

وفي الحقيقه لااريد هذه ولا هذه >>اريح لك بعد ^^

شكرا لك اختي على الموضوع الحلووو يعطيك العافيه ...

انا من ناحيتي.. ابي ارد ادرس بس عشان اعيش اللحظة..

خاطري ارد لحصة الاحياء اللي ما نفهم فيها شي.. ولا الرياضيات اللي ولا وحدة تقدر تتنفس فيها..
ولا حصة العربي وما ادراك ما العربي؟؟ حصة العربي هي حصة المللللللللللل بالاجماع..

ونص الحصص تضيع ضرابة على المكيف ناس يقولون برد وناس يقولون حر..
وانا والله لو كنت متجمدة اسكت بس عشان ما تصير ضرابة او مشكلة..

وصفنا كان منقسم شلتين: شلة الشطار وشلة المتوسطين.. << اللي مستواهم متوسط.. اما الكسالى يحليلهم ما كانو يتكلمون..
وطبعا المعلمة توقف مع الشطار.. << تمييز عنصري..
حتى هالتمييز حنيتله.. الله يرحم ايام زمان..

عالعموم مشكور اخوي The Heart عالرد الحلو..

بصراحة الموضوع رائع جدا فجزاكِ الله خيــــرا

ولي عودة بإذن الله

انا مشتااااااااااااق ارجع لتلك الايام الجميلة

كل مرحلة بحد ذاتها تتميز بطابع خاص وطعم مستقل ورونق جميل

الابتدائية : برائة الاطفال وروح اللعب والنشاط الزائد والمواقف الطريفة المضحكة.

المتوسطة : بداية الرجولة "على كلام مدرسينا علشان نعقل" وبداية تفتح المواهب والقدرات الفذة بداية التعرف على العالم الخارجي وهموم الحياة الكئيبة.

الثانوية : التنافس الشريف في كل الميادين وتأسيس الصداقة المتينة والتي غالبا تستمر الى سنوات مديدة وبداية التطلع للعالم والاختلاط به والقتال فيه وشق الطريق الخاص بي.


لقد هاج القلب بهذه الذكريات الجميلة

شكرا من الاعماق على هذا الموضوع